reginching的個人專頁

已經幫襯好幾年，之前新開時質素唔錯，但擴充之後由食材質素到服務態度都差左好多。以蝦餃為例以前用料係新鮮蝦大大雙，咬落係彈牙嘅，宜家d蝦咬落好明顯唔新鮮，係就嚟變壞嘅味。而腐皮卷嘅腐皮係煎完都唔脆嘅。至於服務方面，試過兩次等左好耐都無上菜，叫職員幫手跟下，佢就話點心要蒸叫你等下，去check下都唔肯，等多陣再問佢先肯去睇下，跟住竟然答我無入單，連我填張點心紙都無埋，簡直浪費時間。…查看更多

一行6人星期五去食放題。有魚生刺身可以選擇，叫左一大盤刺身，質素都唔錯，三文魚切得幾厚唔孤寒，帶子夠大粒新鮮，甜蝦都大隻，之後仲送左一盤活魚刺身比我地。熟食方面以炸物選擇居多，天婦羅，炸雞翼，炸蠔都係啱啱炸好上枱。食到一半有職員敲鐘話有乳豬食，每人限拎一碟要排隊攞，係隔離德興師傅即切嘅，一碟有一塊乳豬切開4件，好細件一啖食完。最抵食個雪糕，有Movenpick任食，但只係得兩種味揀。整體黎講成個放題都係值得推薦的。…查看更多

行過諗住食個下午茶，見到餐廳入面唔算多人唔洗排隊唔洗搭枱就入去食個河粉。食物嘅質素可以，叫了一個香茅豬排湯河。豬排啱啱炸起仲好熱，係油比較多，味道都ok。食到一半，有個女職員將張單掉落枱面點知掉唔中掉左落地，唔知佢係睇唔到定唔想執，掉左落地就走左，仲衰過比錢乞衣，我都由得張單喺地上。一陣之後有個男職員見到地上有張單執起睇睇，然後大力揼落我枱面…當堂比佢嚇一嚇。之前黎食過幾次都無咁差態度，宜家係越做越差真係忍唔住點都要寫個差評比佢…查看更多

朋友介紹的日式放題，特登要揀星期二去，因為餐廳會即場劏一條藍鯨吞拿。比時間你影完相之後，師父就即刻開始劏魚，一人限攞兩件。厚厚的兩塊魚生，色澤紅潤，油份足，但本身唔好吞拿，食左塊就算。其他刺身都Ok,唔算好好食，但勝在份量足唔孤寒。冷盤有小鮑魚，食落爽口，值得推薦。熟食方面試左羊架，騷味比較重。蒸扇貝就唔夠熱，胡椒炒蟹一小碟就有隻大蟹鉗，好驚喜。甜品有很多選擇，布甸最好食，咖啡雪糕都唔錯，咖啡味得濃，最後仲一人有一杯movenpick或haagen dazs，好滿足了。服務都很好，上菜好快，侍應見隻碟有骨都即時幫你換，食物選擇很多，去一次都試唔哂咁多款，算物有所值。…查看更多

由5:30開始食，3個人食足兩個鐘。食材新鮮而且份量足，叫左個醉雞湯底，打開蓋有好香的藥材味好多料，先試左碟雞，雞肉好滑。花膠必食，夠大件，煮完都仲彈牙。加少少錢食埋刺身，都夠新鮮，啤酒汽水任飲，埋單$197/位呢個價錢唔錯了…查看更多