日悅極尚日式放題 (已結業)

一行6人星期五去食放題。有魚生刺身可以選擇，叫左一大盤刺身，質素都唔錯，三文魚切得幾厚唔孤寒，帶子夠大粒新鮮，甜蝦都大隻，之後仲送左一盤活魚刺身比我地。熟食方面以炸物選擇居多，天婦羅，炸雞翼，炸蠔都係啱啱炸好上枱。食到一半有職員敲鐘話有乳豬食，每人限拎一碟要排隊攞，係隔離德興師傅即切嘅，一碟有一塊乳豬切開4件，好細件一啖食完。最抵食個雪糕，有Movenpick任食，但只係得兩種味揀。整體黎講成個放題都係值得推薦的。