金大貓 的個人專頁

位於元朗食街又新街的burger新貴，裝飾充滿阿美利堅風格！Hey yo，黎得早唔洗等位。檸檬伯爵茶 (+$28轉套附送）粗薯條 (+$28轉套附送）即炸，新鮮到岀哂煙。脆！達拉斯烤菇牛堡 $88砌到好高㗎burger，一啖係咬唔到㗎，我決定逐層食😂個包揸左牛油，烘到又香又脆。大啡菇好厚肉，亦夠多汁，大滿足。輪到塊漢堡，個人覺得裏面有點生，如果可以再煎多一點就好了。不過，咁厚㗎肉扒，烹煮的確有難度。一路食一路切，啲肉汁(定血水?)流哂岀黎，浸到下層㗎蔬菜同包都濕哂。感覺不是太好。漢堡飽雖然未至於十分滿意，但來感受一下美式小店，與友人有傾有講咁都是不錯的消遣節目。…查看更多

聞說元朗開左間懷舊茶樓，一向時髦㗎我都即刻衝去懷舊下。哇，好似去左電影場景咁呀，連啲細節位都造到好逼真。不得不講句，誠意啊！可重用落單紙，抵讚夠環保。睇番價位，一啲都唔貴！蟲草花花菇燉雞 $36見到有燉湯，第一時間嗌個黎補下身。湯頗咸，花菇大大隻夠肉地。咖哩蒸魷魚 $22微辣，正！老馮鮮蝦餃 $28餃型靚，有功架！睇得又食得！蟹子燒賣皇 $28大件夾抵食之作。豉汁蒸排骨 $20 老馮鮮蝦腸 $25食飽飽，兩個人埋單都係百幾蚊，絶對係超值。BTW，呢餐飯真係吃得好有feel❤️…查看更多

新正頭第一日返工，同幾個關係極度友好㗎同事計劃左去蓮香樓飲茶。十一點半岀發，去到已人頭湧湧，見等位無望又唔係好受得著侍應阿伯的無禮招乎。於是輾轉黎到<麵鮮醬油房 周月>，呢間店原來好有來頭，係米芝蓮餐廳，沾麵享負盛名。但我都係叫左拉麵，哈哈！周月拉麵 $82湯底可選擇濃或淡，我揀左正常。醬油湯底味道偏濃，面頭有一層油花。食慣淡口味的我覺得太heavy。豚肉有三塊，充滿炭烤香味，即場製作真材實料。流心蛋亦是可口，糖心的呀。其實最愛還是那些蔥花，真係比得好慷慨。最後不幸㗎事情竟然發生左係我身上。明明我同事果碗先係走荀，但走錯左我果碗，吃不到荀的貓是不爽的！…查看更多

過完年，第一日扮工，準時收工但唔想健康自煮，一於岀街揾食。菜式選擇有點少啊！幸好有我的最愛！附送的日式清湯和凍檸茶。魷魚墨魚汁意大利麵 $98意麵炒得非常香，全因加了蒜和辣辣落去炒。而且炒的火喉掌握得好，麵身熟透沒有過淋，是我喜歡的硬身麵條。唯一挑剔就是配料，只有幾條瘦瘦的魷魚圈，會否食水太深？WELL，租貴呀嘛，明㗎~…查看更多

隨便撞了入去<點心瑪莉>，打著新派點心的名號，心想總不會伏到那裡去。點知...脆香雞翼 $26一上枱，已經覺得有點兒那個，$26只得4枝單骨雞翼。一咬，無錯係炸得好脆口。但肉呢？好似食極都只係食到層充滿炸漿㗎外皮。究竟點樣做到呢個效果，係隻雞太瘦定啲肉已經俾老鼠噡左？真係麥記雞翼都好佢多多聲😑晶瑩鮮蝦餃 $30可能焗得太耐，個點心籠都出哂水。賣相頗衰！外皮未夾已散開哂，完全變成一團淋滋滋又溼笠笠的粉皮。幸好餡料是對板的，蝦肉夠彈牙。上湯小籠包 $28 賣相雖然麻麻，但勝在爆多湯汁，用錫紙兜兜著果然係個好方法。豉汁蒸鳳爪 $22金銀蒜蒸排骨 $22蒜味夠重，排骨入味，一咬就骨肉分離。底下有南瓜蓉，幾好！…查看更多

逢週末打開電視，十之八九都係旅遊飲食節目，非常鼓吹消費。不幸地唔覺意睇左一陣，入面介紹正宗的毛血旺。好啦，𣊬間被燒到，第二晚就走左去食！干鍋肥腸 $86好香好香，炒得好有鑊氣。配料有大量洋蔥和尖青椒，可惜我全部都唔食㗎。呢個豬大腸同平日食開㗎大腸完全唔同，一啲都無油脂，口感結實有嚼口，似係食緊一件肉多過內臟，好有新鮮感。毛血旺 $138半張枱大㗎鐵盤真係好鬼覇氣！入面材料亦無揸流攤，頗為豐富。有豬紅、豬肚、豬腸、黑白牛柏葉、鱔片、木耳、豆芽。豬紅開頭是淡口的，後來浸多陣，入味好多。其他配料都是以爽脆為主。本喵從未食過毛血旺，亦唔係好食得辣。幸好餐廳菜色可以俾食客揀幾多辣，而以上兩味我都好廢柴咁叫左微辣。雖然都係要狂飲可樂，不過都叫還左我呢個突然想食川菜㗎心願~但由於太重口味，短期內都唔會再光顧😂…查看更多

在海港城行到攰，想揾個地方坐下，便想起灰狗，一於食個下午茶。Pick you up $58西柚+菠蘿+香蕉 smoothie。西柚的苦澀味太重，菠蘿味比較淡，卻有濃濃的香蕉香味。個人覺得這個配搭不太協調啊！冬陰公湯河 $108本來想叫鮮蝦帶子墨魚汁麵，可惜是日係無㗎！湯頭酸辣各半，程度是屬於易入口的，很開胃。配料有大蝦一隻，草菇幾粒。大蝦有碗的直徑長，蝦頭多黃膏，很香。肉質ok，厚身，不會霉。河粉是一片片的，更能索湯！整個湯河味道頗佳，唯配料及河粉有點少，貫徹灰狗作風😂…查看更多

友人常提起這間<校長燒肉日韓料理>說十分抵食，今天便來試試。預訂了七點三那輪，可以吃兩個小時。七點門口已排了長長的隊，看來挺受區內食客追捧。先來點即食的。刺身質素不錯，encore了好幾轉。餃子十分脆口，但看似翻炸了多次。肉類急不及待下鑊。可沾上燒汁來烤，及後發現有蜜糖供應。五花肉有些韌，咬不開。拎了海鮮，有兩款蝦。燒到第二round個爐面已燶哂，好彩有得免費換爐板。長身的蝦其實燒未熟。燒到咁先叫熟，明顯是不新鮮的急凍貨色，蝦肉癡殻，又梅，too bad。再來bbq必備香腸。日本小蕃薯，大愛。最後拎多轉比較好吃的食材。香草龍脷醃過，味道很好，肉嫩。雞腎爽脆，無腥味。甜品作結，紫薯西米露，紫薯粒硬都索索聲😭總的來說，只是高質一點點但價錢倍升的漢陽苑罷了。…查看更多

這幾日天氣忽冷，又心思思想去BBQ。但BBQ雖要集齊一爐朋友先夠happy。人大了，上班後，這種臨時起義當然無人show你。唯有去著韓燒頂下癮~一坐低就送上滿桌的前菜配料。除左常見的泡菜、豆芽、醃蘿蔔外，還送來一盤沙律。食肉前食啲菜打打底，自我感覺良好。另外，提供一壼檸檬水，雖然也不錯，但心想如果是凍麥茶更正！特級牛肉眼 $198牛味重，油花亦多，燒岀來沒有想像中厚身。炑八薄切五花腩 $98爐邊真多用途，除了可烤蛋，又另外有個網讓食客放已烤熟的肉類，一來避免燒焦，二來可以隔隔油，三來更可保温，巧貼心。這是我韓燒最愛的一味，易燒易熟又可口，食落並沒有剛才牛扒的膩。豬腩肉果然是全豬最正的部分，不愧一直為亞洲人所愛。牛肋骨煲 $88牛肋骨有好幾舊，份量很足。牛肉不但鬆化，有肥有瘦，亦炆得恰如其分，味道不會太濃烈，還有些些來自紅蘿蔔的甜味。配上紫菜飯同吃，大滿足！石頭鍋飯(牛肉) $118由於眼闊肚太窄，這個鍋飯便原封不動咁打包左返屋企:)第一次光臨<炑八韓燒>，各方面都頗佳，難怪是晚食客不斷，分店亦愈開愈多。…查看更多

新一年，有個好開始。好耐冇去過荃灣，就去行下，順便歎個早餐，雖然已是十一點幾。來到<荳子>，果然係名店，已有人在排隊。是日十分好彩，等左大概十五分鐘便可入坐，仲要係窗邊位。陽光透過落地玻璃照進來，感覺人生多美好。鮮奶拿鐵 $36 跟餐點原價減$8自己不太飲咖啡，但見到基本上每枱也叫，就趁下熱鬧。焦糖香蕉熱烘鬆餅全日早餐 $72焦糖配香蕉真是岀奇地夾， 頓時情調大增。另一個驚喜位是鬆餅，內裡非常軟身，食落有點像麥當當的熱香餅，但口感更加更加Q彈！沾上忌廉同吃，極之陶醉～ 如是者過了一個愝意的中午。…查看更多

補祝友人生日飯，地點在元朗，揀左間口碑幾好㗎燒肉店<熨烤達人>。入到去又真係幾過癮！前菜可refill，有薯仔條、茄子、白蘿蔔。而芝士粒同玉米粒係一陣加落蛋漿度一齊燒㗎。厚切五花肉 $158 好大塊又厚身！熨斗出場，真係快熟啲？燒左都一段時間先熟哂。但又真係值得等待，口感結實，肥瘦間隔，只係唔太識掌握火候，有啲燶。調味五花肉 $95調味豬頸肉 $75味道ok石春生牛肉 $88 諗著想叫個飯飽肚啲就叫左呢個，睇meun以為係韓國的牛肉拌飯。點知黎到係無飯㗎！於是另外叫左個飯自己撈。呢個菜式係有隻生蛋撈埋生牛肉同彩椒，再用個鍋㗎熱力煮熟佢，並隨心加上辣醬。個人就覺得麻麻地，比較接受唔到半生牛肉。不過友人就認為啲牛肉好滑。果然真係一樣米養百樣人啦~Btw，店員殷勤，服務很好。…查看更多

呢間全開放式餐廳，次次黎都排長龍。今日行過有位，梗係要入去食個晚餐啦～有感最近長左好多肥肥肉，唯有食沙律餐。是日餐湯，龍蝦湯。湯有小龍蝦三隻，不過個味太人工，所以飲左幾啖湯就放棄左。凍桃茶。有點甜，茶味也不知跑哪裡去。法國雞肉沙律•24個月巴馬臣芝士•温泉蛋•沙律菜 $98超大一盤，面頭佈滿芝士，雞肉又多，羅馬生菜更多！只係隻温泉蛋比較迷你，唔係好夠撈沙律囉~但整體都是收貨的。…查看更多

忙裡偷半日假黎<定食doraya>食個丼飯，由於係平日，店內坐滿上班族。午市有自助沙律吧，食啲蔬菜打下底，減低罪惡感。同時頂下肚餓~香蔥伴藍鯨呑拿魚腩蓉丼定食 $138喜歡這家的茶碗蒸，蛋滑，沒有蒸出氣孔，有冬菇和蟹柳。這個呑拿魚蓉打得很細，一啲都沒有筋，口感幼滑，混入碎葱，很香。而且魚蓉是粉紅色的，只看不吃也知道很新鮮！👍🏻個人頗喜歡日本的定食，每個餐都令人有種豐衣足食的感覺。…查看更多

<Stormies>現在逢星期一至四晚市主菜買一送一，便來嚐嚐。在它新開張時來過，覺得環境很chill，食物也中上，如今有優惠更不能錯過。噢，原來已進化到有set dinner～價錢吸引！凍檸茶的糖漿是分開上的，但我一個不小心倒錯了友人凍奶茶的奶漿😢但有個女待應見狀，主動換過杯凍檸茶俾我，實在好感動好貼心❤️煙三文魚香橙沙律。作為一個前菜㗎沙律，真係少見咁高評價。首先材料多，三文魚有兩塊卷成花型，拉開每塊都好長。其次加埋新鮮橙呢個配搭又幾fresh。香煎鱸魚伴椰菜花煙肉薯蓉配加泰羅尼亞醬。條魚煎到恰到好處，皮脆，肉有汁而不爛，似食緊蒸魚。伴碟的是小弟最愛法國邊豆，爽脆鮮嫩！魚份量甚多，食畢已飽。是日甜品係麵包布甸。整頓飯以此質素作為聖誕大餐也很岀色，說是價廉物美也不為過。…查看更多

三點先開餐，見到餐廳就衝入去！選擇無茶記多，但座位舒適好多。特餐: 瑞士汁雞槌湯意粉拼炒蛋,牛角包跟熱奶茶 $68豬骨湯底，兩隻雞槌，簡單平凡的美味！可能太餓了😂蛋同包可自由選擇。蛋有炒蛋、煎蛋和烚蛋。包有牛角包、菠蘿包和多士。個人覺得十分之滿意，因為有得揀先到係老闆～感覺良好㗎一餐下午餐，環境同食物都very nice~…查看更多