許許的個人專頁

母親節同左阿媽去食佢最鍾意食嘅中菜，因為我哋都係住喺新界區，所以就揀咗呢間比較人細嘅，環境幽雅舒服，又唔會話太多人流嘅中菜廳度食晚飯🥰脆皮燒腩仔平時出邊嘅燒腩仔都係會比較細size，而且肥肉會多啲，但係呢間中菜廳嘅脆皮燒腩仔唔止皮脆，每一舊肉嘅肥瘦都啱啱好，入口軟林林，亦都唔會燒到好乾身芝士焗澳洲龍蝦伊麵阿媽最鍾意食嘅龍蝦伊麵就梗係走唔甩啦😊以為同出邊一般茶樓食嘅龍蝦伊麵一樣，但係估佢唔到竟然係錫紙直接上枱，即係話直接焗好之後就即刻上枱，唔會過碟，所以上到枱嘅時候都仲係熱辣辣，保溫亦都好好，令到唔使食得太快嘅時候，龍蝦肉同麵條都係溫暖嘅花菇紅燒豆腐呢個菜式嘅豆腐真係可以做到主角，因為份量都多過配菜，以前記得食開呢個菜嘅時候，配菜仲多過豆腐，而且呢間中菜廳嘅呢一款豆腐又真係好好味，好嫩滑馳名燒汁牛肋骨勁欣賞佢呢個牛肋肉質唔會太難咬，入口都好易咬爛，屬於比較林身嘅肉質，勁啱老人家食，味道亦都相當不錯，每一舊牛肋肉都掛滿燒汁生果拼盤最後店員為我哋送上生果拼盤，有西瓜同哈密瓜，食得出好新鮮之餘，而且都好多汁又夠甜，誠意推介呢間中菜廳…查看更多

偶爾黎左一間新開嘅居酒屋🏮日式嘅風格好好feel，好有置身於日本嘅感覺🤩坐低咗之後，第一時間當然係打開Menu睇吓揀乜食啦， Menu上面嘅菜式都有好多款俾你揀，有炸物，鍋物，刺身，串燒，飯類，面類等等。。。。。。☺️睇睇下Menu嘅時候，店員想做呢啲小拼盤，因為今日係開張日，所以呢碟小拼盤係餐廳送嘅😍😍😍所以Menu上面係冇㗎，每款炸物都有少少，可以品嚐下唔同款式👍🏻⭐️芝士年糕咬開一半之後，裏面仲係熱辣辣，成舊年糕好軟林林，裏面嘅芝士有少少拉絲嘅感覺，芝士味亦都好濃郁☺️⭐️炸魷魚圈非常之甘香魷魚味，外皮脆脆的，魷魚亦都入口爽脆⭐️炸唐揚唐揚，係日本炸雞嘅叫法，味道真係值得推介，因為唔會有口口嘅粉漿係外皮，裏面嘅雞肉亦都好嫩口，能夠做到多汁又夠入味👍🏻👍🏻⭐️炸天婦羅呢款炸天婦羅係以蔬菜為主，蔬菜亦都好新鮮，入口脆卜卜，再加埋天婦羅炸粉，搭配埋天婦羅醬汁，口感提升咗好多，熱辣辣好好味👍🏻⭐️特盛刺身拼盤呢碟刺身有五款，包括帶子，吞拿魚，牡丹蝦，油甘魚同埋三文魚，每一款刺身都好新鮮，厚薄都亦都切得剛剛好，唔會太薄亦都唔會過口，所以令到口感好好，尤其是牡丹蝦值得一提，因為蝦味好濃郁，香甜而且蝦肉好彈牙，真係新鮮嘅刺身先會有呢一種口感，油甘魚亦都唔腥，價錢都係$368 ，都算叫做抵食🤩👍🏻👍🏻⭐️中拖羅刺身因為本人非常之咁鍾意食拖羅嘅關係，所以特意額外叫多個中拖羅刺身，真係入口即溶，每一舊嘅油脂分布平均，唔會入口油淋淋，亦都唔會有筋好難咬開，價錢$118 ，有三件，不過個人覺得幼咗少少，如果闊返多啲會比較抵啲，但係非常新鮮的👍🏻👍🏻⭐️清酒煮蜆呢鍋清酒煮蜆份量都唔算少，每一隻蜆都唔會有沙，個人覺得呢樣嘢係最基本，因為出面好多清酒煮蜆嘅蜆都做唔到一粒沙都冇，但係呢間餐廳能夠做得到，所以值得讚👍🏻👍🏻湯底唔係剩係得sale味道，試過出邊有啲湯底一味得個勁濃郁嘅sake味道，但係佢哋唔同， feel得到佢哋係用三條仔個湯底出嚟，而顯肉亦都入到味👍🏻👍🏻做得幾好。⭐️串燒五花荔枝肉-油脂味好香口，肉質軟林林，食完會再上encore😌鹽燒雞肉-個人認為呢款做得不太好，因為肉質過於乾身，亦都食唔出雞肉味🥺燒雞皮-記得喺日本嘅時候好鍾意喺居酒屋叫呢一款串燒黎食，因為實在太好味，香港亦都好難做到日本燒雞皮嘅質素，但係呢間餐廳都可以有八成相似，雞皮邊位好脆口，但係入口亦都有軟身嘅感覺，口感層次好好，因為當中有啲雞皮嘅油脂夾住，令到雞皮唔會太過乾身，入口都會比較juicy🤩厚燒和牛-又係一款比較有少少失望嘅傳銷，首先和牛唔夠入口即溶，雖然係厚切，但係入口比較難咬開，但係牛肉味都夠☺️最後竟然可以免費有冰條食，味道有好多款，都係果汁味，係而家天氣咁熱嘅時候食完飯再食一條冰條當甜品感覺非常涼快🥰🥰🥰整體來講呢間居酒屋有8分，個人建議多啲叫炸物，或者刺身，一品料理之類，因為串燒比較少少失望，但係佢其他款式嘅菜都好好味😋👍🏻👍🏻👍🏻…查看更多

約咗朋友嚟呢間放題嗰度食飯，因為朋友好鍾意乜都食，大家亦都想平，所以朋友就揀咗呢間餐廳。因為我都係第一次食嘅關係，入到去真係大開眼界，因為啲嘢食真係好多款，仲多過喺酒店食自助餐。本身以為呢度淨係食燒肉，點不知原來仲可以俾你打邊爐度所以就拎咗個豬骨湯底鍋，朋友就瘋狂咁拎BBQ類嘅肉，因為餐廳係已經做好晒調味，所以都唔需要自己落調味料就已經好入味。特別推介係雞翼，佢哋有土匪雞翼，蒜香雞翼，同埋香辣雞翼，都醃得好好味，真係好夠入味👍🏻👍🏻👍🏻👍🏻👍🏻仲有我最鍾意食嘅多春魚，多春魚每一條都好靚仔，唔會無春，燒完之後入口脆卜卜真係非常好味😋至於打邊爐嘅食材都有好多款，有午餐肉，所有丸類，蔬菜，肥牛片，咁當然打邊爐嘅食物係需要落調味料啦，有一個區域係比你自己拎調味料，非常驚喜調味料都有好多種俾你去選擇😳真係要乜有乜咁濟。拎晒所有食物之後梗係要配嘢飲啦，飲品都係有各式各樣，亦都有啤酒，不過我就拎咗烏龍茶，因為可以去吓燒肉嘅油膩感，你唔飲凍嘢咩？佢又有俾你自己沖嘅花茶飲。呢度除咗有烤肉，打邊爐嘅食材之外，仲有刺身同埋壽司俾你揀，而刺身同壽司就要等師傅幫你拎，呢度就做得好衛生，因為始終都係生冷食物。除咗呢啲之外仲有一大堆熟食，真係多過自助餐，熟食大多數都係中菜類，估你唔到竟然仲有湯飲，唔少得嘅當然係雪糕做飯後甜品啦，但係布甸啫喱嘅甜品都有，就連平時好少見嘅菠蘿冰都有。所以呢度真係乜都有得食，唔使怕邊個邊個唔啱食之類，價錢仲要好抵食簡直係性價比，誠意推介。…查看更多

非常期待已久嘅蝦蝦燒，今晚終於去到我期待已久嘅流水蝦，同埋我至親嘅屋企人一齊去，好期待好興奮，依間火爆既燒蝦，因為實在太多人去所以我要預早半個月之前預約，一上到去我就已經聞到一陣陣好香嘅海鮮燒烤味，即刻口水流流食指大動，同埋我個肚唔爭氣咁大叫左幾聲😹坐定定之後已經送咗兩條鰻魚魚肉俾你去燒，咁我就留返最後先食，先出去拎其他嘢食返嚟燒，主角就係泰國大頭蝦，一桶大約可以拎六至八隻左右，首先你要拎個桶出去裝啲冰同埋水，然後先可以自行去夾下落個桶裏便，因為你要將隻蝦凍暈咗佢先唔會扎扎跳🦐如果唔係跳到你阿媽都唔認得，拎完一桶下之後就梗係唔夠啦，出去再拎又係拎蝦🦐因為我超鍾意食蝦，不過佢除咗蝦之外都仲有好多款食物俾你選擇👋🏻有海鮮，有肉類，蔬菜類，仲有你估佢唔到嘅熟食類，咁梗係等你燒食物嘅過程中填下個肚啦，如果唔係你個肚都同我一樣大叫㗎啦，佢哋嘅價錢都算叫做好抵，真係值得推介，值得試吓，重點係有得玩又有得食，一舉兩得🥰🥰🥰…查看更多

朋友終於訂到枱嚟呢間居酒屋都試吓，因為見平時都比較full Booking，感覺裏面環境氣氛好好，食物味道都唔錯，所以就黎試吓。首先店員會比兩碟前菜，就係雲耳，當中浸左少少酸酸地嘅味道，感覺開胃然後就叫咗少少刺身，非常新鮮，食得出魚嘅鮮味吉列炸蠔同埋吉列炸帶子，粉漿唔會好厚，裏面熱辣辣軟軟的，但出邊就脆卜卜，超正，帶子仲要唔會炸到熟晒架😍😍👍🏻😋串燒雞皮，非常香口，亦都唔會炸到好硬身，會好有咬感同好多汁🤤🤤一口甜薯好甜，秋葵無想像中咁黏口，豚肉都好好味👍🏻醋鯖魚，燒得肉身好嫩，唔會好乾身，魚皮脆卜卜，口感一流👍🏻最後就係牛肉壽喜燒鍋物，同平時既壽喜燒都差不多，唯獨是個湯底較濃郁 令到配料好入味😋甜品就係我最喜愛既野喇😍😍😍不會太甜又清清地👍🏻…查看更多

同老公一樣咁鍾意食牛，真係走唔出牛嘅魔爪，嚟到呢間牛魔，餐廳名真係超級貼切，真係牛魔鬼嚟㗎，講返嘢食先，我哋一到達之後就坐咗吧枱，因為店員同我地講坐吧枱就會有佢哋操刀去幫你燒牛肉，如果坐二人卡座嗰啲就有自己去燒，咁始終工作人員燒一定會覺專業，所以我哋揀咗坐吧枱，坐低之後睇完晒Menu，我哋就決定叫一分前菜，一份牛，一份豬，一啲小吃，一個主食。店員為我地送上頭盤小吃，有泡菜，拍青瓜，九芽菜，呢啲都係開胃小菜😋前菜就係胡麻豆腐沙律，沙律菜好新鮮好Fresh，再配上胡麻汁，好開胃💪🏻💪🏻💪🏻之後就係五花腩肉，店員首先會擺喺你面前俾你確認一下，講到好口肉，已經流晒口水啦🤤🤤🤤店員為我地燒既五花腩，好吸引呀。然後就係我最鍾意食嘅牛小排啦😍😍😍😍齋睇已經好想一啖咬落去，配有少少奄料令佢更加惹味😋仲有一舊雞髀菇，超愛吃。好想快d食呀🤤🤤🤤至於小食我哋就叫咗櫻花蝦餃子，每一啖都好香蝦味，餃子亦都大大嚿，啖啖肉，裏面都好juicy多汁👍🏻最後嘅煮食就係韓國石頭鍋飯，味道不過不失，感覺都係韓國餐廳食嘅會好味啲，但都已經不錯。…查看更多

依家啲鐵板牛好多都係半自助形式咁樣去做，可能一嚟人手方面，二來有得俾你自己揀食定唔食，佢哋呢間嘅自助沙律非常之咁出色，因為沙律醬已經好多選擇，莫講話沙律菜，一樣又係你鍾意食啲咩就自己去揀，不過呢間就好似少咗白飯任裝，之前食過有一間係有得白飯任裝嘅，但係麵豉湯都一樣又係可以任飲，我自己叫咗羊架，而朋友就叫咗牛柳，上枱嘅時候又係有張廚房紙蓋住啲肉，免得啲油彈到成身都係，差唔多嘅時候拎開張廚房紙，再煎多兩煎就食得㗎啦，羊架完全冇蘇味，肉質都幾鮮嫩，朋友嘅牛柳，比較少汁，無咁juicy，整體來講不過不失。…查看更多

和牛，根本就係魔鬼嚟嘅，只要你食過之後，根本唔會抗拒到和牛，只要同和牛有關嘅嘢食你就一定會好有興趣想食，因為我就係人版，嚟咗呢間牛魔食和牛，先試佢個海膽和牛刺身，生食佢和牛睇吓個質素先，果然不出我所料，佢哋啲牛好靚好新鮮，雪花比例好好，入口即溶，再搭埋個非常新鮮嘅海膽，簡直高級享受再之後試吓佢哋嘅牛肋骨，牛肋骨有兩卷，店員建議燒完一卷左一卷，咁樣可以保持熱度之外，另外唔會令到過咗火位keep唔到肉汁同肉質，牛肋骨又係好味，完全唔需要使用任何調味料。係佢哋枱面上面所比嘅三款調味料係廢嘅，因為係完全唔需要囉，個牛肋骨已經好好味。三款餐前小吃，任你吃任你添加，等你開下胃，又可以過一過口既油膩感。之後就可以試下一款和牛小排，呢舊入口即溶，又係唔需要用任何調味料，已經好香肉汁鮮嫩，不停吃不停吃都唔會厭之後就可以試下一款和牛小排，呢舊入口即溶，又係唔需要用任何調味料，已經好香肉汁鮮嫩，不停吃不停吃都唔會厭裏面燒得冇咁熟，咁先可以keep住個肉質之餘亦都保持入口即溶嘅感覺最後叫下個豬食啦，就叫咗五花腩，竟然好似韓國菜咁會有一碗生菜俾你包住舊肉去食，可能五花腩比較油膩，所以連生菜一齊食會冇咁油淋淋。牛肉之外嘅首選就係呢個泡菜煎餅，誠意推介，因為做得好薄好薄，材料好足，每一啖都係泡菜之餘亦唔會好粉咁，食5-6塊都唔會濟口啊。…查看更多

生囡嘅好處我終於感受到，就係可以陪自己去shopping同hightea。早兩日就單拖阿囡去左圓方shopping，最後就上左Sky100嘆tea。新年假期上黎hea下唔錯，我地第一次上黎都逗留左好耐，小朋友對居高臨下個feel會好好奇，而且有小賣部及照相館，又有動感玩意，加上呢到有好多新年怖置，真係有排影。玩完喺Cafe100食埋個teaset，呢個teaset咸甜點都有，小朋友都食得，再包埋兩杯飲品，真係食到我地好飽。個下午茶Set嘅內容有：番茄乾忌廉芝士盧根包煙三文魚檸檬忌廉牛角酥鴨肉醬牛油麵包士多啤梨雲呢嗱蛋糕蘋果金寶芝士蛋糕芝士紅桑子玫瑰杯香橙蛋糕英式鬆餅配果醬及奶油忌廉價錢係$609兩位，包左成人標準門票兩張同二人下午茶餐，去開圓方行街搵地方歇腳嘅話，呢到都唔錯。…查看更多

耐唔耐就會約埋幾個朋友食韓燒，今次黎到朋友介紹嘅大同燒烤，果然係聚腳好地方，地方闊落，坐得舒適，入座起計任飲任食兩個半鐘，唔怕趕頭趕命。佢地吸引之處係可以任叫三文魚刺身，雖然係任食，但屬於新鮮肥美質素呢到抵讚。自助吧就有好多款選擇，前菜有泡菜大豆芽呢D唔少得，又有小食如魚蛋，玉子燒，味道唔錯。最鍾意佢個泡菜牛骨湯，香濃蕃茄味又辣辣地。肉類、海鮮同菜類都有得選擇，我地都食唔哂咁多種，而且每款肉都唔同醃料嘅，唔會下下都係同一隻味咁悶，最推介係厚切牛舌，正。飲品勁多選擇，唔係大陸牌子，仲有好多係韓國特色飲品揀。最後仲有甜品、雪糕呢D食，非常豐富惹味嘅一餐。…查看更多

京菜成日都食，但前排同家人去左灣仔嘅北京老家，發覺佢地嘅菜色都幾特別，如果食厭傳統嘅，呢間可以一試。 當日餐廳個氣氛唔錯，多人但唔會好迫，每張枱都有距離，保持到大家嘅私隱。而且我地6個大人連一個BB，張枱好夠大，坐得舒服。 食左北京填鴨，皮夠脆薄餅又夠熱，可以比高分。 前菜是冷盤來的，叫老家心靈美，是蘿蔔絲來的，加了醋汁，所以好開胃。另外仲有四喜烤麩，一樣酸酸甜甜。 來了兩件大娘燒肉餅，熱辣辣，好似中東個隻烤肉餅，都幾好食。 主菜叫左老家燘子，像麵筋一樣有點煙靱，吸左D汁嘅味，但唔會好咸，都幾清新。 午門青肉，呢款反而係濃味嘅！肉好爽餸飯一流！ 另外就係蕃茄蛋麵及胡同刀削牛肉麵。前者會覺得唔係特色菜，但反而覺得好清新，因為湯底都好鮮茄味，食唔出係茄膏味道。而後者就有D辣，麵質都彈牙。 最後就係葫蘆香鴿，反而係全炸唔係燒嘅，我就覺得有點熱氣，但朋友鍾意食香口野就勁Like! 甜品就食左高力豆沙同炸芝麻湯丸，好大份又足料，食完真係好飽！ …查看更多

夜晚食飯嘅時候經過呢間日本料理望到個賣相好吸引，價錢亦都好親民，就入左去食😍😍😍😍佢地d刺身丼真係好抵食，呢個set佢除咗有個飯之外，仲附送埋面豉湯同埋沙律俾你做前菜。👍🏻另外呢個聲就配左一個刺身飯，一個沙律，一個小食，一個甜品，一碗麵豉湯或飲品，呢個都係十分之抵食，但係冇頭一個咁吸引。😚😚😚佢除左有刺身飯或壽司之外，仲有好多款熟食既set俾d唔食生冷食物既客人，咁就算同朋友一齊黎食都唔會怕唔岩食👍🏻👍🏻👍🏻另外佢仲有shabu shabu食，但我就見唔到menu上有，可能要問問店員了。呢間日本料理真係超多食物選擇，全消亦都超級超級多款俾你揀，真係唔怕啱食。飲料都有好多俾你揀。👍🏻👍🏻前菜有胡麻豆腐，沙律菜，麵豉湯，賣相好好，亦都好新鮮好味。至於今日既小食，因為佢地玉子賣晒，所以就送左炸生蠔，好香口好脆，生蠔亦都好鮮甜。主角黎喇，叫左個刺身拼冷烏冬，刺身又大，又厚切，烏冬份量都多，超級正👍🏻👍🏻👍🏻另外呢碗刺身丼，刺身下面全部都係飯，啲飯其實都幾大碗，但係佢啲刺身都係厚切同埋都多件數，所以都幾抵食。😋😋😋萬眾期待嘅就係呢一碗一板海膽刺身飯，另外佢配埋d吞拿魚蓉，好鮮味好甜，海膽好新鮮，佢真係一板俾你無呃你，真係好抵食，值得推介呢間日本料理👍🏻👍🏻👍🏻💪🏻…查看更多

成日都去新都會廣場，見到開左間但馬屋，我地其實都幾鍾意食放題牛肉打邊爐，呢間勝在新開，裝潢新，乾淨，食物唔錯，價錢都幾公道，所以都值得一試嘅！呢個係晚餐menu, 湯底都有好多款揀，我地揀左有辣有唔辣，其實d湯底邊款都好，都幾夠味嘅，而且佢地加湯嘅時候，D湯都係濃郁，唔會hea你比淡嘅水，所以食到後期湯頭都保持到原味。揀左250蚊個餐，有牛有豬，D肉都幾好食，肥瘦適中，同埋唔會好似紙咁薄。加上佢地加肉都快，好慷慨。至於配菜都有好多款選擇，飲品有罐裝及涼茶類，最驚喜係佢地有公仔麵，因為D.湯底食到最後，落個公仔麵其實好夾架，所以呢間但馬屋喺涮牛肉放題界中，個人覺得都可以再encore!…查看更多

食左咁多次日本燒肉我最鍾意黎呢間和牛純 雖然吾係平，但食過會願意比錢再食，佢地D肉嘅質素好掂，今次再黎都一樣吾失望。我地四個人，叫左幾款肉，每樣打孖上。塊大牛扒係特選日本和牛肉眼，油脂分怖好平均，真正入口即溶，而且係一D都吾會韌。另外就叫左特選日本產和牛牛排肉同日本和牛上牛排肉，兩者都有好濃嘅牛香味，入口即溶吾使講，基本上我都吾需要再沾任何醬汁，口感亦好似棉花糖。另外叫左日本產豬五花肉，燒完之後有D脆吾會覺得肥膩。最後先食返個前菜清一清味蕾。…查看更多

相約左幾個好耐無見既朋友黎呢間cafe度食下野吹下水，問下大家近況等等。。。我地叫左個dinner set。有份前菜有個是日餐湯，沙律菜好新鮮，個汁酸酸甜甜不錯👍🏻👍🏻是日餐湯係南瓜忌廉湯，好濃南瓜味👍🏻👍🏻小食就叫左芝士薯寶，唔好以為個樣平平無奇，味道又幾出色喎，薯寶脆脆的，又熱辣辣，不錯👍🏻蜜椒雞翼😍又係雞翼控既我當然要食，個雞翼汁整得唔錯，好香口好惹味，其實可以叫多碟encore😋😋😍😍主角黎喇，炭燒12安士美國安格斯肉眼扒配黑松露菌汁，肉眼扒熟度剛剛好，控制得好好，口感一流，唔會太乾身太硬，好juicy，薯皇炸得香脆可口👍🏻👍🏻個汁好香黑松露味，正呀。另一道菜係挪威煙三文魚意大利麵，意大利麵質地唔會太林身，幾有咬口，個汁又係唔錯既忌廉汁👍🏻👍🏻最後一道菜係黑松露龍蝦意大利飯，唔好以為個龍蝦去左邊？食落去你就會咬到啖啖龍蝦肉，好細心竟然將龍蝦拆肉放落個飯度一齊整，整體個飯係好好味👍🏻👍🏻👍🏻值得一試飲品就叫左呢杯蜜柑梳打蘋果酒，份量都好杯，其實都可以2個人share黎飲，易入口，唔會藥水味，good呀👍🏻😊…查看更多