tszkwanruby的個人專頁

老闆娘超nice，服務很好。她雖然是韓國人，但廣東話說得很好我們點了芝士燉雞，她細心地推介我們可以加配魚片/魚蛋，更加好味。一試，真係好好味最喜歡這種搭配冬粉的燉雞。前菜點了芝士蛋卷，很出色，芝士流心。每人配有一份泡菜，也很好味～店家很用心地，不同菜式會搭配不同泡菜，例如炸雞會配醃羅白。很適合一家大細一齊去食，環境舒適。之前碰巧星期日上來沒開門，摸門釘了。但最近老闆娘說開始星期日都會開門。值得推介的一間韓式料理。下次一定會再來…查看更多

咁岩同朋友出黎尖沙咀食lunch，好耐之前已經知道呢間黑門水產，個裝修好正，超日本feel，又多日文餐牌吊曬出黎，諗住無得去日本旅行，都可以偽日本遊一下。我地13:45到餐廳，叫左一個「4種ミニ丼」($238)同一個「大漁丼」($138)。叫左餐無耐，因為我地坐近收銀位置，有位男士走左出黎投訴叫左大漁丼等左成個鐘都無野食⋯心諗：今次賴野⋯終於大約14:15我個大漁丼黎到，但其實已經有少少等到唔係好想食，附近餐廳氣氛都係：漏單⋯無野食⋯等好耐，好差咁樣。再講返個大漁丼⋯望落顏色唔太特別新鮮⋯味道係正正常常既，薄切到一個點，同餐牌張相有個都幾遠既距離:(唯一可取既係麵豉湯有兩粒蜆肉。途中都有個小插曲，有兩個人行入黎講2位，想入座，服務員話唔好意思，得返4人台，但4人台我地要滿4人先可以入座，咁個客就答佢：唔緊要啦，我可以等陣。點知個服務員覆佢：但我地3點落場啦⋯講返我地自己，我食得再慢⋯係14:30都成個餐清左，朋友個餐都未到⋯就叫佢取消我地埋單走人。呢個時候，個服務員就衝入廚房，再拎左個餐出黎⋯我同朋友都o左嘴⋯我已經食曬成個餐，而我朋友見到個餐都唔想食啦⋯服務員就話：無問題，無所謂既，幫你取消order，多謝$261.8我心諗：下？2百幾蚊咁貴？你唔係取左個餐啦咩？原來佢cancel錯左另一個餐⋯最終埋單$151.8(連加一服務費)服務員係好禮貌既，不停道歉，但見住我地2個人上得一個餐呆左都無主動幫我地追過餐⋯其實沿路見到好多日本餐廳，有好多選擇⋯真係無下次⋯(星期六⋯個服務員都可以話：今日唔知咩事，咁爆場。我望一望四周，都未坐滿曬⋯)…查看更多

與同事碰巧今天揸車入大美督lunch，遠處望到日本餐廳，新店！決定前往看看。一問之下原來餐廳開業已有2個月，不過我們一直都不知道。一坐下來便聞到陣陣的拉麵香味。友人點了黑松露叉燒拉麵，我點了雞髀🤤好好味～跟餐特飲有優惠，喝起來又不會很甜。服務員還會很貼心的問你，若怕太甜，要不要幫你多加點冰，溝淡d味？服務一流。超滿足的一頓。附近環境又夠chill，這次我們坐在戶外，一點都不會覺得辛苦，餐廳搭了一個帳篷，開了一台冷氣。今天剛好是第二客拉麵半價優惠的最後一天，真幸運⭐️推薦👍🏻平時入大美督又多一個選擇了❤️…查看更多

難得周日，中午與家人預約了大埔體育館打羽毛球。運動之先要醫飽個肚才有力氣😂😂經過雞屋，見到宣傳海布寫著下午5點營業，本想轉身離去，留意到餐廳內有一台客人，一家大細正在吃飯，便膽粗粗進內詢問，原來那台是熟客，特地致電預約老闆回來做午市生意，所以當天中午都有營業。今次真係有食神必食燒雞，外脆內juicy！原本我們吃剩雞頸部分，老闆見到，特意提醒我們，每隻雞他們都已仔細把淋巴挑出，挑到手都有職業性酸痛，所以是十分乾淨的，可以安心食用！當下我就覺得很窩心，怎麼會有這麼細心的餐廳總結是，家庭式餐廳，感覺像是私房菜般的～東西好吃，燒雞有特色！吃過這一次，下次我變成熟客再去幫襯…查看更多

Happy Friday同屋企人黎試新野，估唔到有意外驚喜好味道由其特色飲品，選擇多，好吸引之前見到呢個鋪位裝修已經有留意佢到底開咩，原來係泰式餐廳。裝修配合返餐廳個名，以木船為主題，座位舒適。最近大埔都開左唔少泰式餐廳，不過酸酸辣辣既野最岩夏天食大讚冬陰公！隻蝦好大隻~湯又香濃~食之前做左功課，上網搵下佢既餐廳資料，點知咩都搵唔到見到佢有個fb page，上面有張椰青飯既相，一坐低就叫左黎試甜甜的炒飯，一塊塊椰青肉（絕無偷工減料），旁邊仲有埋杯椰青水俾返你飲添都幾特別至於服務方面都唔錯~會好主動回應你，同你加水，仲好細心，當你食完蝦，成碟蝦殼，侍應會走黎同你換碟係一次唔錯既經驗。…查看更多

朋友生日想找間餐廳一起晚餐，順道聚一聚～在Openrice找到這家韓國食品店。致電去打算預訂才知沒訂台服務。大概7點來到，門口已很多人等候，以為要等很久，不過30分左右已有台。與朋友們一行4人，菜式點到一台都係😆每樣都好好味，很有驚喜，怪不得這麼多人等候。服務很好。唯一缺點是餐廳不設酒精類飲品，我們到附近雜貨店買了兩支韓國燒酒到餐廳飲用，配搭餐廳食物一絕！不設加一服務費。座位舒適。有機會一定要再光顧😊…查看更多

下班後到了這裡Dinner，沒預約亦不用等位。安排了坐在落地玻璃旁邊的桌子，看著窗外下著微微細雨，感覺不錯:)叫了一個兩人餐～一個前菜+一個沙律+一個主食(pizza/意粉)+兩杯野飲，餐飲我改了蘋果汁(+$10)。最後叫多份甜品拼盤～三件cake，一d都唔覺得只有half portion😂食得飽飽～全程服務很好～很舒服的晚餐！…查看更多

兩個人吃晚餐，叫了一份all day breakfast，還有一份burger，另外還叫了一杯apple  sider和一杯生啤，差點吃不完☺️。味道不錯～難得平日，餐廳沒有爆滿，不用等位～都有好幾桌顧客在吃飯。…查看更多