Pokemoneater的個人專頁

今日行開啟德新商場，離遠已經見好多人等緊位，原來係Pizza Maru，今晚都揀呢間韓式pizza食吓先！好好彩分配到我哋去酒吧區嘅一張沙發位，一啲都唔迫，隔籬就係bartender沖酒區，仲有五部電視每部都播緊唔同嘅體育比賽，坐得好舒服！蒜香甜辣炸雞配蓮藕片- 食韓式炸雞最鍾意食甜辣味炸雞，有啲甜有啲辣，令到個炸雞唔會好油膩，雞肉超嫩滑，醬汁唔會偏多，配埋炸蓮藕片食恰到好處薯角炭燒雞肉芝加哥- 以前喺美國食過芝加哥pizza，香港好少地方可以食。呢度嘅批邊仲係蜜糖杏仁邊，配埋薯角同雞肉，芝士味夠濃，平時鍾意食厚批嘅人遇着呢一個芝加哥厚批，好似食緊麵包咁滋味！Pineapple Floral SodaYuzu Soda- 兩杯嘢飲都可以少甜，符合晒健康人士嘅口味！配埋Pizza炸雞食完全唔漏！…查看更多

今次嚟到旺角雅蘭中心牛氣食火鍋，位置好方便，地鐵站/朗豪坊行3分鐘就到。又想食靚少少嘅牛又想食海鮮，最後揀咗Level 4 - 澳洲榖飼黑安格斯牛 + SRF美國極黑牛放題 + 海鮮放題，差唔多所有種類都有哂，90分鐘任飲任食，肉類掃QR code落單，又可以出去自助區夾丸/菜/熟食/甜品同攞飲品。湯底今次揀咗鴛鴦湯，壽喜燒食牛最match! 另一個鍋想食少少辣又唔想太油，揀咗微辣嘅牛骨湯底！肉類最推介牛小排同SRF美國極黑牛，牛味好濃，肉質嫩滑！海鮮推介大海蝦，啖啖肉又超彈牙，highly recommend!自助區好乾淨，丸類都好多款，仲係平時坊間少有嘅企鵝丸/麻吉燒。菜類竟然有我最愛嘅䈑筍，仲有泰國mama麵，好興奮！甜品做緊泰國祭，有我最愛榴連！點餐嘅D24榴連酥皮盒好打卡able，好足料！出面自助區嘅榴連炸彈/榴連大福/榴連巴斯克/榴連蛋撻全部都做得好細緻，同出面甜品店不相伯仲，食左幾輪先停到口！總括嚟講牛氣暫時係食過咁多間火鍋放題最高性價比嘅一間，分店多，質素亦保持得好好，不時會轉主題，新鮮感亦提高，可以不斷encore!…查看更多

去將軍澳探朋友，竟然見到住宅區有間陳儀興，外面有2隻鵝仔，好得意！一睇menu, 發現同其他分店有啲唔同，價錢比較便宜，選擇亦不只限於潮式打冷！焗魚腸本人係魚腸愛好者，一見到只係$88就即刻叫！新鮮滾熱辣焗好，好多薑絲，完全唔腥仲好香口！椒鹽鱔球每件鱔球都好厚肉又有鱔油香，啖啖肉好滿足！平時食鱔都係蒸為主，今次椒鹽好惹味，好似去咗大排檔咁！蠔餅潮州菜必食嘅蠔餅，呢間分店嘅蠔餅係炸嘅，蠔又大粒，都係好似去咗大排檔咁，好有風味！拔絲咕嚕肉平時喺其他分店都有食開呢個餸，呢度嘅咕嚕肉份量好足，炸粉好薄，配埋個咕嚕汁，可以食幾碗飯！鹵水鵝片識食一定係食招牌鵝片，啖啖肉，好有鵝香！食到最後一定要叫佢哋師傅即叫即煮嘅潮式糖水做結尾，叫咗一個綠豆爽清心丸，一個薑薯綠豆爽，好大碗，熱辣辣又清甜，唔會太膩，係一個好好嘅結尾！好滿足啊今餐！…查看更多

喜來稀肉，比較高性價比的韓燒店。座位可以打開放衣物，減少烤肉味，十分體貼。爐邊蛋有芝士和泡菜，無限添加吃到飽。喜來烤肉喜來烤肉是這家餐廳的招牌菜式之一。精選的牛肉片經過特製的醬料腌製，香氣十足。烤制過程中，肉汁被鎖在內部，外層微微焦脆，內裡多汁嫩滑。每一口都是豐富的味覺享受，搭配餐廳自製的蘸料，風味更上一層樓。牛肋骨肉這裡的牛肋骨肉經過烤制，完全展現了肉質的鮮嫩和多汁。肋骨上的肉纖維細膩，脂肪分布均勻，既有嚼勁又不失嫩滑。烤製後的牛肋骨散發出濃郁的香氣，每一口都充滿了原汁原味的牛肉鮮香。豬護心肉豬護心肉即係豬橫隔膜和肝之間的筋肉，肉質特別嫩滑且富有彈性。經過精心腌製和烤制後，香氣四溢，外層焦香，內裡鮮嫩多汁。這道菜不僅口感豐富，還帶有一絲甜美，是豬肉愛好者不可錯過的一道佳肴。「喜來稀肉」無論是牛肉還是豬肉，都能烤出令人回味無窮的美味，更能在自助區取得疏菜包著烤肉，沾上醬料，另一番吃法。…查看更多

餐廳裝修盡顯貴氣。品嚐中菜必須配茶，這裡提供比較特別的鴨屎香茶，香氣濃郁，味道甘醇，油鹽焗香港火焰奄仔蟹：這道菜是讓人欲罷不能的香港火焰奄仔蟹！上碟後就淋上酒，點燃火焰，蟹身燒到火紅，散發出誘人的蟹香味。蟹膏惹味，蟹肉鮮嫩，每一口都帶微微鹽焗味道味道，又不會太咸。這是一道視覺味覺享受的菜式，打卡之選！脆皮新鮮牛腩：哇！這道脆皮新鮮牛腩真是讓我驚艷！外層酥脆金黃，一口咬下去，脆皮瞬間破裂，露出裡面的嫩滑牛肉。牛肉口感超級嫩嫩的，肉汁滿溢出來，還有濃郁的牛肉香味！再搭配一醬汁，完美平衡了油膩感。煙熏龍井少爺雞：雞肉經過煙熏處理，一打開蓋子，立刻散發出淡淡的龍井清香味，再灑上經調制過的龍井取代醬料，創意十足。一口咬下去，茶香和肉汁味一起爆發，雞肉嫩滑多汁，還有一點點甜味。這道菜既保留了傳統的口味，又加入了創新的元素，真的讓人驚艷！…查看更多

住喺附近好耐，今日行過終於決定入去試吓，一入到去原來都好多唔同嘅裝飾，睇嚟可以喺度開生日會添！只係有一個餐牌，就係食dinner set。二人份量，原來都好多！雞胸沙律- 雞胸有用孜然粉醃過，配搭沙律菜好freshParma Ham沙律- 好咸香嘅parma ham，配搭沙律菜就啱啱好！perfect match16小時慢煮西冷- 好大塊牛！我哋揀咗7成熟，一啲都唔韌，啖啖肉配埋洋蔥汁送飯一流！16小時慢煮羊架- 係由2條支架嘅羊架一齊燒，外面焦脆内裏好多肉汁，好香羊臊味，啱晒中意食羊嘅朋友！士多啤梨牛角窩夫- 簡直係全晚嘅MVP! 嚟到已經聞到好香牛油味，急不及待即刻切嚟食，omg好好味，熱辣辣又鬆脆嘅croffle配埋一啲都唔膩嘅cream同少少酸嘅士多啤梨，簡直停唔到口！連平時唔中意食甜品嘅男朋友都食完又食！性價比超高嘅小店，住附近嘅一定要過嚟幫襯吓！…查看更多

韓式精緻裝修，盡顯貴族貴調。前菜5款，微辣開胃。海膽豆腐- 兩樣滑溜溜嘅嘢擺埋一齊，味道好開胃，做前菜一流烤風川鰻魚釜飯- 韓版煲仔飯，清淡得嚟配埋惹味又肥美嘅鰻魚，想濃味啲可以加少少辣醬，成煲食哂都無問題！韓牛肩肉- 一嚟到見到2大塊油脂分布好靚嘅牛扒，已經心心眼，仲要喺你面前開爐即刻燒，係視覺同味覺嘅享受😎 好香牛肉油脂味，燒完牛肉即刻用牛油炒埋泡菜炒飯，超香，微辣好好食！Lime Soda - 酸酸甜甜好解膩，仲可以request唔要糖好貼心Lavender Seoul- 完全唔似酒，好似飲緊果汁咁，啱晒唔中意重酒精味嘅女仔🤤…查看更多

超級中意食韓國菜，平時韓燒/炸雞/韓國菜式就食得多，第一次探店韓式居酒屋。位置係銅鑼灣鬧市嘅fashion walk小巷，十分容易搵！暗黑嘅門口，一入到去就覺得好似去咗藝術館，牆身佈置同裝修都好有artsy vibes！餐牌菜式選擇好多，簡直係結合所有韓國的菜式！先叫兩杯飲品，好貼心嘅係lychee black tea可以少甜，lime soda仲可以syrup on side，唔係好多韓國餐廳fulfill到客人呢個需求，好抵讚！海膽生牛肉紫菜包飯將貴價食材放喺傳統紫菜包飯上面，食得出唔同嘅層次又有親切感，所有野都好match，一個人都可以食一碟啊！布拉塔Burrata cheese底下係蕃茄味嘅辣炒五花肉，酸酸辣辣嘅五花肉，配埋淡淡奶香嘅burrata，一啲都唔膩！烤熟成雞翼唔似平時韓燒咁重油膩感，有啲似日式串燒嘅烤雞翼，啖啖肉，食落好舒服！煎餅拼盤海鮮煎餅超足料，好多海鮮又煎得鬆脆泡菜煎餅辣得嚟好惹味！韓牛1+1一上菜震驚全枱人，目測應該有20舊好厚嘅韓牛，油脂分布好靚，入面夾住大蔥，一咬落去啲肉汁同大蔥衝擊味蕾，好滿足啊！火龍果芝士蛋糕好特別嘅味道，淡淡火龍果配埋濃郁cheese cake，都幾得意！…查看更多

去到門口差啲以為自己搵錯餐廳，以為去咗文青打卡cafe. 入到去都係好簡潔好舒服嘅卡位，但就配有好香嘅炭香味店員介紹廚師發辦入面嘅串燒有啲會係off-menu, 於是我哋揀咗一份和牛廚師發辦，再另加串燒。和牛廚師發辦燒牛肉蕃茄子- 好有牛肉味嘅手打牛肉包住超多汁嘅小蕃茄，2樣野夾埋match的程度好比荔枝豚肉卷🤩燒日本茄子- 好簡單嘅燒茄子，無需任何醬汁但食出嚟係好香炭火味，而且一啲都唔乾小炒王- 將平時大排檔食到嘅小炒王變成串燒，感覺好清新好過癮泡菜雞肉- Juicy雞肉同泡菜match得嚟又唔會俾泡菜搶咗啲雞肉味麵豉豬腸和食- 好中意呢個，醬汁啱啱好唔會太濃，加埋煮到好淋好甜嘅白蘿蔔，豬腸肥而不膩好香吉列一口豚- 炸粉超薄，入面豚肉唔乾，用咗肥肥地嘅部份，食落有油香雞肉棒棒配蘭王月見- 係令人興奮嘅橙色蛋黃！將棒棒沾上蛋黃，雞油肉汁加蛋黃，OH MY GOD!!A5和牛小排- 配埋蒜片wasabi海鹽簡直無得輸，廚師控制火候技巧好好👍🏻燒明太子飯團- 燒到外皮有脆脆飯焦，食咗幾啖再擺入好似茶嘅清湯入面變成茶潰飯團，明太子嘅咸香味加埋好清嘅茶湯，又係另一種風味另加串燒及飲品燒牛舌- 全餐飯嘅MVP! 好香好淋滑，係可以日日都食唔厭，仲會好掛住嘅味道🤤燒豚肉蠔卷- 蠔嘅鮮味加豚肉咸香味，最佳伴侶！梅酒- 食日式串燒嘅最好朋友: 梅酒！係幸福嘅味道👅糯山普洱冷氣泡茶- 好靚嘅玻璃樽氣泡茶，飲落有糯香茶味又有汽，好創新嘅感覺😆…查看更多

朋友喺大角咀返工，見大家咁耐冇見，直接去大角咀等佢放工再一齊食飯。自己好少嚟大角咀，朋友提議附近有間新開嘅東南亞菜餐廳，想試好耐。位於大角咀中匯街「越旺美食」，座位闊落，環境舒適。馬拉盞炒時菜 $66揀咗通菜，炒得唔會好淋，保持通菜爽脆嘅口感，加上馬拉盞，將鮮味更加帶出嚟，又開胃。越式炒河 $58炒得好夠鑊氣，有香葱、肉絲、蟹柳等嘅配料，配上滑嫩嘅河粉，好食過平時食開嘅泰式炒河，相對上亦都冇咁咸。避風塘金蒜炒飯 $65金蒜加炒飯係完美嘅結合，配上蝦仁、雞蛋等等簡單嘅食材，色香味俱全。咖喱雞配印度千層薄餅 $63咖喱汁兩選一，分別係印度洋葱/越式椰汁咖喱，揀咗印度洋葱咖喱，雞肉軟嫩，2塊千層薄餅沾上咖喱汁，真係好滿足。越式串燒（牛2串，豬2串) $61牛肉肉汁四溢，配上特製醬汁，口感飽滿，必叫！…查看更多

平時蘭桂坊酒吧就好多，今次竟然見到間有串燒食嘅酒吧，有啲肚餓就快啲入去試吓。炸饅頭金黃香脆，配煉奶飲酒一流蔥燒扇貝新鮮大粒，鮮味十足。招牌燒茄子超大條， 口感軟綿綿，蒜香味濃郁，非常惹味一口和牛串肉質嫩滑，牛味十足牛油半熟帶子大粒鮮嫩，配搭住牛油香味，好想encore黑松露大啡菇厚到好似鋸扒咁，配上半溶芝士，入口十分juicy鹽燒牛舌心香嫩彈牙，鹽燒冇掩蓋本身嘅牛味，配搭一流。鹽燒白鱔串表皮香脆，肉質彈牙羊架少少羊羶，唔太重。羊脂連肉，入口溶化嘅感覺，真係澎湃。雞翼表皮香脆，肉質嫩滑。Rose Gin好啱女仔飲，啖啖玫瑰味好易入口Monday (Bubble)上台會起個bubble，視覺效果好靚，打卡一流。…查看更多

餐廳裝修木系為主，好有中國傳統色彩！門口有個活魚缸，俾顧客感受到海鮮有幾生猛。滷水鵝片無骨鵝片，鹵水入味，入口滿口鵝香。墊底嘅豆腐吸哂啲上層精華，絕對唔只係配菜咁簡單，不愧出自大師之手。潮州煎蠔烙我中意煎蠔餅多過好多炸粉嗰種，完全唔油膩，蠔仔好大粒，好肥美又鮮，最緊要係唔腥。一個人都食到一碟！凍馬友魚飯原條馬友起哂骨，加埋本身魚油，肉質彈牙有口感。清爽！鮮甜！福果甜芋泥而家好少地方有甜芋泥食，好傳統嘅味道。芋泥攪拌到好綿滑，同朋友share一碗做個好滿足嘅結尾😀…查看更多

成間餐廳都用tiffany blue色設計，唔講以為入咗tiffany cafe😆 喺好舒服嘅環境食啲好刺激嘅辣野，好大對比啊😀酸菜魚x北京烤鴨套餐 (2人)招牌酸菜魚最好係可以揀辣度，麻度。朋友太廢食唔到辣都可以揀免辣😂今次叫咗少辣，魚肉係滑得嚟又彈牙嗰種，送飯一流👍🏻北京烤鴨完全唔油膩，食完一塊又一塊呢個套餐2樣都係精裝版，可以2樣試哂唔怕食唔晒🤤椒鹽鴨架識食一定要食鴨架嘅肉，因為係最嫩滑，配合惹味椒鹽，食指大動。麻辣小龍蝦🦞第一次食小龍蝦就揀咗呢度，呢度環境俾我信心去叫呢個餸😂 嚟到果然無令我失望，全部都洗得好乾淨蝦仔好易搣又啖啖肉，配埋好香嘅麻辣醬，可以一個食晒一碟🤤…查看更多

韓國過江龍在香港開的第一間店，當然要到Airside朝聖。0.前菜：開胃前菜有六小碟，加上路邊蛋和芝士，絕不馬虎。其中薯仔沙律特別欣賞，薯仔切小和多種配料彼此間增加了豐富的口感和層次。1.大牛骨：大牛骨會預先切小，烤至適中的火候後，保持到肉質的鮮嫩，每一口都能品味到牛肉的原始風味，絕對是燒肉愛好者的一大享受。而且，賣相吸引，絕對是打卡的首選。2. 花卷五花肉：這道花卷五花肉是一個完美的組合！花卷鬆軟的口感搭配著香嫩的五花肉，口感獨特。五花肉脂肪分佈均勻，烤至金黃酥脆，每一口都帶來滿滿的肉汁和香氣。3. 醃製一級韓國豬肋骨：這道醃製一級韓國豬肋骨是絕對的美味享受！肋骨入味均勻，肉質鮮嫩多汁，咬下去時帶來滿滿的肉汁和豬肉的風味。醃製的過程使得豬肉更加鮮美。4. 人參雞湯：人參雞湯是一道滋補又美味的選擇。湯品清淡中帶有深厚的雞肉風味，加入人參後更增添了滋補的效果。湯汁濃郁而滑順，喝下去暖身又舒服。5. 黑米冷麵：這道黑米冷麵是夏日的完美選擇！麵條彈牙有嚼勁，搭配著清爽的青瓜，帶來一種涼爽的口感。黑米的加入為麵條增添了獨特的風味，絕對值得一試。而且，湯中是有冰，保持著清涼感覺。6. 梅子青檸梳打：梅子和青檸的結合帶來了一種酸甜的風味，非常適合消暑解渴。氣泡豐富，口感爽口。7. 荔枝梳打：荔枝的甜美與氣泡水的清爽相結合，帶來一種口感豐富的味道。荔枝的香氣濃郁，讓人回味無窮。…查看更多

話說有一日搭巴士經過呢間細個成日嚟食buffet嘅酒店，見到外牆掛咗好多餐廳Banner，見到呢間餐廳嘅名好特別好啱feel，就嚟試吓啦😁餐廳裝修好有中式風味，正門古式風車，室內掛上紅紅燈籠，好特別！一坐低，侍應就送上開胃榨菜，甜辣惹味。開咗一壺菊菜，飲落回味清香。南翔小籠包(四件)- 識盪鞦韆嘅小籠包係最正宗嘅小籠包！超多汁但唔多油，食到啖啖肉湯嘅味👍🏻土匪爆羊肉- 嚟到呢個環境唔知點解好想食臊味嘅羊肉😆 呢個羊臊得嚟好香，配上京蔥食好夾！樟茶鴨 (半隻)- 一嚟到就有好香嘅茶薰味飄埋嚟，好香嘅鴨，食埋皮都唔油膩，配埋伴碟嘅刈包好滿足！上海佬炒飯- 一嚟就聞到好惹味嘅鹹蛋黃味，雖然呢個飯望落平平無奇，但炒得好乾身，澱粉的快樂，不知不覺食咗幾碗🥺豆沙鍋餅- 餅皮有蛋香，豆沙唔太甜，輕易食晒成碟桂花酒釀丸子- 呢度嘅桂花酒釀丸子有落蛋花，比一般出邊食嘅更香更滑👍🏻…查看更多