ChiuPoWing的個人專頁

早排媒體彈左呢間餐廳嘅廣告出嚟，睇嚟唔錯。今日就去試下。門面唔錯，坐位ok（單人位除外）。叫下午茶招牌炸雞髀同紅豆冰$45，要薯角就另加$8。等大約十分鐘，合理。紅豆冰還可以，主角雞髀就唔得，一睇就覺得：細，乾，柴皮。直接覺得浪費左食炸嘢嘅quote 。一大堆嘅避風塘炸蒜和味精粉，都堆砌唔到美味。細脾「乾到不得了」，乾得來而唔脆先係重點。果另加嘅薯角，更加只係微暖、份量少、無味道。所以，來一次就夠…查看更多

原本喺隔籬街諗住試吓啲黑芝麻雪糕，點知行到埋去想排隊，店員冇禮貌話我企喺度你都知唔使排隊啦……咁緣份安排，轉過彎見到呢間小店一樣有芝麻糊芝麻糊，為咗頂下癮買嚟試吓。有驚喜 ！好味！一樣好濃嘅芝麻糊唔使排隊又抵食，除咗芝麻糊，仲有其他手工製作懷舊糕點甜品：綠豆沙、紅豆糕、腐竹雞蛋糖水……。不過睇嚟係小本經營的商店，所以地方細小未有堂食提供，這是一個可惜之處。但係Lun味道同埋用心製作，的確值得一讚，所以推薦俾大家。而且老闆兩夫婦非常友善。…查看更多

小店，小本經營，但用心制作。今日食咗近一年無食過好食的蝦米炸兩。豉油味道剛好，不太鹹甜。皮是薄而滑，滿是蝦米同蔥粒。內𥚃的油炸鬼，是脆的。配一個蠔仔湯飯，淡淡有蠔仔，淡淡有蔥花。天氣開始熱，呢個配搭，要再試。另外一提，這店三大類食品：腸粉、粥、湯飯，都水準高且穩定。我已是多次試過。…查看更多

近一两年都得閒就來hea 飲杯咖啡。一直感覺不錯，但自大約三數個月開始，不同了，不知是否經營者轉手了。以前柔和的淡黃燈光，現在加了幾盞白射燈，不舒服。位也加多了，太擠迫。食品比較少食，不宜多加評論。咖啡，常飲的美式咖啡、冰滴咖啡，水準失掉了。以前，還是舊一批店員和那位cap帽女咖啡師時，很用心制作，味道有特式。偶然冰滴咖啡不夠供應，坦白告知客人，只有半杯。反映店舖誠懇，認真待客。早兩日最後一次去飲咖啡，閒日下午，客不多，但10分鐘內無服務。如常要一個cold brew, 放到枱上已經看到的和從前不同：混濁。喝一口，莫講說不是冰滴咖啡，係一點咖啡味都沒有。我怕自己「味覺誤會」，要一杯清水，清清味蕾再試，一樣。向可能是店主的小姐反映，「可能制作出問題、可能份量不夠」，「這杯不下單」。回應是禮貌和合理，但可惜就使我對這店失望了。因為不是單一事件，而是每況越下。…查看更多

我覺得係好味的雲吞麵。麵不太硬，湯清有味，雲呑蝦爽鮮、皮滑不散、大小適中，而我是點了全蝦的。全走介蘭亦正，新鮮有質素，且無鹼水味。唯一可以話我不太喜歡的，係湯內有太多的油。如果可以走油就無得頂。（純粹因個人不喜歡油的食物，其他人可能覺得恰到好處）店舖是舊式經營，無誇張門面，也沒有什麼裝修。卡位多，坐得舒服的。保持水準，與幾年前第一次來，同樣好味。不過，一麵（大雲吞趟）一菜就$87了，始終都係中環。…查看更多

中午閒逛到尖沙嘴。被三餐冰室門口吸引：落地大玻璃的茶餐廳，看起來坐得幾舒服，就入去試試。入內看看，發現好多舊香港味道：西瓜波、跳飛機、公屋照.....隨手點了炸雞翼喇沙一丁，再胃食加多件餐肉，配上CMT，全部致肥食物😝🐷雞翼、餐肉，用細碗另上，細心，保美味。雞翼好脆的外皮，好滑有肉汁的內部，脹卜卜，正👍🏻。餐肉，另加$10，好好味，非一般水準。喇沙湯微辣，不太肥，香氣足。CMT，用靚奶，茶、奶、甜比例，係正宗香港味道，個人非常喜歡食致肥食物，不能日日咁，所以要用限額用得有價值。今天食呢餐，quota 用得好扺…查看更多

上次食過葱花咸牛潛艇，好食、坐得舒服，今日再來，食下午茶。原來係1400-1845供應時間，相當長。叫左個榛子西多士，CMT。包包非常軟而且新鮮，如果喜歡脆口的，未必係你杯茶。也是一次好的下午茶，要再來👍🏻👍🏻…查看更多

由外而內咁寫。位置在油麻地地鐵站🚇A2和D出口一分鐘步程，方便。門口在小橫巷東方街，可以停到車/錶位泊車🚙，就腳。因在橫巷，幾寧靜😌。店內設計不是大鋪，但聰明放置10張以上的雙人👫🏻對座小卡位，一至二人到來午餐茶聚，非常好👍🏻，坐得舒服。而且在現時疫情，更是加分嘅安排。最大的枱是四人，如果大伙兒到來，可能要分枱。食物。我一向好喜歡食旦牛治烘底🍳🐮🥪，也有要求。來到見到有類似選擇:葱花咸牛旦潛艇（餐單號H8) ， 「放膽」試吓。為何要「放膽」階因之前在某著名茶餐廳食的蔥油花旦多士居然係用福字麵包湯粉泡制！........當然，呢度就無使我失望！大份量，包軟、皮微脆，旦滑，蔥是新鮮的，如果多啲咸牛就更好（😅個人喜好）閒時路過，多咗個地方嘆茶hea吓，正👍🏻…查看更多

隱世小店，味道出眾。冇人帶路，真係好難搵到，價錢一啲都唔貴，有私房菜感覺，飲品大杯別緻，值得推介。地方古色古香，係黎西貢食午餐嘅另類選擇，唔使喺出邊周圍排隊。特別推薦豪仔粥。…查看更多

時常都去食早/茶餐。多士、西多士一向水準好好，番茄湯米、通有時失準，但最欣賞是啡走。不是聞落很香果種，但飲落有濃濃的臻子味，落肚後口中仍有餘香。每次邊飲邊食多士、西多，非常合拍的配撘…查看更多

老字號？可能以前好，但現在真的很差！一個墨丸撈麵$36（外賣），麵，極少，且有刺舌的䶨水味；墨丸，4小粒，是彈性強，但毫無墨魚味；湯......無！撈麵無湯，你賣什麼「老字號」？舊式的雲吞、魚蛋麵檔中，必然重視的，就是湯底，但你居然撈麵唔包湯，服無味道（只有䶨水味）、無水準、無份量⋯⋯咁點解仲要幫襯？除非你同我一樣，比「老字號」3個字騙了…查看更多

萬年油炸的雲呑，食完立即喉嚨不舒服😕。豬扒比一般好些少。奶茶、檸茶一般。最好的是門外可以泊車。看到很多特地前來的食客，見到頗多的失望。座位亦不算舒服。明星照片就多。…查看更多