jessicang1019的個人專頁

同同事偶然揀左呢間食lunch，因為都鍾意飲湯，所以就諗住試下，點知試完之後....連續兩日lunch都去左呢到食因為真係好食如果鍾意飲湯嘅朋友，必試個燉湯，真係好好飲，個人推介鷓鴣湯&女神湯 (而家新張期間，叫套餐加$28就可以有個燉湯)餃子好足料，個人推介固元餃，叫餃子可以加$10要米線，個米線都好好食，唔係煮到淋晒嗰隻，我個人真係覺得好好食籠仔蒸飯真係份量好足，三個人叫兩個真係夠另外都有小炒甜品點心嗰啲，今日都試左個川味藤椒魚片＆鮑參翅肚撈飯，又係好好味…查看更多

跟朋友飯聚，地點選了旺角，因為大家都方便，之後就想找一間沒限時又可以吃點心小菜的地方，朋友介紹這裡，而且可以在openrice訂座，這個太合我心意了我們這次點了‘’東湖陳醋肉排‘’、‘’西芹腰果炒雞丁‘’、‘’溫公粗齋煲‘’，最後加了“小蜜蜂流沙包”和“芝麻蛋散”味道不錯，環境也不錯，下次再去可主攻點心試試…查看更多

其實幫襯左兩次外賣，第一次係星期日中午12點幾，門口勁多人，買外賣嗰陣都已經講左要等20分鐘，最後真係等左廿幾分鐘，都算，味道都ok嘅，油炸鬼拎到返屋企仲好脆。今日星期六下午5點幾再幫襯買外賣，門口無人，我外賣叉燒腸、油炸鬼&牛脷酥，買完我一直係門口等，張單嘅時間係17:01，之後都聽到有人買外賣都有叫叉燒腸，一直等到17:16都未有，之後見到遲過我買外賣而有叉燒腸嗰位都有外賣攞，但我仲未有，當然即刻問店員啦，之後店員先再望下廚房，再拎盒叉燒腸出黎包俾我🙄🙄🙄🙄咁我真係唔知張單編個號碼黎做乜，你鍾意包邊張外賣就包邊張外賣，咁唔洗睇號碼啦🙄最後我17:19先拎到外賣走，唔明點解無人都可以等咁耐，仲要唔睇號碼包外賣呢下真係唔得囉😡…查看更多

之前朋友睇到網上介紹之後話想試，所以就book左今日去食lunch😆非常建議大家想去記得訂左位先，因為好似今日咁都幾full，預約左都要等🤭而好好彩又安排左榻榻米座位俾我地，可以望到個靚天😍Lunch set入面，牛都有幾款唔同價錢嘅，而我地因為有人唔食牛，加上我地唔係話好識食嗰啲，所以叫左兩個豬set，一個最平嘅牛set，另外加左碟牛大腸＆雞，雖然主打和牛，但我個人特別推介豬set，好好食 😋 牛都ok，下次再去我會試貴少少嘅牛set比較下個分別 🤭🤭🤭🤭服務都唔錯，呢個間係值得試嘅，記得訂位呀🤣🤣🤣🤣…查看更多

今晚同朋友去左食dinner, dinner set有前菜、湯、主菜，甜品，另可加錢叫飲品！前菜係煙三文魚沙律，唔錯！湯我就揀左龍蝦湯，但我個人嫌唔夠濃味，但朋友話ok主菜我叫左帶子菠菜意大利飯，好香，味道不錯，不過我要留肚食甜品，所以無食晒啲飯，有啲可惜！甜品，就要左士多啤梨班戟(其實最初order嗰陣問，話今日係香蕉朱古力班戟，不過到食完主菜落甜品時，已經改左士多啤梨班戟😂😂😂)其實都好，無咁滯！因為實在飽，我叫左杯紅莓茶，酸酸地，好正！總括整體質素唔錯，會再去！…查看更多

早前見喺街派傳單，見新野所以諗住試下，價錢又好似都幾ok咁！結論，可以一試，但唔試無損失！！d料好一般，同其他出面O既火鍋無唔同！今日叫左個蕃茄豬骨&胡椒豬肚嘅鴛鴦湯底，我覺得唔錯嘅！但其他啲料我真係覺得一般啫！另外，佢有乳酪O既~但都係一般，我覺得用去酒樓打邊爐O既心態去會好D~…查看更多

睇完戲，想搵地方坐下傾計，點知到到都好多人等緊位，係呢到算係可以即刻有位坐！其實唔係餓，所以我地都係每人叫左杯奶昔加share洋蔥圈！我飲嘅係朱古力奶昔，好鬼朱古力，爆愛！個洋蔥圈都好食！…查看更多

呢到開12點，趕得切睇戲前食飯，不過估唔到星期日都有set lunch，正！！其實魚生飯同烏冬我都有興趣，經過掙扎，都係叫左魚生飯，仲加左$20叫左個紫薯甘栗餅，好味！但略嫌啲飯實左少少！！餐飲就有普通嘅檸茶檸水嗰啲！下次有機會再去！…查看更多

同朋友即興食飯，可能閒日啦，唔洗等都有位！因為有coupon, 我地都叫得幾多野！睇menu嗰陣，年糕鍋幾吸引，所以叫左，但好辣！！叫左個牛排骨燒，呢到有人幫手燒，想懶嗰陣唔錯架！泡菜豬肉餅，我個人幾鍾意個餅硬硬地咁！！因為多肉，所以叫左有機雜菜沙律，呢個真係幾好味，可以一試！…查看更多

呢間好多時都係我一個人食飯會去嘅地方，因為易搵位！！但今日實在失望，叫左個烤雞茄子焗飯，等左差唔多20分鐘都未黎，催第一次，話幫我跟，但之後無回覆俾我！再隔左幾分鐘，催第二次，嗰位侍應愛理不理咁，當然我仍然唔知個飯點啦！之後等左就黎半個鐘，我催第三次，我同個侍應講，我等左半個鐘，催左三次，你一係幫我轉其他野啦！佢check完講，個飯黎緊，再等左陣，終於黎！！講真，我知道晚市時間忙，焗飯係耐，張單有時間，我都等到20分鐘都未有飯食我先開始追，你係漏單定整緊都話聲我知，我可能轉其他野呢？！其他人啲鐵板餐，拉麵就係咁上，你早啲話我知，我食其他啦，我由唔趕時間等到趕時間，完全影響心情，呢個接受唔到囉！我張單係18:29落，但個飯19:00先到，一個焗飯洗唔洗焗半個鐘呢？晚市時間我都唔想霸住你張枱，如果真係做唔切，不如考慮下cut咁啲野啦！！…查看更多

之前通常都係食夜晚，尋日見報紙有特價lunch已經想搵日去試！今日同事話出去食，我就提議不如去韓珍食啦！去到等左陣就有位喇，Lunch Set係A+B，講真好多都想食，最後喺A揀左水冷麵，人蔘鷄湯&牛肋骨石鍋拌飯！而B就揀左三文魚刺身，傳統炒年糕，韓式炒粉絲！前菜得4碟，份量其實算少，好彩味道唔錯！牛肋骨就某啲部份唔夠腍，但整體可接受！呢個lunch優惠係抵死嘅！！…查看更多

每次想試都勁多人等位，今日早食飯所以去到唔洗等即刻有位，3個人叫左5樣野！小籠包，炸鏝頭，擔擔麵，雪菜肉絲湯麵，豆沙鍋餅！先黎炸鏝頭，一見個面好似好油咁，好彩食落無好油嘅感覺！之後黎擔擔麵同雪菜肉絲湯麵，好大碗，好彩叫左兩碗啫，擔擔麵係辣辣地，但可以接受嘅辣，啲麵都幾好，有口感！小籠包同豆沙鍋餅都唔錯！呢間算抵食，唔怪得成日都唔多人等啦！！…查看更多

鍾意食韓國野嘅我，公司附近都算有選擇，嗰日處理私人事務，好想食炸醬麵，近近地就去左呢間食！午餐好多選擇，當時我就揀左炸醬麵，味道不錯，好大碗，個餐仲有餃子，好飽！啲泡菜都好好味，讚！！…查看更多

訂左8點，7點幾上到去，話未夠鐘，7:30嘅booking都未入(但門口一個人都無)，叫我遲啲返去，我問咁7:45左右？佢話你8點啦！ok,8點返到去，門口已經一堆人，見到啲人手上有飛，咁去搵店員話訂左位，點知負責嗰個人唔知去左邊，之後陸續有人黎，到負責嘅人出現我就俾人打左尖，算，之後仲要等左半個鐘先有枱，我覺得你做唔切就唔好接咁多booking啦！已經火黎，點知叫野又搞到我火黎！我同朋友兩個人，訂位時已經留左隻醬酒蟹，同埋一心試芝士溶岩飯，咁又想燒下，見到有烤肉餐所以打算叫一份，點知落order嗰陣話一定要起碼叫二人份，醬酒蟹已經有飯，又叫左芝士溶岩飯，仲叫兩人份，點食？！之後打算叫一碟豬排骨，點知又話要起碼要叫兩樣肉先可以開爐，我已經話你地都幾多規矩架喎，朋友都話你地做咩唔寫清楚？！店員係咁講唔好意思，所以迫住叫多左個豬皮！味道就真係一般，芝士溶岩炒飯完全唔覺有咩特別好食，後來我自己加埋爐邊啲芝士先覺得好味少少！好彩個醬酒蟹都算ok但咁做韓燒，我真係寧願食貴少少去返韓國人開嘅店食感覺會好啲，起碼服務同味道都好啲！呢間真係未必有下次！…查看更多

難得同同事都放半日，所以約埋一齊食啲平時lunch食唔到嘅野！去到嗰陣大概14:00,同事本來係想問有無lunch set，點知講錯左tea set，帶位嘅小姐話有呀，我地聽到即刻雙眼放大，有tea set，正喎！不過14:30先開始，咁我地行下先囉，14:30返到去，原來都幾多人等緊！終於入到去坐，唔知唔夠人手定咩，都等左一陣先有個比較高級嘅人黎落單，但我覺得好似唔想幫我地落咁，有啲野要揀，好似應該我要講埋俾佢知，唔應該等佢問咁，之後問我地叫唔叫埋餐茶，我地問有咩揀？佢即刻話，你地睇下先啦，就即刻走左，咩態度？好彩啲野黎得幾快，不過我就唔覺佢啲肉有醃過囉，燒完一啲味都無囉，不過肉質都唔錯！我地加左$12要牛角飯，個飯都唔錯，幾好味！個餐有個小食，豆腐加麻醬咁嘅，我將佢倒埋落個飯到，又幾好味喎XDDD因為下午茶叫其他野有7折，所以加左個腸同沙律，味道都唔錯，沙律都幾大碗,兩個人share就啱啦，一個人會食唔晒！之後仲叫左個甜品，都ok!埋單發現原來連個set都有7折，所以每人都係HKD126.40，抵食啦，飽到夜晚嗰餐都唔洗點食喇！…查看更多