影片
更多
2016-02-22
1981 瀏覽
早前見喺街派傳單，見新野所以諗住試下，價錢又好似都幾ok咁！結論，可以一試，但唔試無損失！！d料好一般，同其他出面O既火鍋無唔同！今日叫左個蕃茄豬骨&胡椒豬肚嘅鴛鴦湯底，我覺得唔錯嘅！但其他啲料我真係覺得一般啫！另外，佢有乳酪O既~但都係一般，我覺得用去酒樓打邊爐O既心態去會好D~
題外話/補充資料：
我唔知係咪間野新，連啲人都係新啦，今晚其實人已經唔係多，但安排入座嗰到我係極度不滿嘅！講真，大家訂位，都係希望可以係預訂嘅時間可以安排到位入座，間舖都有預算啲枱點安排！有啲訂位都會講明，你黎到未必有位都要等，呢個我可以接受，但明顯呢間訂嗰陣無講，同埋其實佢限食2個半鐘，我唔明點解佢地可以安排得咁差！今日訂左7:30，去到等極都未有枱，最終我地係8:10先有枱，呢段時間問幾時有枱，一時又話啲枱未夠鐘，一時又話執緊，重點係其實啲人埋左單未走！到差唔多8點再問佢其實啲枱食到幾點，佢話8點，ok, 8點零2分仲未話有枱入，我已經發火，又話食到8點嘅，佢話啲人未走，你都要俾時間執枱，我話啲人未走咪趕佢走囉，洗唔洗我幫你趕？！佢話啲人未食晒野趕唔到，
食2個半鐘你set嘅，出面唔係無人等位，仲要我係訂枱嘅，我真係唔明點解趕唔到人走囉？！
好彩入到去，啲店員嘅態度都ok嘅，
(以上食評乃用戶個人意見 , 並不代表OpenRice之觀點。)
張貼
