mandymokman的個人專頁

理想：大家去OpenRice 睇相，佢唔俾我post cap 圖現實中呢杯latte $55蚊，見到嗰刻都呆左似係初學者學緊既作品，味道都係好一般，完全講唔上好飲不如去飲McCafé , 連個花都攪成咁，又唔睇得又唔飲得，收呢個價錢，失敗左都仲好意思拎出黎serve 客OpenRice 要200字先俾到overall comment，想俾個差評佢，標題提示大家同埋商家，希望您地改善下出餐質素，同咖啡師培訓，如果美觀上係兼顧唔到，索性用紙杯加個蓋，等啲客睇唔到好過。…查看更多

大坑出名多野食，早輪揾下揾下揾到呢間串燒好多好評，就趁happy Friday 去燒燒佢。明明OpenRice 見到係有電話訂座，諗住打去book 位啦，接電話個staff話：逢星期五六日無得book架wor 只限walk in。Well, 咁OpenRice 資訊唔一定岩既，店員講既野實準確啦掛？唔知個店員係咪打緊幾份工呢，又真係完美地俾佢fake 左喎。今日我專登放工準時走打算早d 去等位，點知去到：staff：你無book 位呀？無book位無得食架wor我：下？我琴日打來問過你地有無得book，你地話逢星期五六日無得book，叫我walk in 架wor！staff：你係咪肯定打我地電話呀？我地叫「角川」wor「角川」wor，你睇清楚係咪打來「角川」wor （然後一臉覺得係我打錯電話，所以先搞到來到摸門釘既樣同態度）我：呢個電話呀嘛，openrice 有架wor 2253 6608，record 都比埋你睇喇staff：呢個我地總機電話，不過都會飛過來我地員工手提，總之我地呢度一定要book位先有得食，無book 就無得食，下次book 都起碼要預一兩個禮拜之前book 定（佢d 語氣完全係唔信佢地員工答左叫我來walk in 同埋佢既潛台詞比我感覺係：係人都知啦你唔係依家先知呀？）我：.......(xyz!#%*?!......)就係咁我地今晚就無食到呢間串燒店，去左食其他野。當下真心嬲係覺得呢間店咁既arrangement真係好差，處理今次事件既態度亦都唔好！第一：連walk-in 定book 位啲staff 都可以攪得錯第二：唔係話顧客永遠是對的，要你舔鞋底，喂但係大佬你劈頭第一句質問我丫麻，我咪show record law， show 完你又唔認，仲係錄音機咁重複總之我地就咁咁咁，乜乜乜既，我俾你fake 左我三十幾度大熱天時仆過黎，一句唔好意思都無。 如果唔係佢地電話話叫我walk in 我都唔會熱死辣辣山長水遠走入去大坑排隊啦！！以後都唔會再幫襯！幾好食都無用啦！…查看更多

今年年頭幫襯仲係68蚊半隻海南雞一行到埋去睇都無睇就叫半隻第三波疫情之後，唔知係咪做唔住要加價一加係加左30蚊，而家係98蚊半隻明白飲食業艱難，您要加價都無可厚非但係係咪要加成30蚊呢？難道買外賣既市民唔艱難？大幅加價完又係咪應該提升質素令市民食得順氣啲呢？結果，係仲衰過以前！！隻雞係無味既，鞋烚烚，唔點汁基本上係食白烚雞一樣然後個底用隻雞殼墊高曬 (以前係無既)扮到好大盒。一舊水無味雞，我去隔離燒味檔買四盒切雞飯好過啦。無下次…查看更多

好天氣的一個星期日去嘆翻杯靚咖啡展開一天的開始咖啡店小小，只有以輕食為主的bagel 和沙律點了一個chicken and wasabi mayonnaise bagel and flat white Bagel 好煙靭有口感配wasabi Mayonnaise 辣辣地幾開胃咖啡反而個人覺得麻麻第一啖飲落去只飲到奶味，而且拉花拉得有啲求其當時只有兩台客，個人覺得花多少少心機同時間拉返沖翻好杯咖啡會好啲 總括而言我都會再幫襯，再俾機會佢拉返杯靚咖啡俾我…查看更多

誤打誤撞入左一間小點睇中環境夠安靜，可以靜靜地睇下書還有手工朱古力奶，少許輕食。個店主一腳踢，食物製作需時，但坐得喺度都唔趕時間。欣賞店主用心製作用手工朱古力沖奶，好濃郁好足料感覺食左好多朱古力落肚好在用70%朱古力，不會很甜。支持小店…查看更多

中環食lunch 起碼都七八十蚊起跳，除非行到去上環，早兩日有同事介紹有間野叫頹飯，性價比幾高，特別打工仔想拿拿聲食完飯午睡片刻，今日就行去試下。有6個餐，除左1號餐，其餘5個都唔算頹，揀左最貴嗰個6號仔試下。份量係好大份，女仔未必食得曬，牛都幾入味唔太靭，有兩片青瓜同粟米中和少少，叫做無咁膩啦，如果可以搭兩塊生菜就更好最後食剩兩塊牛，真係好飽，行去買到拎上樓食埋半個鐘攪掂再瞓個晏覺，爽呀！埋單68蚊算係咁啦…查看更多

之前食過中環嗰間已經覺得幾好食，今次個friend 咁岩又話想試下，book 左西環呢間試下。冬天一班人緊係要打多啲邊爐，一齊烚下烚下啦店員推介左個招牌胡椒豬肚雞鍋，見天氣凍凍地，食個胡椒豬肚暖下身都好。叫左個手切肥牛，入口即溶，仲好滑，值得推介自家制咸蛋炸魚皮簡直食上癮，咸香味仲要新鮮炸好，用黎送酒一流，愈食愈停唔到好蟶子皇，好大隻肥美，店員話灼十秒就得，我地俾多十秒佢傳說中既招牌胡椒豬肚雞鍋，用豬肚包住隻雞，店員會主動過黎幫佢進行解剖，剪開個豬肚，放翻隻雞出黎，未食已經覺得好補，未打邊爐前入翻兩碗暖暖胃先！有多款手工啤，全部用時節去命名，仲有啲咩小暑，大暑咁上下既吐，冬天應下節叫左個小寒同立秋，麥味比較重，幾易入口。大家估下呢杯係咩？！以為係茶？ 其實係送既糖水，入面係仙草芋圓！打邊爐送糖水仲要送呢款真係好少見，我真係好鐘意食芋圓，最後食到捧住個肚走！…查看更多

O係中上環番工, 食LUNCH要好食又坐得舒服無一百幾十都落唔到樓, 而且十居其九都係西餐廳, CAFE 食ALL DAY BREAKFAST今日同個同事周圍捐窿捐"啦"去D小巷睇下有咩好食, 俾我地發現到一間細細間食創意卷物既小店好多外國人幫襯, 多數都係一兩個人去, 小店地方唔大, 有幾張四人台,  呢度出名食卷物, 有PRESET左和自選既, 仲有幾款魚生壽司, 我地兩個一人叫左一款卷物, 仲叫左幾件魚生壽司叫左個mango dynamite, 一開始店員黎錯左第二款卷物, 我地就行去問下佢係咪我地本身叫錯左,  佢發現原來係廚房黎錯左, 佢話整呢碟岩俾我地, 錯O個碟叫我地照食, 我地話唔介意唔好整啦, 佢堅持俾番岩我地!嘩呢個哥哥太好人, 但係一碟有成八件, 佢再整多八件我地係擔心食唔晒ANYWAY 啦, 最後都要左, 卷物大大件, 其實女仔既話食一碟已經飽飽地, 同埋佢都包得好食, 壽司飯唔係軼腍腍, 料又充足再叫左拖羅, 吞拿魚, 帆立貝壽司, 一碟係三件, 大概三十幾蚊碟, 大大件仲要都幾新鮮, 平均一件都係十零蚊度, 算係抵啦, 本身只係叫左下面四件O個個卷物, 上面個牛油果就係黎錯左O個份, 成個場面好震撼, 人地見我地兩個女仔食咁多都呆左下面O個個叫SEA MONSTER, 不過真係太大舊啦, 感覺真係食飯多, 有D蝦肉同蟹肉, 味道有D淡, 唔太特別, 上面個牛油果卷物有三文魚同芝士做涵反而幾好食店員介紹左個新出既柚子蕃茄, 成個感覺好清新, 味道都好夾, 個人覺得柚子汁可以再多D, 再酸D, 食完好開胃, 再叫左兩個飲品, 成餐飯連埋好好禮貌既店只員哥哥送既卷物, 食到反晒肚, 埋單都係兩百幾蚊, 下次再食份量可以再叫少D OR 叫多兩個人一齊食, 咁應該每人一百蚊都唔洗, O係中環食個茶記都六七既時候, 呢度性價比已經係好高!!!!…查看更多

今日行完大館，過咗隔離嘅蘇豪區，求其揀左間食Pizza嘅入去。今日唔係好多人， 一入到去就即刻有位，一坐低就叫咗兩杯手工啤酒，侍應推介呢種日本嚟嘅，話係比較受歡迎。其中一款係黑啤，由於本人實在唔鍾意飲黑啤覺得味道好奇怪，所以我還是推介另外一種，麥味都比較重一啲。芝士薯條薯條嘅份量都幾多，用來送啤酒一流。而且焗到好香脆，趁熱食芝士可以做到拉絲效果。不過如果可以再高啲芝士就好啦，因為食到落底好dry 叫咗個細Pizza，好彩份量啱啱好足夠兩個人食，唔會太大份， 呢個係夏威夷風情，pizza餅底係薄批，少少脆，味道幾好。朋友係芝士控，想要個四色芝士pizza， 幸好比我阻止了，不然的話整個晚上都是芝士同埋忌廉既食物。不過下次都可以試吓呢個四色芝士pizza。松露鵝肝意大利飯呢個鵝肝足足有兩大塊，加上好creamy嘅意大利飯，鵝肝入口即溶， 食到底仲見到好多油，可能係啲鵝肝嘅油，整體來講其實係好heqvy，雖然邪惡，但係真係好好食。甜品叫咗個蘋果金寶，同朋友食開嘅參不多，不過份量好似細咗啲，要同朋友爭食。一路飲酒一路傾計一路食下Pizza薯條，不知不覺就食咗兩三個鐘，餐廳侍應服務都好好，會主動加水，見我哋要影相，更加主動幫我地。而且餐廳環境都算安靜，反而出邊蘇豪區就好熱鬧， 中環嘅蘇豪區來講價錢算係中等，下次可以再考慮嚟呢度happy hour!…查看更多

西營盤地鐵站C出口一出行幾步路就到，半山黎講算好方便，同朋友喺附近happy hour 完搭番條扶手電梯上黎。今晚唔算好多人，得兩枱到，我地被安排坐靠窗座位。舖頭環境超級寧靜，好relax，非常適合三五知己或情侶傾心事。而且室內裝修簡潔，燈光柔和，讓人感覺好放鬆，慢慢的。服務員有禮貌地介紹今天推介菜式：黑蒜燒拖羅，筋子壽司。我地跟隨服務員推介，再加了一板海膽，鵝肝多士，串燒和一些壽司。第一碟上菜就是這板海膽，一睇就知新鮮，果然入口就感覺到鮮甜味道，而且只是以優惠價加$108蚊！旁邊隻小蟹不是裝飾，真是可以食用的。師傅在好認真為我們預備壽司。右邊有個小水缸，原來就是養著那些小蟹！串燒算係比較普通，味道淡左啲，都係鐘意食重口味重慶串燒筋子壽司，朋友話好好食唔腥，我就對呢類壽司無乜好感，總覺得滑孱孱雜錦壽司，新鮮，無平日成日食到嗰啲雪味，當然一分錢 一分貨，又無得咁比。不過十件同八件價錢爭一百蚊咁上下，我地叫八件就算了。我最愛既鵝肝多士！$128，鵝肝超大塊，食落去好有罪惡感。喜愛鵝肝人士必吃！餐牌唔算多選擇，不過人地都唔係單單sell 食物，習慣左去普通日本餐廳一打開餐牌色彩繽紛好多選擇，不過呢度完全唔係行呢個路線。喺呢個地段開餐廳，賣點係成個環境，氣氛同食物質素。價錢同尖咀，銅記有幾間高級日本餐廳參不多價位，但係環境呢度好啲，始終地舖開揚啲，同埋好寧靜。…查看更多

金百利棟樓有好多餐廳，次次行過都見到排搭𨋢條隊打曬蛇餅，六點幾行過見未有人龍出現，上去𥄫𥄫有咩食。入左築地食日本野，唔知係咪真係好似築地咁新鮮？！首先叫點熟食暖肚先，金菇肥牛卷，雖然普通，但係係我至愛，食親燒物都要叫翻碟，一碟有好多舊，好抵食鵝肝雞翼，明太子雞翼食得多，釀鵝肝真係第一次，感覺不太搭配，可能係太油膩。海膽帶子壽司，最愛兩款海鮮放埋一齊，好滿足牛肉鍋，牛都幾嫩滑，加上湯底濃郁鵝肝壽司！超。好。食。我肝大件，燒到香香脆脆，入口即溶$45件 中等燒三文魚頭個皮燒得唔夠脆，同埋有少少腥海膽軍艦新鮮足料，價錢合理，個紫菜送到黎仲脆既，其他火炙類壽司燒得幾香，特別係火炙和牛壽司。呢間餐廳都幾多種類既食物可以選擇，價錢都算合理，食物新鮮，上菜上得幾快，除左要長龍搭𨋢上黎有點是磨滅意志不過早少少上黎就大把位了…查看更多

約左朋友7點半食飯，經過呢間餐廳，之前喺灣仔食過一次，個感覺唔錯，呢家喺尖沙咀新開，於是決定試下。一行四人坐左係卡位，座位都算寬敞，坐得幾舒服，周圍環境都幾舒服。第一碟送係泰式蝦刺身，d蝦好新鮮，本身我就唔太食得辣，但係個汁就調得岩岩好，唔會太辣刺激到個喉嚨跟住黎左個拼盤，熱辣辣剛炸完就上檯，值得一讚。生菜包唔會淨係得個辣味，肉碎炒得幾香，唔錯～咖哩軟殼蟹包，係我最欣賞既一道菜，甜咖哩比較適合食唔到辣既人，個汁超香，配包或者就咁食個蟹都好正！龍眼冰同朋友點既椰汁冰，消暑一流！炒金邊粉，賣相精緻，唔會炒得過龍。最後仲叫左幾串串燒，配埋個醬食到好滿足，埋單每人都係百幾蚊，值得下次約朋友黎食多次。…查看更多

蘇豪區一帶西餐廳比較多，價錢都偏高。難得上山覓食途中發現一間台灣菜，喺門口睇睇個menu 價錢又合理喎，重點係有酒飲！星期五happy Friday 緊要啤啤佢啦！入面燈光較暗，門口就係長長bar 枱，氣氛環境都幾好。呢個牛肋骨麵係成個餐牌最貴既麵食，around $188，夠兩至三人食用。牛肋骨炆到好腍好入味，再加隻糖心蛋，份量真係幾大碗，兩個人食會好快飽，三個食應該岩岩好，呢個價錢中環蘇豪區無得頂！鹽酥雞有兩個醬：黑松露同柚子醬，個人比較喜愛黑松露醬，同鹽酥雞味道夾啲，肉質都幾嫩同滑，超級邪惡地瓜薯條，地瓜姐係蕃薯，食落好蕃薯，多肉，甜甜地，會上癮咁食唔停，送酒一流。Cocktail 唔係典型酒吧見到啲類型，佢地既中文名稱好特別，我呢杯叫戀愛ING ，主要有紅肉火龍果同cranberry ，少少sake 。酸酸甜甜好開胃友人叫左杯台灣啤酒。本來好想試埋個甜品，不過真係太飽，唯有下次啦假叫左三小碟前菜冷盤，豬耳，大腸，雞腎，食左咁多野再叫左幾round 啤酒同cocktail埋單六舊幾水，三個人食頂係人均兩舊，有酒飲黎講算係幾抵食，再加埋地段，下次happy hour 可以再黎！ …查看更多

人多又諗唔到食乜就最好食放題, 觀塘呢棟樓就有好幾間, 地方佔全層, 搵位易D同埋又近地鐵站,幾方便星期一至四 5:30-830 pm 呢後段時間只需238再加一, 都幾抵食坐低之後就四散去搵食, 有D就留O係度度剔下揀咩刺身出面除左有飲品拎之外仲有好多小食, 甜品同埋一D冷盤都有幾多選擇, 不過主打緊係食魚生, 呢D係咁二拎少少食下頂住肚先啦主打刺身好肥美新鮮, 連泰式生蝦都有, 全晚係咁蝦蝦蝦手卷有海膽手卷, SIZE 好迷你, 岩岩好, 唔會食飯都食飽壽司最正係火炙左口魚, 入口即溶, 呢個我地食左好多件 =PP熟食我地唔係試左好多, 主要食左個羊架, 牛柳粒, 串燒, 同埋D烔野箘最後出去拎甜品最愛食奶凍, 其他人拎左D糯米茲, 不過好似伏伏地另外讚一讚, 整個過程係真係無漏單而家食放題普遍質素都比以前上升左好多可能競爭大左, 下次可以試埋呢棟樓其他放題…查看更多

尖沙咀新開的西餐廳，有幾層樓，最底嗰層主要係bar ，飲翻幾杯，樓上就適合坐低慢慢食，環境好靜，適合情侶，閨蜜👭密密斟。Menu 主要都係餐為主，每位計。有兩個選擇，一個三百蚊度，另一個就四百幾。我地揀左貴啲嗰個餐，反正都係貴少少，又多啲野食。1. 炸饅頭配龍蝦湯炸饅頭做餐飽真係好少見不過我鐘意，今次唔係點煉奶係點龍蝦湯。新鮮炸起即食最好食。龍蝦湯有啲花膠螺肉，幾多料，不過咸左少少，飲完有啲口渴，好彩侍應好主動加水同好有禮貌。2.海膽海藻沙律一開始見到白色喔堆野，以為係帶子。原來其實係啲泡。有啲海膽同埋海藻喺度。海膽都幾新鮮，不過如果份量可以多啲就好啦。3.玉桂蘋果無骨雞翼本身個餐係煎鵝肝:(:(但係無曬變左呢個。其實味道係幾好食，仲好似食緊甜品Apple crumble 咁，將啲玉桂蘋果釀左落雞翼入面，仲要無骨，係幾特別同好食。啖啖肉勁正！4.四川麻辣煎三文魚主菜有兩款，我地岩岩好一人叫一個，雖然係麻辣，其實唔係好辣，只係有點點麻辣味，呢個煮法第一次食，幾特別，無平日煎咁香，當然都無咁油啦。5. 咕嚕菠蘿牛小排呢個係全晚最好食，開頭以為係生炒骨咁既樣，不過係牛排，原來煎出黎個樣同平日啲牛排一樣。菠蘿醬好清新，酸甜醒胃，牛排好嫩，煎得岩岩好。6.燒綿花糖配Oreo 開心果醬最後有個燒綿花糖做甜品，可惜得一粒唔夠喉。另外，套餐是沒有飯or 意粉，要另加八十蚊先有個黑松露意大利飯，感覺有點貴。但沒有飯的話又好像不太夠飽。可能位處尖沙咀，加上幾層樓，要應付鋪租定價方面少少偏貴。overall 環境係一流，好安靜，得聞黎摸下酒杯底傾心事不錯。…查看更多