店員推介左個招牌胡椒豬肚雞鍋，見天氣凍凍地，食個胡椒豬肚暖下身都好。
叫左個手切肥牛，入口即溶，仲好滑，值得推介
自家制咸蛋炸魚皮簡直食上癮，咸香味仲要新鮮炸好，用黎送酒一流，愈食愈停唔到好
蟶子皇，好大隻肥美，店員話灼十秒就得，我地俾多十秒佢
傳說中既招牌胡椒豬肚雞鍋，用豬肚包住隻雞，店員會主動過黎幫佢進行解剖，剪開個豬肚，放翻隻雞出黎，未食已經覺得好補，未打邊爐前入翻兩碗暖暖胃先！
有多款手工啤，全部用時節去命名，仲有啲咩小暑，大暑咁上下既吐，冬天應下節叫左個小寒同立秋，麥味比較重，幾易入口。
大家估下呢杯係咩？！以為係茶？ 其實係送既糖水，入面係仙草芋圓！
打邊爐送糖水仲要送呢款真係好少見，我真係好鐘意食芋圓，最後食到捧住個肚走！
