釣魚Yung的個人專頁

係尖沙咀發掘咗間日式居酒屋，一進入門口就仿佛穿越咗時光隧道，置身於充滿復古情懷嘅環境之中，猶如到訪了昭和年代的小酒館🍶 店內播放住唔同嘅日本音樂，氣氛好好，令人非常放鬆心情首先就品嘗一下前菜麻醬牛油果豆腐沙律。新鮮牛油果搭配濃郁嘅麻醬豆腐，同沙律菜嘅清爽口感完美融合，絕對係開胃嘅絕佳選擇！小吃點咗明太子醬厚燒玉子，惹味嘅明太子令人回味無窮關東煮拼盤賣相非常吸晴！滿滿嘅食材浸泡在美味的湯汁之中，尤其蘿蔔煮得又淋又入味人氣壽司盛合色香味俱全，係樂酒場嘅招牌菜式之一！壽司選擇豐富，每一啖都鮮味十足，絕對係海鮮愛好者之選左口魚薄切選用新鮮的左口魚切成薄片，口感鮮嫩細膩，搭配醬汁調味，帶來一股獨特嘅風味佐酒一流嘅蟹味噌甲羅燒，蟹膏甘香幼滑，可以配多士一齊食最後就試試樂酒場特製嘅檸檬燒酎同白桃燒酎，清新的口感帶來一絲涼意，爽快！…查看更多

今晚朋友生日，搵黎一間旺角的居酒屋試試，地點只係火車站附近非常方便，而餐廳充滿日和風的裝修，仿如置身日本咁。慶祝係要食好D, 叫咗個套餐試試🌟松 - 2人餐 $699🌟套餐有前菜，沙律，刺身，天婦羅，主食x2, 份量超級多， 2個人其實食唔哂🤣3個人分會比較合適🟥 前菜🟥✨燒和牛他他⏩肉質嫩滑，燒過帶出少少油脂，輕輕有黑松露醬已經好入味✨豆腐海葡萄沙律✨麥粒味噌青瓜⏩青瓜及海葡萄都爽脆清新，配上麻醬十分開胃，而豆腐口感似腐乳🤣唔算好滑但充滿豆味🟧 刺身及天婦羅🟧✨四式刺身：有三文魚，帶子，赤蝦及吞拿魚⏩赤蝦最驚喜，非常爽口彈牙，其他都厚切滑嫩夠鮮味.✨天婦羅：有炸蝦及蔬菜類，如南瓜及茄子，最特別係第一次食炸粟米芯及炸秋葵😍秋葵炸完冇咁潺架🟦石燒A5日本黑毛和牛🟦重點推介❗️ 粉嫩和牛放上熱石板，咋咋聲香噴噴，店員好細心幫客人煎得剛好。油脂豐富牛味濃郁，而可能較厚件，不過有DD 難咬開，但味道取勝🟪海鮮鍋物🟪超豐富食材，好多款海鮮如蠔，扇貝，蜆，蝦，魷魚等，再配上豬骨湯底及蔬菜配料，真係食唔哂🤣🟫串燒及燒物🟫見到好特別的串燒，係燒內臟～✨汁燒牛筋串 $30⏩牛筋燒完冇咁黏口，但有外脆內軟的感覺，燒汁都非常入味✨燒牛肺串 $28⏩燒過的牛肺其實同平時牛雜差唔多🤣✨和牛渣滓燒茄子 $58燒茄子已經好入味，所謂和牛渣滓其實係和牛脂肪膏的碎粒， 燒完好似豬油渣咁乾身，不過可能有點膩✨燒魷魚一夜干 $88正常發揮，肉厚爽脆✨日式古法蒸廣島蠔 $108粒粒蠔都非常大隻飽滿，用蒸的方法最能保持原汁原味,一咬爆汁.⬛飲品⬜梳打類都正常發揮，性價比高， 每杯$28,送串燒啱哂feel…查看更多

紀念日同老婆食餐好嘅，揀左中環呢間The Italian Club Seafood Wine Bar，$1580再加一就可以食到 12 Course Italian Seafood Tasting Menu，亦可加配wine pairing的服務，每道菜式店員都會細心介紹，服務不錯。餐廳環境都幾有情調，臨近聖誕氣氛一流！APPETIZER有五款，飲杯welcome drink 先🥂cheers 餐前麵包附上15、25同50年嘅意大利黑醋伴芝士食，年份耐啲嘅黑醋會更加濃甜香醇！Hokkaido Scallop, Caviar Oscietra Imperial, Pure Gold帶子加頂級黑子醬，好鮮甜Lobster Carpaccio, Red Bell Pepper Julienne, Red Belly Pepper Umami爽口嘅龍蝦刺身片再加紅椒汁，增添了清新的感覺
Sicilian Red Prawn Carpaccio, Tarocco Orange, Chili Mayonnaise紅蝦刺身配紅橙片及辣蛋黃醬，加上薄荷葉，味道層次豐富
Blue Fin Tuna Belly Ceviche, Sicilian Chickpeas Hummus, Home-Made Tacos藍鰭吞拿魚腩加上鷹嘴豆泥的taco，口感寶在，充滿魚油脂香！Mediterranean Anchovies in Sour Sauce “Carpione”, Crunchy Red Onions, Sicilian Organic Honey Emulsion鯷魚漬酸酸地幾醒胃，加埋炸洋蔥絲同Sicilian有機蜜糖就啱晒！
Squid, Fennel, Agrumi Sauce, Grapefruit Mint Leaves, Sichuan Peppercorn魷魚洋溢四川花淑嘅香味，幾有特色！熱盤Skewer of Blue Fin Tuna Loin, Slow-cooked Watermelon, Acetosa Leaves肥美嘅吞拿魚腩配慢煮西瓜，幾新奇嘅組合，食落又幾夾Mussels, Gorgonzola Fondue, Fresh Alba Black Truffle上菜時直接係面前刨黑松露係芝士青口上面，藍芝士味道香濃，真係色香味俱全🧀
Sicilian Baby Octopus, Baby Squid, Clams, Musarla, Fumetto Broth好濃郁好足料嘅海鮮湯，有魷魚，八爪魚，蜆同青口，帶來不同層次嘅咀嚼口感Lobster Spaghetti Carbonara 2.0, Caviar Osietra Imperial意粉煮得al dente，龍蝦鮮味十足Seabream AcquaPazza, Japanese Tare Sauce食完意粉仲有一份主菜，店員將鯛魚拆肉再分比我地，佐以日式燒汁，魚肉都幾嫩滑甜品有甜酒配搭唔同口味嘅tarts、朱古力、奶凍同tiramisu ，超級滿足！老闆話個奶凍 the best in town，大家要黎試下啦…查看更多

今日嚟到獲獎無數的榮哥廚房私房菜食飯~ 入面位與位之間有屏風相隔，幾有私隱度，啱晒同一大班朋友聚會！前菜有榮哥自家甜酸齋、茶燻流心蛋伴黑魚子醬配厚切茄子、雙色墨魚仔同本地水耕沙律菜伴芝麻醬。雙色墨魚仔有辣有唔辣，幾有咬口。茶燻流心蛋帶煙燻香氣，一啖食晒好滿足，而厚切茄子配醬汁食都好正！水耕沙律菜伴芝麻醬就幾清新原盅燉哈密瓜螺頭黑毛豚肉湯這個有D似係爵士湯，有滋陰養顏嘅螺頭同清潤嘅哈密瓜，湯味鮮甜蝦球水芙蓉，用杞子拼成花ge形狀，幾靚！蝦球爽口彈牙，上面嘅雞湯好晶瑩剔透，底下嘅蒸蛋真係滑嘟嘟👍🏼蜜椒比利時杜洛克 St. louis橄欖豬肋骨，幾juicy，食落有橄欖香味海鮮係油浸時令鮮魚，店員幫手切好條魚方便品嚐，魚皮炸到脆卜卜，正呢道江南百花雞將雞胸去了骨釀入蝦滑，雞味濃郁，啖啖肉吃得爽快過癮！農坊獨頭糖心黑蒜炒飯份量十足的炒飯，黑蒜味幾特別金銀蒜香有機時令鮮蔬，用蒜泥炒得十分惹味甜品有流心嘅黑芝麻福元湯丸！煙煙韌韌幾好食…查看更多

好久沒有到日本，很掛念市場新鮮的刺身及壽司，但Omakase訂位需提早預約好一段時間。今日突然壽司癮又發作，決定一試公司樓下新開的外賣店。餐廳食材都是日本直送，連日本米也是，款式更如omakase 的特別種類，並由廚師發板。海膽魚子吞拿魚蓉手卷 $60推介這手卷！海膽新鮮甘甜，魚子粒粒爽脆鮮甜，吞拿魚蓉亦入口即溶。一般手卷只有一開始才舖滿食材，食到中段只有壽司飯，惟這手卷由頭至尾均有吞拿魚蓉！😍讚飛機直送八貫 $148 魴鮄魚： 肉質扎實有嚼勁，味道比真鯛清甜金目鯛：肉質肥美細嫩，油脂唔算太多，帶點磺物質味石鯛：晶瑩通透，綿滑有彈性不帶腥味，清純魚香炭烤鰹魚：大愛！煙燻的香烤氣味，隨後有鰹魚的鹹甜味，非常有層次中拖羅：入口即溶，滿滿魚油香笠子：非常爽口，有D似食海班的味🤣劍魚腩：肥美厚切，平時很怕有腥味，又怕雪到實的的多筋，這次入口即溶火灸左口魚邊左口魚要火灸才迫出魚油，濃郁精華於口腔內縈迴，正酢鯖魚因有薑絲能僻除腥味，加上有紫蘇葉加添香氣，能昇華味道，酸酸的夠清新開胃除壽司，店舖還有刺身井/生蠔/原板海膽，性價比高，可以再戰…查看更多

唐人街嘅中菜好多人話同香港唔同，今日就試試英籍華人帶返香港嘅中菜。雖然食中菜，但餐廳裝修好似西餐廳，富有浪漫情調。中式炖湯 $60 中菜打頭陣先點個中湯，天天不同，今晚例湯為姬松菇烏雞湯，十分足料，非常濃郁甘甜。香酥鴨跟薄餅 $200頭盤先來歌香酥鴨薄餅，其實似食西式片皮鴨。香酥鴨肉為一絲絲，炸過十分酥香但不帶油膩感，包皮夠薄軟熟，趁熱配上青瓜及甜醬，滋味無窮燒牛肋骨 $450 主菜點了燒牛肋骨，鐵板形式上菜令人懷念！牛肋骨肉質軟嫩入味，醬汁酸酸甜甜，有點羅宋湯味道。由於油脂豐富，所以都頗膩KFC 甜辣炸椰菜花 $110 很有趣的菜式，仿KFC炸雞的炸椰菜花，炸粉夠薄脆，醬汁像炸雞甜辣醬，酸酸辣辣，都很醒胃。Cocktail $95/杯餐廳提供大量款式的酒精飲品，我哋品嚐了Cocktail  1.   Lemongrass Mojito: 似有酒味的檸檬梳打，加入檸檬草及薄荷葉提升香氣，非常清新2. Calamansi Gin Sour:帶花香的Gin 酒，清甜頗易入口…查看更多

老婆久久未有去日本旅遊，於是 book了這間居酒屋思鄉，門口燈籠裝飾富有日本情調，坐位舒適，店員亦十分有禮。鱈魚干及螢光魷魚漬鱈魚干微温脆口，與沙律醬絕配，可以食不停口，而螢光魷魚不腥還十分新鮮，滋味非常刺身拼盤較少吃的刺身款式，包括吞拿魚，燒北寄貝，水八爪，油甘魚及虎蝦，每款都厚切，非常鮮味。清酒燒蜆帶有陣陣酒香，蜆肉亦十分大粒鮮甜左口魚及銀鱈魚火灸壽司：滑嫩肥美的魚肉，夾著紫菜及松露碎進食更有層次感，魚油更齒頰留香串燒 推介：大葱燒雞肉及燒牛舌雞肉外脆內嫩，鎖著肉汁，而牛舌雖厚切亦不會乾韌…查看更多

同老婆去康城行下新商場，見到祥仔辣辣係The Lohas 都開左分店，嗜辣之人當然要試下啦！辣辣招牌二人套餐有前菜、招牌菜、小菜同甜品，性價比高！呢個係招牌口水雞，軟嫩o既雞肉浸泡係滿滿的辣油之中，食落又麻又辣，好正，而且花生好脆口！酸辣紅海蜇花都幾爽口，微酸辣且帶有嚼勁招牌菜我地揀招牌祥仔酸菜魚！菜式可以選走辣、微辣、中辣或者大辣，所以唔食辣嘅朋友仔都可以食到！就番老婆，酸菜魚揀左微辣，都幾香幾惹味！酸菜魚微微酸辣，湯頭清甜，原來係用左雞骨同豬骨去煲！魚肉好嫩滑，高質自家酸菜炒肉末配薄餅，肉末加上酸菜炒得好香！呢道菜拌飯一流，用薄餅包黎食幾特別，另一番滋味！干鍋福建椰菜花又係爆充滿麻辣鮮香，椰菜花好入味！焦香爽脆宮保蝦仁份量都幾足，蝦仁肉質彈牙，味道酸辣提香套餐o既甜品係酒釀桂花湯圓，味道清香雅淡，配合煙煙韌韌o既湯圓，幾好！食辣當然要叫D凍飲先夠爽！叫左兩杯沙冰試下，牛牛好滑好香牛油果味，清甜帶奶香。熱情之谷口味就更加清新，有香蕉、芒果汁、鳳梨汁加上牛奶，充滿熱帶風情！辣得過癮🔥…查看更多

限聚令下無得堂食，所以收工去附近南豐紗廠行下街，順手就買埋外賣返歸食！LEE間Honbo想食好耐喇，老婆係屋企等緊，就快快手落單先，嗌左一個招牌漢堡同都個芝士漢堡加薯條。即叫即做，所以就坐低等等，LEE到裝修都幾美式風格，對岀有個好大GE露天平台，唔拎返屋企都可以係果D Comon Area食，環境開揚都舒服搞掂就走喇，包裝都用心，拎到返去都維持原貌👍🏼漢堡烘過，食落帶點酥脆，已值得一讚，香氣十足GE牛肉漢堡入口非常Juicy，加埋個芝士同自家製醬汁，充滿層次感，係惹味嘅！4oz牛份量十分充足，食得過癮加左$25配炸薯條同可樂，絕配阿…查看更多

想同老婆食番餐好GE，佢就揀左黎尖沙咀LEE間木户食日本串燒～網上訂座做緊優惠85折，抵食！店面樸實簡潔又富設計感，推開木門入去，入面熱鬧GE氣氛令人感覺好似去日本居酒屋咁！店員服務好好，第一次黎我地就嗌左D大家都推薦GE菜式試試先首先係前菜木户自家製蟹味噌配鮮雜菜條，雜菜條GE配搭相當用心，白蘿蔔、胡蘿蔔、西芹、青瓜同蘆筍，每一種蔬菜都非常新鮮，脆口甘甜，同帶有濃香GE蟹味噌真係絕配！ LEE到嘅雞肉串燒用o左奈良大和貴妃雞，水準同品質都有保證👍🏼 上串燒GE時候，店員捧岀一共九款的調味粉作配搭，有一味粉、七味粉、墨西哥辣椒粉、和辛子、辣魚子粉、山椒粉、柑子鹽、紫菜梅子鹽同埋青紫菜粉，可以完全隨自己口味喜好組合，為串燒提昇獨有GE風味先黎雞肝、雞腿肉同雞皮，睇得岀師傅控制GE火候剛好。雞肝豐厚飽滿，燒到外酥內嫩，口感綿潤。雞腿肉脂香十足，鮮甜多汁GE風味蔓延整個口腔！燒雞皮好正，極香脆爽彈而且入口一D都唔油膩之後嗌左D福岡特色串燒，點少得呢碟充滿GE默契組合 — 日本韭菜豚肉卷？！上面灑o左D黃芝士同白芝士，一啖食落去非常JUICY，濃郁好味揚蝦串上面淋左D紫菜醬，蝦肉細緻緊實有彈性燒鹿兒島安納芋必點！LEE款日本極品蜜薯甜度高而且口感非常細膩軟滑，烤到外皮微酥增添口感，入口就感受到安納芋香濃GE甜味係口中擴散～醬油燒魷魚賣相滿分，非常大隻的分量，燒得o岩o岩好唔會乾柴，入口濕潤脆軟，非常滋味！LEE個燒麻糬雞肉丸飯團值得一讚！帶點焦脆又帶點沾糯GE嚼勁，濃濃米香加上飽滿餡料GE融合，讓人大呼過癮！料理長推薦料理當然唔可以錯過，特登留肚食LEE個總廚木村先生家族袐傳宮崎南蠻炸雞1956年。南蠻炸雞煮得柔嫩，口感實屬上乘。而且袐傳醬汁果然名不虛傳，好好食！…查看更多

今晚去左和氣食堂食晚餐，貪LEE到o野食多款式選擇，而且服務同食物質素都好！每次都會嗌下沙律o黎食，唔係講笑淨係沙律都有九款，誠意十足！今次叫香芒燻鴨胸沙律配黑醋，芒果香甜多汁，厚切的燻鴨胸微炙後迫岀油香，同樣充滿肉汁，一啖芒果一片鴨胸好開胃！千回火鳥係雞翼串燒，燒得皮脆肉嫩，簡單調味食岀雞翼原始GE味道和口感，有驚喜牛油果芒果三文魚班㦸都係清新GE開胃菜，牛油果配三文魚無得輸，加左芒果令味道更清新寄世鍋GE意思就係集結了世界各種食材而成為豐富的一品，LEE個廣島蠔寄世鍋真係好豐富，煲滾左將食材鮮味釋放，底下GE蔬菜都吸收晒，食落好甜有蝦有魚有蠔仲有大粒飽滿GE蜆肉食D澱粉質就嗌左個白烏冬咖哩，賣相好掂！濃厚忌廉下面係惹味GE 咖哩烏冬，忌廉加左薯仔黎整，成碗都好夾。呢碗係配左炸雞黎一齊食雖然已經好滿足不過老婆都係有第二個胃食甜品！呢個嶡餅白玉牛奶雪糕好食又唔會好甜，白玉柔軟煙韌，嶡餅清甜有咬口，配雪糕黎食好正…查看更多

唔係朋友帶路真係唔識o黎！別有洞天GE一間酒吧餐廳，Cocktails 精緻好飲！最出乎意料GE係LEE度食中菜GA！仲要水準幾好TIM菜式灑左魚子醬同金箔，效果貴氣。鮑魚好有心思咁放喺冬瓜上，連同話梅汁，食落開胃！咕嚕肉非常講究，用左特別多肉汁GE黑豚肉，脆皮酸酸甜甜！打頭陣GE兩道菜都令人食指大動！LEE個係上湯浸時蔬，蔬菜吸收左上湯而變得柔軟清甜，清清地都唔錯！脆皮炸雞雞件砌得精美，而且好好肉地，肉質結實，雞皮薄脆無得彈！羊肚菌水中花LEE個湯就連個名都好詩情畫意，一圈又一圈真係好似花！羊肚菌味道香濃，好飲！菠菜炒飯綠油油一片，有唔少蔬菜粒，飯粒有咬口，食落係清爽唔油！黃金脆奶卷甜度ARM ARM好，奶香濃郁！最後整翻壺碧螺春一邊傾計一邊嘆，好寫意！…查看更多

中環又有新拉麵店進駐，雖然係試業中不過都好服務周到！安排左入座之後店員就介紹下有咩推薦，LEE到岀名雞白湯拉麵同活燒蒲燒鰻魚飯，咁就一於試下招牌菜！雞白湯拉麵個賣相好掂，上面一條條果D係新鮮炸GE牛蒡，食落脆脆地幾特別！奶白色GE湯底果然真材實料，用赤雞熬製六小時，湯頭味道濃厚溏心蛋流心效果做得不錯拉麵有滑嘟嘟雞肉同半肥瘦叉燒，配料豐富活燒蒲燒鰻魚飯即叫即燒，用漆器食盒裝住，有前菜有飯有湯，誠意十足蒲燒鰻魚真係啖啖肉，而且好厚身肥美，燒到邊位帶少少焦脆勁惹味！加埋D珍珠米同蒲燒汁一啖食晒，啖啖魚油香，加上米飯加左D芝麻落去，味道仲香，超正！…查看更多

一家大細o黎日喜樓食飯，新開張乾淨企理光猛，大人細路都坐得舒服！一個Pad睇晒主菜單同 Drink Menu，方便又環保D先o黎一碟杞子花彫醉雞，用杞子湊左朵花岀o黎，賣相好掂，酒味香濃，D雞係好嫩黃金蝦球好香咸蛋香，大大粒啖啖肉，蝦肉彈牙爽口！想食羊，店員就介紹左呢碟京燒羊比我地。無介紹錯，外皮燒得酥脆香口，裏層帶少少脂肪，不膻不膩，正！試下LEE到GE日喜灌湯小籠包，厚薄適中 ，熱辣辣入面湯汁超燙口，有水準👍🏼芙蓉三鮮睇落平平無奇，蛋白炒起好似芙蓉花，三鮮就係蝦仁、帶子、鮑片，令成道菜非常鮮甜厚切海參黑豚煲好抵食，一煲有勁肥厚重量級海參同靚靚黑豚肉，肥肉甘爽！雖然已經好滿足，不過都叫左個北京炒拉麵，食下D澱粉質落肚。又炒得幾好，加D辣辣地GE豆瓣醬好好食老婆例牌要食飯後甜品，吾是南瓜個樣夠晒特別！南瓜GE外表，紫薯蓉GE內心，清甜不膩，有驚喜👍🏼…查看更多

老婆生日當然要隆重其事，想吃 Fine Dinning 又唔想太拘謹，所以就一早訂左LEE間好有情調GE意法私房菜館比個驚喜佢！Set Dinner 有齊頭盤，湯，Entrée，主菜同甜品，菜式選擇多而且價錢合理侍者奉上香噴噴的麵包盤，三款麵包有墨魚包，香草包同芝士薄脆配撘唔同GE特色抺醬。餐前麵包好緊要，因為可以試到餐廳GE水準！暖烘烘GE麵包非常鬆軟，塗上香草茄子醬，辣肉腸南瓜醬或者點醋都非常好食！Starter係法式油封鴨腿塔，擺盤賣相精緻Confit慢煮過GE鴨腿肉好軟嫩鮮味，充滿鴨的油脂香，所以頂層加左醃蘿蔔片，鴨肉拌洋蔥蕃茄，色彩繽紛之餘中和左膩感，係相當清新開胃GE組合餐湯係煙燻巴馬火腿車厘茄忌廉湯，入口茄香湧滿整個口腔，撈勻拌湯一齊享用，會將 Parma Ham 的甘香慢慢滲岀，層次更加豐富！Entrée係焗阿拉斯加蟹腳，無諗過咁大隻啖啖肉！上面加左咸蛋荷蘭醬，惹味又鮮味主菜上之前就吃個番石榴雪葩，味道清甜好refreshing！主菜環節係紐西蘭深海海螯蝦意大利麵，都幾大隻，成個mini版龍蝦咁，不過肉質就比龍蝦細嫩D甜美D！甜品送上，侍者係盤上寫上Happy Birthday 及插上蠟燭，另一驚喜係原來餐廳會幫每枱客人影一張即影即有，仲寫埋今日日期，氹得老婆非常開心！甜品係吉士芒果拿破崙，甜度適中，簡單又美味餐廳服務周到，食物水準高，埋單時有Discount仲有Coupon送，過左一個非常愉快寫意的一個晚上，老婆表示十分滿意！…查看更多