LynnieCheung7171的個人專頁

之前係尖沙咀做野，成日經過，都未有機會試下。呢排放假，咁岩係附近，終於可以試下。~B4烤菇芝士牛堡+薯條拎起手比想像中大，個包有少少乾，冇咩麵包既香味。牛肉軟綿綿，唔會太鬆散。大啡菇好多汁，另到成個burger 唔會好乾。Burger有兩個醬，蜜糖芥末同蛋黃醬，好夾。薯條係粗既薯條，好脆，咸度岩岩好。整體黎講，不過不失，配搭唔錯，但麵包要花多少少心思。…查看更多

到左朋友仔既生日，緊係要找數，帶佢去食好西啦。今次book左漁獲浜燒，咁岩26號都仲有聖誕set，唔洗諗食咩。~Appetizer~~炙燒平目魚邊沙律上面有滿滿既黑松露，炙燒平目魚油脂豐富，加埋義式沙律醬，非常開胃。~Sashimi~~北海道馬糞海膽刺身海膽好新鮮，好鮮甜~金目鯛刺身~北海道牡丹蝦刺身蝦身好大隻，食落好滿足~Hamayaki~~活鮑魚浜燒冇落過多既調味，用本身海水既咸味，燒到比較乾身，但唔會太硬。~北海道鱈場蟹浜燒唔會太乾，好易起到蟹肉~活日本北奇貝浜燒加左海帶一齊燒，好爽口~Main~~龍蝦刺身（活刺身＋兜甲羅燒 兩食）第一次食龍蝦刺身，好鮮甜，肉質幾彈牙。甲羅燒燒蝦頭，滿滿既蝦膏，好香口。~蟹肉黃金海膽炒飯炒到好乾身，好香。~Dessert~~檸檬雪葩半隻檸檬，酸酸甜甜，好香既檸檬味，好解膩。~蘋果雪葩原隻蘋果上，有蘋果既清香。雖然擺盤唔算好fancy, 但係海鮮都好新鮮，甜品非常有誠意。…查看更多

相信平時鐘意打卡同周圍食好西既大家，對蟲二一啲都唔陌生。今日難得早收工，去旺角行街，緊係要去蟲二食我心心念念左好耐既伯爵茶麻糬傳統班戟啦！一汁三菜 便當 ~烤芝士漢堡扒伴海苔肉鬆漢堡扒軟綿綿，有淡淡既洋蔥味，加上芝士同照燒汁，融合得岩岩好。另外，加上肉鬆又係另一番風味。~櫻花蝦豆乳味噌豚肉高麗菜卷配高野豆腐及年糕福袋味噌湯好香櫻花蝦，豚肉高麗菜卷非常入味，高野豆腐及年糕福袋出面既腐皮都吸滿湯汁，清淡但有鮮味。日本穀米杞子醬油炊飯入面有蕃茄仔，最特別係食用方法，有三部曲，職員會比張卡仔教你點樣食。我最鍾意既就係加入慢煮蛋既食法，蛋黃又香又滑，令到炊飯既口感更豐富。伯爵茶麻糬傳統班戟好香伯爵荼味，班戟好似強糕咁，軟綿綿，加埋麻糬煙煙韌韌。桂花蜜梳打有好多既桂花係上面，視覺同味覺既享受。綠茶伯爵茶鍾意伯爵茶既朋友，一定唔可以錯過。比起平時飲到既伯爵茶唔同，幾特別。…查看更多

依加係銅鑼灣反工，緊係要係附近搜羅下有咩美食啦。澳門逸園中心成棟大廈好多日本菜，今次試試”古今”。琦奇玉網燒牛舌牛舌大大塊，有d厚度，燒到剛剛好，嫩得來一啲都唔韌，配上酸酸地既汁，一啲都喎油膩。櫻花蝦原條茄子燒茄子好易夾起，滿滿既櫻花蝦，非常之香，櫻花蝦食落去唔會硬又唔會太淋。超級龍卷風卷入面有鰻魚、炸海老、芝士、青瓜。外面係脆片，配上鰻魚汁，口感非常豐富，芝士味唔會太重，冇搶到其他配料既風頭。一啖放入口，大大既滿足感！煙花Size比起龍卷風小，卷入面係辣味三文魚同芝士，卷上面係辣味吞拿魚，仲有少少既蟹籽點綴。辣味就好似佢個名一樣，係個口入面放煙花咁，唔會太辣，非常特別。環境方面，日式木系裝修，位置唔算太多，最好預約左先。總括嚟講，卷物非常創新、特別，而且又好食，鐘意試新野既朋友一定要試下！…查看更多

約左朋友仔係荃灣食飯，但唔知食咩好，咁岩經過，見到有梳乎厘班戟，好吸引，就決定食呢間。28 辛京都風咖哩牛肉 - 升級：前菜x2 + 飯團 + 時令水果 + 日本茶牛肉燉到好淋，有洋蔥同紅蘿蔔，肉既份量偏少。前菜沙律係意式沙律醬，酸酸地，好開胃。另一款係八爪魚，好爽口彈牙。汁燒雞扒- 升級：前菜x2 + 飯團 + 時令水果 + 日本茶雞扒焦香嫩滑，加上椰菜絲，清爽而不膩。焦糖鳳梨班戟班戟軟綿綿，好香蛋味。菠蘿有加糖火炙，有一陣甜甜的焦香味，加上班戟，幾特別既配搭。 仲有菠蘿啫喱同菠蘿醬，但菠蘿醬偏甜。完熟清甜密瓜班戟密瓜香甜加上原塊啫喱，多一層口感。環境黎講，因為係商場再extend 部份黎坐位，所以會比較嘈。如果食個快飯同想有甜品都係唔錯既選擇。…查看更多

依加係CWB 反工，要周圍搵下好野食，登龍街一向都多野食。之前見到朗豪坊開左間燈籠滷味，一直都好好奇。今日就試試佢。餐廳有兩層，係lunch time 既時段都好快有位。特選牛餐E 自由是個好東西 台灣直送水蓮菜/蜂巢牛肚/鴨血+稻庭烏龍麵 HK$66唔知係咪因為係二樓既原因，湯既份量比較少，佢既滷水汁同香港既好唔同，唔甜，比較重香料同咸咸地，整體黎講有少少淡。烏龍麵就即係烏冬，雖然比較幼身，但都唔會太淋太軟。水蓮係香港比較少地方會見到，所以必點。牛肚就偏咸，鴨血就真係普普通通，而且湯底偏淡，冇咩味道。午市小食 – 海苔鹽酥雞 HK$19個人比較重口味，鹽酥雞唔夠咸，但係都夠酥脆。冬瓜茶 HK$11份量黎講，對於我呢啲比較大食既女仔，加埋小食岩岩好夠飽，不過lunch 食太飽好易眼訓存嘛。食得唔重口味既人黎講應該會幾鐘意。…查看更多

久違既飯聚，每一次黎海港城，經過城中鴨子都好多人係出面排隊，一直都好想試試有幾勁。因為上網睇過資料，係冇得預約，只可以walk in，今次兩位朋友5/6點就去拎位，然後就去行街，行到8點半，終於有位。烤北京填鴨(半隻)首先，賣相精緻，烤鴨外皮色澤均勻、油光滿滿，刀功精湛，皮肉分離，大少一致。外皮烤得酥脆肉嫩，配菜有青瓜、京蔥、餅皮，加上沾醬，甜而不膩。不得不稱讚餅皮，皮薄但不會太乾，而且煙煙靭靭，食過咁多間片皮鴨，第一次食到呢煙靭既餅皮。無錫灌湯小籠包皮薄多汁，肉汁鮮甜又不會油膩。京醬爆里脊絲京醬係偏甜，加上京蔥、餅皮，不錯既配搭。麻辣水煮魚片魚肉唔係薄片，係魚塊，嫩滑得黎又唔會有魚腥味。而且有好多配菜，有粉皮、腐皮、芽菜。香芋海鮮焗飯焗飯係炒飯底，唔會濕淰淰，係粒粒分明既飯粒，但係好少芋頭。總括嚟講，排咁耐隊係直得，雖然淨係可以walk-in , 但可以早啲去拎位，再行下街。裝修環境都唔錯，入面既位都坐得舒服，但因為室內燈光太大，個窗唔係好睇到海景，浪費左個海景。…查看更多

終於有時間出去食個晚飯，餐廳入有好多特別既貓貓畫，畫入面既貓貓都有紋身，非常特格，然後一面牆係巨型黃色既霓虹燈。晚餐叫左兩個set加一個小食同甜品，～前菜要左一份沙律，一份湯。湯係忌廉粟米湯，好多粟米，反而令忌廉湯既味道變淡。～主菜赤味噌燴牛面肉配薯菜牛面肉燉得非常之嫩，入口都係軟軟的，唔會硬同乾，唔洗用刀都可以分得開。但味噌味唔太特出，少少既失望。黑松露雜菌意大利飯意大利飯唔會太硬唔會太硬，不過食太多會有少少既膩。～小食肉醬芝士大啡菇大啡菇焗得唔夠乾，雖然保持左入面既水份，但令到肉醬太淡，所以成個配搭淡淡地。～甜品Tiramisu 甜品相對有驚喜，自從食過某間餐廳既Tiramisu, 對Tiramisu 都驚驚地。但呢間餐廳既Tiramisu 甜而不膩。…查看更多

前排係ig見到有人話呢間泰國菜係星級大廚，咁咁岩係港島區做野，收工即刻去試試佢。~餐廳環境~燈光比較暗，每張枱既間距太細，坐sofa 位，出入到困難，而且我叫咁多野食，二人枱真係岩岩好放得落。~Food~~慢煮加拿大牛肋骨紅咖喱牛肋骨牛味夠重，嫩滑，半肥瘦，油脂剛剛好。加上羽衣甘藍同青木瓜，非常解膩。但青木瓜唔夠爽口。~燒薄餅唔夠香口~大蝦春卷春卷炸得非常脆，蝦夠彈牙，加上羅勒葉，令春卷十分清爽又有一陣獨特既香氣。~冬蔭蜆湯同平時飲到既蜆港唔一樣，唔夠酸，比較重海鮮味，蜆肉好大粒，但有陣土腥味。~香芒黑糯米今晚最期待嘅甜品，黑糯米好煙靭，加上椰汁令糯米既香味更突岀， 但芒果好酸。要加上上面焦糖，先中和返。~上菜次序、服務態度~有啲差，明明係平日，但完全人手不足。上錯野，都搵唔到服務員。埋單都要等好耐。…查看更多

係海港城既日子，緊係要食好西啦。呢間過江龍聽左好耐，而且每次都大排長龍又冇得book位，今日lunch，即刻衝過去拎位，都要等左成9個字。滿天星肉汁漢堡扒蛋包飯漢堡扒軟棉棉，一d都唔硬唔乾。肉汁係酸酸地。蛋好香蛋香，單食會少少咸，要配飯食，有少少蓋過左入面蕃茄飯既味道。日式咖喱吉列豬蛋包飯同事叫呢份咖喱飯，吉列豬外脆內軟，好多汁，加埋好香既咖喱，令味道非常有層次。同事係個飯越挖越有驚喜，有唔同既配料，青豆、蝦仁、紅蘿蔔、香菇，最特別係有提子乾，令個飯酸甜酸甜，非常特別。食到最後，先發現蛋包飯既飯係咖喱飯，唔係蕃茄飯。吉列廣島蠔我地眼闊肚窄，點左份小食。蠔好大隻，外脆內多汁，加買佢既酸瓜醬，令個蠔非常之清新，唔會太油膩。加埋薯仔沙律，清爽既口感，解膩又清新。飯既份量係幾大，我同我同事都食唔晒，下次可以share黎食，再叫下其他唔同小食或者甜品。整體來講，係有少少貴，但去唔到日本，食完當去左架啦。佢既梳乎厘要2:30pm後提供，所以有少少失望。…查看更多

近排係海港城做嘢，可以試下唔同既餐廳，今日lunch就去左食祥仔辣辣。叫左一個二人餐同一份麻婆豆腐，二人餐既份量比想像中大份。～二人餐～～前菜>酸辣萵筍紅海蜇花海蜇冇乜味道，但爽口。>香辣山木耳木耳入味，好香既辣味同蒜頭味，非常開胃。>辣辣脆鱔甜甜地，帶少少既辣味，鱔炸到非常脆，帶有焦香。~招牌菜>招牌祥仔酸菜魚夠酸，魚肉都係爽脆，夾起身唔會斷。入面仲有萵筍、芽菜同酸菜。>絕味辣子雞雞肉炸都香脆可口。>乾燒大虎蝦蝦有少少梅，但整體都爽口，醬汁甜辣，非常入味。>酸辣燴炒土豆絲土豆絲唔夠幼細，但夠酸。~甜品-仙草凍~加點~~麻婆豆腐豆腐嫩滑，加埋肉醬，非常香口，拌飯一流。總體黎講，CP值幾高，唔想淨係食酸菜魚，食下其他野，酸菜魚既份量唔太大，可以叫下其他野食。坐既位置都幾舒服。…查看更多

慶祝朋友生日，然後睇到呢間韓燒既景色唔錯，所以就book左呢間。～燒肉精選美國牛肋骨（醃）醃得好入味，甜甜地既燒肉醬，令我諗反起韓國好岀名既立食牛，都係牛肋骨同甜甜既燒肉醬。店員會幫我地剪食一片片方便我地燒。美國特級霜降牛肉因為韓牛只有扒，冇薄切，所以就點左霜降牛肉。不過不失，油脂唔夠。韓國濟洲特級新鮮黑豚五花腩片（無醃）想點厚切既五花腩，但店員過短期內唔會反貨。店員都好貼心咁幫我地剪細塊d，方便我地燒。另外點左生菜同芝麻葉，如果唔鐘意好勁香料味，就未必鐘意芝麻葉啦。～其他熟食三色煎餅（泡菜，海鮮及雜菜)薄薄既煎餅，內脆外軟。水冷麵最後既水冷麵煙煙韌韌，加入左青瓜同梨絲，非常清爽，解膩。整體黎講，冇太特別既點，但係環境唔錯，慶祝活動都係唔錯之選。特別留意，冇得指定要窗邊位/海景位，係先到先得。…查看更多

今日去K11 Art買生日禮物，就順便食埋晚餐。經過How to Love Well, 朋友話呢間既咖啡唔錯，之前等左好耐先有位食。今日冇咩人，所以就決定食呢間。~和風雞胸白菌嫩菠菜沙律雞肉嫩叫滑，配上和風醬，微微嘅酸甜，非常開胃，但係沙律入面既蘑菇，完全冇菇美，口感同平時食嘅蘑菇唔一樣。但整體嚟講，係唔錯。~香烤澳洲羊肩肉羊肉我哋叫咗5成熟，但係嚟到應該已經overcook, 超過七成，好彩肉質都鬆軟，羊騷味唔會太勁，配上薄荷芥末蛋黃醬，味道就會比較清爽。~香煎北海道帶子，胡椒魚肚，意式長通粉我同朋友對於長通粉冇乜好感，但係佢嘅配搭，令到我哋好想試一試。長通粉偏硬，但係個魚肚爽口，令到成個意粉配搭非常特別。帶子外脆內軟，非常鮮甜。~Ginger Bread Latte朋友話冇乜薑味，有少少失望。~Dirty反而Dirty有驚喜，第一啖因為個咖啡仲係熱嘅，飲到咖啡豆嘅酸味，之後咖啡凍咗，就冇咗咖啡豆嘅酸味，令到成個配搭變得順滑融洽。~自家供焙蛋榚問咗店員，今日嘅自家烘焙蛋糕係伯爵茶戚風蛋糕，蛋糕體非常之軟熟，好濃郁嘅伯爵茶味，今晚嘅之最！整體來講，可以因為個蛋糕而回頭，平時行街行得攰，可以嚟飲咖啡同食蛋糕。…查看更多

今年既生日飯，黎試下三日月。係假日既晏晝去食，除左包間，都滿坐，所以要食既吃貨們要提前訂位啦。*日本赤鮑魚鵝肝和牛二人前套餐*～前菜有三道，最特別係煙燻雞肉刺身，第一次食雞肉刺身，口感煙韌，十分特別。～生蠔有手掌咁大隻，非常鮮甜，應該係近呢幾年食過最好食嘅生蠔！同黑門市場有得比！～日本赤鮑魚鮑魚非常新鮮，口感係爽口，但係個醬有少少偏鹹。～香煎鵝肝入口即溶，鵝油非常之香，配埋鐵板燒蔬菜，唔會太油膩。～A5宮崎和牛牛味濃郁，油脂豐富，好彩份量唔大，唔係嘅話會好油膩。～鐵板燒炒飯好香櫻花蝦味，食到一半，加入茶，變成茶漬飯，又係另一番風味。整體嚟講，價錢雖然有啲貴，但係質素係對得起個價錢嘅，所以性價比高。但係因為唔係坐卡位，所以就會少咗一種食鐵板燒嘅感覺。…查看更多

終於有時間寫下食評，第一間諗到既餐廳就係呢間cafe，已經第三次食。個日係平日晚上去，比較少人，之前都係假日去，人比較多。~Dinner set main course 慢煮西班牙黑毛豬配自家製蘋果醬黑毛豬外脆內軟，非常鬆軟多汁，配上自家制既蘋果醬，令平平無奇既黑毛豬添上清爽既口感。香草烤雞配自家製柚子醬相比起黑毛豬就慢慢地，雞肉比軟乾，自家製既柚子醬，單食無好食，但配烤雞就有種格格不入。~飲品熱朱古力鮮奶熱水蜜桃紅菜~甜品朱古力心太軟呢道甜品對於爐溫同時間要求非常之高，個日食既時候係有少少失敗，冇想像中既流心瀑布，熟左少少，對上一次去既時候係有，所以有少失望。Daily cake我地揀左朱古力味芝士蛋糕，冇咩特別。~環境同桌遊標題提及到，有得食有得玩，仲有靚景。坐窗邊可以望到荃灣海濱，係工廠大廈cafe入面，係難得既靚景。餐廳裝潢係暖色調，同埋有唔同既打卡位。另外，餐廳有提供唔同既桌遊，可以自己拎黎玩。…查看更多