Fatty 1986的個人專頁

今日收工同朋友喺觀塘食飯，因為朋友鍾意食牛🥩，所以搵咗間食和牛漢堡！舖頭喺工廠大廈入邊，都好容易搵！首先，我好想講，服務真係好好，一入到去已經好熱情招呼，當我同朋友望住個餐牌嘅時候，有個男店員好耐心噤介紹兩個和牛飯嘅分別😍，然後再介紹買三款醬汁！本身我想食雞扒沙律，但係諗諗吓人哋出名食和牛，店員又介紹話，一隻牛油脂味重啲，一隻牛肉味重啲，最終我同朋友都係各自叫左兩個唔同嘅和牛飯😂🍚🥩 招牌手打和牛漢堡蘭王蛋飯配日式泡菜🍚🥩 手打芝士安格斯漢堡蘭王蛋飯配芥辣酸瓜店員真係冇介紹錯，和牛漢堡，油脂味好濃，安格斯牛肉味好濃，真係兩隻好唔同嘅食法。🥳 然後各自配咗泡菜同酸瓜，出奇地搭。兩個都叫咗秘製漢堡汁，真係食得出唔係買返嚟開水嘅醬汁，有用心煮過！🥟雞皮餃子🥗日式和風沙律🥛明治牛奶 / 蜂蜜綠茶總括，餐飯總數食2百幾蚊，以食到呢個質素嘅和牛漢堡嚟講，真係一啲都唔貴。…查看更多

同朋友行完街，又唔係好肚餓，所以就諗住去食串燒！上OpenRice search，見到呢間新開嘅串燒，就諗住去試吓！我哋六點幾就去到，所以唔算好多人。其實本身真係唔肚餓，但去到坐低嘅時候見到個餐牌啲嘢食都好抵，所以都叫咗好多嘢食😂。自己QR CODE落單！嘢食唔係等得好耐，大概5分鐘後左右！推介 錫紙花甲粉 - 超大份，花甲超多，少少辣，啲粉絲好入味！推介 燒豬大腸 - 真係唔係度度有燒豬大腸食，果皮燒到脆脆地！燒四季豆 - 唔會燒到好乾，好爽口！燒脆香雞皮 - 香，脆！燒香卜卜魚豆腐 - 第一次食燒嘅魚豆腐，好得意，識落真係有啲魚嘅味道！燒肥牛金菇卷 - 比較普通嘅嘢，穩穩陣陣！燒惹味小饅頭 - 外脆內軟，甜甜地，配埋佢嘅香料，好特別！其他舖頭好少見！燒豆卜 - 平時自己燒嘢食都會燒豆卜，呢度嘅燒豆卜，再加埋佢嘅孜然粉，無得輸！推介 燒羊肉串 - 羊肉好出色，唔蘇，好Juice，食完一串，忍唔住再加多左一串！最後好想講，平時食完串燒會覺得好熱氣，但係間完全冇呢種感覺！…查看更多

有肉骨茶嘅餐廳我都想試，金鐘收工，同同事近近地就去試吓佢！都算好方便喎，好近地鐵站！我地18:20去到，可能仲未係食飯時間所以都唔算太多人！係收銀到order完嘢食，就比左個機仔我地，要放係餐枱嘅指定位置到！我同同事兩個人，各自叫咗一個餐，再加多咗個小食！同事叫咗文華海南雞飯，雞肉好軟滑，最重要係雞皮好爽，另外油飯嘅軟硬度都好適中同埋真係好重雞油香味，最後就係一碗雞湯，雖然唔係話好特別，但都好清甜，配埋雞油飯就啱啱好！好明顯我就叫咗新加坡肉骨茶麵線，一嚟到見到碗麵，肉骨非常多起碼有七舊，其實淨係食啲肉都好夠，我初頭以為麵線係米線，但係食落口啲面好彈牙，最重要係個湯，好好飲，好夠胡椒味，又好夠肉味！另外餐會跟咗四舊油炸鬼，浸埋落個湯度先食，真係完美！小食叫左黑醬油炒蘿蔔糕，個黑醬油味好好食，但係如果啲蘿蔔糕有煎下，可能會更加香口！不過不失！朋友好健康，叫咗檸檬薄荷梳打！我就好邪惡咁叫咗杯美祿恐龍，超夠味，其實飲美祿最擔心就係好淡好稀，但呢杯唔會，其實杯美祿一上到枱，我就知道我冇叫錯佢！🥰總括雖然抱住試吓嘅心態，但肉骨茶的確冇令我失望，海南雞亦出色！…查看更多

同朋友行完街諗住簡簡單單食啲嘢就算，朋友鍾意食粉麵，所以就揀咗呢間轉食牛腩粉麵嘅舖頭！嗰日行到有啲熱所以我就揀咗清湯崩沙腩撈，一嚟到份量都唔少，啲崩沙腩牛肉味好重，腩汁好入味，我自己覺得脂肪比例就好適中，唔會太肥！仲有不得不讚下舊蘿蔔，超林超入味！朋友叫咗坑腩魚皮餃面，坑腩對比起崩沙腩冇咁重牛味，佢嘅脂肪對比起崩沙腩更加少但又唔會好韌，另外湯麵最出色嘅一樣嘢就係，嗰個湯底，好清甜！朋友飲咗半碗湯🤣如果叫粉面可以加錢叫埋嘢飲，我就加咗$8叫咗個凍雪梨菊花茶，落單嗰時個哥哥話俾我知係佢哋自己煲！唔係講笑，好好飲，唔會太甜，飲完覺得好似好解渴咁！推介: 與其飲可樂凍檸茶嗰啲，不如試吓人哋自家製嘅飲品！其實本身見到隔離枱食炸魚皮，都好想叫，不過因為真係份量太多，冇叫到！下次再去一定會叫黎試吓！…查看更多

星期六放工同朋友兩個人喺旺角食飯，由於朋友超級鍾意食烏冬，所以揀咗一間食魚烏冬嘅餐廳。去到餐廳門口，門面好靚！餐廳好細心，一入咗就每人會送一杯小魚湯，雖然係送，但係不得不說好濃郁，好鮮甜！我同朋友一人嗌左個套餐！咖喱吉列豬扒拌魚烏冬套餐 - 分量超多，豬扒超大塊，脆卜卜，前菜仲有有子蘿蔔，小番薯同麻醬海苔！咖喱烏冬嘅咖喱好濃郁，但配番啲忌廉一齊食又變得啱啱好，值得留意嘅係，雖然係好有咖喱嘅香味但又唔係好辣，所以怕辣嘅朋友都可以試吓！極上蟹匠拌魚烏冬 - 一樣係有前菜，呢個拌魚烏冬，應該係用和風汁去煮，配返好香濃嘅蟹膏，又出奇地好夾，好開胃！好值得一提，兩套餐嘅烏冬嘅食法，啲魚烏冬都好煙銀，好好食！漁人樂脆 - 本身覺得叫兩個餐都已經好飽，但見到隔離枱有人叫，忍唔住又叫咗一份！入面有四款唔同嘅條，包括薯條，番薯條，魚肉春卷，墨魚春卷，仲要配埋個黑松露沙律醬，雖然已經好飽但都食晒！總結 : 成餐都好有驚喜，朋友超鍾意！ 魚烏冬真心無得輸！…查看更多

實在太耐冇食過燒肉啦，諗起食燒肉就即刻諗起喜來稀肉。 19:30去到，要行小小樓梯落地牢！服務員帶我地坐低之後，已經即刻拎咗好多碟小食過嚟，又有生菜俾我哋用黎包燒肉，又係個爐邊到倒咗啲蛋漿！服務快，一流！餐牌都未睇，已經有嘢食！爐邊蛋 - 有兩種口味，一邊係泡菜，一邊係芝士！本人鍾意食泡菜味多啲，最重要嘅係無限refill！真雪花牛肉 - 好嫩好滑，牛嘅油脂好香，一上枱見到碟牛啲花紋已經覺得好出色，只需要每邊煎10秒左右，已經食得！牛肋骨肉 - 超重牛味，口感好好，呢隻牛並非入口即溶嗰啲，有咬口，最重要係份量好多！呢款牛要煎來少少因為比較厚身！韓式蟹子飯 - 超大碗飯撈埋紫菜加蟹子，味道襯到絕！其實平平無奇嘅紫菜蟹子飯，但就係唔知點解覺得佢好好味！水冷麵 - 第一次食水冷麵，佢會俾埋一支醋，一支溝稀左嘅芥末汁，比我哋自己落，可以因應自己鍾意嘅酸味去落！酸味味好開胃，好夾食燒肉！總括 : 兩碟牛加埋主食都好正，最重要嘅就係平時食完燒肉會好大浸油煙味，唔知係咪因為佢嘅抽風系統好好，食完啲衫都冇咩油煙味！我已經想去試其他牛啦…查看更多

疫情期間，都唔知同朋友去邊度Hea好，所以就揀咗科學園，扮吓郊遊，哈！去到科學園都已經兩點幾，見到有間餐廳仲有lunch set就入去試吓！可能係平日關係所以都冇咩人！美式BBQ  烤手撕豬菠蘿芝士漢堡配薯條 - 紅色嗰啲就係手撕豬，個美式BBQ醬好出色好惹味，中間仲有一塊大菠蘿同一塊大蕃茄，真心襯到！個BBQ醬其實好重味，但係加咗塊菠蘿同蕃茄之後中和番！薯條熱辣辣脆卜卜！凱撒沙律 - 加$15就會有埋煙三文魚，因為嗰日天氣好熱所以想食少少凍嘅嘢，初頭仲擔心唔夠飽，但個沙律上枱之後，見到份量好多，菜同煙三文魚都好新鮮！餐湯 - lunch set 會有一個餐湯，應該係番茄湯，佢用一個杯裝住，其實呢個idea幾好，可以拎住飲，好方便！唔怕熱嘅朋友其實可以坐戶外，傾吓計曬吓太陽，又可以Hea一日！總括來講，環境舒適，嚟到科學園不妨試吓！…查看更多

晚飯時間，2個人，諗緊食咩之際，經過一間餐廳門口幾靚，就決定食呢間！疫情期間，餐廳都貼出溫馨小告示！Set dinner 都會有餐包同忌廉龍蝦湯！🥧餐包 - 口感唔錯，如果焗一焗可能會更好！🍲忌廉龍蝦湯 - 好濃郁，好夠味！🥗廚師沙律 - set dinner +8，份量都唔少，個沙律汁應該係餐廳自己調校過，好fresh，仲有一片Parma ham，掋！🍝脆炸軟殼蟹墨汁意粉 - 軟殼蟹新鮮炸出嚟，好香口，過墨汁意粉好香，每條意粉烏卒卒，好均勻，我估，我估，除咗用墨汁之外，餐廳應該仲用咗一啲香料，因為真係好夠味！另外最重要嘅一樣嘢就係，份量好多！🥩WM威靈頓牛柳 - 等咗大概15分鐘左右，一上枱，就會覺得個15分鐘等得好值得！個酥皮超香，熱辣辣，又脆，切開入邊應該係有啲蘑菇醬係牛柳同酥皮中間，牛柳仲要係勁有肉汁，口感一流！總括，一份set dinner 百零蚊，有噤嘅質素，真係物超所值，尤其是威靈頓牛柳，真係無得輸！…查看更多

食得太多西餐今晚要食返啲中式嘢，中和下！鹹魚茸煎肉餅 - 份量好大，外面煎得好脆好香口，真心每一啖都食到鹹魚嘅香味，用嚟送飯一流！金沙蚧肉西蘭花 - 金沙嘅意思應該就係鹹蛋黃嘅意思，佢用咗金沙炒蛋白，成碟菜好香好開胃！雖然鹹蛋黃好高膽固醇，但我同我朋友都青晒成碟菜！住家老火湯 - 平時出街飲湯好怕啲湯味精好重，不過呢度主打唔落味精，飲完之後完全唔覺得口乾，咁證明佢真係冇落味精！個湯好足料，係冇落味精嘅情況底下都唔明白點解佢可以咁有味！總括，尖沙咀來講都唔算貴嘅小菜，份量同味道都好好！…查看更多

又要入大埔食lunch，真係好遠呀！雪菜肉絲米 - 其實係好普通嘅茶記米粉，但都唔差，個湯底好有味！XO醬豬扒炒公仔麵 - 由於本人唔識芽菜韭菜之類嘅嘢，所以就落咗order要全走，令到碟公仔麵睇落好似好單調咁，不過不能不說，一上枱嘅時候好香，雖然係炒公仔麵咁簡單但係真係唔係間間茶餐廳都可以炒得好食！豬扒份量比較少，收$58但得三舊豬扒，睇落有啲孤寒！凍咖啡有少少偏酸，不過一般茶餐廳都係咁！總括，不過不失嘅茶記，但如果要再揀未必會再返嚟幫襯！…查看更多

今日約咗三個大埔嘅朋友食韓國嘢，我山長水遠入到去，真係冇失望，呢間野好好食，我可以話係平靚正！一坐低就發現泡菜係任食，本人勁鍾意食泡菜，啲泡菜仲要係好味喎！吉列豬扒蛋包飯 - 有兩個朋友叫咗呢個蛋包飯，吉列豬扒篇細，不過個滑蛋就真係好食好香！不過有啲唔明點解食韓國嘢佢哋會食蛋包飯！韓式炒粉絲 - 另一個朋友就叫咗炒粉絲，我本身就唔太好粉絲，不過都試食咗少少，又真係幾好味！佢炒得好香，雖然冇咩肉，但份量唔細，都應該好夠飽！泡菜豬肉湯 - 我自己就叫左呢個豬肉湯，佢會跟埋一碗白飯，我好想講真係好好味又唔算好辣，豬肉又多泡菜味又夠，我食完果一碗飯之後真係想再食多碗！牛肉紫菜包飯 - $38嘅紫菜包飯，份量超大，好彩我哋四個人share食！其實佢仲有好多味揀！總括，平時要食啲比較好嘅韓國嘢都偏貴，但係呢間真係平靚正，雖然對我來講大埔有啲遠，但係我都應該會為咗呢間韓國嘢再入多黎幾次！…查看更多

同朋友食晏，係屋企附近搵咗間茶記！1:30pm，食晏時間所以都等左10分鐘左右！巨人漢堡蛋包飯 - 朋友點左呢個飯，我偷偷地試左少少，個滑蛋好出色真係好滑，塊漢堡扒就差少少，冇肉味，同埋偏細！瑞士炸雞比蔥油飯拼三眼仔煎蛋 - 我聽到炸雞髀，本以為好似平時下午茶嘅炸雞皮咁好大舊，但其實好細，但瑞士汁好入味加埋蔥油好好味！三眼仔煎蛋好特別好得意，不過蛋黃都真係偏生！總括，比一般嘅茶記出色特別，價錢亦都唔算特別貴，應該會再幫襯！…查看更多

除咗沙律，我都好鍾意食牛！行街經過呢間牛極， 可能因為係下午茶嘅關係入邊都冇咩人！佢好似日本嘅拉麵鋪咁，自己買飛嘅，不過我買飛嘅時候，有個姐姐好好咁係隔離講解！買完飛之後，個姐姐就叫我可以去拎湯同埋沙律先，大家要記住啲沙律同湯同埋飯都係任食！個沙律菜其實冇咩特別，但係個柚子汁就真係好好味好開胃！等咗大概5分鐘到，我叫嘅牛柳就出場啦！牛柳 - 我一切開舊牛柳，入面其實係好生，我立即將佢切開一嚿嚿，因為驚好難先煮熟！牛柳好林，就算放喺石版上邊煮左10分鐘都唔會好乾，好有肉汁！識佢有牛肉汁可以俾我哋點，但係我只係落咗小小鹽，已經好好送飯！佢仲有個好細心嘅位，就係會每人派一條圍裙，為免客人整污糟件衫！總括，我覺得百零蚊，食到呢塊算幾有質素嘅扒，算唔錯！…查看更多

下午茶時間，喺荃灣經過見到佢擺喺門口嘅餐牌上面有吉列牛，就諗住入去試吓！14:00左右，所以冇咩人！餐廳入邊嘅裝修都好簡單舒服，有少少似Cafe嘅感覺！初見香草吉列牛 - 雖然話係香草，但係香草味唔係話太勁，不過舊牛真係好好食，煎完之後我便脆卜卜，超正，另外有兩隻糖心蛋，好入味！煙三文魚田園沙律配日式芝麻汁 - 煙三文魚份量都算好多，配芝麻汁，不過啲菜就有少少苦！和風章魚燒 - 非常一般，不推介！總括，為咗個吉列牛一定會再返去幫襯！…查看更多

為咗唔想等位，我同朋友兩個人6:30就去到，真係唔使等位即刻入！其實兩個人叫小菜都真係有啲困難，最終我哋叫咗三碟餸兩碗白飯！一坐低有個姐姐已經放低左啲花生同兩杯水俾我哋XO醬金菇肥牛粉絲煲 - 平時通常都係得沙嗲，見到佢有XO醬，就諗住試吓新野，出奇地好食好香！我可以話佢好食過平時嘅沙嗲金菇肥牛粉絲煲，好值得試！火焰乾蔥豆豉雞 - 其實冇咩豆豉味，偏鹹，不過用嚟送飯一流！西蘭花花枝片炒帶子 - 本人好鍾意食西蘭花，所以食小菜嘅時候通常都會叫，佢嘅花枝片同帶子都好多，同埋好新鮮，我同朋友兩個人食淨左好多花枝片！龍鳳檸樂 - 其實佢最出名係個朱古力，不過我覺得食小菜飲朱古力好似好奇怪，最終就試咗呢個龍鳳檸樂！其實即係鹹檸檬加普通檸檬！正！總括來講，其實價錢偏貴，但所有嘢都真係好好食，一定會再返嚟食多次！…查看更多