一坐低有個姐姐已經放低左啲花生同兩杯水俾我哋
XO醬金菇肥牛粉絲煲 - 平時通常都係得沙嗲，見到佢有XO醬，就諗住試吓新野，出奇地好食好香！我可以話佢好食過平時嘅沙嗲金菇肥牛粉絲煲，好值得試！
火焰乾蔥豆豉雞 - 其實冇咩豆豉味，偏鹹，不過用嚟送飯一流！
西蘭花花枝片炒帶子 - 本人好鍾意食西蘭花，所以食小菜嘅時候通常都會叫，佢嘅花枝片同帶子都好多，同埋好新鮮，我同朋友兩個人食淨左好多花枝片！
龍鳳檸樂 - 其實佢最出名係個朱古力，不過我覺得食小菜飲朱古力好似好奇怪，最終就試咗呢個龍鳳檸樂！其實即係鹹檸檬加普通檸檬！正！
總括來講，其實價錢偏貴，但所有嘢都真係好好食，一定會再返嚟食多次！
