hysteric的個人專頁

早前約朋友到這用膳，一早已book好檯。原本被安排坐最尾角落位，但因為眼見每碟碟頭都有一定份量，於是在還未有太多人入坐時要求轉位。轉到4人座後，就快快點餐，其於早餐都未食就跳到中午，所以，兩人叫了一豬一牛lunch set. 牛要7成，上檯後切開約7-8成熟，不錯，肉質軟熟，不厚不簿，肉眼牛味不算強，但性價比算高，又煎得香口，作為午餐份量其實剛好。豬同樣不錯，易切而非鬆肉粉做成，配上醬汁和薯蓉🍟，一個女仔肯定都會飽肚 。值得一提的是，佢哋既薯蓉好好味，雖然知道好味都應該加了不少牛油製作，但這也是香味和幼滑口感的來源。#尖沙咀美食…查看更多

來到愛的季節💖一早預約好到The Green亨用呢個浪漫到一個點的[巴黎之約]下午茶🫖巴黎鐵塔的造型一向都是我的最愛，而巴黎鐵塔的下午茶架更是非常吸晴，加了一盞會轉顏色小燈，將浪漫提升❤️今次更cross over 三大品牌，分別是乳製品牌Elle & Vire、芝士品牌Ile de France及法國奢華朱古力品牌La Maison du Chocolat，每set high tea更送上一盒包裝精美華麗的La Madison朱古力🍫囡囡二話不說就拆左黎食😅，仲大讚不甜又香濃，媽媽我都只能咬一口嘗甜😋Hotel Icon的食物水準一向不錯，今次下午茶也不例外，不過，今次的鹹點感覺有點重複，有三文治又有多士，感覺就是同一種類別。玫瑰花造型甜品非常漂亮，mousse做得不甜不膩; 紅心造型配上金箔，非常美艷又高貴，幾款甜品當中，最出色的反而是個餅底☺️Scone 微暖，外脆有點牛油香，囡囡都好喜歡☺️💖巴黎之約浪漫下午茶💖📆供應日期：2021年1月18日至3月14日🕰時間：首輪：下午三時至五時 / 次輪：下午五時至晚上七時（第二輪供應時間及地點會因應政府防疫措施作出調整）💰價錢︰ 每位港幣388元 ; 兩位港幣688元💸*以上價錢需另收加一服務費💡預約時需付每位$100元訂金💡…查看更多

有時掛住佢地既香舊批時，我就會選擇去Oyster。從前lunch time 會揀牛扒餐，現在會揀豬手，豬手不過咸，又不鞋口，未有疫情時，2個女仔share 一隻真係夠曬喉。今日仲叫左煙焗三文魚，略嫌魚內過生，切時仲以為有骨，都幾難切，我估如果做到僅僅熟時效果更佳。三個人同場叫埋春雞，細細隻春雞只有半隻size，皮脆，切下去還有肉汁，不温不火又不骨老，跟豬手同樣美味。另外，不要忘記令人愛不釋手的香蕉批呀😊#oysterhouse #灣仔美食 #午餐食呢啲…查看更多

地方唔算大，每個座位下方都有一個層架，方便放食物。我地兩個人叫左2人餐，星期一至五不用加一。點餐後，食物就會不停送上。 呢度好彩唔洗自己落手，staff都會地忙放海鮮到蒸爐上，不過蒸海鮮前，他們都會先放一些日本米(圓圓肥肥的米粒) 和南瓜等配料，好讓一陣蒸海鮮時精華都能滴到米粒上，最後成為美味它瑤柱粥底。 澳洲龍蝦半隻: 雖然不太大，但味道上比波龍甜象拔仔: 夠鮮夠甜，推介粟米蟲草花蒸雞: 雞滑，兩個女仔食剛好，但略為細份瑤柱粥底: 吸盡精華，沒有調味都已OK，但份量頗多，每人兩細碗已勁飽菲律賓頂角膏蟹: 爆膏，肉鮮，依家蟹當造，岩時候 最後有新鮮蔬菜籃、同每人一罐汽水，汽水得一罐畋嫌不夠喉 題外話: 佢地會係你面前蒸餐具，感覺衛生…查看更多

灣仔食lunch太貴，貴到有啲驚。今日要 “食平啲”，黎到潮興，都係大概$40一碗魚蛋粉牛腩河等，係灣仔黎講算平架啦！叫左個牛腩牛丸河，有大概6小件牛腩配2粒牛丸，牛腩帶了2/5既肥糕 ，咬落軟身無渣無痴牙，炆得夠淋，唯牛腩細件，唔多夠喉。牛丸好有咬口，夠彈，咬落仲有汁，可次可以encore。叫多杯凍杏霜，可惜太多冰，成杯淡如水，dislike！同事叫左個蕃茄豬扒煙肉飯，佢話出奇地好味，豬扒多淋。另一同事就叫蓮藕排骨飯就過咸了。不過$48一個飯包杯豆漿其實係灣仔黎講已係食平啲之選！…查看更多

同友人二人去食lunch, 友人已食過一次佢地既分子料理食物，只能説視覺勝味覺。但我們決定給他多一次機會。我們叫的是平日的lunch set，選擇不多下，我們選了卡邦尼意粉和雞肉長通粉。他們是自行買飛落order的，像快餐店，但呢個價位都要自己買飛就有啲神奇。卡邦尼係橙色的汁，唔知係加入左咩原素令佢變橙色的，整碟似係食素，只有1-2片像手甲般大的煙肉，其餘都係醬汁撈意粉，而且醬汁味道欠缺芝士味，完全不配呢個價錢。友人的雞肉長通粉都不太好味，她只食了一半，雞肉只有3-4片，加一堆白汁mix 長通粉，無乜味道，根本再吃不下。説餐會包沙律，原來一小Pat 沙律已跟主餐碟一同上，唔講以為係side dish 薯菜。佢話可以免費添加，但賣相奇差，醬汁多過蔬菜，不會有衝動添食。友人加了錢要杯液態氮飲品，同樣視覺多於味道，非常普通的一杯飲品。每人差不多$100元的午餐，吃不飽，味道差，應該不會再來第3次了。…查看更多

Passion係一間好relax既店，但座位真的偏少。好彩有同事事先去拎位。今次叫左辣肉腸pizza，皮好脆，辣肉腸有咸香。另外，燉牛肉亦都好軟淋，一吉就開，好鬆化，但就份量略少，只有三件。另一款係燉豬仔脾，豬仔脾同牛一樣好鬆化，一夾就散，好易咬開，味道濃烈。再來芝士菠菜蛋批，批皮唔算脆口，但整個批都不太濃味卻又得夾，清宜之選。我最愛的4式salad當然不能不提，每款好配搭得好好，而且口感多重，真係食多多都不夠喉！…查看更多

4大2小到Olive聚會，被安排坐卡位，夠闊落，不過人太多，要等一陣先在bb坐椅供應。SetMenu有4個，我們本想order開心果焗羊架，可惜羊架已售罄，我們只好叫其餘三個餐再加一個散既main course。三文魚天使麵 : 三文魚算軟滑，天使落了大量牛油去煮，雖然好香，但就食到成口油，好油膩牛柳扒: 有整條，肥位比較多，肥位差不多佔了一半，變相無咩肉食，味道可以，但牛柳要咬耐一點先咬得開黑毛豬扒: 好有豬味，有鬆化，調味得宜西冷: 朋友話可以，不算突出  ，但總算有牛味飲品: 我叫左個雜莓雜飲，加左mint入去，好大杯，感覺好清新，不算太甜，好飲…查看更多

第一次食福建菜，菜式不算華麗，還很農家。我們兩人看來看去都無idea，看看隔離，單點菜式好大碟，食不下，唯有睇睇套餐如何。套餐有九輪大腸、大白菜燉軟豆腐、清蒸湯黃花魚、包菜飯、燉肉羹，竽圓花生湯九輪大腸: 我其實不太食大腸的，但都食左一件，味道可以，不過朋友愛食的都說其實一般大白菜燉軟豆腐: 豆腐軟滑好味，而且吸盡湯汁，湯汁加上豆腐和豆腐皮，只感豐富，每件豆腐有食指般長，共有8件，好滿足清蒸湯黃花魚: 浸魚的湯已很甜，加上黃花魚很嫩滑，值得推介。最驚喜是黃花魚係每位上的，一人一盤，好誇張包菜飯: 用品桶盛著，似油飯，好多菜，但飯略為濕潤，岩小朋友食，味道算不錯。我個人較喜歡乾身一點的飯燉肉羹: 肉包子包得小小的，剛好一口一個，和朋有每人食了十幾粒，都仲未食完，湯清甜，肉包了有肉味而鮮竽圓花生湯: 食不到花生，但竽圓不是台式QQ口感，而是粉糯的，甜度適中，但有點單調…查看更多

Father's Day，我拉左老公去食佢既家鄉菜Cheese cake factory。星期日既人流比我想像中少，我先入去登記拎飛，Staff就俾個pager我，叫我大概個半鐘後返黎等pager alert就可以埋位。 一派Cheese cake factory的裝橫，經典的老黃天花跟黃燈，坐位又闊又大，外國人Staff帶同我地去座位，仲超nice，拖住阿囡入座，又不停同佢傾計，感覺已經好好！我們三人座的卡位是可以坐6人的，阿囡仲夠位係卡位上走動。一開Manu，同美國一樣，花多眼亂，大致分為Brunch、Lunch、Kids Meal、前菜、主菜、Pasta、Cheesecake同飲品等，而且全部大大份，同樣係美國Size！既然有兒童餐，我地就幫阿囡叫左個芝士pizza，就係只有番茄醬同埋芝士，是最正宗的Pizza，餅底有麵粉香，mozzarella cheese落得夠大方，可拉絲 ，兒童餐包一杯野飲，可選擇Milk、Apple Juicy or Lemonade，我地選擇Apple juicy，同樣都係我們香港餐廳的正常size，點都係大過人。另外我同老公就嗌左chicken parmesan, chicken parmesan係香港又真係唔係度度有得食，所以點都要叫。好彩，佢地做得夠正室，雞炸得剛好，包有咬口，中間帶點軟糯，不過佢個tomato sauce係分開上的，需自行用個包去點。另一個係甜柑雞肉沙律 (Lunch size)，酸酸甜甜，雞胸夠嫩，有炸雲吞皮同炸米粉，食落脆卜卜，沙律菜又夠爽口，連女神都忍唔住要食，而且Lunch size都已經超大份。最後我地仲叫左個紅絲絨芝士蛋糕外賣返屋企食，芝士味濃郁，甜度還接受到，真係超級超級滿足呀！Tips: 1. 最好去左拎飛先，跟住慢慢行街等2. 不要走得太遠，差不多夠鐘就好返去，因為個Pager只能在5米範圍內收到訊息3. Toilet吹風機係用Dyson的，風力強勁4. Toilet仲有換尿片既板，方便有BB既家庭🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸#cheesecakefactory#黎到唔係唔食cheesecake呀#絕對有下次…查看更多

最新一期Yoho mall開業後，確係多左好多平日只有外區先食到既食店。朋友話Mango Tree好食，於是同另一朋友一家三口一齊去食。等位耐就預左，本身Yoho mall有個apps可以取飛的，但因為新店，所以未能提供服務。我拎左位後再四圍行下消磨時間，仲有成20張飛係我前面，等，真係預左！到9:10終於可以入座啦，大家都好餓，即時叫野食。先黎個青咖哩炒蝦兵蟹將、燒豬仔骨、炒泰國粉絲、雞牛沙嗲、炒椰菜苗、燒乳鴿。甜品就黎個三色椰子爽、椰汁糯米飯配黑糯米雪糕、芒果涼粉配黑糯米雪糕。青咖哩炒蝦兵蟹將: 青咖哩唔辣但仍然香濃，所以我地再加叫左一客Garlic bread配汁食，非常匹配；肉蟹好肉地，食得出鮮味；蝦係一大隻、肉身有女人手掌般長，但只有一隻，唔太夠喉，當然味道同樣地正燒豬仔骨: 有二大排，共十條骨，好抵食，辣辣地，骨肉比例不錯，同樣食到啖啖有燒骨味既肉炒泰國粉絲: 小朋友都愛食，粉絲好幼，味道不是太濃烈，但又有after taste，好食！雞牛沙嗲: 乾了少少，不過個沙嗲醬搭救，個醬好重花生味，花生迷一定大愛燒乳鴿: 做緊offer每檯限叫一隻，肉嫩，不會太大隻，味道正常甜品: 三個甜品都有濃郁的味道，椰子雪糕好像真，好似食緊椰子咁、最特別係黑糯米雪糕，唔會好漏，反而有點點飯香…查看更多

今次既晚飯飯局，真係好食到大家都話CP值極高。翡翠江南說穿了就係翡翠拉麵小籠包集團的其下品牌，都係食江南野。江南野即係上海、杭州、蘇州、無錫等地方既食物，濃油赤醬，我鐘意！秘製酒糟蛋: ：有酒香，蛋黃成半熟狀，做前菜，一口一個，先幫你打開胃口酒釀丸子燒桂魚: 呢款係上海CEO揀既，見我地D香港同事都無食過咩叫做酒釀丸子燒，其實就係將酒釀丸子，加上甜甜酸酸既醬汁，既開胃又好扒飯，而且燒魚既魚內保持鮮嫩，真心推介。千層青瓜卷: 造型靚不但只，佢用青瓜薄皮，再包住一條紅椒絲及薑絲，捲成千層之狀，好有特色，又醒胃。火瞳神仙鴨: 湯品黎既，個湯甜到不得了，清而不俗，飲完再捧上湯渣，原來有金華火腿，怪不得咁鬼正。…查看更多

環境企理舒服，係座位同座位之間就迫D，待應態度不錯。食物方面，炸雞有好多款，今次就叫左呢啲:蛋卷: 份量大，4個人都食唔曬，包住芝士，紫菜等，味道超夾，當前菜真係食完已飽到上心口韓式魚蛋炒年糕: 好辣，魚蛋唔太爽口，同港式既有啲分別，但味道係不錯的，加上少許麵條，大雜燴，不過味精重手左啲，要飲好多水炸雞: 叫左蜜糖味同芝士味，份量又係好多，目測每款都有6隻以上，蜜糖味同蜜糖燒雞翼味道差不多，反而芝士味既芝士粉好濃郁，雞內juicy，皮不太乾身。飲品就一般，無特別，不過呢間炸雞絕對有下次！…查看更多

去愉景灣到掘蛋掘到肚仔餓，已經係下午2點幾，梗係去搵食，今日因為有獵蛋活動，所以成個愉景灣都超多人。最後，我地去左ZAKS，貪佢餐廳夠大，坐位夠大、食物又夠大！我地6大3小，安排坐長檯加梳化位，大而舒服。Menu花款算多，通通都係西式類，例如Pizza、Pasta、Chips、Wings等，亦有Kids Meal，而且選擇頗多。我地叫左個辣肉腸Pizza，有12吋，而且芝士落得勁大方，起碼可以拉絲，講真，真係唔係好多餐廳既Pizza都肯落咁多芝士的，ZAKS做的確係不錯。批係薄底，有麵粉香，茄醬同材料比例剛好，熱辣辣就上檯，Pizza真係趁熱食先好味！水牛城雞翼共有8隻，又係熱到辣咀，粉不太厚，雞內仲係Juicy。另外個Chicken parmesan炸得剛剛好，再加2塊Ham，夠曬咸香，另外又係勁多Cheese，超讚！細心地用薯條涼起雞扒，免得佢淋晒失色。Quesadilla內有豬內，皮同樣有麵粉香，有6小件，但豬肉頗少，不過當前菜不錯。最後就係Kids Meal，小朋有既份量都好大，一個女生應該夠飽，味道普通，不算突出，不過原來Kids Meal係無包飲品的，只係一個主菜，原本說好的Chocolate Chunky 都無俾我地。…查看更多

帶住小朋友食韓燒，首選一定係要坐得舒服。本來想去另一間食，但礙於那間是位無椅背位的圓椅子，小朋友好難坐得無咁定；反之，韓舍有片位，仲有Booster，坐位又闊落，openrice仲有$100 coupon用，真係不二之選。暗黑的環境一向係韓舍既特色，我地被安排坐片位，3大2小，坐得好舒服。食物方面，For燒烤的食物大概有20款，例如: 多春魚、豬牛雞、紅腸、魷魚等。，還有十多款熟食如: 雞翼、烏東、壽司同刺身、炸物等和超過十款的甜品、雪糕和飲品。最特別的是有自己燒的章魚燒，店子已準備好粉槳和材料，你可以試試自己製作章魚燒，另外，又有棉花糖機、popcorn機和軟雪糕機。最好味的燒物算是豬頸肉和牛柳粒，唔難咬，夠入味、而且豬頸肉燒出來薄薄的，容易做出少少脆邊效果。其他的味道好一般，沒有驚喜。甜品方面，有馬卡龍，但可能放耐了一點，不再脆，不過其實甜度剛好，味道不錯的。而小朋友最喜歡的當然是棉花糖，既可以自己捲又有得食。…查看更多