翡翠江南 (已結業)

今次既晚飯飯局，真係好食到大家都話CP值極高。翡翠江南說穿了就係翡翠拉麵小籠包集團的其下品牌，都係食江南野。江南野即係上海、杭州、蘇州、無錫等地方既食物，濃油赤醬，我鐘意！秘製酒糟蛋: ：有酒香，蛋黃成半熟狀，做前菜，一口一個，先幫你打開胃口酒釀丸子燒桂魚: 呢款係上海CEO揀既，見我地D香港同事都無食過咩叫做酒釀丸子燒，其實就係將酒釀丸子，加上甜甜酸酸既醬汁，既開胃又好扒飯，而且燒魚既魚內保持鮮嫩，真心推介。千層青瓜卷: 造型靚不但只，佢用青瓜薄皮，再包住一條紅椒絲及薑絲，捲成千層之狀，好有特色，又醒胃。火瞳神仙鴨: 湯品黎既，個湯甜到不得了，清而不俗，飲完再捧上湯渣，原來有金華火腿，怪不得咁鬼正。