fwcchu的個人專頁

相信大家依期好少出街，更少去打邊爐，怕做下一個邊爐群組一員🤭今次唯有趁人少少去到旺角吞pot火鍋加雞煲，睇下佢嘅質素係點先！喺疫情期間人數的確少咗，啲空間都會多咗。不過本身餐廳嘅枱隔得都遠又加裝膠板，食客應該都旚心啲👍🏻落一個湯底，之後就要睇下啲餸，其實點餐紙上嘅食品價錢都合理，種類都好多，係怕自己叫完食唔晒咋！今次叫咗一個花雕藥膳雞湯底，你見啲料都真係好足，聞落更加有好濃郁嘅「藥材」味，就算係以前未食過藥膳嘅我，我都比佢嘅香味吸引到，今次實在冇試錯！淨係食啲雞見未飽就落多3個餸，第一個係「餃餃陣」有4種餃子嘅，分別有韭菜餃，鮮蝦雲吞，蟹肉雲吞，同魚皮餃。第二份係豬肉片，睇就好細份，食落就啱啱好（唔好睇少雞嘅份量！）第三份係粉絲，雖然一份要40幾蚊，但係佢比嘅份量係真係夠3個人份！所以想填一填肚，可以叫一份！食到咁上下口渴就當然要飲嘢，呢杯係大杯嘅咸檸七，飲過一啲酸酸咸咸嘅就好開胃啦！…查看更多

雖則我平時分享嘅都係平價、抵食之選，但係偶然要放多啲財力比自己品嘗另一個層次嘅美食😊今次去到旺角唔係掃街，係喺23樓嘅Bellevue Bar and Grill 享受彌敦道街景同西餐😋《如果夏天嚟應該望到更靚嘅街景😣》《旺角鬧市的燭光晚餐》食物價格：Set dinner 價錢由450 至 550 都有，包含前菜、餐湯、main course同甜品，差別在main course選擇不過我喺嚟之前有揀過食物，所以我之後介紹嘅都係單點😜1. 是日餐湯本身我好怕令南瓜湯，因為啲渣唔討好😖但係呢碗忌廉南瓜湯唔單止冇渣，而且好creamy，南瓜嘅甜味值得比個讚👍🏻👍🏻有餐湯又點少得餐包呢！2.安格斯西冷牛扒就咁睇相應該望到牛扒有燒烤過，而且厚度十足，食落首先有烤熟嘅味道，繼而再有牛扒嘅肉汁，加上少少鹽分，味覺享受非常好😋😋3. 海鮮意大利飯睇圖可能覺得佢好膩，但係當你拌勻飯汁，意大利飯嘅粗糙口感中和咗原本好膩嘅汁，所以反而越食越開胃😯😯4. 朱古力布朗尼配雪糕一口雲尼拿雪糕搭上外脆內軟嘅brownie，朱古力半溶嘅形態令人想一試再試；仲有brownie個芯係暖嘅，同冰涼嘅雪糕形成對比！😍…查看更多

兆萬多嘢食就個個都知，不過我budget有限就要揀性價比高嘅餐廳，估唔到神戶屋係其中一間😳！唔叫刺身點叫食咗放題？😤一點就點咗一盆刺身，望落都覺得飽啦😆裡面我覺得好食嘅有：生蠔-海水味適中，肉質肥美又黏口，值得encore !泰式生蝦-如果你食得辣，記得要點埋辣汁先食，包你食到啲鮮蝦味甜蝦刺身-黏口而不膩，比起泰式生蝦溫和易入口如果唔中意生冷嘢，不妨食下炒雜菇！可能你猜疑放題熟食質素，但係我可以講：雜菇炒得好香，有黑椒同香草味，食過翻尋味😋甜品嚟計，炸鮮奶同榴連炸彈係值得叫一碟嘅，就算你食到幾飽，炸鮮奶又蘇口又暖，食完即刻夠你回氣又點餐😍榴連炸彈就因為香脆而值得食，不過係有啲頂肚嘅😅仲有一樣，就係黑牛雪條，喺香港真係好少見到有得食！😄…查看更多

和氣食堂雖然以日本嘢食為主，但係佢做嘅fusion 菜式又幾特別，除咗以前見過嘅牛油果配搭，今次竟然食到鵝肝口味😯<火灸鵝肝三點>第一件fusion和食就係凡立貝壽司、鰻魚壽司+三文魚壽司，每件頂頭都有鵝肝👍🏻唔好以為鹹一鮮會奇怪，最好食嘅卻係三文魚配鵝肝，一方面有魚鮮，後勁卻有鵝肝嘅油脂味。<火灸黑松三點>同為三點，不過鵝肝變咗其中一種壽司，比起前者嗰個，我個人更中意黑松路鵝肝壽司，因為夠新潮又不失色，而且兩樣嘢都好重味，對味蕾好大衝擊😆<黑松路鵝肝什菌石窩飯>眾多鵝肝菜式，佢係最抵又最好食！初頭以為鵝肝只有半嚿，點知撈撈下原來係一嚿😯😯真係好足料冇花冇假。鵝肝嘅汁加埋什菌香令到我好想再叫多一份😆😆除咗鵝肝之外，海膽亦係一個特別fusion元素😯<海膽冷素麵>落望唔算出眾，不過海膽嘅味道喺素麵之中十分突破，而四周嘅醬料為素麵上色。份量對女生而言啱啱好👍🏻<軍艦五點>呢一味係傳統嘅軍艦壽司，睇圖都見份份料加到足，唔會覺得蝕😎食落更加大滿足除咗以上兩樣都仲有好多種食物！…查看更多

做台式飲品店嘅競爭真係好大，不過一茶詞落啱地段，喺正太子B出口外面，所以人流都唔少😉正價去飲嘅話其實偏貴($29-$32)，但係佢好在經常有優惠(買一送一、八折)，大家要捉啱時段先去飲呀!我用特價飲咗一杯烤棉花波波茶，除咗個外觀好有玩味，口感一流😍味道好似香港奶茶咁，我估佢係用紅茶加奶開出嚟😲😜店員好客氣，整體令人想再幫襯一次👍…查看更多

中意食拉麵嘅你一定要試下麺匠 真武咲弥😲聽聞喺日本都有幾間分店鋪面其實唔係好大😢所以入座前都等咗一陣子不過同時間我都諗好咗食炙熱味噌拉麵，而朋友就試佢嘅沾麵😎睇圖可以見到叉燒嘅厚度，絕對唔係求其比一片子你😂而食起嚟都試到佢啲芽菜係有炒過，會有一啲炒香嘅口味…查看更多

香港嘅快餐店都係以M同K就龍頭，其他快餐當然要有佢一套去打響名堂‧Five Guys Five Guys 算係香港高價位嘅快餐，但係無阻市民嘅消費意慾，當自己食完佢個炸薯條之後，我都知會再幫襯😎以$55嚟講，呢份薯條足以令1個人飽腹😲首先佢係用粗薯條製作，你可以喺佢open kitchen 睇到佢生鮮炸出嚟，所以我拎上手時都係好辣手，食起嚟固然係特別脆口同惹味啦！…查看更多

平時喺長沙灣經過，見到呢道好多中學生嚟食飯，今次終於到自己親嚐😁同一班朋友嚟食，叫咗燒茄子、冬菇、燒雞脾、燒大蝦，其實喺食完晚餐之後會食唔落咖！茄子係原條上碟嘅，上面茶滿咗蒜泥😍❤如果唔夠可以叫叔叔幫你落多啲香就唔在講，最緊要係啲茄子汁仲係熱辣辣，滲喺啲嫩肉入面，就算飽都想enchore！另外睇圖都見啲蝦同菇都知好邪惡😈啲蝦真係要讚一讚：燒完唔會覺得肉質好鞋，依然彈牙！…查看更多

黃埔寶其利街附近唔少小食店，雞蛋仔都兩三間，不過我覺得紅磡雞蛋仔最夾我口味同選擇❤就算好多等緊，嚟到呢間一定要試到沙律淨芒pancake，唔信望下人地會嗌啲咩😆出名唔係冇原因，你會見老闆即場將芒果切粒同烤一底pancake，幫你加翻啲汁最後先比客人，係原汁原味嘅芒果黎！…查看更多

先前有食過旺角嘅火鍋，無論半自助定自助都有，但係好多間都有加一服務費，今次呢間餐廳就「突圍而出」係唔收加一，餸菜選擇亦唔少！首先每個人收＄158 (夜晚入座、成人) 呢個價位係好合理嘅👍湯底方面同其他火鍋店相約，佢有一個獨家嘅臭臭鍋 同 麻辣鍋，我就食咗一個麻辣鍋，其實味道就好似米線店嘅辣一樣，唔洗怕叫錯咗湯底而食唔到🤣牛牛呢道特別在有好多飲品同甜品，我就好中意飲佢個沙冰，仲有球狀雪糕！…查看更多

旺角中心多嘢食，不過自製腸粉好似得呢間有做😲呢間小食店會做好多款腸粉：雞蛋、蔥花、粟米等等，仲有芫荽味！雖然唔係啱每個人口味，勝在夠特別❤而且每款都係28蚊左右，完全唔係覺得貴。😜個人推介試下芫荽皮蛋腸粉，因為佢菜味好香濃，仲唔覺得芫荽太碎，入口一定滑，仲有一陣皮蛋香 ！…查看更多

喺飛鵝山行完山順便落科大，去到大學梗係食平啲！泛亞其實係大家樂，不過佢嘅價錢比起出面平5蚊，可惜選擇唔算多。呢個咖哩雞飯價值32蚊，以做完運動黎計係夠飽嘅，而且啲汁好多，唔怕乾蒸蒸咁食白飯。…查看更多

呢間外賣店早前開咗，主要賣雪糕食品，有雪米糍、意大利雪糕同炸雪糕。個舖頭裝潢都靚，所以好易認得佢個位置👍🏻我試咗一個雲尼拿炸雪糕球（$32蚊），雖然唔係平，但係勝在皮脆「糕」嫩，仲有得拉絲！😆最後尖沙咀開咗新分店，仲有免費試食，大家可以撞下彩！…查看更多

雞煲潮流由早幾年前冒起，依家都變咗一種火鍋選擇，估唔到喺呢間茶餐廳都有得食！先講餸底，除咗雞煲仲有牛腩煲、酸菜魚等等，真係好多嘢揀，仲可以揀2個食鴛鴦鍋！每一煲都會送肥牛，所以唔怕冇肉食！**個人推薦食「酸菜魚」，一黎酸菜唔會太酸整到個煲唔好食，二黎啲魚爽口又滑（當然要小心細骨）…查看更多

一班知己食飯真係好難搵位，薩莉亞係最好嘅選擇，除咗位置夠多，每一份食都唔係多，而且價錢唔算貴，如果要分嚟食都可以叫多幾份！個人推薦煙肉菠菜同埋雞肉多利亞，呢個配搭除咗價錢合理，味道都正，最重要容易分！…查看更多