Dorothée Leung的個人專頁

有理由相信所有好評都係買返嚟！咩服務好？weekday lunch time店內冇人，一入到去個疑似老闆娘已經黑哂面。我地5個人要求我地坐4人權廿，平時食嘢真係唔介紹但佢啲檯勁細完全唔會放得哂啲嘢！叫左個咩豚肉麵，完全唔掂！基本上係求其將所有嘢放入個湯度煮，真心自己煮都好食過佢，零誠意。汽油個罐係污糟嘅。其餘叫嘅4個餐都冇個話好食！認真，黃埔果頭好多出式嘅韓食，點解佢咁有自信就開喺隔離街？真心冇心做真係唔好做餐飲…查看更多

平安夜晏晝同老公去試咗呢間觀塘工廠區嘅樓上Café。其實本人係好少去樓上Café，因為有好多好差嘅經歷，通常外表整得好fancy，啲食物就難食到一個點。上去餐廳果時都嚇咗一跳，因為部𨋢都好震下可能我實在見識太小！入到去裝修好舒服，懷舊文青風格。我哋比安排當初窗邊嘅二人枱，雖然係工廠區，但係望出去落view好舒服！:)我哋兩個人叫咗兩個set lunch，每份大約都係＄100鬆啲。其實一開始我冇乜expectation，上菜果一刻我超級surprised!!因為個presentation拍得住對面海啲法國bistro!! 而且味道很不錯！我哋叫咗個香草雜菌意大利飯同埋一個椰汁蝦。意大利飯冇得頂！不過又靚又好味！要彈嘅話只係啲飯略嫌煮得太淋，同個sauce有點watery。椰汁蝦都唔錯，欣賞佢個焗薯好有口感！甜品叫咗佢期間限定嘅開心果雪糕，好清新！食完一啲都唔覺得膩！要set lunch可以半價叫飲品，order左個latte都係$17好抵飲！整體感覺非常好，12月之後我都在去咗一次，又book咗兩個星期後再試！唯一要記住談風指接預約，walk-in就盡量唔好啦！我都會suggest大家lunch去。抵食之餘個view又靚，影相有自然光真係一流呀！不過都要希望遲啲試吓dinner去！…查看更多

喺紅磡做咗咁耐野，成日都想去時新朝聖下。但係上網睇過好多食評都話係麻麻哋，遲遲都唔敢試。今日lunch咁岩經過，就叫左個雙層漢堡芝士蛋包，加個薯條同汽水！嗯，要為時新平反一下，我個人覺得都幾足料喎，食完個包都飽左一大半。味道可以嘅，亦都欣賞佢個牛肉漢堡撈埋左啲洋蔥一齊整，但係真係有啲散，唔夠實淨。個醬汁都好味嘅，多到食完成隻手都係汁！薯條都幾脆，又唔會過鹹喎。整體其實係過得去嘅，如果話想懷舊一下都不妨一試。但係試完之後，下次我就寧願比多$50食Triple Os個mushroom burger喇！…查看更多

上個月有個星期日老公話帶我去食真．潮州打冷，於是就「的」左我去九龍城創發。遇啱嗰日係跑馬日，我哋有成兩點鐘先到，潮州鋪冇乜人，侍應阿姐服務態度都超好！真係揀啱時間去啦！一坐低梗係叫個功夫茶清清腸胃啦，跟住就有老公拍板食乜嘢，都聽咗阿姐有啲介紹。重點推介定係鶯歌凍魚！！我一向最更食魚食到鱗，但要條凍魚係連皮連磷食嘅，一開始都有啲驚。呢條魚係自然風乾嘅，呢啲與嘅鮮味十分濃縮，食落口啲魚磷爽口架，配合埋條魚嘅鮮味，真係食到停唔到口呀！講真呢間潮州打冷確實係有啲貴，但貴得來食物質素都算高，其他餸菜都好好味呀！…查看更多

今日外出晚餐想食清一啲。成日經過蕪湖街呢間上海小店一直都好想試。小店裝修以簡約為主，雖然有啲細但都舒服嘅。我最怕開放式廚房有一大陣油煙味，咁佢又冇喎！感覺不錯講到食物方面，我只係叫咗一個嫩雞煨麵，嘩勁大碗！一開始驚佢啲煨麵會太煮得焾，但食落唔係喎，好煙韌，加上個湯帶有濃濃嘅咸肉香，真係好好味啊佢地夏天重有出冷麵，望落去都好似好正！好返之後一定要再試！…查看更多

每經西貢必去的港式咖啡餅店，而每次會點的都是一個餐蛋通配牛油餐包早餐。要讚的是質素長期能保持於高水準（我在假日和平日都會去！）。餐蛋通是我最喜歡的早餐之一，這裡選用坑紋通心粉，爽口彈牙，跟很多港式茶餐廳用的通粉豁然不同。讚！令在餐肉是厚切的，亦不會過咸。雞蛋吃得出十分新鮮，絕不是便宜貨！還有奶白的湯底，想想也回味無窮！他們的菠蘿包固然好吃，但很多人不知道餐廳另一個重點是配搭的牛油餐包！跟普通餐包不同，師傅將牛油溶合於超鬆軟的包內，入口甘香又不會過於油膩，做早餐一流！…查看更多