taker88888的個人專頁

食7:30-9:00pm5個人，$179/位從未食過咁差的放題食物差、服務極差果d點菜紙是完全沒有意義，因為我畫左的食物，一係要畫多兩次先來部分，一係就冇叫都俾。完全係佢廚房整到乜，佢就求其放底d野食俾你。頭一轉order仲有得食下，再order，開始幫佢計時，等左半個鐘都冇，屋企人又要扮斯文，但我發現做文明人係冇用，要向強國人學習，不過太嘈，我又未練習好成為強國表妹，所以只能港式投訴，佢先俾小小你想食的東西你。見勢色唔對，即刻加多多order，不過始終叫十樣來三樣，仲要等好耐。可能要唱「好心呢....福心呢....」先有得食。同樣，d野食又係去晒第張台，我隔離都走左咁耐，成半個鐘，跟住佢拿一堆食物來話係果張台，我話我都有叫但係咁耐都冇野食，個侍應都唔肯俾我，跟住轉頭求其俾d我冇叫的野食，呢d真係一流服務。落剌身order落左5次，來3次，仲要得六成，食物唔新鮮，咁好在佢冇來，唔係都唔知點食，唔食又話浪費。但唔通覺得唔好食都要夾硬食咩？雖然都有d熟食，不過我唔係食開味精，所以唔可以話好好味囉，叫做好過冇野食。諗住叫d炒飯，壽司飽下肚。5個人，落左order4次，只來了5件三文魚壽司，都9:45，唔等啦，返屋企瞓，留留第二朝空肚食早餐算。眼見人地果台真係好多野食，可能我唔來慣，又唔係熟客，真係唔係熟客唔好幫襯，最大可能係我冇攞部機出來影相同天生樣衰，衣著唔夠in，真係大鄉里，所以就算佢幫我入左單，都唔等如要俾野食我，亦唔需要好好招乎。我知錯了，打扮老土個樣衰得來善良唔好去mk食野。$179唔係平，但係仲衰過同貴過逐碟叫，真係冇錢或唔捨得，唔好出街食。…查看更多