evachowsquare的個人專頁

第一次去食重慶火鍋！本身唔係食得太辣但係朋友強烈推介，所以就同佢一齊去食下！火鍋湯底有得揀鴛鴦鍋，所以一邊係重慶麻辣火鍋湯底，另一邊係大骨湯底。呢間餐廳好特別一坐低就會有糖水送，唔係太甜，清清地嘅開胃！餐廳仲好貼心有埋圍裙，唔會整污糟件衫。終於到開動嘅時候！黑豚腩肉話晒都係黑毛豬嘅肉，咁就梗係好高質。肉味好濃，肉質嫩滑。唔使$100食到咁嘅質素，性價比好高！羊肉卷羊肉卷份量好多，羊味好重，鍾意食羊嘅話，應該會幾鍾意呢個！手打墨魚滑墨魚滑好彈牙爽口，唔會話好多粉。一份墨魚滑可以做到10粒墨魚丸。脆鯇魚片半份有四至五塊。淥2至3分鐘就熟，脆卜卜好好食，唔會話好重魚腥味。鴨血麻辣火鍋當然唔少得嘅係要點鴨血，雖然我唔係食得好辣，但係呢個都仲接受到！鴨血好滑，口感好正！…查看更多

今次去左呢間金田家食拉麵甘環境相當唔錯 幾舒服甘我地叫左個豚骨拉麵拉麵可以揀硬度 亦可以揀蔥既多少湯底好濃郁似得出係用豬骨熬左好耐 麵得我叫左普通硬度 岩岩好豚肉似係豬五花 我仲額外追加左一碟豚肉同黑豚叉燒同埋加蔥豬肉都好林 我覺得豚肉好食過黑豚叉燒 朋友就叫左個辛子黑豚拉麵個湯底係黑色 飲落有啲似黑蒜油再加左少少辣甘 比起豚骨湯冇甘濃既豬骨湯味 不過就多左份黑蒜油既香味 各有千秋啦朋友都話麵底好食 另外就叫左個唐揚炸雞 真係好喜出望外外皮好脆 雞肉就好嫩滑 仲要爆晒啲雞肉汁出黎 重點係熱辣辣佢有三種粉放旁邊比你點我諗係bbq粉 綠茶粉 另外個款就食唔出係咩啦都幾得意 好少食炸雞係比呢啲粉你點 幾新穎 但要點多少少先食到啲粉係咩味整體上質素唔錯 呢個價錢既拉麵亦都抵食…查看更多

今日去左呢間正品小館食野因為聽聞呢間有啲海鮮又平又靚行完街就同朋友黎試下啦我地叫左個海南雞油飯啲雞好滑 就算黎個碟係雞胸位 都好滑好滑點埋啲醬汁一齊食 更加突顯啲雞既鮮味油飯就唔膩 岩岩好 好香油香味加埋啲雞 真係好送得落飯另外叫左個魚茸粥我個人就唔怕魚腥味 同埋有魚味先叫鮮啲粥煮到好綿 爆開晒花甘啲魚唔會過老 同埋因係魚茸 所以唔洗怕有骨 呢個粥真係充滿晒魚既鮮味 係超班既魚粥之後叫左兩個湯一個杏汁白肺湯 一個杏汁花膠湯兩個都好濃既杏汁白肺個款會岩鐘意內臟既人而我就比較鐘意花膠個款飲完好似好滋潤養顏甘我地另外仲叫左個沙薑雞腳呢樣菜而家真係好少見 係懷舊既味道不過略嫌有少少硬 味道就唔錯同埋叫左個豉椒炒蜆好惹味 啲獲氣真係比得上大牌檔食得出啲蜆好新鮮 正！最後仲叫左個薑蔥炒蟹 （不過唔記得影相）炒蟹真係冇得輸 新鮮之餘用薑蔥炒到岩岩好 仲要啖啖肉餐廳職員都好好人 會主動換碟 問需唔需要紙巾甘整體黎講 真係值得一試尤其想食下海鮮又想平平地既話…查看更多

今晚去左紫蝶花食野開左係將軍澳都一段時間 一直都唔得閒試下甘呢間係食東南亞美食既 所以唔係只限泰菜 簡直一次滿足你幾個願望環境都唔錯 唔會好迫甘我地就叫左個炒金邊粉好大碟 同埋好有獲氣 食落唔會好油 同埋辣度岩岩好 夠惹味之後叫左個蒜蓉牛油雞翼好脆口 牛油蒜蓉呢個組合永遠冇死不過略為少少咸 不過整體都係好味既仲有叫左馬來咖哩雞 配左個薄餅黎點咖哩食咖哩唔算好辣 好香椰汁味 同埋雞肉係用半隻雞既雞件 都幾滑 同埋啲薯仔都吸晒啲汁 好正👍🏻之黎先黎個軟殼蟹沙律軟殼蟹好正 夠脆 冇咩渣 同埋唔會炸到好油膩 不過啲沙律就有少少酸 然後叫左個芝士蝦球蝦肉好彈牙 入面包住芝士好邪惡啊 同埋炸到好香口 必試啊呢間野真係食東南亞菜既一大好選擇大家一定要黎試下…查看更多

好耐冇食過韓燒 跟住偶然地搵到呢間堅韓牛因為佢地主打係有1++級別既韓牛仲要係任食 唔洗飛韓國就食到緊係要試下啦佢有分兩種價錢 一種係普通冇韓牛既 一種係有埋1++韓牛 強烈推薦大家要叫韓牛個款甘肉類分面有牛、豬、雞我地未叫野之前 店員已經會先比一碟韓牛拼盤我地先 係按番人數比既份量所以實際上每一塊肉係咩部位我都唔係好知不過韓牛既肉味係屬於好濃郁個種口感上未必有和肉甘淋 但係絕對唔鞋口睇到啲牛肉既油脂分佈就知道係好野拼盤入面大概有4款肉每一種口感都唔同 但全部都係靚牛唔係平時食個啲cheap野不過拼盤份量都唔少 我地兩個女仔 都冇再recall韓牛 因為仲想試埋其他野之後店員比左個辣雞湯我地 話係送既係用石鍋裝住既 所以熱辣辣 味道就似係辣炒年糕既味 只係換上左雞球然後我地叫左啲雞肉同豬肉 雞肉還好 始終我覺得雞肉用黎燒唔係最好食豬五花既肥肉位彈牙 豬頸肉有高調味過 都幾淋然後叫左啲普通既牛 質素同頭先食既韓牛真係冇得比不過唔會好差 就係一般韓燒牛肉既質素 值得一讚係金菇肥牛卷 真係幾好味之後叫左少少海鮮黎燒全部都冇調味既 都算幾新鮮特別係魷魚好好食 好爽口 一定要試完左韓燒可以打埋邊爐 只係我地太飽啦 食唔落然後不得不提佢地既熟食印象中韓燒店既熟食都麻麻但呢間啲熟食好唔錯 我地recall左好幾次有紫菜包飯 炒粉絲 海鮮煎餅 泡菜湯等等最後 佢地有唔少飲品既選擇 最特別係自製既茶 可以用黎解膩甜品就有雪米糍大家一定要黎試下佢地既韓牛啊！…查看更多

聽聞調景嶺有間平靚正西餐同區既我緊係要去試下啦甘呢間店就係係彩明街市入面真係冇諗過街市入面都有正野環境算唔錯 唔係啲街市茶餐廳環境甘一睇menu就知點解係平靚正西餐啦因為真係好平好平 我甘岩係下午茶去買外賣佢地下午茶餐只係$32 有小型意粉 兩款小食同埋野飲 呢個價錢認真 快餐店都唔只啦但始終係下午茶 份量會輕量啲 不過女仔就岩岩好我叫左卡邦尼意粉配柚子雞翼同三蔥餡餅意粉好濃郁芝士味 份量我覺得岩岩好 再多就會好膩 配埋煙肉同洋蔥 真係好容易一啖接一啖柚子雞翼係事先炸左 再淋上少少柚子醬雞翼好大隻 啖啖肉 同埋好脆口 加上少少柚子醬 酸酸甜甜 好開胃三蔥餡餅就有啲似煎左既菜肉包 細細個 唔會太飽仲有荔枝綠茶配埋個餐 不過就略甜仲有叫左芝士吞拿魚蛋餅好少係香港食蛋餅 都算整得唔錯佢仲有好多其他既配搭 可以自己揀同埋黑松露野菌帶子大通粉呢個係正常size既份量 個人好驚訝有大通粉 而且做到吸晒啲醬汁 黑松露味濃 加上野菌簡直絕配 雖然帶子唔算好多 但以50幾蚊既價錢 算係甘啦最後再叫左個蒜蓉包好脆 好脆 一定好食過某pizza店既蒜蓉包佢有啲似薩利亞既個款不過就再脆多少少而且只係$12一份 唔係唔試下嘛呢間店真心好高質 如果係做街舖一定大排長龍街市中搵到甘既美食真係不得了住附近既朋友或者附近番工番學真係要試下下次再黎食其他野…查看更多

今日去咗銅鑼灣行街 中途想食少少野但又唔想食正餐所以就去咗呢間hungry dino到食野啦呢間店舖就係主打飯團最主要係有分左做腐皮飯團同正飯團咁我哋就兩樣都試吓首先講下正飯團先我哋叫咗左口魚同川味雞肉兩款感覺都幾大舊左口魚好肥美 魚油香味好濃郁夾埋飯團一齊就冇甘膩川味雞肉有啲辣 不過食得出係川菜個種辣 之後就係腐皮飯團整體上來講腐皮飯團比較好食我哋叫咗有明太子三文魚有少少辣 加埋三文魚就好夾另外叫咗款吞拿魚 飯團上面有好多魚肉一啲都唔孤寒 仲有分吞拿魚粒同吞拿魚蓉口感就更加有層次之後佢哋嘅鰻魚都唔錯 同樣地份量都幾多鰻魚無骨同埋照燒汁好好味而最吸睛嘅就係甜蝦蟹籽雙併啲蝦真係好大隻唔係平時食嗰啲細細隻嘅蝦加上大量嘅蟹籽 真係好滿足呢間鋪仲有啲便當可以選擇 重點係有得自選下次大家可以試吓呢間 當係輕食都冇問題…查看更多

今日去咗呢間吉列牛忌廉烏冬專門店一直見到佢有個忌廉咖喱烏冬都好想去試吓我哋係7:00去嘅我哋坐低冇幾耐全個場都開始多人啦一坐低就見到每張枱都擺住一個石板烤爐應該係比人燒吉列牛本身想試吓佢哋嘅吉列牛但係因為朋友唔想食炸牛所以就叫咗個牛里脊套餐佢係用個鐵板上既仲有個芝士啡菇同埋一啲洋蔥係隔離店員同我地解釋牛肉可以再喺個石板上面燒到自己想食嘅熟度所以一開頭嚟嘅嗰個牛肉佢冇整到全熟大約三成左右跟住自己再喺石板上面燒都係幾有趣既體驗牛肉好林 一向都知里脊肉出名林不過入口真係好鬆軟而且肉味好濃 調味唔多 唔會搶過左肉味芝士啡菇同洋蔥作為配菜就不過不失套餐嘅配搭係會再跟埋個鹹蛋黃薯條呢個真係有驚喜新鮮炸不在話下 鹹蛋黃醬沾滿每一條薯條鹹蛋黃醬起晒沙 熱辣辣真係食唔停口另外當然叫帶忌廉咖喱烏冬我真係冇諗過忌廉可以溝烏冬 仲要有咖哩食落好夾 唔會有好膩既感覺我地揀左雞肉做餸 食落都算嫩滑總括嚟講呢間嘅食物質素真係唔錯當然佢仲有唔少其他主食可以選擇下次再嚟一定會試一試佢嘅吉列牛…查看更多

一直聽聞觀塘有任食牛排一直都好想試下就同朋友黎左啦同埋餐廳只係星期六晚先會做呢個放題甘餐廳環境都幾好 以食西餐黎講都幾有feel甘呢間餐廳除左牛排之外 仲有薯條同沙律吧都係任食甘講左沙律吧先啦沙律選擇唔算多 但basic既都會有齊而且都幾新鮮 唔會任食就低質左另外仲有羅宋湯飲得出好足料湯中亦有唔少配菜跟住佢仲有餐包比你夾我夾左個好似係黑芝麻既包食落都唔錯 幾軟熟 不過如果可以加熱少少就更好啦甘就到薯條啦 薯條用少少鹽調味 岩岩好而且即叫即整 好脆口 唔會軟晒甘雖然係任食 不過叫一份都夠晒到重頭戲牛排啦甘我地唔知有幾大塊 就叫左一份先結果佢黎到真係正常甘大塊我諗每人都真係一塊起兩塊止咁第一塊我哋就叫左五成熟肉質真係好林 入邊仲係粉紅甘真係唔會因爲係放題就比啲低質牛排你甘第二塊我地就叫左三成熟都係甘林但個人就鐘意生少少不過佢呢間就唔會生到血淋淋甘怕食生牛排既唔洗驚總體黎講呢間都幾高質可惜我地兩個女仔食唔到幾多塊如果係以甘既價錢（$298）任食牛排真係好抵…查看更多

經友人介紹之下今晚首次到此餐廳食晚餐。 室內裝橫簡潔，一入店內已經聞到扒香。 雖說是扒房，但室內抽氣控制得宜，唔會吃到整身烤肉味。 入座後員工已經主動上前介紹推薦菜色，更細心地派發圍裙，避免幫牛扒淋汁既時候彈到件衫或者搞到好大陣味。 菜單食物種類雖然未算包羅萬有，但係每款食物都各有特色及具吸引力，更有多款主流扒類提供。 菜單尾頁更有指示去講解最佳食扒方式。 睇完菜單後，果斷點左最新推出的澳洲M7和牛及其他食物。 點菜後未久，食物已經很快送上，傳菜速度理想。 而鐵板三文魚炒飯則最先送到。 不論燒汁，溫泉蛋，紅椒，甚至青蔥都是預設另上，好讓我自由調配。 而燒汁汁身比較稀，濃度適中且味道香甜，落多少少都唔怕會太咸。 而煙三文魚具一定厚度，唔會太薄，口感不俗而且幾香口。 然後主菜牛扒終於連龍蝦湯一同送上，送餐員亦有再簡單介紹食扒步驟。 龍蝦湯雖賣相一般，但味道非常濃郁，而且用匙羹畢起才發現非常足料。 唯一可以挑剔既係湯味稍咸略蓋龍蝦香味，及份量唔多，可能因為兩人飲一碗既關係。 餐廳有獨特既牛扒烹調方式，牛扒熟至三成上枱，然後自己可以根據個人喜好於已燒熱既鐵板上調控生熟程度，覺得夠熟既時候便淋汁。而牛扒既擺放既方式亦別出心裁，配菜墊於牛扒下方以避免在送餐過程中煎熟，配菜份量亦非常豐富。 牛扒 口感唔會太實而且易咬，雖然有少少筋但未至於影響口感。 如果個人口味比較重既話適宜自行落鹽同黑椒吊味。 而比較特別既係調味架有芥辣提供，點住黎食味道層次更加豐富。 二人食結帳為340蚊，有和牛且質素不錯既情況覺得價錢合理，其他食物質素味道亦不錯。而且餐牌內更有很多其他比較便宜既扒類提供。 另外值得一讚既係員工服務細心有禮，室內抽氣控制得宜，環境衛生更令人食得舒服。…查看更多

今日行開旺角 突然想食韓國野就諗去呢間Yadllie Plate 之前已經試過一次 都覺得幾好味 所以今次就帶埋個朋友一齊去啦咁一嚟到佢就會比一碟酸蘿蔔你先不過都真係幾酸 我諗佢都真係幾入味咁首先我哋就叫咗一壺米酒佢有四隻水果味揀 我哋叫咗西瓜未就咁望落去都真係好夢幻呀不過佢酒味都幾濃 所以我哋都唔係飲到好多杯之後我哋就叫咗一個蟹籽芝士雞蛋卷入邊啲芝士真係可以拉斯既 而且有好多蟹籽係入面而且上面有啲茄汁側邊亦都有個芥辣 真係食唔停口之後我哋就叫咗個炸雞併西冷牛扒炸雞真係好脆 但係份量都唔算多如果兩個人食都食得晒 同埋佢嗰個調味好正 即使我哋係叫原味炸雞都好好味仲有個西冷牛扒真係好好 仲要連埋塊熱石板上 建議大家唔好將塊牛扒反面同埋冇幾耐就要即刻食 如果唔係就會煎得過熟啦咁如果你係即刻食嘅話呢 佢約摸係五成左右 咁所以肉質好林另外我哋仲叫咗個炸大蝦啲蝦食落嘅口感好彈牙 唔似係普通去食日式嘅嗰啲炸蝦嘅感覺 加上點埋泰式甜酸醬甘成件事就好match之後就叫咗個紫菜蟹籽手抓飯咁可以叫佢幫你整成一個個波波 亦都可以自己整 咁我哋就試吓自己落手整啦咁都幾得意嘅好似有得玩有得食咁加上佢個飯本身已經係調左味架啦加埋啲蟹籽同埋韓式嘅紫菜 咁就同食白飯真係爭好遠 真係食極都唔厭兩個人叫一份就啱啱好啦最後我哋當然要帶個甜品作為結尾啦叫咗個士多啤梨雪花冰份量唔係好多嘅姐 兩個人應該食得晒咁士多啤梨雖然唔係當做但係都唔會太酸既以佢嘅冰就係偏甜嘅 咁所以呢中和返啲士多啤梨小小酸酸地 咁就啱啱好啦咁因為呢間野都算幾出名啊 所以呢食飯時間都真係幾多人所以大家可能要早少少過嚟搵位啦…查看更多

今日朋友請食野帶左我去呢間Little Tipsy 到食睇裝修應該係行緊中高級嘅路線我哋被安排坐係一張圓形嘅大台坐得都幾舒服咁我哋就總共叫咗一個前菜同兩個主菜前菜就叫咗焗北海道帶子配蟹肉份量就一人一隻 佢用咗啲芝士菠菜同埋蟹肉碎黎做個汁跟住就擺喺隻帶子上面再拎去焗啲芝士汁幾好味 不過就好似食唔到好多蟹肉啦不過佢個帶子真係好好味 好大隻啦同埋好嫩滑再嚟就係主菜啦我哋就叫咗一個香煎法國海鱸魚配茴香伴藏紅花醬咁我就未試過海鱸魚嘅 食落去啲魚質都幾滑同埋因為佢個魚皮係煎香左所以食落好脆同埋佢有啲薯仔係個底嗰度 吸晒啲汁好入味而另外一個主菜就叫咗慢煮西班牙黑毛豬配大蒜伴洋薏米咁慢煮嘅嘢都真係唔會難食嫁啦 加上係黑毛豬 所以豬肉嘅味真係比起普通嘅豬肉濃味得多同埋食得出佢接了唔多所以好食得到個種食材本身嘅原味而個南瓜蓉真係磨得非常幼細配合黑毛豬一齊食又係別有一番風味而意想不到嘅係佢個薏米非常好食 我諗係我第一次食到嘅味道 好難有一種味道可以形容到佢咁佢呢間野呢仲有好多唔同類型嘅酒可以比你叫咁但係我哋就冇叫到啦呢間餐廳環境幽靜食物質素都偏高所以都好適合三兩知己嚟呢度食下野傾吓偈同打下卡…查看更多

將軍澳不嬲比較少台式飲品店而家開多左間就黎試下啦甘岩佢做緊開張優惠 頭7天都有優惠甘我就黎試下啦我見到佢正常價錢都唔算平 所以期望都高甘我就叫左杯烏龍奶茶同波霸奶綠甘兩杯都偏甜我而家叫左75%糖都好甜 我諗叫25%就會差唔多甘烏龍奶茶 茶底好味 不過奶味就唔太突出 唔似用緊啲靚既奶 飲到烏龍陣茶香味至於波霸奶綠 我個人唔太鐘意佢啲珍珠 冇咩味 同埋偏硬左少少而奶綠既綠茶味都一如既往唔會太飲得出綠茶味 同普通奶茶差唔多不過佢甘既價錢 呢個質素有啲唔值下次黎既話會想試下佢既芝士奶蓋茶既…查看更多

知道麥當勞出返朱古力批雖然上次伏過一次但今次都忍唔到手再買麥當勞啲質素其實就唔會好得去邊㗎啦不過今次個朱古力批真心好食咗第一佢係熱辣辣嘅就算我係外賣返屋企佢都仲係好脆其次就係啲朱古力餡 雖然都唔係流心但係我就覺得佢啲餡都幾足反正整體來講都算唔錯㗎啦有啲進步當然啦佢點樣都比唔上日本嗰隻朱古力批…查看更多

最近好想食魚生但又想食多啲種類既野 所以決定去食放題甘今次就揀左極上帝王水產因為之前試過一次都唔錯所以就再去試下水準有冇唔同甘既然我黎過 緊係知咩最好食啦首先叫左一輪刺身先帶子係最正既 其次係赤蝦呢兩樣真係要不停refill先得另外如果有訂位 每人可以揀一款額外冇得任叫既野食我地就叫左一份海膽同埋一份甲羅燒（燒蟹蓋）因為之前都食過燒蟹蓋 知係正野 所以先揀佢係連埋個爐上 燒到熱熱地再夾埋啲飯同蟹籽 味道冇得輸至於海膽 就不過不失 不過都尚算肥美 但係就唔係好多 唔夠過癮甘之後就叫左一件海膽手卷 呢個可以任叫不過唔好叫甘多 真係好快飽 呢個都係回本位另外就叫左啲基本放題一定要叫既小食啦牛油栗米 一句講晒 香甜另外仲有番薯仔同燒菠蘿到炸物啦 我地都唔敢叫得多 驚食唔晒有啲叫左一件 佢全部都係黎左兩件😂😂甘一定要叫既就係炸薯餅 佢質感好似奶油薯餅甘 好正另外有炸蠔 炸芝士年糕 炸薯蝦等等 都唔錯架 炸漿都唔會太厚至於天婦羅 就叫左少少姐 就有蝦同番薯仔同蟹棒 全部都唔錯之後叫左份炸雞軟骨 好香口 好惹味 因為有啲7味粉 有啲避風塘既感覺之黎叫左份羊架 好大塊 不過就略嫌有太多肥膏 不過肉質就好諗既 最後就係甜品啦 點少得呢甘叫左個心太軟 不過大家要注意佢係係落單紙寫 唔係出去拎架心太軟好好味 朱古力味唔會太甜做到流心既效果 同埋細細舊 唔怕太膩而其他我見到可以出去拎雪糕 雪米糍甘不過我就太飽冇試到啦事隔甘耐再黎食 水準都冇差到Menu仲好似比之前多左啲野我見到中日韓泰既野食 真係叫都叫唔晒價錢都唔算貴 200幾蚊左右所以大家要搵放題 又唔想太貴 又想多選擇呢間會幾適合…查看更多