正品小館 (已結業)

今日去左呢間正品小館食野因為聽聞呢間有啲海鮮又平又靚行完街就同朋友黎試下啦我地叫左個海南雞油飯啲雞好滑 就算黎個碟係雞胸位 都好滑好滑點埋啲醬汁一齊食 更加突顯啲雞既鮮味油飯就唔膩 岩岩好 好香油香味加埋啲雞 真係好送得落飯另外叫左個魚茸粥我個人就唔怕魚腥味 同埋有魚味先叫鮮啲粥煮到好綿 爆開晒花甘啲魚唔會過老 同埋因係魚茸 所以唔洗怕有骨 呢個粥真係充滿晒魚既鮮味 係超班既魚粥之後叫左兩個湯一個杏汁白肺湯 一個杏汁花膠湯兩個都好濃既杏汁白肺個款會岩鐘意內臟既人而我就比較鐘意花膠個款飲完好似好滋潤養顏甘我地另外仲叫左個沙薑雞腳呢樣菜而家真係好少見 係懷舊既味道不過略嫌有少少硬 味道就唔錯同埋叫左個豉椒炒蜆好惹味 啲獲氣真係比得上大牌檔食得出啲蜆好新鮮 正！最後仲叫左個薑蔥炒蟹 （不過唔記得影相）炒蟹真係冇得輸 新鮮之餘用薑蔥炒到岩岩好 仲要啖啖肉餐廳職員都好好人 會主動換碟 問需唔需要紙巾甘整體黎講 真係值得一試尤其想食下海鮮又想平平地既話