pchen的個人專頁

今日遲起身，落到銅鑼灣搵食已經3，4點，去左呢間未食過但多人好評既拉麵店.可能唔係煩忙時間人不多小店細細但裝修不俗，心諗都幾好. 點知一坐低，兩個店員就貼身保鏢咁企喺我後面，店面較窄佢地基本企正我後面，我點了基本的豚骨麵加餃子，出菜又係企喺我隔離一齊等拉麵😓諗住食物好食都算，點知拉麵碗係凍既，雖然影響不大但總覺得少了點什麼，餃子得4件要$38，又唔見得特別好食點解要咁貴，拉麵食落味道只係一般，埋單接近$130實在唔抵食😓…查看更多

之前都有同事講過呢間火鍋抵食，同朋友行過佐敦，決定去試下.上到去好多人等緊位，我地等左大半個鐘，一坐低先望一望點菜紙，選擇不少，重點係有海鮮點，不過有部分會售完即止，想食就快手. 另外肉類有平時散叫先有既手切肥牛，牛骨髓等，仲有叫埋刺身，新鮮唔會一陣雪味最後不等不提係佢地既飲品，種類多等嚇人，全部係平時少見既韓國飲品，不少得hite啤酒呢餐我地食足兩個鐘一路食到甜品都唔放過(有新鮮出爐梳乎厘)，埋單一位$200冇得輸…查看更多

星期四同老婆去食拉麵, 去到呢間同荃灣嗰間個名好似但冇關係既漁場台風, 呢度拉麵同沾係分開時間買, 日間賣沾麵, 夜晚賣拉麵. 咁夜晚黎到就當然係食拉麵啦.呢度環境闊落, 廚房衛生.小弟叫左鰹魚味豚骨拉麵,麵例牌要硬d, 老婆就要沙甸魚豚骨拉麵我既鰹魚味豚骨拉麵,整體唔錯,食得多魚介食下鰹魚有新鮮感, 唔用筍用菜做伴菜啱哂唔食筍既朋友, 叉燒不太厚但香滑, 湯好濃有掛麵最後我好快就食完哂,老婆仲食得一半仲要食唔哂俾我,我當然唔客氣啦.不過佢個沙甸魚味我就嘛嘛地, 感覺沙甸魚味同豚骨湯好似唔太夾, 所以相都冇影, 都係鰹魚味好d…查看更多

下午茶去左西營盤第三街一心食肉燥飯，點知冇開，喺嗰度附近行左一陣決定食La Rotisserie佢地既燒雞好好食，用好多香料香草腌完再放入燒爐隻隻都燒得好靚，我要左份set4份1隻雞加薯仔side dish，另外再叫左支可樂，超邪惡但超滿足，雞咖算大件但下午茶份量剛好，雞肉嫩滑咖會過熟加埋香料令味道更好，唔好以意就咁算，薯仔係用雞油煮架上碟可要求再淋多一次，當然唔會放過坐喺較路邊位置，又可以睇住架車又有風吹吹下，咁又過左個幸福下午…查看更多

上次喺上水食唔到，唯有今次喺元朗食返，餐牌項目用日本風格，最鐘意DX當然係叫左DX啦，再加多個麵底，佢既湯底咖係一般濃湯冇咁傑，成件事即時冇咁滯，我要硬麵，不過食落硬得黎有幾分爽口！叉燒薄但有些少肥非常嫩滑，值得一提係DX有兩隻半熟蛋！！仲要冇走樣裡面係流心架！說實話好魂冇食過咁流心喇！最後埋單$85連加麵係抵食，CP值高！…查看更多

同朋友食完飯，又口痕痕想食甜品，就黎左附近既甜入心我就叫左個椰皇布丁，感覺好特別，佢將成個椰皇水攞去做成大菜糕既質地再喺上面放個布丁，心個軟滑一個爽口，正！芒果雪糕厚多士，一啖食哂雪糕軟腍腍，厚多士鬆脆，芒果醬香濃，大啖食好過癮最後食個咸既黑松露撻，咖會好一件，一啖一個，黑松露味喺個口好耐都唔散，超滿足！！…查看更多

今日老婆跑完10K，本來想去食拉麵，但係太夜收哂工，就轉目標食日本野先黎左個刺身拼盤，好新鮮，三文魚好大件，另外有左口魚，白肉豚，大大隻既紅蝦同成隻過既北寄貝好爽口另外仲叫左壽司有魷魚海膽，介辣八爪魚，象拔蚌同三文魚介辣八爪魚好足料呀！三文魚都照樣新鮮但太長，有D唔知由邊度食起既感覺最後仲有個魚生飯同鐵板牛脷魚生飯加左D細細粒既脆脆類物體，應該係用天婦羅炸漿做既，唔係好夾同埋有輕微油味，攪琴咖多好食，要揀開哂先好食返牛脷調味剛好，但不夠腍，鐘意佢上面大量蔥絲…查看更多

今日上完堂要去接老婆跑10K, 由於上年等到自我消化所以今年事先食少少野打個底.見附近有間開左好多年,依家喺香港買少見少舊式粥麵店格局既潤記,決定要試一次點知一試發現又係間好野點左一碗雲吞麵一杯凍華田, 師傅用舊式做法將麵放左雲吞上令麵不會太腍, 咬落爽口彈牙冇鹼水味,雲吞皮薄材料足,大少剛好一啖一粒!凍華田都俾心機架, 唔係溝好多水再加糖水既感覺,好飲!…查看更多

十點幾上完堂好想食d野滿足下自己, 見到呢間burger店就入去試下.裡面環境好有走美加風格,有d鹿頭,鐵牌掛喺牆上面,幾靚呢餐我叫左個Taters N Cream 同 The Big Bite 加多杯可樂先黎Taters N Cream, 見到就好開心,粗身薯條上面鋪滿好厚一層cream加埋煙肉同蔥,好正!!Burger 係即叫即做,所以我食左半碟薯條先到, The Big Bite 係一塊6oz牛肉加生菜同番茄,唔會好大個但係啱哂口形唔駛拆開食咁冇癮.牛肉漢堡外觀有d乾,但係咬落都幾juicy同好濃牛味,我幾鍾意佢唔會落大量醬汁,一來唔怕食都成手醬,二來唔會搶左漢堡扒既牛味…查看更多

一早返左香港搵飯食,去左荃灣既拉麵台風,想食好耐一直都冇機會今次可以試下喇.我點左個魚介豬骨湯拉麵, 湯基本上係豬骨湯上加魚介粉,豬骨同魚介味夾得好好,湯身好"傑"但唔滯口, 糖心蛋同其他配料都好好味,特別係個叉燒大件又厚又腍,好食!…查看更多

去澳門兩日一夜,今次去新濠影匯試下新野,半夜就硬係想落賭場行下食下野,呢間酒店得一間24小時,咁唔駛諗啦,一支箭殺左落去.點左個牛腩撈麵,說實話唔平$80幾一份加埋一成舊黎緊,但係唔會覺得唔抵食,咁先係好野嘛.先講個麵,牛腩同麵都好夠份量,牛腩ok腍幾好,麵隔得好乾身抵讚,最怕撈麵隔唔乾上碟,攪到成碟"十麵水",胃口都即時減半,不如俾碗湯麵我好過.呢度完全冇呢個問題!之後係撈麵既湯,一飲就知呢碗野超正,成碗湯蝦味200%濃郁又冇味精味,佢應該係落左好多好多好多蝦去煲,直頭想叫佢加多碗.…查看更多

放工又自己去偷食,今次去左銅鑼灣地底既麵檔,經過門口見到感覺唔太好諗住博下,落到去發現環境又幾好喎, 好光猛同清潔唔會"up up dum dum"叫左個雲吞麵加介籣加凍檸茶.凍檸茶唔講喇都係平時咁不過唔會苦,ok啦跟住到雲吞麵,湯同雲吞都唔錯,湯冇鹼水味, 雲吞皮薄, 入面多蝦又新鮮爽口,可惜我鍾意舊式鐵線,這個也不差介籣就有d特別,一上枱我以為係菜心苗,我仲問多次小二呢個係籣?佢答我係喎,咁我就半信半疑之下食左一條,果然係介籣!仲要係好嫩好有介籣既味,好食!!最後全部食哂…查看更多

同同事食lunch, 行下行下就行左過黎食生牛河,呢間越南菜走較現代既style由裝修到食物賣相都俾人感覺唔多似食緊越南菜.我地全部叫哂生牛河(成班無牛不歡), 湯比較清,上枱時牛肉仍有點紅,再放埋青檸辣椒粒金不換等香葉攪幾攪,就剛好有個7成熟,嫩滑有肉汁,食到停唔到口!Lunch set 會配多一個小食, 今次就有龍脷柳卷同椒鹽豆腐先炸香龍脷柳再加配菜用米紙包起,香龍脷炸得剛好唔會太乾或太油, 內裡仍然嫩滑椒鹽豆腐就較香口,外脆內滑,但椒鹽再多d就仲好.總結呢度野物質素唔錯,只係有些少貴, 但以中環區來講間中係ok啦!值得返轉頭再食.…查看更多

去到銅鑼灣又想食拉麵但係又唔想去登龍街嗰幾間,於是去左附近堅拿道西既Tetsu食沾麵, 可能位置較遠同剛好過左午餐時間,唔駛等就有位坐我叫左個沾麵/普通加左份大滿足, 其實普通即係凍麵將麵條過冷河, 之後先俾客人, 日式沾麵其實係食凍麵, 有人咁講過:"如果沾麵食熱既麵,不如食湯拉麵"各有喜好啦！呢個沾麵我可以俾80分，沾汁有濃郁鰹魚味，只係唔夠熱，放凍麵落去好快就凍左，麵條軟硬適中有咬口，唔沾汁食一條，有淡淡小麥味，讚！！食左一陣，好玩既事出現喇，話說凍麵始終沾汁會凍，就叫小二俾隻蛋我，呢隻唔係普通蛋，係鐵蛋，一隻燒熱左既鐵蛋，一放落去"滋滋"好得意，最緊要係成碗汁熱返哂，仲熱過剛上枱⋯⋯玩完鐵蛋，又係時候食埋隻真蛋，一咬D流心就走出黎，好好味！另外如果你想加味，佢仲有辣椒粉同黑胡椒粉俾你調味地方亦好衛生清潔，不過好奇怪係唔大既鋪面入面竟然有4-5位樓面員工，唔緊要但問題係客人進食期間佢地就圍埋大聲講大聲笑，唔係唔俾講野，只係始終係服務性行業，咁樣就好似唔係咁好…查看更多

今晚同老婆食重慶燒，之前一直有聽過呢間好食但因為總有其他事阻住我去，今次一於遇神殺神，遇佛殺佛，不到黃河心不死！ 見到落單紙有咁多款我都唔知食邊樣先，最後點左其中幾款： 呢度既燒牛仔骨唔錯，燒得剛剛好嫩口唔會變擦子膠亦唔會乾哂 燒蠔同燒大蜆好新鮮，加上蒜等調味之後更加惹味！ 羊架我本來不太喜歡，呢個唔會太多肥糕，驚喜位係佢竟然有Mint Jelly，呢樣野唔好話燒烤店未見過，連一有較正式既西餐廳都未必見到 叫左一條烤鱸魚，新鮮肉嫩，侍應好好人不時幫我地推下條魚防止燶底，汁辣辣的條魚食完我地再加碟菜落去吸埋d汁正到唔識講 另外我地仲叫左碟辣汁東風螺，起初見細細粒，食落d螺肉入哂味…查看更多