Lion Kay的個人專頁

今晚嚟到沙田嘅 Odelice! ，最鍾意呢度嘅食物，有好多唔同 嘅 dinner set 可以選擇，而且成晚嘅食物都充滿心思，份量啱啱好，好適合朋友聚餐或者情侶慶祝呢~頭盤嘅三文魚紅石榴他他味道清新!三文魚粒撈埋牛油果蓉，入口滑溜，加埋爽脆嘅紅石榴籽同酸酸地嘅茴香橙汁，味道好有層次，一啲都唔膩，開胃啱晒。主菜試咗澳洲和牛牛脊肉，五成熟啱啱好，肉質軟淋有牛味，配嘅鴨肝白蘭地醬汁香濃得嚟唔會搶咗牛味。另一款煎鴨肝油封鴨腿意粉夠晒邪惡 😍 鴨肝煎到外脆內軟，鴨腿肉又好入味，意粉 掛滿鴨油香，好好食呀 !甜品嘅朱古力咖啡芝士蛋糕濃郁得嚟唔太甜，咖啡味平衡得幾好。而飲品方面開心果 味嘅Mocktail味道特別，有果仁香氣。Frozen Strawberry Kiss 就酸酸甜，解膩一 流。✨ 三文魚紅石榴他他✨ 澳洲和牛牛脊肉✨ 煎鴨肝油封鴨腿意粉✨ 朱古力咖啡芝士蛋糕✨ Pistachio Swirl MOCKTAIL ✨ Frozen Strawberry Kiss…查看更多

朋友係外國返香港，話最掛住香港嘅居酒屋😂😂 決定今晚嚟到係厚福街嘅鮨一，嘅有暖笠笠嘅鍋物，又有鮮甜嘅刺身料理。✨日本豚肉鍋最近做緊嘅冬日限定豚肉鍋有三款唔同湯底，今晚試咗日式豬骨湯，有蔬菜籃同蘭王蛋。豬骨湯湯底味道啱啱好，飲完唔會口渴嗰隻。最正係追加烏冬，吸晒啲湯汁好正。✨鰤魚刺身鰤魚刺身新鮮，肉質鮮美濃郁，入口仲好軟韌。✨香箱蟹香箱蟹超足料😍一上菜就見到橙紅色蟹膏同蟹籽，肉質纖細清甜，好似個小寶箱咁，味道濃郁鮮甜。✨寒鰤蟹肉安康魚肝三層塔三層塔賣相靚仔之餘，寒鰤魚腩部位夠油潤，蟹肉鮮甜，而安康魚肝口感似濃郁版鵝肝，帶淡淡海水味，三樣夾埋食層次感唔錯。✨海葡萄沙律海葡萄口感特別，營養價值豐富，配埋其他沙律菜，爽口清新。…查看更多

觀塘嘅呢間火鍋店除咗有多款配料之外，仲有三Round 唔同嘅食物：餐前小食、頭盤同為食海鮮拼盤🥘，價錢都只係$288，食物選擇豐富，價錢又親民，記得約埋班為食戰友過嚟一齊食呀，鍾意雞煲同打邊爐嘅一定要試試！千歲う米 豚淥一陣就食得，入口即化仲帶陣陣豚肉甜香。海鮮拼盤仲有五款時令海鮮，分別喺元貝、脆肉鯇、大蜆、帶子同鮑魚，每樣都鮮甜味美，淥完都唔使點醬，食到原汁原味！餐前小食有唔同嘅邪惡炸物，有必點嘅酸甜炸大腸，炸到金黃脆卜卜大腸，蘸埋酸甜汁完全唔膩，仲有人氣嘅唐揚脆炸雞，同樣外脆內嫩。最驚喜係紫菜響鈴，索湯又保留紫菜香味😋打完邊爐仲有甜品，有唔同口味嘅雪糕，今晚個胃都表示極度滿足呀！…查看更多

今日嚟到Tamarind 食泰國菜，午市差唔多坐滿晒，最鍾意呢度嘅泰式牛肉炒河粉同埋燒豬頸肉。想食地道泰式風味嘅朋友，就要過嚟試試呢度嘅鑊氣同調味呀～✨泰式虎蝦金邊粉金邊粉炒到鑊氣沖天，每條都染勻咗泰式甜辣醬色，仲有脆口花生碎同青檸汁吊味，酸甜辣鹹一次過試下，真係食到舐舐脷！✨泰式牛肉炒河粉河粉炒到油潤亮身，夾起嚟唔會斷到一嚿嚿，牛肉片嫩滑唔韌，口感一百分🤤✨泰式燒豬頸肉炭燒豬頸肉燒到邊緣焦脆，裏面肉汁爆發，加埋酸辣汁，油膩感瞬間消失！✨熱香茅茶熱辣辣嘅香茅茶，淡淡草本香喺口腔迴旋，暖胃又消滯！✨鮮椰青 原個椰青一啖落去，清甜嘅味道透心涼，食完濃味嘢飲簡直係天堂～…查看更多

今日嚟附近買嘢，順便食埋飯先返屋企，嚟到二樓嘅 WM Cafe & Bar。餐廳環境舒服，坐位闊落，充滿空間感呢。今晚分別叫咗兩個主菜加小食，大滿足呀！✨ 大啡菇雜菌黑松露意大利飯意大利飯香濃又creamy，口感煙煙韌韌，加埋黑松露醬，一上菜已經香氣四溢， 配埋我最鍾意嘅大啡菇營養豐富之餘又好食😋✨ 意式海鮮薄餅🍕因為Pizza係即叫即焗，所以都要等一陣呀！pizza 上面舖滿鮮蝦🦐、魷魚🦑、車厘茄同芝士等等嘅材料，充滿拉絲嘅芝士加埋香脆批底香脆，兩個人食啱啱好。✨ WM 炸物拼盤 炸物拼盤同樣豐富，有柚子雞翼、炸雞柳、炸薯條、脆炸洋蔥圈同一口芝士，happy share一齊食最開心🥳…查看更多

嚟到觀塘嘅日作食堂，最鍾意餐廳嘅環境，寬敞舒適之餘，仲瀰漫住一種輕鬆氣氛，充滿日式嘅感覺，好似去咗旅行咁！今日分別揀左兩個定食 - 鐵板蒜香野菌美國極黑和牛肉眼粒定食同日作大阪風串揚定食，再追加甜品同特飲，食飽之後都好滿足呀🤤晚市套餐除咗魚生丼飯之外，仲有都有多款選擇，包括慢煮牛舌、吉列北海道豚肉扒、天婦羅虎蝦🍤等等。和牛肉眼粒肉質鮮嫩，蒜香味濃郁，再追加蘭王蛋黃，味道甘甜，兩者嘅配搭油香十足。 另一份主食 - 日作大阪風串揚定食材料豐富，有鮮蝦、帶子、白金豚腩肉串、蕃薯、冬菇等等，油炸至金黃色嘅帶子同蝦外酥內軟、金黃酥脆😋而甜品嘅特濃焙茶プリン布甸金時雪氷，每淡充滿茶香味，加埋香甜紅豆，消暑一流！✨ 鐵板蒜香野菌美國極黑和牛肉眼粒定食✨ 日作大阪風串揚定食
✨ 蘭王蛋黃✨ 特濃焙茶プリン布甸金時雪氷✨ 日式玉露茶✨ 長野興產蜜桃汽水…查看更多

之前聽人介紹過呢間新加坡過江龍餐廳天天海南雞飯，今晚終於嚟試下啦～打開餐牌發現帶好多唔同嘅菜式，全部都好吸引，樣樣都想試下😍，下次一定要叫多幾個朋友嚟一齊食！✨ 天天燒雞燒雞外脆內嫩，加埋特有嘅香料同秘製醬汁，味道獨特香濃。✨ 参巴辣椒炒通菜通菜香口爽脆，配埋參巴醬蝦膏香辣，味道啱啱好，怕辣嘅話，點餐嘅時候可以選擇少辣，同樣惹味爽口🤤✨ 黑醬油蘿蔔糕蘿蔔糕口感豐富，外層仲有少少焦香，內裡軟嫩，仲有濃郁嘅香氣。 ✨ 雞油飯叫咗幾款小菜，梗係要叫返碗飯啦～呢度嘅雞油飯粒粒分明，吸收晒雞肉嘅鮮味，每啖都有香味🍚✨ 咖央醬炸饅頭金黃酥脆嘅炸饅頭，脆卜卜之外，中間依然鬆軟鬆化， 配上咖央醬，忍唔住食完一個又一個！…查看更多

之前見到呢度嘅梳乎厘好吸引，一直想過嚟食下，上星期終於有機會啦！好彩朋友一早幫手訂咗位，如果唔係就差啲無位食了🤭我哋分別叫咗三款菜式，全部都好高質，未埋單已經約定下次要嚟食埋其他梳乎厘班戟！😂😂✨燒西班牙伊比利亞殼飼黑毛豬伴時令菜配蜜糖叉燒汁黑毛豬中間呈粉嫩色，加埋旁邊嘅少少焦香，入口甘甜多汁，口感鮮嫩，搭配蜜糖叉燒汁，又香又好食🤤✨韓式泡菜卡邦尼意大利粉配溫泉蛋估唔到意大利粉配韓式泡菜同卡邦尼醬都好夾！雖然有少少辣，但係撈埋流心溫泉蛋一齊食，creamy得嚟又惹味！✨吉士焦糖梳乎厘班戟梳乎厘班戟充滿稠滑嘅吉士醬，分量仲好多，蛋味香濃之餘，仲超鬆軟，真係空氣感十足，加埋隔離嘅焦糖爆谷，食完都覺得好幸福呀💓…查看更多

由土瓜灣站行七分鐘左右，嚟到位於啟岸嘅Still，餐廳裝潢以木系為主，仲有落地玻璃，空間明亮通透，營造一種悠閒舒適嘅感覺。我哋今日分別叫咗兩份午市套餐，有主食、是日餐湯/是日沙律同飲品，另外仲可以＋$15升級飲品，人均都係$130左右，好抵食呀！✨ 煙三文魚凱撒沙律🥗 羅馬生菜口感爽脆，加埋中間嘅煙三文魚，鮮味十足。而且沙律撒滿芝士碎碎，開胃又健康！✨ 慢煮豬手多士慢煮豬手以低溫慢煮嘅方式烹調，豬手肉質軟嫩，再加多士，口感豐富。✨ 迷你西班牙油條西班牙油條外脆內軟，咬落仲有肉桂香味，金黃鬆脆嘅油條配埋朱古力醬，配搭一流！✨ Sangria Mocktail & Pomegranate Passion Cider 🥂兩杯飲品同樣味道清新，充滿果香，入口消暑之餘，仲可以一邊歎一邊Chill！😎…查看更多

今次嚟到啟德一間意式餐廳The Cipollini Pizzeria，位置方便之外，食物都同樣吸引。呢度主打手工薄餅同手工意粉，餐牌上有好多唔同嘅選擇。除咗傳統嘅圓形12寸Pizza，仲有方型Pizza，啱曬想一次過試唔同口味嘅朋友。✨ 50-50 Pepperoni Half Chicken Tikka今次pizza 叫咗50-50，分別係Pepperoni 同Chicken Tikka，唔止賣相出色，仲香噴噴呀😍上面仲鋪咗好多芝士、香草同辣肉腸，而Chicken Tikka就有少少辣，餡料同樣豐富，有蕃茄醬、莫札瑞拉起司、雞蒂卡同紅蔥頭，Pizza 分量兩個人就啱啱好～✨ Hot Appetizer Platter小食拼盤有蝦米爆谷、雞翼同肉丸。原來蝦米爆谷係用原隻蝦肉炸成，好似大大粒爆谷咁，而茄汁肉丸都炸到脆卜卜呢🤤✨ Truffle & Mushroom Risotto 黑松露蘑菇意大利飯濃郁掛汁之餘，每啖都食到蘑菇，加埋黑松露醬， 香氣十足，飯粒濕潤又有咬口，超正！✨ Strawberry Swirl 除咗主食之外，仲有唔同嘅特飲同甜品，我哋叫咗Strawberry Swirl同 Tiramisu，Strawberry Swirl味道酸酸甜甜，沙冰幼滑，充滿士多啤梨果味。✨ Tiramisu Tiramisu口感柔滑，入口唔會太甜，撒滿可可粉，口感綿密！…查看更多

睇完姨甥女嘅畢業典禮，同媽媽一齊嚟Y Pasta食午餐。呢度午餐嘅套餐好抵食，揀完主菜之後仲可以升級要酥皮湯、小食同甜品，食到好飽呢🤭主食我哋叫咗由蒜香鯷魚醬、白酒同雜錦海鮮製作嘅鯷魚醬雜錦海鮮意粉，雖然有少少辣，但入口超惹味，啖啖都食到濃郁嘅鮮味。另一個主食係脆炸魚柳意式軟包配自家製他他醬，金黃香脆嘅魚柳配上鬆軟嘅意式包，外脆內軟的口感，豐富又美味。而酥皮湯一上菜就聞到好香嘅牛油味，表面鬆脆，中間嘅野菌湯忌廉味命好濃郁呀😍最後出場嘅係今日嘅自家製甜品-檸檬玫瑰開心果芝士蛋糕，除咗有檸檬同玫瑰香味，面層仲有香脆的開心果碎，令口感更加豐富！✨鯷魚醬雜錦海鮮意粉✨脆炸魚柳意式軟包配自家製他他醬✨忌廉黑松露野菌酥皮湯✨香濃野菌酥皮湯酥皮 ✨雞軟骨肉丸✨檸檬玫瑰開心果芝士蛋糕✨榛子牛奶咖啡✨芒果乳酪沙冰…查看更多

朋友之前介紹過呢間 cafe，今日終於可以嚟試下啦！一入到去就見到以波希米亞風為主題嘅佈置 ，好多打卡靚靚位呢！ 而且食物質素都唔錯，嚟拍拖談心就啱啦😋主菜八爪魚墨汁燴意大利飯同埋甜椒醬鹽燒盲鰽魚柳同樣出色，八爪魚煙韌新鮮，意大利飯充滿香濃墨汁。盲鰽魚柳外皮脆，入口肉質結實嫩滑。而甜品賣相靚靚之外，仲好好食 😍脆嘅焦糖蛋卷中間包住蘋果粒粒，味道香甜，加埋沖繩海鹽雪糕，雙重滋味。✨慢煮日本八八魚墨汁燴意大利飯✨西班牙煙燻甜椒醬鹽燒盲鰽魚柳✨自家製糯米鴨餅✨蘋果金寶火灸焦糖蛋卷配沖繩海鹽雪糕…查看更多

朋友今晚帶我嚟尖沙咀食印度菜，呢間歷史悠久嘅Gaylord Indian Restaurant 環境充滿印度風情，空間闊落之餘，仲有現場樂手演唱🎤 啱晒紀念日同朋友聚會！平日晚市都差唔多滿晒，過嚟嘅朋友記得要book定枱呀～食物嘅賣相靚靚之外，味道同樣出色，印度菜愛好者一定要嚟試下呀！ 😍😍😍✨Pani poori (6pcs) 酥炸麵餅配薄荷汁金黃鬆脆嘅Pani poori 係印度常見嘅街頭小食，中間包住有香料嘅鷹嘴豆薯泥，食之前先倒入清新嘅薄荷汁，開胃又好食。✨ Avocado Mango Dahi Poori (4 pcs) 牛油果芒果伴脆麵餅另一款Poori同樣又薄又脆，包住牛油果同芒果，口感酥脆酸甜。✨Chicken Tikka (3 pcs) 炭燒雞柳炭燒雞柳味道濃烈，肉質嫩滑，充滿印度香料嘅味道，夠晒惹味！✨ Fish Tikka (2pcs) 炭燒鮫魚鮫魚肉質結實鮮嫩，配埋濃郁嘅醬料，帶有微微辣酸，下次可以叫4件 happy share～🤤✨ Truffle Butter Chicken 松露奶油咖喱雞柳好鍾意呢個松露奶油咖喱雞柳😍 雞肉軟腍入味，咖喱同牛油完美融合，微辣之中帶有淡淡奶香，香氣濃郁。 ✨ Cheese Truffle Naan 松露芝士烤餅烤餅蓬鬆充滿空氣感，入口煙韌香口，加埋松露同芝士，好吸引呀！✨ Pudina Paratha 薄荷千層麥餅千層麥餅配埋啱先嘅 松露奶油咖喱雞柳，簡直絕配😋✨ Hot Masala Tea印度獨有嘅 Masala Tea，喺紅茶葉加入唔同嘅香料，仲帶帶肉桂香味。✨Mango LassiMango Lassi 混合咗芒果汁同乳酪，香滑得嚟又健康。…查看更多

今日嚟到荔枝角探班，同朋友喺 INN 一齊食午餐 Lunch menu，環境舒適簡約，充滿法式田園嘅感覺。坐定定之後就睇下食咩先，原來 set lunch 可以自選唔同配搭，隨意組合意粉、意大利飯或者手工捲粉，而醬汁同埋肉都有三款唔同選擇，我哋今日叫咗一份自家製龍蝦蕃茄汁羊柳意大利飯 同埋招牌香草杏仁脆焗豬肉眼拌乾蔥紅酒汁，跟餐仲會跟一份是日餐湯或者田園沙律，份量都好多呢！✨自家製龍蝦蕃茄汁羊柳意大利飯龍蝦蕃茄汁濃郁惹味，加上羊柳肉質嫩滑多汁，配埋入口煙韌嘅意大利飯，味道一流！✨招牌香草杏仁脆焗豬肉眼拌乾蔥紅酒汁豬肉烤到微微焦香，咬落同樣嫩滑，仲好容易切開，搭配鹹甜嘅紅酒汁，好味！配菜仲有我最愛嘅薯仔同蕃茄呢🤭差啲唔記得跟餐嘅是日餐湯喺蕃茄湯🍅，味道香濃順滑，而沙律菜新鮮，口感豐富!…查看更多

每次嚟到 Casa Cafe & Bistro，都有一種放假嘅感覺，同朋友傾偈都特別開心! 我哋叫完lunch set 之後，再加配小食同甜品🍰。✨8安士紐西蘭肉眼牛扒配薯條紅酒汁牛扒表面煎得焦香，切開之後肉質厚實多汁，充滿濃郁嘅牛味，配菜嘅薯條炸得酥脆，搭配牛扒平衡返肉類嘅油膩感。✨帆立貝蟹子忌廉汁意大利飯意大利飯米粒軟硬適中， 配上忌廉汁，調味啱啱好。 帆立貝外層微焦，內裡保持嫩滑，鮮味十足。加上拌入飯嘅蟹子，每一啖都充滿海洋嘅鮮甜風味！🤤✨炸魷魚圈小食叫咗我哋最鍾意嘅炸魷魚圈，金黃色嘅魷魚圈，咬落仲帶有魷魚嘅嚼勁同鮮甜嘅口味。✨玫瑰鮮奶咖啡 ☕️  ＋ 朱古力鮮奶咖啡好鍾意呢杯玫瑰🌹鮮奶咖啡，鋪滿玫瑰花瓣襯托，賣相靚靚之外，仲帶有玫瑰嘅香氣同味道，下次都要再飲呀！✨熱情果芒果撻 ✨檸檬蛋白撻…查看更多