ZandraLeung的個人專頁

午餐搵朋友食飯我地叫左牛舌定食同埋壽喜燒鍋定食朋友話牛舌好食，我果個壽喜燒鍋係大份既，味道係好普通既壽喜燒味雖然價錢唔平，但環境係極逼餐廳中間放左一排二人枱，每張枱中間距離幾隻手指位😅唔full house既情況下侍應都會安排你填密咁坐，我地隔離坐左好大隻既男人，基本上你係一定會貼住人地隻手/成個人縮埋咁食飯，然後我地移過左一張枱，但當下一枱新客黎，侍應就會安排佢地填密返個空位食左個半鐘都唔full house中間果排二人枱就變成一邊好逼好逼，一邊係空枱既狀態埋單連加一食左三百幾蚊，其實咁既價錢食餐晏都係想舒舒服服姐，冇可能有下次囉，仲逼過茶記不過如果你3人或以上就可以坐到正常4人枱，都還ok …查看更多

之前食過，開返晚市黎開呢邊就順道睇下有冇位walk in。點知係疫情定地點偏遠，等都唔使等，長驅直進，都有少少擔心呢間格調高既黃店會做唔住.....好啦，到重點，食物完全冇退步!牛肝野菌汁帆立貝意大利飯 $85牛肝菌汁好creamy，香濃不苦，飯粒分明，不過軟不過硬，每粒都黏滿醬汁。不過如果一個人食曬一個應該會幾漏，建議share食，岩岩好。芒果蜜桃冰茶  +$18呢個就好失色，已經少冰，但沖得好淡冇咩味芝士薯波 $50薯蓉搓成波再炸，一籃應該有二三十粒，再喺上面淋上濃濃芝士汁，不過咁樣會令下面少左芝士醬，同埋雖然佢冇出煙，但係裏面真係熱情如火，請小心進食。日式南蠻炸雞翼 $55隻隻都好肥美，炸得好香脆，覺得雞翼本身冇咩醃過，不過雞味都濃，而且香脆野同沙律醬真係非常夾，都好好食。非常推薦。宇治抺茶麻糬窩夫配雪糕 $68呢個都有d扣分，抺茶味苦澀，同士多啤梨又唔係好夾，覺得甜品可以去第二到食。…查看更多

［4-6多人之選，卡位多，坐位闊落］公司在觀塘，雖然觀塘真係好多餐廳但係食晏時間12-2周圍都座無虛席尤其係好食又抵果d啦！今日專登申請2點放飯，試下次次爆棚既翟道翟泰國野我叫左豬頸肉飯+凍泰式奶茶講左重點先個凍奶茶都幾驚為天人好岩我口味入口好滑，好似完全唔會停喺條舌到既感覺茶味唔會太濃，好驚有d濃到有澀味因為我冇少冰，味道淡左，我同事原本叫左熱檸茶，點知黎錯左熱奶茶，費事拎黎拎去，就要左，點知一飲返唔到轉頭！我試一啖熱既，嘩味道濃而不澀，一樣咁滑不得了豬頸肉有5-6舊都夠送飯，味道甜甜地有少少花生味，肉質爽口，正常發揮飯量好多，我直頭食唔曬呢個蝦餅係跟餐+18蚊有既2件切開4粒係蝦膠果種外脆酥香，蝦味鮮濃，唔會太油，好食！味道：☀️☀️☀️☀️☀️（5/6）環境：☀️☀️☀️☀️🌤（4.5/6）服務：☀️☀️☀️☀️（4/6）性價比：☀️☀️☀️☀️☀️（5/6）…查看更多

2-4人聚會 靚裝之餘仲要好食！要大大力支持☀️如果有得坐窗邊會再開心d，因為我坐近通路位，隔離企左唔少侍應，有d壓力😂😂呢個牛扒好高質，煎得岩岩好，外面金黃香脆，裏面肉嫩多汁，牛味濃而不騷，仲有種入口即溶既感覺，價錢相宜！呢份牛扒我俾90分，9分係失左喺筋位，有d難咬，另外一分係...😛人要追求進步麻，哈哈😂鵝肝都煎得岩岩好！香甜，外脆內軟，入口即溶😍😍煙三文魚牛油果沙律，蔬菜幾新鮮，食落爽脆。呢個花茶好大壺！因為第一次喺到食晚餐唔知掟，兩個人就叫左兩壺，點都飲唔曬，應該呢一壺share就可以了。Ps: set茶具幾靚，photoable😛味道：☀️☀️☀️☀️🌤(4.5)環境：☀️☀️☀️☀️🌤(4.5)服務：☀️☀️☀️☀️(4)性價比：☀️☀️☀️☀️🌤(4.5)平日晚餐唔算多人，我兩個人，俾左張4人枱我，上菜快，店員都有溫馨提示，d野熱呀要小心或者建議食左個牛先等等。其實最重點都係賣裝修得黎野食好食，又價錢仲要係合理價…查看更多

［一家大細歡聚之選］夜媽媽想食泰國野，隔離果間係又平又好食，但係成日排長龍，見果間門口咁多人就黎左呢間。喂又唔錯喎，可惜可能真係夜，好多野都冇曬。馬拉盞炒通菜，冇曬通菜，諗唔到轉咩之際，店員介紹左呢個—椰菜苗，話好多人嗌嫁。其實就係椰菜BB頭，朋友食到Lam Lam 脷，冇成孰椰菜頭咁硬，但係我覺得又未到爽脆。炒金邊粉，一黎到個外貌幾有驚喜，將蛋漿造到鳥巢咁包住d粉，photoable 😂呢個粉份量大，料就正常份量，每條粉都上到色，但味道一般，偏酸。蛋膜有d乾，冇味。串燒半份，本身係叫3豬3雞，但係黎左2豬4雞，雞就麻麻地，肉質串串唔同，有嫩有乾，不過個調味同雞肉唔多夾，搞到出現微酸。豬串燒先係重點，真係好食，一串大概4粒肉，粒粒大大粒，一咬開肉汁bi 曬出黎，調味同肉配合得好好，令豬肉唔會騷得黎，肉味仲提升左，惹味組合！😍連椰青都賣曬😭😭轉左飲青檸梳打總結：我覺得泰國菜都係多食開心d，可以叫多幾個菜，因為濃味野，獨孤食兩三樣會好快厭膩😱味道：☀️☀️☀️☀️（4）環境：☀️☀️☀️🌤（3.5）服務：☀️☀️☀️☀️（3.5）性價比：☀️☀️☀️🌤（3.5）價錢中間價，不過不失，服務俾錯串燒數量扣左d分。…查看更多

［1人都可以］味道：☀️☀️☀️🌤3.5（主菜扣左好多分）服務：☀️☀️☀️☀️4（因為朋友未到，我起碼坐左15分鐘都冇人趕，問菜式問題都積極回答）環境：☀️☀️☀️🌤3.5（環境靚，不過坐幾耐就有隻烏蠅喺到幾耐）性價比：☀️☀️☀️☀️4（呢個裝修食到甜品飲品主菜前菜，都係百零蚊，覺得都抵既）首推戚風蛋糕！真係必試😍😍😍我叫左培茶雪糕，都好好味，茶香濃厚，幼滑creamy ,切開仲要爆曬醬嫁😍到左主菜，一句總結：冇咩特別😂比較普通我叫左茶漬飯set, 嗌左雞翼同埋柚子蝦，前菜係凍豆腐🤔🤔，雞翼味道還好，不過比較乾身同硬。柚子蝦大大隻，甜甜的而且爽口，唔錯。茶漬飯d茶都幾淡，令到飯素都變冇咩味。不得不提裝修係好靚，文青得很，坐位闊落，如果開喺我公司附近，我應該會拎埋電腦成日落去一邊食cake飲杯野一邊做野既感覺，坐得好舒服。😂但係餐廳係喺街市入面，而且裝修設計採用開放式，不停聽到隔離姐姐講：菜心幾錢一斤😂幾有香港特色。…查看更多

［朋友小聚之選］味道：☀️☀️☀️☀️（4）服務：☀️☀️☀️☀️（4）環境：☀️☀️☀️（3）性價比：☀️☀️☀️🌤（3.5）小曼谷都算是九龍城的地標，其中以咖哩蟹最為出名。九龍城雖然地方小小，但餐廳非常密集，實為香港人開餐基地！而且開店愈久就代表實力愈強，實力不夠很快就被淘沙掉了。小曼谷在九龍城泰菜來說算是高價位的一間，窮人來說，我只食過兩次晚餐，午餐就第一次食。今次我們一行三人，叫了兩個午市套餐，另加一個海鮮咖哩、一個蒜蓉炒通菜、一碗白飯。午餐都幾抵，一個主食+湯+飲品都是四十至五十元。餐主食我們叫了豬頸肉炒飯及冬陰公雞肉河👇🏻👇🏻炒飯粒粒分明，味道唔太濃剛剛好，是嫌豬頸肉得兩三塊比較少，套餐來說都合理。炒通菜就一般好食水平，不過7x元就比較貴海鮮咖哩不太特別，椰奶味很濃非常欣賞他們家的冬陰公湯，不嚐辣的我都食到一兩小碗，特別提一提，飲的湯是酸多微辣，而河粉的湯底就辣多酸少，都過癮。3個人埋單308元，午餐來說都算貴，窮人下次都是叫回午市套算了。哈哈性價比為得3.5分是因為以過個價錢，九龍城還有很多都好好的選擇，還有座位都比較逼，不過服務員姐姐都幾好人。…查看更多

生日週食西餐食到厭，黎食下中菜室內環境唔錯，位置闊落都乾淨，想睇海景要坐出面，不過坐戶外好似有最低消費。兩個人食叫左三樣野，上面呢個係松茸羊肚菌海膽繪飯，有一種好creamy 既感覺，牛油？奶油？不過食到後面有少少漏，海膽唔腥，都冇好鮮既感覺，總結油滑細膩，整體係好食既。龍井熏太爺雞，我覺得雞唔夠滑，朋友覺得好好食，龍井味唔太明顯，不過不失，份量都算多鴛鴦蝦球，好好味，呢個值5星星👍🔆🔆🔆🔆🔆有6件，2種味每種3件，醬汁一邊酸酸甜甜，一邊黃金咸蛋味，每件都有半隻手掌大，蝦肉厚而且彈牙爽口，醬汁亦夠曬惹味，👍👍好味環境配飾都夠高雅服務好親切，一入坐侍應會問你飲咩茶，中茶、玫瑰花茶，我地選左玫瑰花茶，好似特別d，食飯中途侍應仲會埋黎摸下茶壼凍左未，凍左會換。…查看更多

地點5粒星🔆🔆🔆🔆🔆好近地鐵站好易搵門口有個好重既旋轉門，一轉入去好似入左第二個世界咁。我相信好多人都好好奇入去係咪要著得好正式，去之前我都好驚失禮，點知去到見到好多牛記苙記，可能因為我去食lunch。餐牌係報紙形式，可以帶走。丫，坐低後侍應會問想飲咩水，水係68蚊一枝，佢冇講，係埋單先知，唔知有冇人試過唔要水呢？價錢係分你要幾道菜我要前+主+甜品係中間價份量都飽呢個前菜極好食！蛋起蛋黃，將蛋黃拌蛋黃醬調好味再吱返落蛋到，伴吞拿魚。主菜都係魚，不過我覺得呢個一般醬汁偏酸，唔係太岩我口味同埋覺得個魚有d腥甜品係榛子泡芙，裡面仲混合左好多其他野，食落有驚喜！其實見到好多枱都叫左生日甜品（姐係甜品上加字）相信好多人都係揀特別日子黎。呢個係朋友叫既甜品整體上覺得係值呢個價，食物好食環境靚得黎都坐得好舒服，係食飯既感覺多過打卡感覺，服務都算親切！會再黎的！…查看更多

其實第二次黎，上次已經覺得可一不會再，不過因為我生日朋友book好左，咁唔好意思話唔黎，伏多次🙄🙄環境算靚，有d菜式個樣都睇得下，味道就算吧。。但價錢貴真係黎打卡上次味道全部偏淡，今次味道有改善，不過仍然失望呢個係沙律🥗真係好原始咁原個上，每個蕃茄入面有塊芝士一兩條草同少少汁，菜好似伴碟雜草咁得幾條..92蚊，上枱果刻真係失望到極致，前菜黎得最快印象分亦完扣，味道冇咩好講，好原始咁囉。黑松露醬薯條，係薯條上面鋪芝士拎去焗加醬，相片都睇得出仲係一團野黎，有d似加拿大既Poutine，有d餐廳都會咁處理薯條，其實我唔太明黏成一團分唔開既薯條係咪要用刀叉切黎食。味道偏咸意粉最正常，上次食最出名既牛油果risotto 好淡，呢個味道咸淡得宜，醬汁亦夠濃夠多環境係靚既，打卡係唔錯，不過順帶一提冷氣好凍，搵過侍應姐姐較細d冷氣，感覺到佢即刻較細左，不過仍然好凍😂食物好快凍，人都一邊食一邊有鼻水（已穿厚外套）。…查看更多

如果你星期五六日book左呢間餐廳，千奇唔好遲到，因為5分鐘後真係會cancel你booking要重新walk-in，其實我係幾欣賞佢可以企硬，只要做到公平，餐廳係做得岩既！Book左8點半，一入到去即刻叫左個2人牛set，真係諗都驚浪費時間😹😹食物上得好快，因為我叫set飲品係menu 上任選的。燒鍋邊可以整大醬蛋，小菜、蛋同生菜都可以refill，不過要注意⚠️refill都有限時，唔知離座前幾多分鐘就冇得fill。味道方面還可以，佢既醬料都係偏甜韓式，我覺得韓燒都係睇下自己燒成點啦。其實佢食物一上黎，我地就幾乎冇停過手，因為我地兩個人佢俾一套燒具，咁我燒果陣我朋友食，反之亦然😂，冇人有空閒既時間，直到要離桌前10分鐘燒完，真係幾攰下，然後當然準時要人俾錢離桌吧～‼️呢到食物係唔錯既，我建議大家散叫一兩份肉+碗面，應該食得冇咁勊，然後如果你想同朋友傾下計輕鬆下咁可能去其他地方好d~…查看更多

機緣巧合下黎食第二次，味道仍然好味！份量亦夠，係高質西餐！我食呢個係芝士海膽醬焗龍蝦（半隻）伴龍蝦汁天使麵，龍蝦肉質爽口，芝士海膽醬冇咩海膽味，芝士味夠濃厚，不過百幾蚊有呢個質素都好合理👍龍蝦汁我覺得做得幾出色，濃淡得宜，混麵食，食落味濃但不黏口，滑滑的唔會哽喉，麵上仲有幾塊芝士，芝士就冇咩特別，混麵食冇好食左，係影相賣相靚左。服務方面，待應都好貼心我叫左呢個就自動俾埋鉗，濕紙巾都唔使問都俾埋。佢係有set dinner的，不過我果晚唔太肚餓就冇叫到，因為上次黎食叫左食最後食唔曬。我覺得性價比算高既餐廳，餐廳星期五六晚都唔太full，座位算闊落，傾計都舒服，我7點多去到都係得3枱客左右，希望之後仲做得住啦！…查看更多

去開荃灣，荃灣都算係美食天堂，淨係路德圍附近既甜品店都有6，7間，成日食松記，今次想試下新野就揀左明記。好多新派甜品，我地兩個人，一人叫一個再加心太軟 happy share。是日紫薯賣曬，咁我地就揀左抹茶心太軟。原本冇抱期望，但最後又覺得有驚喜bor~我叫左香芒小丸子，味道中等，小丸子同一般店一樣冇咩味，但係口感不硬不黏口，米團搓得不錯👍芒果味香濃，芒果新鮮而且係果甜唔係假甜可以算得上係外脆內軟，抺茶味甘而不苦，食得出用靚料好食不過價錢係有d高既…查看更多

同朋友去完迪士尼，打算上ig搵下有咩正野食之際，朋友極力推薦呢間隱世小店，佢話食過一次會上癮添！大約7點半左右去到，門口完全唔顯眼，睇唔到入面既，雖然得6、7個人排緊隊，我地都要等個幾鐘，應該係我地黎之前岩岩入左批🐺👉🏻想去食既朋友記得早d去食呀！🍻食物種類：個menu一眼睇曬得4樣野揀，飯份量基本上差唔多，分別係魚生蓉份量and種類多寡。入黎坐之前個侍應姐姐會問岩岩開左阿拉斯加蟹，加唔加錢轉。食物質素：我地4個都揀左竹，一飯三食，份量岩岩好！1.魚生食 2.自製手卷 3.加湯變茶漬湯飯海鮮丼黎到之後會跟兩件芝麻醬魚生片前菜，豉油連即磨Wasabi! 秘製Wasabi 混合芝麻同可能係柚子汁既野（因為有些少柚子味的）魚蓉山撈埋之後其實都分唔太清楚咩魚打咩魚，不過撈埋黎食真係好鮮味！連我平日唔太好魚生，都覺得d魚生好甜，完全冇腥味，因為希靈魚肉質比較實，所以造蓉後都最明顯見到既就係佢，我最怕係希靈魚，真係好多地方都整到好腥，所以呢個位真係抵讚！枱面會有張卡教你點三食，會教你留d魚生同魚生片茶漬飯果陣食，不過我覺得魚生都係生食好食d個人建議大家一開始留一啖飯作加湯用，就算你唔好茶漬飯都記得試個湯，又鮮味又暖胃，食完魚生飯飲佢係岩岩好！👍總結：我一定會再黎的！…查看更多