更多
2020-09-01
123 瀏覽
之前食過，開返晚市黎開呢邊就順道睇下有冇位walk in。點知係疫情定地點偏遠，等都唔使等，長驅直進，都有少少擔心呢間格調高既黃店會做唔住.....好啦，到重點，食物完全冇退步!牛肝野菌汁帆立貝意大利飯 $85牛肝菌汁好creamy，香濃不苦，飯粒分明，不過軟不過硬，每粒都黏滿醬汁。不過如果一個人食曬一個應該會幾漏，建議share食，岩岩好。芒果蜜桃冰茶 +$18呢個就好失色，已經少冰，但沖得好淡冇咩味芝士薯波 $50薯蓉搓成波再炸，一籃應該有二三十粒，再喺上面淋上濃濃芝士汁，不過咁樣會令下面少左芝士醬，同埋雖然佢冇出煙，但係裏面真係熱情如火，請小心進食。日式南蠻炸雞翼 $55隻隻都好肥美，炸得好香脆，覺得雞翼本身冇咩醃過，不過雞味都濃，而且香脆野同沙律醬真係非常夾，都好好食。非常推薦。宇治抺茶麻糬窩夫配雪糕 $68呢個都有d扣分，抺茶味苦澀，同士多啤梨又唔係好夾，覺得甜品可以去第二到食。
好啦，到重點，食物完全冇退步!
牛肝野菌汁帆立貝意大利飯 $85
牛肝菌汁好creamy，香濃不苦，飯粒分明，不過軟不過硬，每粒都黏滿醬汁。不過如果一個人食曬一個應該會幾漏，建議share食，岩岩好。
芒果蜜桃冰茶 +$18
呢個就好失色，已經少冰，但沖得好淡冇咩味
芝士薯波 $50
薯蓉搓成波再炸，一籃應該有二三十粒，再喺上面淋上濃濃芝士汁，不過咁樣會令下面少左芝士醬，同埋雖然佢冇出煙，但係裏面真係熱情如火，請小心進食。
日式南蠻炸雞翼 $55
隻隻都好肥美，炸得好香脆，覺得雞翼本身冇咩醃過，不過雞味都濃，而且香脆野同沙律醬真係非常夾，都好好食。非常推薦。
宇治抺茶麻糬窩夫配雪糕 $68
呢個都有d扣分，抺茶味苦澀，同士多啤梨又唔係好夾，覺得甜品可以去第二到食。
題外話/補充資料：
非常欣賞店舖播放既音樂及裝潢，有格調又有種親切感，店員都非常親切。
(以上食評乃用戶個人意見 , 並不代表OpenRice之觀點。)
張貼
