catcatgogogo的個人專頁

很久沒回來了,   上文提及上星期和 丈公 去某小店吃飯, 他又一早"做定功課"...說上了食網見到這樣好吃/那樣很多人介紹...如此這般~ 所以食網的生存對於他們會上網的長者是有意義的. 為了減少這類長者'中伏', 我決定有時間多寫, '溝淡' 那些不中肯的文章也算做善事吧! Chadon, 開張至今早、午、下午茶、晚餐合共幫趁了上百次!   因為好似砌模型般看著它由零到成型...有情意結吧...!   而最重要是它的食物水準穩定才留到食客的腳步！  當然, 有些地方有進步空間, 但一定不會是"喊面"!   入來OR一看後我決定...喜歡的, 要守護, 懶不得!   又要抽點時間寫番一篇半篇!    今天要寫的是炸雞髀沙律, 吃了十幾次, 每次都很滿意, 人家隨手給一個喊面我唯有入來給它一個笑面 中 和 它!其實我根本不想寫, 因無墨水支筆唔掂, 而又其實...識食的唔該睇睇張相, 一睇都知這份雞髀沙律做得很不錯!  那還寫什麼?  但我只是'等級4'要被批核才可出文, 這地盤要詳細形容食物才可出post, 既然在人家的地盤就跟番遊戲規則!(這碟是7月28號影的)(這碟是8月21號影的)(這碟是9月8號影的)食物方面:  炸髀上枱~ 香噴噴叫人食慾大增!   金黃色...靚仔到呢!!!!  (仲影咩相, 食啦!)   雞皮脆卜卜, 每次來吃, 一咬或一刀切都是脆到'卡-卡-聲', 洒了淮鹽的皮吃到 'lam-lam-脷'.肉質嫩滑不會炸到'乾柴柴'或死實實, 色/香/味都滿分!  非常好吃!  沙律是罐頭雜果, 可能我人唔「醃尖腥悶 」所以比較好彩, 次次都無渣! 沙律個汁好吃, 阿髀又掂,  回味再三, 每星期都要encore 一次.價錢方面: 價錢適中, 這客不是茶餐, 散叫$30元, 飲品十零廿蚊杯, 不叫的話...可叫她們給杯水都無托手踭.環境方面:  裝修頗漂亮所以入座後很多人'左影右影' 都見怪不怪了 :) 喜歡坐卡位的排隊時請說明, 座位不多, 預了要等因長期有條隊在門外.  (龍城茶記要易揾位當然是地茂館, 店大位多.   不介意等位的茶檔是另一好選擇!)服務方面: 店員頗忙因她們不算很專業所以有"少少甩漏"少意思啦,  最緊要是態度良好搭夠: 我給4分.  亦因為她們的'不專業', 大家才不會喝到'手指水',  不會食物未上..先請大家吃"口面".  這類店員"不專門"的茶記, 地下才會很清潔, 不會一地牙簽或垃圾.  要水有水、要碗仔有碗仔, 店員笑笑口間中或打個招呼, 很好!  我很喜歡這種街坊小店的氣氛!  有緣的話, 還會由酒杯敲我哋個頭 的 寶寶招呼你我!   (服務方面本來是4分但有寶寶當然要加分所以是5分)態度友善、溫柔大方、笑容可掬、歌靚聲甜的寶寶, 在鋪頭穿出穿入的打點, 街坊日見夜見已成了龍城之寶!       下次見!…查看更多

很久沒入來了, 不要說寫食評, 登入也沒有, 原因...明的自會明白 (這篇用這個開頭, 過得admin 那關至算).  今天寫這篇的原因是上星期和 丈公 去某小店吃飯, 他又一早"做定功課"...說上了食網見到這樣好吃/那樣很多人介紹...如此這般~所以食網的生存對於他們會上網的長者是有意義的.  為了減少這類長者'中伏', 我決定有時間多寫, '溝淡'那些不中肯的文章也算做善事吧!事緣一入來就見到我頗為喜歡的  W BURGER  被亂插,  作為龍城之友 的我, 個個月都有幫趁, 只是上個月沒有來吃, 質素有這樣下調了嗎?   為表支持及一看究竟,  book枱吃一餐最實際!  店有幾十個座位, 假期七點後每次來都爆場, 多於4位的話, 有心吃不要懶, 打去訂個枱吧! 今天我吃的是最基本的美式芝牛堡$68.  個包很好吃, 質地及Size剛好, 不鬆散, 不是那些'交來包', 識食的...只為個包都值得來!    胃口細的不妨叫店方將包'開兩份'/另加些小食/沙律share 就夠了.   牛有牛味, 有肉汁, 所以一定要在枱上插座取張紙包著吃!   有些人根本不知那張紙是如此用的所以要寫一寫!   包了都會漏但至少不太狼狽!   (怕麻煩的...我介紹你們去太古A字頭日式百貨公司地庫 Food Court那間毛士Burger, 店員專職對付我們上班族將件牛肉煎到半燶乾爭爭半滴肉汁也沒有的奉客!  一大堆同事去食飯, 間中就有人提議要吃, 十次有十次乾的但他們仍要吃所以百貨撞百客就是了!)  說回今餐, 加了$28跟餐, 有支庄汽水及薯角, 家人跟的餐有薯條, 是粗身長切條, 正!   門口店員派了張coupon送魚手指兩條, 真的要替 W 大平反!   全部都新鮮即炸, 新鮮熱辣!    小心燙口!   薯條是長切條, 好吃!    不只今次, 大大話都幫趁了不下五十次了, 沒有一次薯條薯角不是即炸的!   當然亦沒有一般油炸物的通病沒有炸到油淋淋, 所以才激起我寫這篇食評!  (有無搞錯, 好難食??? )   $68+$28 +10% = $106 一客美味的晚餐, 我很滿意!       (沒有影食物相因為之前都影過/Post過了, 而吃完影張單是一個証明'我們到此一遊', 這篇食評不是齋吹!)店員年紀小, 可能服務經驗不足但絕不是服務態度不好!!!    是不太主動 (感覺是性格內向吧) , 但叫咩有咩, 很乖巧一叫就來, 兩個店員招呼十幾張枱都頭頭是道, 快/靚/正!   我是滿意的, 給了加一後另給了小費! 說服務...比起那些叫來不來/扮看不到的...他/她們好太多了!  守護龍城、守護自己喜歡的小店所以花了差不多一小時寫這一篇食評! 如果不做點什麼, 將來全部一式一樣全部變了集團店/中央廚房才後悔就自己攞嚟!  W Burger... 給它一個笑面支持一吓是我一個小小食家唯一可以做的!   (如果老闆有緣看到的話, 想和你說你個美式牛芝堡很不錯, 努力呀!  我們會繼續支持的! )  …查看更多

回看本人上篇食評已是數月前的,  (今天一入來, 見到無厘頭轉了'等級4'? 真係火, 十足十用開A/B/C/D/E/F 轉做5**/5*, 1定5勁啲?  你知我唔知, 完全係無啦啦有個疤咁. )   無動力寫當然是同一原因: 有睇開的自會明白,  算吧啦!     個APP呢 ... 同其他人一樣當作 Search Engine用的話, 它資料是頗齊全的;   食評o麻~   自從舊年件'大'事之後, 眾食家應該見到在手機中已放到好次要部份,   所以無謂太認真, 鍾意就寫吓.   我呢類仲肯POST文的人, 期望仍能為部分人提供到'堅'料才會花時間打這篇, 只因相信呢處點都有少許'真'讀者嘅, 就如本人之姨媽姑爹類長輩出街食飯原來也有在此平台找食的...(老人家少用 ig, 用開呢個要再適應新嘢又好一排至得了~)   今篇 '返嚟' 的原因是手痕, 而但見斷斷續續都增了不少'關注'??  堅?/定流?  就不得至知,  所以偶有食到好嘢,   想俾店家一個GOOD, 加許吓,   呢度始終都係一個平台!   Anyway, 開場白完~九龍城又有一樣代表性的手信!     一向以來, 有聚會或要送禮, 龍城之友的我會買曲奇四種奏, Tony Wong, Sweet Boutique;  近來至愛肯定是酥妃, 帶盒果撻去gathering 齊齊食, 一打開大家都'嘩-嘩~'  絕不失禮!'酥妃' - - - 真是叫人愛恨交纏~  就在2.14情人節寫這篇送給'她'~  Happy Valentine's Day!   我近期的至愛, 我的皇后・酥妃~話說...每逢農曆年例牌增幾磅都屬慣常事, 今個假期更是不得了,   酥妃一開店吃過一次就走不了...天天心思思要吃!     每天都掙扎: "又來??"   近幾天決定" [隨遇而安]"~   別誤解, 我的意思是既然想吃就盡情吃, 心癢難擋~    索性吃到厭就不用再想了, 對嗎?  肥都要頂硬上舉起大拇指的是"招牌酥皮蛋撻", $10個, 比普通蛋撻Size 大少少, 其實食了好多次了, 為了寫這食評才切開來影一張, 否則, 買返來都立即大大口咬下去, 十秒八秒就KO...皮脆蛋香, 食過就知酥妃靚蛋撻值得我花半小時寫一篇送給她, 給個大笑面.   個皮有無三百幾層我唔會數, 但在此建議大家如果買後一小時內吃的, 必須要用一隻超大Oversize的碟吃, 唔聽話者...肯定一枱一地都係~ 各款果撻: $28, 外型靚到唔捨得放入口, Cream 輕盈好吃入口唔駛驚.  (題外話是早排又應某小朋友之要求買了個某大路品牌棉花糖彩虹蛋糕, 吃了幾口真的吃不下去...那堆假cream我食到想吐所以留了七成在碟上, sorry)  近期至愛的 榴槤撻: 榴槤靚, 面頭個cream有淡淡榴槤香而內餡亦非常清香好吃,  3分鐘搞掂!  又一近期至愛...唔駛多講, 睇睇個皮邊知道功夫耍家!檸檬撻:  靚到呢~   (少少意見: 放膽啲, 再酸少少會更突出.  唔鍾意酸的客叫佢哋選其他甜撻)假日下午茶就係咁...好難只買一件, 再講多次我好鬼憎妳呀酥妃, 自從認識了妳, 我充滿了罪惡感, 每日都對妳朝思慕想, 不能自已...件件都話'愛', 其實"最愛"的始終是蛋撻!  (只不過蛋撻做'膽'拖多兩件啫...花心在食物值得原諒吧)服務方面:  無得彈:)!     "街坊生意"自有八八卦卦的街坊聚住腳, 妳個櫥窗又咁多嘢好食, 正所謂: 唔買都睇吓!  睇完好難忍到手唔幫趁一件半件,   所以間鋪keep住人氣鼎盛!    而笑容滿面的兩位事頭婆, 由新開張到今日咁忙都keep到咁神・采・飛・揚!   好鍾意見到妳哋見到我哋買嘢好enjoy個樣, 人人都咁開心!      由佢地落手落腳但又保持笑面迎人的帶領之下, 員工的面口都好睇啲, 上樑'正'下樑就唔會歪啦!    雖則只是幾十蚊百多元的交易但笑笑口, 大家買得開心, 生意就長做・長有!    Very Good!    有好多鋪頭忙起上來就當啲客係債仔咁乸口乸面,  最好[快啲'過主']嘅格局, 忙就凌駕一切?   無客咪唔駛忙囉!    學無前後, 唔該睇睇酥妃,  向她學習吓!   店舖方面: 地點方便、 門口又可泊車、 店子新開光猛通透乾淨企理,  全條侯王道最靚的就是Sweet Boutique 和 Beyond The Best 的酥妃 !     做design的應記一功,   櫥窗的display很吸引,  引晒啲腳步過去就必然的了.好老實講, 已幫趁幾十百來次的我, 每次進去其實好清楚自己是來買什麼的, 但一入到去又繼續沉淪!   眼花撩亂之下無啦啦又買多一兩件的情形已發生很多!!!   sorry, honey~ 我真係控制唔到我自己!!   本來晚飯吃到飽一飽, 本來...只打算吃件甜品那只買蛋撻一個吧,  可是見到幸運地還有藍莓凍撻:   [老闆娘: 要蛋撻加件果撻唔該!]   哦, 今晚有板栗咸蛋酥?   :[蛋撻加件酥唔該!]  近來又有新寵就是榴槤酥同榴槤撻!    sorry, 我真係好鬼憎妳呀酥妃!   妳搞到我失控了!!!!!  玩過吓烘焙的人都清楚知道酥皮係好鬼肥,  我亦'戒'了酥皮好幾年, 因為有時買來吃的, 一件都漏得吃不完, 想必有古怪嘢~   如今...簡直是一發不可收拾, 最離譜是我可以一連吃三件酥妃都無那種油膩感??!!!      妳唔係同我講妳'零'油脂吧??     定係好多其他店家一直都唔知俾咩大家食?   anyway, 近月吃下肚的酥妃, 真係唔好同我計數了~  相信已吃回戒了的Quota...我 無 眼 睇 !   所以近期要逃避妳!   我要兜路行呀!!!   我好慘呀!  好掛住靚靚老闆娘呀!   但佢一對住我笑我就忍唔住入咗去, 佢同我講多兩句, 我出嚟隻手就多咗幾件嘢!  妳唔好再對住我笑喇!   我快要人都癲!   我真係無用!!!    (本文起稿到出得, 寫足半過月, 後來睇到雜誌先知她原來是'酒杯敲我個頭', 怪不得咁有熟悉的親切感...好似識佢好耐 --- 佢識我阿水咩?!)   近期行過見到她有男朋友了,  好, "阿堅"~   加油呀~  我必定會大大力支持'愛屋及烏'的!!!   ---Beyond the Best:  當之無愧! --- (租了隔鄰 - 前'highfive'的店子準備搞茶檔) 其實寫咁多真是無聊, 兩個字可形容:  [精彩]!…查看更多

這篇是紀念文, 本來已說過唔想再寫...明白的人...大家明咩事就好了~可是, 近日見到很喜歡的一間店又結業了, 所以又找個地方發洩一下, 而這裡仍是一個小眾的小平台間中就係咁用~閒話少說, 正題是:    忠告各位食家: 喜歡的店要常常去幫趁, 不要空說喜歡, 放'它'閒置'它'一輪, 它就會BYE~了~  後悔又有何用呢??!!!!我現在就是由昨晚後悔到今早所以唯有寫這篇再一次告誡自己, 新年前幾次想去食生炒骨, 懶打電話, 次次行到去見佢"爆場"就死死氣走去食其他嘢, 今日想食都無喇!!!!!  (爆場係因為其他人知到佢哋過咗年唔做所以全體Show Up, 我仲响度諗住過完年咪去食過夠皮, 食-食-食, 食風咩?  結業了!!!!!)大廚小館各位:  等你載譽重來, 就如當日在鰂魚涌暫別吧~   祝福, All the Best!…查看更多

上篇跳寫了大圍的'晶晶涼粉' - - - 獨特好味叫人念念不忘, 今篇要寫回這個'街頭廚神'的小檔子, 上次寫到黃埔這地區成了我們新寵兒, 近來很多個假日都在那區'搵食', 一條民泰街已經有好多店引起我們的興趣去試,   而這條街的幾條內街真是有幾間不錯的小店; 況且前文提及那兒有新開的茶記乾淨企理價錢合理亦令我們去多了, 尤其是之前在尖嘴美麗華附近食個茶記常餐, 真係頂~ (佢唔順!!!), 人脆豬/佢脆豬, 原來脆...並不是必然的,  而去過金豪, 才知多士原來可以做得這麼難食... 我真是不細心...食過唔好的才明白有些東西人家下了功夫...我吃下去以為很尋常以為這是Standard, 原來分別可以好大!!   所以有時間坐車, 我都要求去多了黃埔, 起碼知道那兒有那些食物是值得我煩少少走過去的.   關於阿廚神, 其實我去幾次都唔知這店的真名, 因為一直以為真是叫'街頭廚神'  (原來只是個'稱號', 同某節目有關 - - - 須知今時今日真係好難叫到我睇那個台的節目, 成日當觀眾水平低至無可救藥的地部去制作嘅嘢又點會好睇?!   唔睇呢~  人生就多番好多寶貴時間!)  誰知一入search engine 打'民泰街'+'街頭廚神'才知這店叫明德.嗱~ 好難唔叫我誤會~ 係寫住街頭廚神o麻 款式多到呢, 要我即時決定真係一大難題仲有呀~好, 竟然有陳皮魚蛋, 就食住幾粒先, 因為有人堅持要拉我走, 佢話: [要食蛋蛋/睇巴士]喎~魚蛋不是大大粒鬆彈假到爆那種, 但吃下口有淡淡的陳皮香味都頗特別, 可以一試!食飽飽, 快啲去買番我想食的咖喱魚蛋先~    每次去完新澳食晚餐都有同一個問題就是吃得過飽, 想食媽咪雞蛋仔又好, 想食廚神小吃都好, 要買走返歸當宵夜吃,  即場真是吃不下~這份咖喱魚蛋呢~  話說一路坐車都一路香噴噴真是引得人心流口水~ 咖喱個醬調得很好, 很香而且'有回甘', 這個是值得推介~ :)這個炒腸粉是值得一寫的, 我們吃的時候只剩微暖都這麼好吃, 可想而知即時炒起時幾好鑊氣寫這篇之時我們都再度幫趁食了好幾次其他小食, 即炒的最具水準,  (例如那個即炒魷魚鬚超香辣惹味正到爆!  下次整理好相片才再寫), 價錢經濟實惠, 食得過有餘!   最主要是睇得出佢好有心做, 醬汁都很惹味,  希望佢生意'為到皮'捱到出頭!   睇得出呢啲都係辛苦錢, 力不到不為財!   唔理是自稱抑或由誰人封他為廚神都好,  在這條百花齊放的小街站得住腳都有一定實力~     喜歡吃街邊小食的不妨去試試支持一吓! 街頭廚神 --- 笑面!  :) 下次再見! …查看更多

本來上篇寫完"黃埔新寵兒"就想寫對面小街角的街頭廚神小食店, 但’街頭廚神’何止一個, 區區都在/處處都有, 好多小老闆都可能是憑一、兩客拿手小吃’起家’入鋪入店, 我們做食客的…都總有自己的心水店!   今天這篇要跳先寫的原因就是這一檔, 一味已降服我了~ 不理環境如何熱亦不理區域的要連續兩個假期天去吃! 近年我吃過最好吃的涼粉就在大圍!     坤記, 你好嘢!    我們又來了, Let’s Go, Go Go Go!!!第一次來坤記是中秋當日休假無事忙, 倆口子去撑枱腳, 吃後覺得超正, 想著下次要帶同愛吃’啫喱’的小寶再渡重臨吃過夠癮! 今次Honey先帶我們去吃金城後來到了’坤記’, 原本亦打算吃生菜魚肉, 很久沒吃了, 但金城飯的碟頭實在大仍未落格吃不下, 又要下次呢~ 地'踎'格局, 如介意但仍有意吃的...就請索性買走吃吧~  多款到呢. . . 價錢貼了出來一目了然, 十零廿蚊有交易:(長氣的我又來了):  前幾篇寫到小寶開始懂得要求去這兒去那兒, 今次就是他說要去Tsuen Wan 及 Tin Shui Wei Wei --- (寫英文的原因是他這小小年紀未看懂複雜的中文字但英文易發音, 所以懂得拿著上次我在地鐵站取的路線圖看著英文的站名對我說要去這兒/去哪兒… 既然這食記我當作是久不久寫的自己紀錄, 當然要原汁原味地記下.   不喜請勿插, Tks!)    我這東九龍人要我坐車去荃灣或天水圍,  又不是有什麼活動或聚會 - - - 差不多由天之這一邊．去到地的那一邊般...真是點不情不願.   何況大前題是必須要我們乘坐: 第一選擇是坐巴士, 第二是坐火車…不准'坐車車'喎….OK, 行程時間就更多了, 那麼我當然要尋求路線短一點的吧, 記起前幾天才吃過的涼粉, 心血來潮又想食, 於是問:  [坐火車去Tai Wai, ok?]    [ OK!]講番碗涼粉, 盛惠十蚊, 糖水自己喜歡加多少就自己放, 好老實講, 我食開的涼粉全部是切粒粒咬下去爽口的 --- (是我見識少請不要見笑!)  這個不規則模樣的是第一次吃, 真有點新奇~真特別 亮晶晶的... 滑嘟嘟的涼粉我未吃過這麼做法的, 一吃簡直是如獲至寶, 好味到頂呱呱!    食完透心涼, 正!十元八塊不值錢的東西但就因為這特色成了我的珍寶!其實我的那個他吃了腸粉, 但我太飽沒試, 下次吃過才評吧, 反正很快又會再來呢~見到有字條寫著"自制糯米糍" 9 蚊兩粒/一粒就收5蚊,  雖則說飽到頂上心口, 但為食的我都當然要埋去買回家慢慢品嘗吧!   俾錢時順便多口讚讚阿姐: [涼粉好吃到不得了!]    阿姐即時好開心說這是沒有落魚膠粉的做法她這般做有點特色! 餡料香, 很久沒見人做這種餡了(相信都是因費功夫吧), 幾飽都要買粒吃!  隔幾天再去影的相片 (看看那只小手!!!  有人忍不住要出手了~)  小寶一向以為涼粉也是'啫喱'環境方面: 全無’環境’可言因為只是一個街邊鋪搭個膠帳蓬遮風擋雨開幾張櫈給客人買了食物’係咁意’有個位坐幾分鐘”吃完就走”的格局, 先至聲明讓未去過的知道吓, 無期望無失望!    衛生方面: 食了兩次都沒肚痛, OK!價錢方面: 無敵街坊價, 真是要多多幫趁這類碩果僅存的檔口仔.  服務方面:  有條'短龍', 埋去條隊度在窗口等俾錢買完嘢食, 搵張櫈坐低自己招呼自己, 人人都係咁, 好難講有無咩服務.   有時阿姐們未執得切枱何況自己推埋一邊啦~   去得食嘅將就吓就是了~  (至少阿姐們面口唔錯, 可能好忙無對著大家笑, 但一讚佢嘢好食即刻歡容笑到見牙唔見眼, 所以我俾4)食物方面: 兩次來都吃過飯才來吃小食真失敗!    這裡有很多款食物, 相信要"雜食當正餐"才可吃過夠癮呢!    好些小吃都未有機會試, 例如咖喱魚蛋、生菜魚肉、碗仔翅、糉、薑汁蘿蔔、自制蘿蔔糕.... 嘩~嘩~ 都好一大堆…唯有又再待下次來, 坤記:   笑面 :)下次見!!     …查看更多

暑假除了去沙灘玩, 當然少不了四圍去 ’搵食’, 去山頂去荃灣、去西貢去灣仔...但最就近/有地利之便去得最多最密的是我們的新寵兒 – 黃埔!   阿叔住黃埔, 近年來多了’搵食’, 但都只限某幾間食肆; 本身龍城都算多選擇; 但食咗大大話話一千幾百次/大大、小小的鋪頭…新的、番頭食的...食得多…點好食都假; 有時真係寧願坐車去他區食吓~ 否則真係人都癲!     加上小寶近來學懂要求去這兒/去哪兒, 一時要求去Long Ping, 一時又要去Tin Shui Wai Wai….近來最喜歡去Whampoa Garden….要去’睇巴士No 72’…OK！ 又不是什麼辦不到的事, 得閒就四處去吓玩吓啦~ Happy Summer Holidays, Let’s Go, Go go Go!淨係一條民泰街, 圍繞著它的小店, 無論食正餐/抑或街頭小食… 百花齊放、　 咩都有得你食~   眼濶肚窄的我就唯有腳步密啲來吧! 最主要是店子小小的有好幾間都睇得出用心做之餘價錢亦很相宜, 值得寫出來推薦一吓, 純粹替那些做得好的店打打氣加油!   時間寶貴, 用了在這...自不然少了其他玩樂的時間, 而自己亦只是當[寫日記般]寫自己的＂食記＂算略有個紀錄! 　 所以有時真是好忍唔到手至會好俾心機寫一篇半篇~ 之前去了食街頭廚神的陳皮魚蛋及炒腸粉， 算有心做並非流水作業!  (下次整理好幾款小食才一拼寫 )    穿過"廚神"條街, 見到新裝修的茶記光猛企理, 感覺良好~   就當然要入去探一探.   選擇不少...總有一款啱心水~　穩穩陣陣叫個茶餐試試先脆豬烘得剛好, 脆卜卜鬆化而香噴噴, 滑蛋就夠滑嘟嘟，真好吃~!進餐之際不忘影吓相 (因為沒見到 display 不准拍照的標貼應該沒問題吧!) 櫥窗裝飾逗得小寶很高興, 翌日(及後"很多個翌日")要再來的原因就是他嚷著要’去睇巴士’,  'Let's go to Whampoa Garden'  (又去? !  我們打算帶你去新location喎...) 好-好-好, 又、又、又又去黃埔!   [最緊要小寶喜歡, 食咩、去邊都咁好 ]食物方面： 焗肉醬意粉很好吃!  味道適中沒過濃. (相片好大可能給小寶掃掃撥撥delete了, 找不到!!)  如果以大家同是"幾十元貨仔"來比較的話,  今日這一客比起"哥登堡"我曾經寫過的那個'無得輸焗肉醬意粉'可謂非常接近,  (別忘了哥登堡話晒都好幾十年功力呢!)  這碟都算成績很不錯吧~炒意粉夠鑊氣, 上枱熱騰騰香噴噴, 最重要是沒太油膩,  這碟過關!   (豬扒可期待再下點功夫醃得滑身少少更高分) 菠蘿梳打: 正!  無需多講!  價錢方面: 大眾化三數十元的消費， 一家人落樓食餐飯午市或晚飯幫趁百多元已食埋甜品真是非常’好價’!     承接上篇灣仔寫過的內文, 有時候消費幾十蚊我真不會左挑右剔,  當然寫食評食物行先, 放得入口價錢又經濟服務又妥貼的店, 有時見到很多寫文的都仲要嫌人哋條樓梯窄又或者"莫需有"輕易就隨手送個"喊面"俾人哋?? 都真係唔明咩心態！！！　　（大佬呀，　"做"你幾十元生意---留意!  不是'賺'你幾十元...仲要碟嘢炒到上天下地耍埋套拳好唔好?)環境方面: 非常好!  鋪新, 窗明几淨!   坐位編排算濶落好坐, 日頭來當然人頭湧湧, 夜晚來就輕鬆些!服務方面: 快/靚/正!    一入座先奉上幾杯乾乾淨淨的暖水, 非常好!  而最重要是: 那些'不是手指水'!!!!  你明唔明個感覺有幾重要?!  (業界/業界, 你哋好心upgrade吓改吓啲壞習慣啦)以新鋪來說, 無咩甩漏/無人仰馬翻而且無論是櫃枱兩更的姨姨/門口哥哥仔/定內堂的阿姐阿叔, 大家都面容和善。阿叔最正~ 　忙之餘還不忘抽空和茶客說說笑都算是服務界的大進步! Good Job!　總評：　無ㄧ般茶記弊病以為"好味"即是"死咸"、又或者食完勁口渴！ 出品精美、食材不錯！ 咬啖肉都唔駛驚是千年肉！ 以這個五六十元碟頭價位, 某些茶記(尤其是鰂魚涌那一堆”土地問題”茶記) 肯定是食'垃垃圾圾炒埋一碟'。 同等價錢來到這裡就好用得多, 至少食得出個分別, 當然亦要讚一讚各項的平均, 後來再嚟食了其他食物都幾好，值得我於埋首在手機遊戲之際停一停、抽時間寫一寫它! 我們的新寵兒是黃埔。。。而這店可會是黃埔的新寵兒呢？！:)新澳：笑面！　:)　加油, We’ll be Back!　…查看更多

"喜帖街重建"並沒有引起我很大感覺, 因為對於灣仔的記憶一直是: 188/波士頓餐廳/修頓球場/春園街甚至乎葛菜水;  喜帖街就沒有很深印象亦不知到底是那一條, 真是懵查查.   今日暑假無事忙, 為了應小寶的要求: "我坐纜車呀!"  打算去'到此一遊'~  怎料到達纜車站, 人山人海似乎一小時也清不了隊, 橋底等入站那堆黑壓壓人頭把我嚇得掉頭走,  於是改行程去灣仔"搵食" --- 就成就了今天這餐!  來到這條街是因為看報章介紹知道開了間C得樓文具專門店, 想去'見識'吓 (店面雖不算細, 但實在沒很多產品, 買了少許, 3 分鐘已可走人??  行程完了??)  出門口看到這店, 見到店門陳列的東南亞午餐有好幾款選擇, 大概幾十至一百的價位, 好~  Let's go,  Go Go Go~窄窄的木樓梯上到去, 豁然開朗另有一片景界餐店頗大座位很多, 假日午市時段並沒爆滿, 只有大概3, 4 成客人, 午餐牌選擇有好幾款我都想吃為了遷就小寶而點的 "馬六甲海南雞飯": 雞滑, 飯質軟硬度適中, 份量亦正常, 可以一試.斑蘭咖喱牛肋條配黃薑飯: 汁醬厚身濃郁惹味, 蝦片多幾片更好 (因為一上枱很快就給小手取走了說要食Chips...) 牛助條入味, 不是肉還肉汁還汁, 這客很好吃!環境方面: 有梳化位, 和鄰座仍保持適當距離, 坐得幾舒服.服務方面:  店員帶點笑容, 由入店安排座位, 加水, 落單送餐的態度都很好, 令人舒服, 見到他很妥貼照顧鄰枱的孕婦一家, 值得一讚! 總評:  幾好!  看到整個利東街新裝修, 這地段"店大門口高", 餐店都似乎是'食地方' 的那一類, 所以連帶對今餐沒有什麼期望, 因此食完後反而覺得蠻不錯, 值得花時間寫推薦一吓! 原本是介乎OK/又未到達Good之間的評分, 但因為兩位服務員妥貼及適當的招呼所以鬆手點加了分~  知我者, 我不是那種'吹毛求疵'的人, 大佬呀~  幾十蚊一餐, 食物味道放得入口有餘亦食得我飽, 坐又坐得舒服, 招呼無可挑剔!!!  何妨鬆手些給個笑面店家鼓勵一吓?    (奄奄尖尖, 駛一百幾十都挑挑剔剔全世界欠你咁...做人都辛苦過人啦~  Take it Easy~  HAPPY  HAPPY~)囍點, 笑面!:)…查看更多

今天正係"合該有事",  一早就出動去醫院, 回程時份已中午, 飢腸轆轆想起之前經過見到大廚小館店外貼著已開始有午餐供應, 一直間中都有幫趁這店吃晚飯, 反正要找個地方吃午餐, 當然趁機會試一試.嘩~  無敵價!!!實收$42蚊一客/免茶芥/免加一....(咁抵食??)半個鰂魚涌人的我, 見到定價少過五十蚊 --- 仲要唔駛加一有碟"有肉食"的飯真係覺得大驚小怪~ 話說有間茶記, 已經將價錢一加再加/加到貼在門口廣告位的午餐A-F要$56元一客, 今年年頭開始, 食SET包飲品的餐牌想要"有肉食"都難, 以前都有雞脾意呀/香茅豬扒飯呀/男人浪漫火腩飯呀咁...已經全部不在 Set Lunch之內, 非常齋! 要有肉呀, 散叫啦~ 咁計法飲埋嘢就起碼$70蚊落樓) 無計啦, 土起問題, 地主大晒, 香港人食地租好似係老馮咁.  招牌菜餐牌在牆上一目了然, 簡單清楚招牌葱油香烤雞扒飯, 睇見個名已經想食, 而小寶說: "要吃蛋蛋" (咁樣?  晚市至有肉鬆蛋喎...) 唯有硬著頭皮問一問師傅仔可否加錢加隻煎蛋.  師傅仔好好人, 說"係咁意加兩蚊"煎隻蛋給我們問好嗎?  (當然感激說好!) :)好老實講:  正常要返工的閒日, 食慣閒閒哋收五/六十幾蚊一碟垃垃圾圾鰂魚涌飯的我, 今日心情原本有點恍恍惚惚, 見到這碟盛惠四十四蚊這個模樣的飯放枱的一刻真有點精神一振而隨後有點感動... 看到胃口大開, '扒多兩啖飯', 好食!食物方面:  雞扒處理得好, 無鞋拾拾乾爭爭, 外觀當然靚仔, 葱油香, 好味!   煎蛋呢~  好久沒見過有咁靚燶邊蛋的出品了 (個邊不是真的燶, 意識形態啫...), 一上枱我真是流口水, 飯量正常, 都夠飽, 跟餐有飲品, 我要了樽庄烏龍茶因飲唔晒方便邊行邊飲.   另一碟是雙拼豬手飯, $42元, 我沒吃, 所以在此我不評了. 環境方面:  我只給3星, 是今天唯一要扣分的地方.  是店舖位置的問題非關他們的事!    對正大日頭 - - -七月份正午的大太陽真是熱得人都癲!    整間鋪滾熱辣有冷氣都唔太夠涼, 由入店開始, 我已經周身滾熱辣流晒汗, 自動攞把手提小白電扇出來散熱但都熱爆標, 其間我見師傅仔已經自動波去開多部冷氣並且再調溫, 我們沒出聲但我知他已盡力處理, 謝謝你!    當然隔好一會才開始有少少降溫, 所以有點點可惜, 當然, 我本人特別火, 怕熱所以有此意見, 其他人可能無我咁誇張!   總之如不是有此問題的話, 我會給以5星星作完結!   冬天來就PERFECT!! 服務方面: 師傅仔並非那種笑面迎人的人, 但他態度恰當, 而那份細心及體貼真是沒話說, 令我們很滿意! 價錢方面: 我只能說是午餐無敵價!!!    以這個價錢有如此食物質素的一份靚靚午餐真是食完番尋味, 正![可惜我這個鰂魚涌人只有返鰂魚涌慢慢'嘆' (嘆息個嘆呀, 唉~)]今時今日出品如此精又好吃看得出肯用心的小店子買少見少,  (垃垃圾圾/又貴坐得又迫但爆晒場的就大把, 鰂魚涌最多!)  雖則時間唔夠用都要花心機寫一寫給店子打打氣!     大廚小館: 笑面! :)…查看更多

在手機中找相片... 影影埋埋好一大堆無寫食評的又已積存了幾十篇, 真不知從何處寫起. ..一向以來, 我寫的食評都有少許連貫性, 但早前的'大事件'真叫人考慮究竟是否用這平台再Post文?! 於是停寫, 先重整一下自己所想... ... 後來飯聚時聽到親戚叔伯姑爹原來有時也會在此找食評而決定去/不去那些餐店; 令我重新考慮 --- 因為這好些長輩根本不知那些'風風雨雨', 他/她們平常不看blog/IG, 但因生活需要原來會裝APPs 學懂自己 call 車/亦會得上來找搵食資料約老友記親友飯聚...真犀利! 對於他/她們, 食評都是一些有用的'工具', 有參考性 (當然...那些明明是去 試 食 但不誠實的"偉大"高級食家那些除外!) 既如此, 那我寫來也有點意思!!! 何況一直以來我其中一個"自以為是"的使命感是: [如果間餐廳是好吃/或好招呼/或抵食的, 寫篇食評給個笑面給它, 都是一個暗自的加許和幫助] 既然如此, 決定了維持我自己的作風, 先續寫, 以後的事以後再算! 但就像是這篇五一飲茶的文章就拖到今天了~五一假期大家都無事忙, 約了幾位親戚和母親大人去喝茶是我最喜歡最期待的假日節目之一, 何況近來小寶學懂了說: [要去飲茶/食叉燒包呀!!!] 哄得我們多麼高興呢~ 一於有空就去飲啖茶/食個包, Let's go, Go Go Go~訂這兒貪穩穩陣陣, 逸東軒是大家都頗喜歡去的一間酒店中菜廳, 食物水準平均、價錢不貴、地點便利, 長輩們喝茶散水後最常會結伴去對面的永安百貨公司買點什麼 --- 好老實說, 以前我不懂這些感覺老餅的百貨公司有什麼好逛?? 但可能今時今日隨年漸長了, 覺得總有什麼家庭用品/嬰孩衣物玩具可以在裡面買到?? 所以只能嘆句歲月不饒人, 我也開始老餅了... 越說越遠, 說回今天的茶約吧~點心選擇不算很多, 十來廿款, 另有一些小碟/小吃, 炒粉麵飯都頗豐富, 價錢以酒店來看算頗大眾化.好幾款點心都正正常常普遍味道不錯, 但要寫當然寫我覺得最好吃的~叉燒包屬必點的一客非常好吃! 個包掛著談天說地才吃, 放了一會都沒硬掘掘, 而餡料味道很好! 叉燒包原來可以做得很好吃, 只不過很多地方"人有我有"的做, 於是食入口就很平凡了...生煎蟹粉鮮肉窩貼, 上枱已覺得很吸引, 皮脆不韌, 一咬下去, 肉汁豐富, 好吃! 其實...有時...真的很怕見到這客點心, 一客通常切幾件, 又大件頭, 點此款的人又expect大家人人夾番件... ... 通常去到尾都係食唔晒, 而我就好無奈地'被分配'一件!!! 近年我學乖了, 既然吃不完, 早早叫定'包走'何必要大家夾硬塞落個飽到爆的肚? 一勉強的話, 幾好吃都假!!! 寫了這麼多, 反而想說的是今天這一籠出奇地好吃! 蛋香糖香, 相信說是誠意之作也不為過吧~ 叉燒酥/蘿蔔絲酥兩款都是我幾喜歡的點心, 我通常會食一/兩件, 最怕有時遇到"唔知定"的親朋好友, 啲點心一上枱就"懶醒"攞條匙羹Cut佢一半, 腸粉如是、叉燒酥、蘿蔔絲酥如是...一落手那一下就將完整鬆化的"我期待的"酥弄得碎散, 想點呀!!!!! 你自己cut自己那一件我唔理你, 但點解要全部分定晒一半? 我明, 年紀漸大胃口細了, 但有啲點心係唔適合被分開的, 一'劏'就四散! 散開晒入口就無咗大部分酥皮不如唔好食叉燒酥啦, 腸粉又係碎濕濕餡又走埋出嚟....搞咩呀? ...由於忍得太多次, 所以我依家碟點心一上枱會響定句: [我成件食/我要一條, 請不用切我那件, 唔該!] 既然坐得埋一枱飲茶大家都唔好太客氣了!最愛有好多...(所以唔可以叫最愛) 其中一款是墨西哥皮的包包, 見到點心紙有的話我通常都剔一客.火鴨絲龍門炒米, 本身不太喜好火鴨絲, 見到它就必定想起年年清明那天人人都推卻不肯帶回家那隻鴨; 但在座一位最喜歡點這客, 一人一箸食番碗我又覺得原來幾好味! 一上枱已很吸引, 顏色繽紛入口亦惹味, 推薦的一碟!價錢方面: 其實單據上寫10位但當日只是8大/1B; 因有親戚去到才告知另一半有事不來了, 大家又已入座免得再左調右調枱/坐舒服些的代價最公道就是照給那兩位茶, 所以總數$1016/8大人實為每人頭130元, 這收費在酒店午餐算食得過吧?!服務方面: 酒店中菜廳有一定保證, 普遍不錯; 而招呼我們那枱的叔叔非常慇勤亦好笑容, 所以你直接替你的酒店加了分, 原本是"中上"介乎OK 與笑面 之間的評分, 我會因這一項upgrade個總評為'笑面'!! :) ood, we'll be BACK!…查看更多

上篇寫到在 天外天 喝茶, 提及我們自動波 joined membership的事件, 在此不詳述了; 基於有幾張$200 vouchers分別是天外天及GREEN的, 所以要去食tea的師奶仔貪小便宜當然物盡其用快快早用早享受呢! 睇睇 Menu飲品等了一會就上枱了因為飲品做得不錯, 即時對食物有點期待!!!嘩嘩嘩, 先吃咸點再來吃這層, 亂來了不理會次序了還有呢好老實說, 份量足夠3、4個女孩子吃, 所以即使不減vouchers我都會給價錢一欄為5分食物水準: 鹹/甜點都幾好, 平均中上! 尤其是後來免費的榴槤甜品簡直是意料以外的 Bonus Gift, 最好吃!環境方面: 樓底特高, 進餐之際忽然外面下起滂沱大雨, 那就唯有拖慢節奏坐多一會吧~ 欣賞著雨打著落地大窗, 嘩感覺很寫意舒服!服務方面: 這一項分數不高, 因為侍應不算少但沒有留意到大家需要, 只顧各自各在談天細語, 每每要大家招手才出現, 可以改善的一環.就是這個Membership Leaflet減了$200元後尚有會員折扣, 實收每位百多元!!! 有這麼好吃好飲好坐的好地方 值得我花時間寫寫! 今日這餐令我對 Hotel Icon 一向麻麻的印象拉回到不錯的水平線都是很好的機會. 如大家會去The Market吃Buffet/或去 天外天 消費的 --- 絕對值得花時間看看簡介考慮 join membership . (因為前文提要是那些姐姐仔服務員不會主動Sell 會籍, 但其實一餐或兩餐已將那幾百元的membership fee 回本了~ 自己荷包自己諗啦! )…查看更多

一連寫了幾篇給OK的店子, 又到想寫幾篇笑面店的時候了...話說四月在 Hotel ICON - The Market 吃自助餐時, 因為當時自助餐未開始樓下大堂及外出的坐位爆晒, 守規舉的香港人就不期然在Reception Desk "起了一條隊"排住等入場, 此期間等入座無事做 的我, 手多多取了份會籍單張 睇, 啲門口姐姐仔服務員只專注地確認Booking再派張紙仔號碼當籌號 (又唔係枱號---所以有點多餘), 最搞笑是派完個號碼無幾分鐘已入得, 咁一入內堂又要煩請各位顧客對一次大家個bookings, 我已經諗妳酒店的效率真低... [何不趁有少許無聊時間sell 吓會藉! 一來唔駛我剛才花時間睇內容, 二來有好些枱是人數多的妳們更加應該介紹吓, 一 join membership那一餐即慳一位的價錢 / 會費即時抵消了!!! 還多一疊 Cash Vouchers, 咁都唔sell 等幾時? ? 我做客我都樂意俾妳sell呢 --- 因為妳肯出少少力就會幫我慳咗錢! (((好可惜, 無人理過...anyway, 生意最终都入咗妳公司袋, 真是好, 唔駛花口水我哋客人自動波~)))前文提要雖則長氣但始終無當天的前因就沒今餐! 說回正題~ 一直未去過 天外天 (老老實實, 一直也不太喜歡 Hotel Icon, 因為The Market"懶"是人氣旺, 訂位又麻煩等入座亦不舒暢...都好多次仍無改善即是應該不會再有進步了...但親友喜歡去都要去...) 況且師奶貪便宜 join 了membership, 何妨一試去其他酒店的餐廳?! 天外天, Let's go, Go Go Go~今天天氣真好, 心情好, 來天外天 不用request 什麼座位因為都是窗邊的, 非常開揚Good!:)有了那張會員咭, 消費就更覺抵(其實根本不是我俾錢...)點心貴精不貴多先吃開胃小食, 人人都讚好的合桃確很好吃去任何地方我發覺我必會點的一客點心近年都很喜歡吃生煎包腸粉就當然亦是必點的呢椒鹽豆腐頂呱呱~有我喜歡吃的煎薄餅, 很香, 我很喜歡的一客點心 這客最普通, 有期望所以有點失望呀~ 有大家也頗喜歡的一客小吃不是很多地方會做的, 而今天這個汁非常好吃, 酸帶微甜微辣, 開胃得很, 推介來這裡用餐, 要留肚吃飯後甜品, 款款都頗吸引亦幾好味道~服務方面: 很好很妥貼價錢方面: 我們不算點了很多食物因為在座另外幾位都是食量少之人, 如沒15% off discount 及沒有那張$200元會員現金劵去扣減的話, 則今餐就盛惠位位接近$200元了. 食物方面: 上次來吃晚餐比這次喝茶好, 精緻及特別一些, 各款點心水準普遍算中上水平, 吃得過! 當然以這個消費額可以有頗多更好選擇, 但拉勻再搭個無敵景, 絕對值得給個'笑面'! :)Above & Beyond~ Good! We'll be back!…查看更多

近期多來了淘大, 原因是商場假日早上都沒很多人, 頂層的玩具店、精品店及書店是消磨時間的好地方, 這類仍有很多小商店的商場現今已屬買少見少, 而店舖售賣的貨式和大型商場那些一式一樣的悶蛋貨品一比簡直是叫人心花放, 所以有時間真要多多支持一下~今天是端午節, 這一個節日原是紀念古人投江, 但在當今都市人繁忙的工作生涯最大的意義, 相信很大部份是'吃糭'和'放假';  而我們, 平白多了一天假期又不打算擠去看扒龍舟, 就偷閒來逛逛及吃假日午餐~上海婆婆 - 久聞其名但一直未有機會幫襯, 今天似乎沒很多人, 趁此機會試一試店員領我們進內堂坐, 午餐時段人不太多, 有點懷疑...安頓好就點餐吧吃上海餐必叫一客我們喜歡的生煎包:  包子熱燙燙的, 小心不要心急!!! 見有葱花家常薄餅, 當然要點一客嚐嚐, 一上枱覺得$53元似乎份量少了點, 吃了幾口即時覺得一點不貴, 值回票價, 有緣來吃東西的真不要錯過做得這麼好的小吃!~ 當然要點小籠包真是可惜, 否則這餐會以高分結束給個笑面給未懂欣賞包點的小寶叫碗麵埋單二百多元, 頗為滿意的一餐, 下次會再來環境方面: 座位舒服, 真不錯  服務方面: 很滿意, 加茶/上菜/收碟都很勤快. 價錢方面: OK.本來這餐是'給笑面'的, 由於 上海小籠包 絕對是很基本的代表物而我們叫的一客失水準, 所以要扣分, 今次給個'OK', 希望妳再進一步, 下次再來拜訪~…查看更多

今天是聚會的日子, 因為是我們做東, 之前老友記請我們吃過一次燒豬仔很不錯, 所以我就提議來encore~為表誠意, 訂座之時訂定隻豬, 入座點好其他菜後稍等一會, 豬仔便上枱了~因為我們人少少又叫了隻豬, 雖則已沒打算吃完...一早叫定服務員給個盒載走, 但仍是頗'漏'所以餘下的餸全叫蔬菜就最恰當了另外一碟是銀杏浸時蔬, 清清哋, 頗不錯 (原來沒影相)服務方面: 雖則沒有笑笑口, 但態度正常, 快手快腳要咩有咩, good!價錢方面: 5位大人吃了千多元都OK, 其實多一兩人才叫一隻豬會更好, 沒那麼"漏"本來可鬆手些給個笑面, 但因為斑的一碟扣了分, 給個'OK'期待更進一步!  (後來有次再來吃了焗蠔又是非常一般...所以結論是吃豬的地方都是叫豬仔最好)…查看更多

前幾篇寫開去Mikiki的8號仔飯堂食'平'飯, 想起另一個飯堂不可不提的就是龍城街市的樂園 --- 無約人那朝去完圖書館後跟手去樂園食個'快飯'...是假日的心水之選! 其實都是那些東西, 叫碟飯、或叫碗麵、配杯凍鴛, 就一餐了今天有點餓, 叫碟飯吃來一客豬扒飯可惜今天碟飯似十足叫了'少飯'的份量, 有點不夠喉, 唯有當'留肚'給空間自己, 晏些再去'Tea Time'~來樂園吃飯千萬不要計較什麼環境/服務, 想像下...位處龍城街市大樓就大概知道是什麼地方; 而假日來到就會見到人山人海 的各位都在忙著搵位、或分工合作排隊點食物各有各忙、自己取餐具及水...所以基本都是自己Serve自己的, 服務一欄我沒怎麼給分也不為過吧!幾十蚊要在龍城吃個香口豬扒飯這裡也不失為一個可考慮的地方, 只要明白來這裡是貪平/靚/快, 沒有更多可提供的了~…查看更多