wmail3579的個人專頁

為食嘅我又出街食飯!呢次屋企人話自從過年後都未試過一齊飲茶,所以趁人日就達成佢地心願!經過我地商量,飯聚地點係好彩堅尼地城店!我地食飯就鍾意熱鬧嘅,大家應該有講有笑!去酒樓就可以慢慢食慢慢傾,唔似得去快餐店咁各自為政!而今次去嘅好彩堅尼地城店係我地平時係堅尼地城至石塘咀一帶間中會幫襯嘅!我地去到果陣都相當熱鬧,幾多人係度等位,話晒都仲係新年,所以我地見怪不怪!坐低拎張點心紙嚟睇,發覺大部分點心都貴咗幾蚊,真係百物騰貴!或者可能係發新年財,不過新年飲茶就預咗架啦!而呢次大部分點心都係暖暖地嘅,總好過以前凍冰冰咁,叫做有啲改善!呢度我地都幫襯過好幾次,今次總算冇失去以往嘅水準,各方面質素中規中矩,價錢唔算太貴!:)味道方面,今次4個人叫咗幾款點心同埋粉麵飯,結合屋企人同埋自己嘅評價,味道總算合格!:)海鮮煎烏冬包含蝦肉及帶子肉等海鮮,味道鮮美!蛋漿同烏冬兩者緊貼,極具蛋香又香口!桶子油雞飯嘅油雞欠缺鮮味,但係肉質都叫嫩滑!大部分米飯粒粒分明,唔怕太濕!:)特級鮮蝦餃餡料包含鮮蝦及筍粒,新鮮彈牙!可惜欠缺水分,唔夠爽滑!餃皮就稍厚,同埋較癡又易穿!原隻鮮蝦腸嘅蝦肉尚算彈牙,可惜欠缺鮮味!腸粉皮稍厚,未見晶瑩剔透!:)花菰燒賣皇嘅豬肉瘦得嚟又帶點肥,質感肥美!蝦肉比例亦唔少,不過同樣欠缺鮮味!可惜以青豆代替蟹子,失去傳統風味!春風得意腸餡料炸皮都仲有啲脆,配料味道討好!腸粉皮幾薄,尚算晶瑩剔透!百花釀玉子豆腐嘅墨魚滑味道鮮甜,玉子豆腐亦幾嫩滑!兩者釀得幾穩陣,係較為健康嘅另類點心!黃金流沙飽嘅流沙餡呈流質狀態,咬一口就一湧而出!流沙餡仲帶點蛋黃香味,包面亦幾鬆軟!蝦米煎腸粉餡料包含蝦米同蔥花,分佈尚算平均!腸粉煎得求其,唔夠香口!:)千層紅棗糕嘅紅棗味道突出,仲係熱辣辣嘅!不過食唔出千層嘅感覺,似乎貨不對辦!:)金珠咸水角餡料肉粒及配料分量恰好,味道鹹淡適中!炸皮稍厚,同埋未夠香口!:)香煎蘿蔔糕嘅蘿蔔絲分量尚算足夠,仲加咗啲臘味,特別惹味!整件煎得香口,厚度適中,但係油分較多!環境方面,呢度於80年代開業,多年嚟只係作簡單嘅維修,冇全面重新裝修,所以地方都頗為殘舊!佢嘅裝修唔係而家部分酒樓好豪華高貴或者新潮搞鬼嘅風格,而係較為普通嘅傳統酒樓裝修,並冇任何特色!佢冇設置顧客輪座電腦管理系統(列印輪候票,螢幕顯示輪座狀況及自動發聲叫號),自動感應梘液機等先進設備,但係起碼有自動感應水龍頭,先進與否就見仁見智!另外佢設有多部電視機,不過尺寸又細又冇開比客睇!呢個舖位都算幾大,不過位處於比較舊嘅樓宇中,少不免有柱多,橫樑多及樓底矮等等嘅問題,視野唔算廣闊!另外檯凳部分放得較擠迫,部分就放得寬敞!整體總算坐得自在,始終唔應該要求咁高!服務方面,大部分服務員工作效率同態度都中規中矩!我地有比利是果啲就唔錯,冇比果啲就遲遲都唔肯加水同落單,黑口黑面兼粗聲粗氣咁,仲用我地張枱布抹手,真係現實!若果各個服務員有多啲笑容就更好!衛生方面,碗碟污糟邋遢,地方就幾企理,洗手間尚算乾爽!抵食方面,茶市時段設茶芥加一,大部分點心嘅價錢都唔算太貴,價錢可以接受!:)整體嚟講,呢度大部分點心價錢唔算太貴!至於食物,環境,服務,衛生各方面質素中規中矩,係我地嘅要求嚟講係合格嘅!始終我地嘅要求唔高,若果唔係錯得太過份,都會原諒佢嘅!當然各方面質素未係盡善盡美,仍然有改善嘅空間!食飽之後,我地就番屋企睇電視!:)…查看更多

為食嘅我又有飯聚!呢次有朋友要還番本書比我,仲話同我食埋飯,我就緊係應承啦!經過我地商量,飯聚地點係稻香信和廣場店!當然要再約多啲朋友,咁先至熱鬧!我地去到果陣都相當熱鬧,幾多人係度等位,不過好在唔駛等太耐!坐低拎張點心紙嚟睇,發覺大部分點心都貴咗一兩蚊,優惠點心嘅選擇亦少咗!不過而家百物騰貴,我地都見怪不怪!呢度我地都幫襯過好多次,今次總算冇令我地失望,各方面質素都算唔錯,價錢唔算太貴!:)我食飯就鍾意熱鬧嘅,大家應該有講有笑!去酒樓就可以慢慢食慢慢傾,唔似得去快餐店咁各自為政!而今次去嘅稻香信和廣場店係我地平時係灣仔至銅鑼灣一帶間中會幫襯嘅!係我地印象中佢嘅食物,環境,服務,衛生各方面質素都算唔錯,價錢唔算太貴!相比嚟講我地對佢較為有信心,不過間中都會失手!始終我地嘅要求唔高,若果唔係錯得太過份,都會原諒佢嘅!:)味道方面,今次4個人叫咗幾款點心同埋湯粉麵,結合屋企人同埋自己嘅評價,味道皆算唔錯!食物包括:(1)貴妃雞米線:貴妃雞欠缺鮮味,肉質較鞋!米線有質感亦夠軟身,分量恰當!湯味可以接受,鹹淡適中!(2)豉汁蒸排骨:排骨新鮮入味,離骨易食!豉汁味道突出,令排骨更加惹味!(3)蠔皇鮮竹卷:餡料包含蝦粒,豬肉同蔬菜粒,味道豐富!蠔汁鮮甜,味道突出!(4)香茜牛肉腸:牛肉分佈平均,味道就較為清淡!腸粉皮偏厚,未見晶瑩剔透!:)(5)豉汁蒸鳳爪:鳳爪皮肉厚,唔怕太削!豉汁味道突出,令鳳爪更加入味!(6)香麻叉燒酥:叉燒蜜味突出,肥瘦適中!酥皮有少少腍,唔夠香口!可惜太細件,明顯將貨就價!:((7)日式煎餃子:餡料入味,肉汁鮮甜!餃子皮厚薄適中,煎得香口!(8)潮州蒸粉果:餡料包含菜粒,粉葛同花生粒,味道幾濃!粉果皮稍厚,令口感變差!:)(9)竹笙碗仔翅:有肉絲同粉絲等材料,味道討好!湯底較傑,似乎打咗唔少漿粉!(10)馬拉卷併糯米卷:馬拉卷帶點蛋香,仲幾鬆軟!糯米卷味道香濃,餡料不乏花生粒,包面亦幾鬆軟!(11)薑汁雞包仔:餡料肉粒,菇粒同蔥花味道香濃,薑味反而唔算突出!餡料分量恰好,包面同樣鬆軟!(12)蘿蔔牛筋腩:牛筋腩入味,味道討好!可惜又大件又未夠腍,比較難咬!(13)銀絲滑雞卷:餡料包含雞絲,菜絲同紅蘿蔔絲,味道清淡!點上豉油,鹹度反而啱啱好!:)環境方面,稻香信和廣場店開業應該有幾年時間,地方都唔算新淨!佢嘅裝修唔係而家部分酒樓好豪華高貴嘅風格,而係較為新潮搞鬼嘅裝修,天花佈滿大小不一嘅圈圈!佢設有顧客輪座電腦管理系統(列印輪候票,螢幕顯示輪座狀況及自動發聲叫號),自動感應水龍頭,自動感應梘液機等先進設備,先進與否就見仁見智!另外佢電視機唔算多唔算大,亦冇開比人睇!呢個舖位唔係幾大,但好在唔係位處於比較舊嘅樓宇中,避免咗柱多,橫樑多及樓底矮等等嘅問題,視野都幾廣闊!另外檯凳部分放得較擠迫,部分就放得寬敞!整體總算坐得自在,始終唔應該要求咁高!:)服務方面,大部分服務員工作效率同態度都中規中矩啦!不過開茶就耐喲!若果各個服務員有多啲笑容就更好!:)衛生方面,碗碟尚算乾淨,地方都幾企理,洗手間亦幾乾爽!:)抵食方面,星期六下午茶時段茶位$6,大部分點心嘅價錢都唔算太貴,價錢可以接受!:)整體嚟講,大部分點心價錢唔算太貴!至於食物,環境,服務,衛生各方面質素都算唔錯,係我地嘅要求嚟講係合格嘅!當然各方面質素未係盡善盡美,仍然有改善嘅空間!食飽之後,我就例牌行吓時代廣場同皇室堡!:)…查看更多

為食嘅我又有飯聚!平時同屋企人係西營盤至上環一帶,若果想慢慢食慢慢傾,通常會幫襯明星西營盤店或者富臨聯發商業中心店!因為係我地印象中呢兩間集團旗下分店嘅食物,環境,服務,衛生各方面質素都算唔錯,價錢唔算太貴,係間中至失手,相比嚟講我地對佢較為有信心!中國人就最注重家庭倫理關係架勒,今次難得住係加拿大嘅親戚返港,大家當然要抓緊機會坐埋一檯食餐飯傾吓計,珍惜相處嘅時光!經過長輩安排之下,再就埋時間,就決定成家人去明星西營盤店飲茶!我地去到果陣都相當熱鬧,企滿成個接待大堂,不過好在呢個舖位幾大,座位數目較多,因而安排座位效率相對較高,等咗一陣就有位!今次我地分開兩檯坐,部分相片真係要多謝某親戚提供!呢度我地成日都幫襯,今次總算冇令我地失望,各方面質素都算唔錯,價錢唔算太貴!:)味道方面,今次兩枱共13個人叫咗多款點心,炒粉麵同埋湯粉麵,結合屋企人同埋自己嘅評價,味道皆算唔錯!食物包括:(1)芝士海蝦焗伊麵:海蝦肉質較腍,似乎唔多新鮮!伊麵質感正常,分量足夠!芝士汁味道討好,味道可更突出!:((2)乾炒排骨河:排骨幾惹味,但係骨多肉少!河粉幾爽口幾入味,分量足夠!整碟油分較多,未夠乾身!(3)豉椒牛肉炆米:牛肉好有咬口,係有少少筋!米粉幾有豉椒香,分量足夠!整碟夠乾身,唔怕太油!(4)鳳爪排骨飯:鳳爪皮肉厚,好豐富!排骨幾惹味,肉質夠腍!大部分米飯粒粒分明,面頭就爛D!整籠配合豉油,認真惹味!(5)叉燒河粉:叉燒蜜味突出,肥瘦適中!河粉未完全散開,唔夠薄身!湯味偏甜,感覺稍怪!(6)叉燒米線:叉燒蜜味突出,肥瘦適中!米線稍硬,未夠軟身!湯味偏甜,感覺稍怪!:)(7)燒腩河粉:燒腩肥瘦分明,皮亦幾脆!河粉未完全散開,唔夠薄身!湯味偏甜,感覺稍怪!(8)燒腩米線:燒腩偏肥,皮就幾脆!米線稍硬,未夠軟身!湯味偏甜,感覺稍怪!:((9)切雞米線:切雞幾有鮮味,肉質嫩滑!米線稍硬,未夠軟身!湯味偏甜,感覺稍怪!:)(10)燒鴨河粉:燒鴨肉質嫩滑,皮又夠脆!河粉未完全散開,唔夠薄身!湯味偏甜,感覺稍怪!(11)原隻鮮蝦腸:鮮蝦新鮮入味,好有咬口!腸粉皮就偏厚,未見晶瑩剔透!(12)蒜香蒸鮮魷:鮮魷幾惹味,充滿蒜香又帶點辣!翼同鬚分配平均,感覺多元化!(13)薑蔥牛柏葉:牛柏葉幾爽口,陣陣薑蔥香亦好惹味!(14)蟹籽燒賣:豬肉瘦得嚟又帶點肥,質感肥美!蝦肉亦不乏鮮甜,新鮮味美!(15)香茜叉燒腸:叉燒蜜味突出,肥瘦適中!腸粉皮就偏厚,未見晶瑩剔透!(16)柱侯金錢肚:金錢肚稍硬兼幾大舊,較為難咬!味道鮮美又帶點辣,甚為惹味!(17)豉汁蒸鳳爪:鳳爪皮肉厚,唔怕削!而且好入味,同D汁好夾!(18)蠔皇鮮竹卷:餡料包含蝦粒,豬肉同蔬菜粒,味道豐富!蠔汁鮮甜,味道突出!(19)雞絲蒸粉卷:餡料包含豬肉同蔬菜粒,味道稍濃!進食時有唔舒服嘅感覺,似乎味精頗多!:((20)漿爆流沙包:流沙餡流質程度好高,咬一口就一湧而出!流沙餡嘅蛋黃味香濃突出!包面亦好鬆軟,整體水準甚高!(21)金沙千層糕:千層糕只有三層,而且好乾身!蛋黃味唔突出,蛋黃粒亦唔多!千層糕似普通蛋糕,有D貨不對版!(22)家鄉煎薄:薄煎得幾香口,不過厚咗少少!餡料包含蔥花同火腿粒,味道幾夾!(23)芋絲炸春卷:餡料芋絲及配料好惹味,味道頗濃!春卷炸得幾脆,又夠熱辣辣!(24)黃金叉燒酥:叉燒蜜味突出,肥瘦適中!酥皮有少少腍,唔夠香口!(25)酸甜炸雲吞:雲吞皮都幾脆,仲係熱辣辣嘅!蝦粒比較細,不過都幾新鮮!:)(26)安蝦咸水角:餡料肉粒及配料分量恰好,味道鹹淡適中!炸物嘅皮稍厚,不過仍然香口!:)(27)香煎釀青椒:青椒同魚茸好香口兼緊貼唔散開!唯魚茸有長魚骨!另附帶豉香兼稍辣嘅汁,非普通豉油!(28)香煎釀茄子:兩者煎得好香口但未完全緊貼!茄子唔太生唔太老,選材恰當!同樣另附帶豉香兼稍辣嘅汁,非普通豉油!(29)時菜鯪魚球:鯪魚球有鮮味亦唔怕腥!佢亦唔算溝咗好多梳打粉,都叫真材實料!鯪魚未完全攪碎,有長嘅魚骨!(30)山竹牛肉:牛肉球有唔少蔥花同馬蹄,味道適中,口感豐富!(31)娥姐靚粉果:餡料包含蝦粒,菜粒同蔥花,味道都幾夾,水分充足!可惜粉果蒸過火,好似唔夠挺身!:((32)薑片雞包仔:餡料肉粒,菇粒同蔥花味道突出,反而薑味可更突出!餡料分量足夠,包面亦幾鬆軟!(33)懷舊糯米卷:糯米味道較淡,味可更濃!餡料亦不乏花生粒,包面亦幾鬆軟!:)(34)生煎包:餡料係豬肉同蔥粒混合,味道鮮甜!可惜唔夠香口,賣相亦唔似真正生煎包!:((35)潮洲蒸粉果:餡料包含菜粒,粉葛同花生粒,味道幾濃!粉果皮就太厚!:((36)蠔皇叉燒包:叉燒蜜味突出,肥瘦適中!醬汁味道適中,濕度恰好!餡料分量足夠,包面亦幾鬆軟!(37)迷你小籠包:小籠包餡料鮮甜味美,亦不乏湯汁!雖則唔係正宗小籠包,但係酒樓出品算係咁!環境方面,明星西營盤店繼2005裝修後2010年再全面裝修,地方都幾新淨!佢嘅裝修唔係而家部分酒樓好新潮搞鬼嘅風格,而係較為高雅亦唔會太豪華嘅裝修,高貴得嚟又帶點現代感!不過佢自稱為豪華酒店式裝修,咁又好似誇張咗少少!佢設有顧客輪座電腦管理系統(列印輪候票,螢幕顯示輪座狀況及自動發聲叫號),自動感應水龍頭,自動感應梘液機等先進設備,先進與否就見仁見智!另外佢亦設有多部名牌大電視機,只可惜佢選擇以模擬訊號輸入頻道播放!呢個舖位雖然係幾大,不過位處於比較舊嘅樓宇中,有柱多,橫樑多及樓底矮等等嘅問題,視野唔算廣闊!另外檯凳部分放得較擠迫,但部分都寬敞!整體總算坐得自在!:)服務方面,中規中矩啦!大部分服務員做野都有效率,係加水就耐D!若果各個服務員有多少少笑容就更好!:)衛生方面,碗碟尚算乾淨,地方都幾企理,洗手間亦幾乾爽!:)抵食方面,星期五下午茶時段茶位$6,大部分點心嘅價錢都唔算太貴,價錢可以接受!:)整體嚟講,大部分點心價錢唔算太貴!至於食物,環境,服務,衛生各方面質素都算唔錯,係我地嘅要求嚟講係合格嘅!當然各方面質素未係盡善盡美,仍然有改善嘅空間!不過我相信各方面質素再好,亦未及一家團聚果種溫暖嘅好!:)…查看更多

為食嘅我又出街食飯!呢次我同啲朋友去西寶城買野,買完之後我地見肚餓,咁就決定大家一齊去食!經過我地商量,飯聚地點係海港堅尼地城店!我地食飯就鍾意熱鬧嘅,大家應該有講有笑!去酒樓就可以慢慢食慢慢傾,唔似得去快餐店咁各自為政!而今次去嘅海港堅尼地城店係我地平時係堅尼地城至石塘咀一帶間中會幫襯嘅!我地去到果陣都相當熱鬧,幾多人係度等位,加上佢安排座位嘅效率低,我地足足等咗40幾分鐘,相信呢個客量係另一間酒樓絕對唔駛等咁耐!另外食物出品亦好慢,落單30分鐘後至有一款點心上枱!由等位到食飽走人用咗接近三個鐘,奉勸大家唔怕晒時間至好去!坐低拎張點心紙嚟睇,發覺大部分點心都貴咗一兩蚊,真係百物騰貴!呢度我地都幫襯過好幾次,今次總算冇失去以往嘅水準,各方面質素都算唔錯,價錢唔算太貴!:) 味道方面,今次4個人叫咗幾款點心,結合朋友同埋自己嘅評價,味道皆算唔錯!食物包括:(1)蒜茸蒸鮮魷:鮮魷幾惹味,充滿蒜茸香味!翼同鬚分配平均,配菜粉絲都幾多吓!(2)四寶滑雞扎:材料配搭應該係正宗嘅,用料都算新鮮同入味!(3)蜜汁叉燒腸:叉燒蜜味唔算突出,肥瘦適中!腸粉皮稍厚,未見晶瑩剔透!:)(4)羅漢齋蒸鴨掌:鴨掌幾肥美,唔怕太削,羅漢齋分量頗多!鮑汁味道鮮甜,令鴨掌更加美味!(5)醬汁蒸鳳爪:鳳爪皮肉厚,唔怕太削!醬汁味道突出,令鳳爪更加入味!(6)流汁奶皇飽:奶皇餡呈固體狀態,未夠流質!餡料嘅奶皇味道可更突出!包面就幾鬆軟!(7)檸蜜炸蛋散:蛋散都幾鬆化,糖漿甜度適中!可惜進食時喉嚨有刺激嘅感覺,似乎味精頗多!(8)五香咸水角:餡料肉粒及配料分量恰好,味道鹹淡適中!炸物嘅皮稍厚,同埋有啲癡牙!(9)香茜牛肉腸:牛肉分佈平均,味道就較為清淡!腸粉皮稍厚,未見晶瑩剔透!:)(10)鳳爪排骨飯:鳳爪皮肉厚,唔怕太削!排骨新鮮入味,離骨易食!大部分米飯粒粒分明,唔怕太濕!(11)鮮竹牛肉球:牛肉球有唔少蔥花同馬蹄,口感豐富!可惜加咗幾多梳打粉,唔算真材實料!(12)香煎蘿蔔糕:蘿蔔絲分量唔算多,味道適中!好在煎得香口,厚度適中!:)(13)紅油日式餃子:餡料入味,肉汁鮮甜!餃子皮厚薄適中,唔會太辣!環境方面,呢度去年9月至開業,地方都尚算新淨!佢嘅裝修分為兩種而家普遍酒樓嘅風格,呢一邊較為豪華高貴嘅同時,另一邊係較為新潮搞鬼,塑造咗兩個唔同嘅區域!佢設有顧客輪座電腦管理系統(列印輪候票,螢幕顯示輪座狀況及自動發聲叫號),自動感應水龍頭,自動感應梘液機等先進設備,先進與否就見仁見智!另外佢設有多部名牌大電視機,仲係以高清數碼訊號播放!呢個舖位都算幾大,又唔係位處於比較舊嘅樓宇中,避免咗柱多,橫樑多及樓底矮等等嘅問題,視野都幾廣闊!另外檯凳部分放得較擠迫,部分就放得寬敞!整體總算坐得自在,始終唔應該要求咁高!:)服務方面,大部分服務員工作效率同態度都中規中矩!可惜安排座位同埋食物出品嘅效率低,亦有漏單嘅情況出現!若果各個服務員有多啲笑容就更好!衛生方面,碗碟尚算乾淨,地方都幾企理,洗手間亦幾乾爽!抵食方面,茶市時段設茶芥加一,大部分點心嘅價錢都唔算太貴,價錢可以接受!整體嚟講,呢度大部分點心價錢唔算太貴!至於食物,環境,服務,衛生各方面質素都算唔錯,係我地嘅要求嚟講係合格嘅!始終我地嘅要求唔高,若果唔係錯得太過份,都會原諒佢嘅!當然各方面質素未係盡善盡美,仍然有改善嘅空間!食飽之後,大家就各自各離開!:)…查看更多

有時同朋友係九龍灣一帶,若果想慢慢食慢慢傾,通常會幫襯稻香九龍灣店或者富臨九龍灣店!因為係我地印象中呢兩間集團旗下分店嘅食物,環境,服務,衛生各方面質素都算唔錯,同埋價錢相宜,係間中至失手,相比嚟講我地對佢較為有信心!呢日我地係德福廣場同MegaBox周圍行吓,行行吓見肚餓就開始搵食!之前幫襯稻香九龍灣店試過等成個鐘至有位,我地亦擔心兩間商場嘅其他酒樓都有同樣問題!好在之前幫襯富臨九龍灣店就唔駛等位,又係MegaBox附近!所以我地行完德福廣場,跟住就坐車去!我地去到果陣都相當熱鬧,唔似得之前唔駛等位!可能係MegaBox越來越多名店進駐而人氣急升,所以附近一帶都會比以前旺!不過好在等咗一陣就有位,冇等成個鐘咁誇張!呢度我地都幫襯過幾次,今次總算冇令我地失望,各方面質素都算唔錯,同埋價錢相宜!:)味道方面,今次4個人叫咗幾款點心同埋湯粉麵,結合屋企人同埋自己嘅評價,味道皆算唔錯!食物包括:(1)極品燒鵝瀨粉:燒鵝肉有肥有瘦,皮幾脆幾香口!瀨粉有質感唔怕太腍,分量恰當!湯味可以接受,鹹淡適中!(2)蜜味叉燒瀨粉:叉燒較鞋,即選材不當,亦未見蜜味!瀨粉有質感唔怕太腍,分量恰當!湯味可以接受,鹹淡適中!:((3)豉油雞瀨粉:貴妃雞幾有鮮味,肉質嫩滑!瀨粉有質感唔怕太腍,分量恰當!湯味可以接受,鹹淡適中!:)(4)銀杏咸菜豬肚:豬肚充滿胡椒香,兼幾爽口!咸菜鹹度適中,分量足夠!湯味極具胡椒香,唔似得有食店貨不對辦!(5)富臨蝦餃皇:餡料包含原隻鮮蝦及少量筍粒,新鮮彈牙!餃皮就幾薄,都叫晶瑩剔透!(6)咖喱蒸魷魚:魷魚幾爽口,翼同鬚分配尚算平均!配菜豬皮又淋又多毛!咖喱汁都係做吓樣,唔使驚太辣!(7)黑椒牛柏葉:牛柏葉幾爽口,亦帶有鮮味!黑椒汁就辣辣地,帶動牛柏葉更為惹味!(8)芋絲炸春卷:餡料主角芋絲及配料好惹味,味道稍濃!春卷炸得幾脆,但係都幾油!(9)鮑汁蒸鴨掌:鴨掌幾入味,略嫌未夠腍!配料仲有花生作點綴,感覺多元化!鮑汁帶點辣味,味道討好!(10)香麻流沙飽:流沙餡呈固體狀態,未夠流質!餡料嘅芝麻味道亦未見突出!包面就幾鬆軟!(11)時菜鯪魚球:鯪魚球有鮮味,亦唔覺太腥!佢都唔算溝咗好多梳打粉,都叫真材實料!鯪魚未完全攪碎,有長嘅魚骨!:)(12)鮮竹牛肉球:牛肉球有唔少蔥花同馬蹄,口感豐富!佢都唔算溝咗好多梳打粉,都叫真材實料!(13)菰粒雞飽仔:餡料肉粒,菇粒同蔥花味道突出,分量恰好!包面亦幾鬆軟!(14)煎釀茄子:兩者煎得好香口,亦釀得幾穩陣!茄子唔太生唔太老,選材恰當!(15)花姿炸雲吞:雲吞皮都幾脆,不過都幾油!花姿作餡料較特別,唔係平時食倒嘅鮮蝦!環境方面,富臨九龍灣店開業應該有幾年時間,地方唔算新淨,亦唔算殘舊!佢嘅裝修唔係而家部分酒樓好豪華高貴嘅風格,而係較為新潮搞鬼嘅裝修,房間嘅燈飾反而比較土氣!佢冇設置顧客輪座電腦管理系統(列印輪候票,螢幕顯示輪座狀況及自動發聲叫號),自動感應梘液機等先進設備,不過都有自動感應水龍頭,先進與否就見仁見智!另外佢電視機唔算多,畫質就認真麻麻!呢個舖位都算幾大,唔係位處於比較舊嘅樓宇中,避免咗柱多,橫樑多及樓底矮等等嘅問題,視野都幾廣闊!另外檯凳部分放得較擠迫,部分就放得寬敞!整體總算坐得自在!:)服務方面,中規中矩啦!大部分服務員做野都算有效率,係冇乜禮貌!若果各個服務員有多少少笑容就更好!:)衛生方面,碗碟尚算乾淨,地方都幾企理,洗手間就幾污糟!:)抵食方面,星期六下午茶時段茶位$6,大部分點心嘅價錢都大眾化,算幾抵食!:)整體嚟講,大部分點心價錢相宜又多選擇!至於食物,環境,服務,衛生各方面質素都算唔錯,係我地嘅要求嚟講係合格嘅!當然各方面質素未係盡善盡美,仍然有改善嘅空間!食飽之後,我地就行番去MegaBox繼續旅程!:)…查看更多

為食嘅我又出街食飯!呢次屋企人出晒街,又冇約朋友,咁唯有自己一個人食!諗起屋企附近嘅尼斯堅尼地城店自從去年底裝修後都未幫襯過,橫掂冇約人,所以就近近地走去食,順便睇吓佢環境有咩改變!我去到果陣都唔算太熱鬧,唔駛等就有位,仲任我揀位坐!坐低拎張餐牌嚟睇,發覺大部分茶餐都貴咗一兩蚊,可能係同裝修咗有關!加上而家百物騰貴,我都見怪不怪!呢度我都幫襯過好幾次,今次似乎有啲失準,各方面質素只屬一般,價錢唔算太貴!我一個人食飯就鍾意簡單啲嘅,快快手食飽就係一餐!去西餐廳就適合一個人食,反而去酒樓就怪啲!而今次去嘅尼斯堅尼地城店係我平時係堅尼地城一帶間中會幫襯嘅!係我印象中佢嘅食物,環境,服務,衛生各方面質素都算唔錯,價錢唔算太貴!相比嚟講我對佢較為有信心,不過間中都會失手!始終我嘅要求唔高,若果唔係錯得太過份,都會原諒佢嘅!:)味道方面,今次1個人叫咗個茶餐,味道只屬一般!食物包括:(1)豬骨湯底配即食麵:薄切牛扒用咗黑椒調味,帶點辣香!可惜有啲酸味同雪味,將近變壞,用料唔新鮮!肉質較鞋較乾身,好似白烚咁!同埋太多筋同肥膏,冇篩選好就上碟!好在分量唔少,仲加咗喲配菜!即食麵唔怕腍咗,分量適中!湯底味道討好,鹹度適中!凍咖啡味道適中,唔會淡而無味!環境方面,尼斯堅尼地城店係去年底裝修過,地方都尚算新淨!佢嘅裝修唔係而家部分西餐廳好豪華高貴或者新潮搞鬼嘅風格,而係較為簡潔清雅嘅裝修,唔會有好多特別嘅燈飾!佢冇設置電視機,先進與否就見仁見智!呢個舖位唔係幾大,仲要係位處於比較舊嘅樓宇中,少不免有柱多,橫樑多及樓底矮等等嘅問題,視野唔算廣闊!另外檯凳部分放得較擠迫,部分就放得寬敞!整體總算坐得自在,始終唔應該要求咁高!服務方面,大部分服務員工作效率同態度都中規中矩!不過無乜禮貌!若果各個服務員有多啲笑容就更好!衛生方面,碗碟唔算乾淨,地方就幾企理!抵食方面,星期五下午茶時段不設加一,大部分茶餐嘅價錢都唔算太貴,價錢可以接受!:)整體嚟講,大部分茶餐價錢唔算太貴!至於食物,環境,服務,衛生各方面質素只屬一般,係我嘅要求嚟講都係合格嘅!當然各方面質素未係盡善盡美,仍然有改善嘅空間!食飽之後,我就番屋企訓覺!:)…查看更多

平時同朋友係上環一帶,若果想慢慢食慢慢傾,間中都會幫襯富臨上環店!因為係我地印象中呢間酒樓嘅食物,環境,服務,衛生各方面質素都算唔錯,價錢唔算太貴,係間中至失手,相比嚟講我地對佢較為有信心!中國人就最有家庭觀念架勒,繼上次為住係加拿大嘅親戚難得返港而去明星西營盤店飲茶慶祝之後,前排就有啲比較疏嘅親戚返港,大家就例牌抓緊機會坐埋一檯食餐飯傾吓計,珍惜相處嘅時光!不過老實講呢班所謂親戚打算盤都打唔埋,我同佢地就唔係好熟喇!經過長輩安排之下,再就埋時間,就決定成家人去富臨觀塘店食飯!橫掂去開觀塘,就緊係順便行吓apm啦!行完之後就過去,同酒樓都幾近吓!我地去到果陣都相當熱鬧,好多人打邊爐,不過訂咗房就唔駛等啦!呢度我地都幫襯過好多次,今次總算冇令我地失望,各方面質素都算唔錯,價錢唔算太貴!味道方面,今次14個人叫咗龍躉燕窩宴,結合屋企人同埋自己嘅評價,味道皆算唔錯!食物包括:(1)堂剪童子豬全體:隻豬嘅外皮都夠脆,不過真係好肥!肥膏多過肉,似乎選材不當!:((2)碧綠琥珀蝦球:蝦球幾彈牙,略嫌蝦味同鮮味不足!其他配料都幾有鑊氣!:)(3)香酥荔茸玉帶:將帶子沾上芋茸再攞去炸,做法獨特!帶子能保留原有鮮味,配合脆脆嘅芋茸,認真美味!(4)鮮蟹粉扒豆苗:豆苗唔生唔老,選材恰當!蟹粉就唔知係咪真材實料喇,但係味道幾濃,送豆苗一流!(5)竹笙蟹肉燴燕窩:燕窩就例牌唔覺有,係咪融咗落湯度我就唔知喇!反而竹笙同蟹肉就幾多!湯底較傑,似乎打咗唔少漿粉!(6)清蒸沙巴龍躉:條魚蒸嘅時間控制得唔錯,魚肉離骨得嚟又幾滑!(7)蠔皇原隻鮮鮑玉掌(12隻):鲍魚同鵝掌都夠腍,又幾入味!醬汁同樣幾傑,打咗唔少漿粉!(8)脆皮炸子雞:皮又香又脆,雞肉又滑,簡直係皮脆肉嫩!不過好多雞油,亦好多食油!(9)自家製臘味糯米飯:臘味分量頗多,味道突出!糯米鹹度適中,質感正常!:)(10)野山菌燒伊麵:菇菌分量頗多,有唔同種類!伊麵鹹度適中,質感較腍!:)(11)精美甜品:紅豆沙味道幾甜,紅豆粒分量唔怕太小!不過湯底好傑,打咗好多漿粉!:((12)合時鮮果盆:西瓜,菠蘿等生果水份充足!可惜唔係幾甜,亦係市面上生果嘅趨勢!環境方面,富臨觀塘店開業應該有好多年時間,地方都好殘舊!佢嘅裝修唔係而家部分酒樓好豪華高貴嘅風格,亦唔係較為新潮搞鬼嘅裝修,而係舊式嘅平實格局,呢個年代嚟講就顯得比較老套!佢冇設置顧客輪座電腦管理系統(列印輪候票,螢幕顯示輪座狀況及自動發聲叫號),自動感應水龍頭,自動感應梘液機等先進設備,先進與否就見仁見智!另外佢電視機唔算多唔算大,模擬電視訊號又唔穩定,畫質亦差強人意!呢個舖位雖然係幾大,不過位處於比較舊嘅樓宇中,有柱多,橫樑多及樓底矮等等嘅問題,視野唔算廣闊!另外檯凳部分放得較擠迫,部分就放得寬敞!整體總算坐得自在,始終唔應該要求咁高!:(服務方面,大部分服務員工作效率同態度都中規中矩啦!不過唔識主動加酒水!若果各個服務員有多啲笑容就更好!:)衛生方面,碗碟污糟邋遢,地方尚算企理,洗手間又係好污糟!:(抵食方面,星期日晚幫襯$3888包12款菜式,智利德利文加紅酒1支,大燕京2支,汽水6罐,卡拉OK,茶芥及加一服務費,價錢可以接受!:)整體嚟講,呢個龍躉燕窩宴價錢唔算太貴!至於食物,環境,服務,衛生各方面質素都算唔錯,係我地嘅要求嚟講係合格嘅!當然各方面質素未係盡善盡美,仍然有改善嘅空間!食飽之後,我地再係附近行多陣就搭車番屋企喇!:)…查看更多

平時同朋友係西營盤至上環一帶,若果想慢慢食慢慢傾,通常會幫襯明星西營盤店或者富臨聯發商業中心店!因為係我地印象中呢兩間集團旗下分店嘅食物,環境,服務,衛生各方面質素都算唔錯,而且價錢化算,只係間中至會失手,相比其他中式食肆我地對佢較為有信心!由於富臨信德中心店鄰近港鐵站,去呢間比較方便,所以我地之前係唔會去富臨聯發商業中心店!但奈何富臨信德中心店結業,咁就試吓就近嘅分店點樣!我地去到果陣都唔算熱鬧,唔駛等就有位,同富臨信德中心店嘅人氣似乎仲有少少差距!富臨聯發商業中心店係我首次幫襯,今次總算冇令我地失望,各方面質素都算唔錯,而且價錢化算!:)味道方面,今次4個人叫咗幾款點心,1碗極品燒鵝瀨粉,1碗蜜味叉燒瀨粉同埋1碗豉油雞瀨粉,味道皆算唔錯!食物包括:(1)極品燒鵝瀨粉:燒鵝肉肥瘦適中,皮亦幾香口!瀨粉口感唔錯,分量足夠!湯味可以接受,鹹淡適中!:)(2)蜜味叉燒瀨粉:叉燒肉質夠腍,但係賣相較差,亦未見蜜味!瀨粉口感唔錯,分量足夠!湯味可以接受,鹹淡適中!(3)豉油雞瀨粉:貴妃雞難得有鮮味,肉質嫩滑!瀨粉口感唔錯,分量足夠!湯味可以接受,鹹淡適中!:)(4)銀杏咸菜豬肚:豬肚充滿胡椒香,兼幾爽口!咸菜鹹度適中,分量足夠!湯味極具胡椒香,有街外胡椒湯嘅影子!(5)富臨蝦餃皇:餡料包含原隻鮮蝦及少量筍粒,新鮮味美!餃皮就較厚,未見晶瑩剔透!(6)咖喱蒸魷魚:魷魚夠淋,翼同埋鬚分配尚算平均!配菜豬皮又淋又多毛!咖喱汁係正常味道,冇乜特別!(7)黑椒牛柏葉:牛柏葉辣辣地,亦帶點鮮味!可惜蒸得太淋,毫不爽口之餘賣相亦唔討好!(8)芋絲炸春卷:餡料芋絲及配料好惹味,味道稍濃!春卷炸得幾脆,食得出係即炸嘅!(9)鮑汁蒸鴨掌:鴨掌幾入味,略嫌未夠腍!鮑汁帶點辣味,味道討好!(10)香麻流沙飽:流沙餡呈固體狀態,未夠流質!餡料嘅芝麻味道未見突出!包面就幾鬆軟!(11)時菜鯪魚球:鯪魚球味道討好!佢都唔算溝咗好多梳打粉,有少少口感!鯪魚冇完全攪碎,有長嘅魚骨!(12)鮮竹牛肉球:牛肉球有少少果皮同埋馬蹄,味道討好,仲增添口感!:)(13)菰粒雞飽仔:餡料肉粒同埋菰粒嘅味道適中,分量恰好!包面亦幾鬆軟!:)(14)煎釀茄子:茄子幾實淨,又香口!魚茸釀得夠穩,唔會容易散開!(15)花姿炸雲吞:雲吞皮都幾脆,不過好似已經唔係好熱!花姿作餡料係特別D,唔係平時食倒嘅鮮蝦!環境方面,富臨聯發商業中心店開業咗幾年,地方較為殘舊,佢嘅裝修設計唔係而家普遍酒樓走嘅豪華或高雅路線,而係較為富時代感同新潮,天花密佈用木紋板接成嘅特別線條!佢冇設置電腦座位分配系統(電腦票,電視屏幕顯示叫號及電腦聲音叫號),自動感應梘液機等先進設備,但係都有自動感應水龍頭,先進與否就見仁見智!至於電視機唔算多,亦唔算大,畫質仲較其他酒樓嘅差!呢個舖位雖然係幾大,不過位處於比較舊嘅樓宇中,有柱多,橫樑多及樓底矮等等嘅問題,視野唔算廣闊!另外枱凳放得擠迫,未夠寬敞!不過都算坐得幾自在!服務方面,中規中矩啦,大部分服務員做野都有效率,係錯漏稍多!如果各個服務員有多少少笑容就好啦!:)衛生方面,碗碟尚算乾淨,地方較雜亂,洗手間都幾污糟!抵食方面,星期六下午茶時段茶位$6,大部分點心嘅價錢都大眾化,算幾抵食!:)整體來講,大部分點心價錢化算又多選擇!至於食物,環境,服務,衛生各方面質素都算唔錯,係我嘅要求嚟講係合格嘅!:)…查看更多

平時同朋友身處於堅尼地城至石塘咀一帶,如果周身唔得閒,通常會幫襯麥當勞西寶城店或者大家樂堅尼地城店,快快手食飽就係一餐,因為係我地印象中呢兩間集團旗下分店嘅食物,環境,服務,衛生各方面質素都算唔錯,而且價錢化算,只係間中至會失手,相比其他快餐店我地對佢較為有信心!不過今次我地經過加記,好奇之下見到舖頭門口宣傳下午茶餐,款式同埋價錢都幾吸引!橫掂從未幫襯過佢,不妨轉轉口味試吓佢好唔好!我地去到果陣都幾好生意,不過好彩唔駛等就有位!加記堅尼地城店係我首次幫襯,今次總算冇令我地失望,各方面質素都算唔錯,而且價錢化算!:)味道方面,今次2個人各叫咗個下午茶餐,味道算唔錯!食物包括:(1)干炒牛河:牛肉片鹹淡適中,味道討好!肉質幾夠淋,肉汁等水分足夠!但係部分牛肉片太多筋,冇篩選好就上碟!河粉入味,顏色亦夠深!每條河粉分明,冇因過火而炒到爛哂,不過有窿味!另外河粉都尚算薄,仲幾有鑊氣!熱阿華田味道適中,總好過部分食店估寒落得少粉,搞到淡而無味!至於整體分量冇欺場,唔係將貨就價之作!(2)沙爹牛肉湯麵:牛肉片偏鹹,充滿沙爹嘅辣味!肉質冇干炒牛河嘅牛肉片咁有口感,肉汁等水分足夠!但係部分牛肉片太多筋,冇篩選好就上碟!自選配料餐肉及煙肉與街外買倒嘅分別不大!麵係用普通即食麵,湯底就好鹹,自己加水都冇用!熱咖啡味道適中,落粉冇手輕手重!成碗麵有幾款餸,都幾多元化!環境方面,加記堅尼地城店已經開業多年,地方點都有D殘舊,佢嘅裝修設計唔係而家普遍快餐店走嘅富時代感同新潮路線,亦唔係較為豪華或高雅,而係充滿中國色彩嘅格局!店舖兩遑牆壁掛滿各式中國畫,仲有一幅模仿城門雕刻而成的牆壁!佢冇設置電視機,似乎唔係咁與時並進!呢個舖就唔係幾大,視野唔算廣闊,仲係身處於比較舊嘅樓宇中,少不免有柱多,橫樑多及樓底矮等等嘅問題,不過都算坐得幾自在!:)服務方面,中規中矩啦,大部分服務員做野都有效率,係冇乜禮貌!如果各個服務員有多D笑容就好啦!:)衛生方面,碗碟尚算乾淨,地方企理,枱面尚算乾爽!:)抵食方面,星期三下午茶時段不設加一,大部分茶餐嘅價錢都大眾化,算幾抵食!:)整體來講,大部分茶餐價錢化算又幾多選擇!至於食物,環境,服務,衛生各方面質素都算唔錯,係我嘅要求嚟講係合格嘅!:)…查看更多

平時同朋友身處於石塘咀至上環一帶,如果想慢慢食慢慢傾,通常會幫襯明星西營盤店或者富臨上環店,因為係我地印象中呢兩間集團旗下分店嘅食物,環境,服務,衛生各方面質素都唔錯,而且價錢化算,只係間中至會失手,相比其他中式食肆我地對佢較為有信心!不過今次忽然間淋起好耐冇去德馨苑石塘咀店,所以一致決定咗幫襯佢!其實我地好少幫襯德馨苑石塘咀店,因為係我地印象中佢嘅食物,環境,服務,衛生各方面質素都時好時差,而且價錢時平時貴,相比其他中式食肆我地對佢冇乜信心!不過呢個原因反而吸引倒我間中去幫襯,睇睇佢有冇改進經營策略!我地去到果陣都好冷清,得果一半枱有客坐,大把枱任我地揀,唔知係咪因經營不善而令客人怕咗佢嘅驚同喜呢?德馨苑石塘咀店我地嚟幫襯過好多次,今次總算冇令我地失望,各方面質素都唔錯,而且價錢化算!:)味道方面,今次3個人叫咗幾款點心, 1碗燒鵝檬粉同埋1碗貴妃雞檬粉,味道皆唔錯!食物包括:(1)燒鵝檬粉:燒鵝肉夠厚,皮夠香口!檬粉口感唔錯,分量足夠!湯味未見突出,可更濃味!(2)貴妃雞檬粉:貴妃雞難得有鮮味,但係骨多肉少!檬粉口感唔錯,分量足夠!湯味未見突出,可更濃味!(3)四寶滑雞扎:材料配搭雖則唔係最正宗,但係食落都算幾夾!(4)南瓜蒸排骨:排骨新鮮入味,離骨易食!醬汁嘅南瓜味就唔算突出!(5)蠔皇鮮竹卷:餡料及水分足夠,蝦粒同埋蔬菜新鮮!鮮竹皮幾嫩,蠔油醬汁味道鮮甜!(6)香芋鴨腳扎:鴨腳幾入味，可惜唔夠淋!至於腐竹皮都幾夠嫩!(7)金牌流沙包:流沙餡呈固體狀態,未夠流質!餡料只有奶皇味就冇蛋黃味,味道唔夠香濃,同奶皇包冇分別!包面亦唔鬆軟!(8)鮮竹牛肉球:牛肉球味道討好,仲有少少馬蹄,令溝咗唔夠麵粉嘅牛肉球增添口感!:)(9)香煎蘿蔔糕:蘿蔔糕嘅蘿蔔絲好足!不過切得太厚,加上冇乜點煎過,所以一D都唔香口!:)(10)招牌無敵叉燒包:叉燒餡料肥瘦適中,仲要係特大版!如果醬汁多D會仲好,而家乾咗少少!環境方面,德馨苑石塘咀店開業咗幾年,地方唔算殘舊,佢嘅裝修設計唔係而家普遍酒樓走嘅豪華或高雅路線,亦唔係較為富時代感同新潮,而係好普通嘅格局,冇乜特別設計!佢設有電腦座位分配系統(電腦票,電視屏幕顯示叫號及電腦聲音叫號),但係冇自動感應水龍頭,自動感應梘液機等先進設備,先進與否就見仁見智,至於電視機多但係細!呢個舖雖然係幾大,不過分咗兩層,視野唔夠廣闊,仲係身處於比較舊嘅樓宇中,有柱多,橫樑多及樓底矮等等嘅問題,不過都算坐得幾自在!:)服務方面,中規中矩啦,大部分服務員做野都有效率,係粗手粗腳咗少少!如果各個服務員有多D笑容就好啦!:)衛生方面,碗碟尚算乾淨,地方企理,洗手間尚算乾爽!:)抵食方面,星期四下午茶時段茶位$6,大部分點心嘅價錢都大眾化,算幾抵食!:)整體來講,大部分點心價錢化算又多選擇!至於食物,環境,服務,衛生各方面質素都唔錯,係我嘅要求嚟講係合格嘅!:)…查看更多

平時同屋企人或者朋友身處於中環一帶,都好少會慢慢食慢慢傾,專程去酒樓食飯!我地通常只係會去美心或者大家樂等快餐店醫肚,隨隨便便就係一餐,因為係我地印象中呢幾間集團旗下分店嘅食物,環境,服務,衛生各方面質素都唔錯,而且價錢化算,令我地對佢有信心!不過今次適逢有親戚係外國返來,當然要好好地食餐飯聚吓舊!經由長輩嘅安排之下,就訂咗喜悅中環店嘅龍蝦燕窩全包宴!我地去到果陣都幾好生意,好多人食火鍋,我地訂咗就唔使等位!喜悅中環店係我首次幫襯,總算冇令我地失望,各方面質素都唔錯,而且價錢化算!:)味道方面,今次12個人叫咗龍蝦燕窩全包宴,味道皆唔錯!食物包括:(1)上湯焗加拿大龍蝦:龍蝦尚算新鮮,上湯味道溶入倒落龍蝦肉中!分量以呢個價來講就算係咁!(2)鴻運乳豬全體:乳豬皮幾脆,不過肉就太肥囉!(3)沙律百花釀蟹拑:蟹拑嘅肉幾彈牙,但係冇乜鮮味!蟹拑外皮都夠脆!(4)XO醬翡翠富貴蚌:蚌片都幾夠淋!不過唔係幾食倒XO醬嘅香味,淨係有少少辣辣地!(5)松露雞茸燴燕窩:同其他酒樓一樣唔係好覺有所謂嘅松露同燕窩,只係冇翅環保而攞分!(6)清蒸大海花斑:條魚蒸嘅時間控制得唔錯,魚肉離骨得來又幾滑!(7)紅燒肘子砂窩津膽:呢款菜式全包宴好少有,又係個新嘗試!(8)當紅脆皮炸子雞:皮又香又脆,雞肉又滑,簡直係皮脆肉嫩!(9)瑤柱蛋白炒飯:瑤柱唔見影,但係都幾有鑊氣!(10)滋潤甜品:紅豆沙味道夠甜!紅豆粒分量適中!(11)環球生果盤:生果唔係幾甜,不過亦係市面上生果嘅趨勢!環境方面,喜悅中環店裝修咗年幾,地方有少少殘舊,佢嘅裝修設計唔係而家普遍酒樓走嘅豪華或高雅路線,反而係較為富時代感同新潮!佢都幾先進架,有引入電腦座位分配系統(電腦票,電視屏幕顯示叫號及電腦聲音叫號),自動感應水龍頭,自動感應梘液機等先進設備,又設置多部電視機!呢個舖雖然係幾大,不過分咗3層,視野唔夠廣闊,仲係身處於比較舊嘅樓宇中,有柱多,橫樑多及樓底矮等等嘅問題,坐得唔係幾自在!:)服務方面,中規中矩啦,大部分服務員做野都有效率,仲同我地推介火鍋優惠!如果各個服務員有多D適當嘅笑容就好啦!:)衛生方面,碗碟比較污糟,地方擠迫,洗手間地下幾濕!:)抵食方面,星期五晚幫襯$1888包11款菜式,鮮橙汁2渣,12位茶芥及加一服務費,算係咁!:)整體來講,呢個龍蝦燕窩全包宴價錢化算!至於食物,環境,服務,衛生各方面質素都唔錯,值得嚟幫襯!:)…查看更多

平時同朋友係下午身處於灣仔至銅鑼灣一帶，如果想慢慢食慢慢傾，都會幫襯稻香皇室堡店或者稻香信和廣場店，因為係我地印象中稻香集團旗下分店嘅食物、環境、服務、衛生各方面質素都唔錯，而且價錢化算，令我地對佢有信心!今次又係同朋友係下午身處於灣仔至銅鑼灣一帶，大家又想慢慢食慢慢傾，呢度附近嘅稻香集團分店只有稻香北海中心店未幫襯過，所以一致決定咗幫襯稻香北海中心店啦!我地去到果陣都幾好生意，好在只係等咗一陣就有位啦!稻香北海中心店係我首次幫襯，總算冇令我失望，各方面質素都唔錯，而且價錢化算呀!:)味道方面，今次3個人叫咗幾款點心、1碗切雞米線、1碗切雞河粉同埋1碗切雞生麵，味道皆唔錯!食物包括:(1)切雞米線:切雞肉質算滑，但係凍冰冰又未夠熟!米線口感唔錯，分量足夠!湯味尚算討好，鹹淡適中!(2)切雞河粉:切雞肉質算滑，但係凍冰冰又未夠熟!河粉唔薄又淋，分量足夠!湯味尚算討好，鹹淡適中!:)(3)切雞生麵:切雞肉質算滑，但係凍冰冰又未夠熟!生麵口感算爽，分量足夠!湯味尚算討好，鹹淡適中!(4)香茜牛肉腸:牛肉分佈平均，可惜冇乜口感，味道較為清淡!腸粉皮厚咗少少!(5)豉汁蒸排骨:排骨新鮮入味，離骨易食!醬汁嘅豆豉香味討好!(6)蠔皇鮮竹卷:餡料及水分足夠，蝦粒同埋蔬菜新鮮!鮮竹皮幾嫩，蠔油醬汁味道鮮甜!(7)蜆蚧鯪魚球:鯪魚球香口，魚肉攪得碎唔怕有魚骨!蜆蚧醬汁惹味!(8)香麻叉燒酥:叉燒入味，分佈平均!酥皮淋咗少少，芝麻足夠!可惜整件叉燒酥太細，好似小童餐咁!(9)薑汁雞包仔:餡料惹味豐富，薑味香濃!包面亦夠鬆軟!(10)日式煎餃子:餡料入味，湯汁鮮甜充足，仲幾香口!(11)潮州蒸粉果:餡料普通，味道適中!粉果皮厚咗少少!:)(12)竹笙碗仔翅:味道討好，仲有好多肉絲同埋粉絲等材料!(13)家鄉釀茄子:茄子及魚餅都香口，不過油分多咗少少!環境方面，稻香北海中心店裝修咗幾年，地方都唔算殘舊，佢嘅裝修設計同稻香皇室堡店及稻香信和廣場店一樣較為富時代感同新潮!佢都幾先進架，有引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，至於電視機比較少囉!呢個舖都幾大，又夠通透，又唔係身處於比較舊嘅樓宇中，冇柱多、橫樑多及樓底矮等等嘅問題，整體都坐得舒適!:)服務方面，中規中矩啦，大部分服務員做野都有效率，算幾有禮貌!如果各個服務員有多D適當嘅笑容就好啦!:)衛生方面，碗碟尚算乾淨，地方企理，洗手間尚算乾爽!:)抵食方面，星期二下午茶時段茶位$6，各款點心嘅價錢都大眾化，算幾抵食!:)整體來講，各款點心價錢化算又多選擇!至於食物、環境、服務、衛生各方面質素都唔錯，值得嚟幫襯呀!:)…查看更多

平時同朋友係夜晚身處於西營盤至上環一帶，如果想慢慢食慢慢傾，都會幫襯明星西營盤店，因為係我地印象中明星集團旗下分店嘅食物、環境、服務、衛生各方面質素都唔錯，而且價錢化算，令我地對佢有信心!今次又係同朋友係夜晚身處於西營盤至上環一帶，大家又想慢慢食慢慢傾，所以一致決定咗幫襯明星西營盤店啦!由於今次需要就一就個朋友，所以好夜至食，我地入座果陣啱啱踏入宵夜時段，原來宵夜時段平過晚市時段幾多架!我地去到果陣都幾好生意，好在只係等咗一陣就有位啦!明星西營盤店嘅宵夜時段係我首次幫襯，總算冇令我失望，各方面質素都唔錯，而且價錢化算呀!:)味道方面，今次3個人叫咗幾款小菜同埋1碟豉油皇吊片炒麵，味道皆唔錯!食物包括:(1)豉油皇吊片炒麵:吊片新鮮入味，仲幾爽口!炒麵幾有咬口，分量足夠!整碟顏色討好，幾有鑊氣!(2)客味鹽焗雞:鹽焗雞口感唔錯，味道鹹淡適中!(3)豉味涼瓜排骨煲:排骨有豆豉香，幾惹味!凉瓜甘口，不過淋咗少少!(4)沙爹金菰肥牛煲:肥牛肥瘦適中，幾入味!金菰碎濕濕，沙爹傑咗少少!(5)生菜豆腐鯪魚球煲:鯪魚球鮮味彈牙，不過有好多魚骨攪唔碎!豆腐幾滑，味道鮮甜!(6)紅燒北菰豆腐:豆腐幾滑，醬汁味道香濃!豆腐件數幾多，但係北菇比較少!(7)潮式咸菜豬肚:豬肚入味，不過分量唔多!咸菜夠咸，分量足夠!:)環境方面，明星西營盤店裝修咗未夠一年，地方當然新淨啦，佢嘅裝修設計以豪華酒店式為主題!佢都幾先進架，有引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，又設置多部名牌電視機!呢個舖都幾大，可惜睇唔通透，仲身處於比較舊嘅樓宇中，有柱多、橫樑多及樓底矮等等嘅問題!不過整體都坐得舒適!:)服務方面，中規中矩啦，大部分服務員做野都有效率，仲幾熱情添!如果各個服務員有多D適當嘅笑容就好啦!:)衛生方面，碗碟尚算乾淨，地方企理，洗手間尚算乾爽!:)抵食方面，星期五宵夜時段茶位$9、花生$10，各款小菜嘅價錢都大眾化，算幾抵食!:)整體來講，各款小菜價錢化算又多選擇!至於食物、環境、服務、衛生各方面質素都唔錯，值得嚟幫襯呀!:)…查看更多

平時行開堅尼地城至中環一帶，如果想飲茶都會幫襯明星西營盤店或者富臨上環店，因為明星集團及富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次又再行開堅尼地城至中環一帶，大家又想飲茶，淋起好耐冇去過逸豪，所以就決定幫襯佢啦!其實我好少幫襯逸豪，因為逸豪嘅食物、環境、服務、衛生各方面質素只屬中等水平，只係價錢化算，令我對佢冇乜信心!不過就算逸豪各方面質素只屬中等水平，我隔一排都會幫襯番佢一兩次，廢事幫襯死果幾間好嘅酒樓禁悶!我地去到果陣生意好淡，唔駛等就有位啦!逸豪我嚟幫襯過好多次，今次總算冇令我失望，各方面質素只屬中等水平，只係價錢化算呀!:)味道方面，今次6個人叫咗幾款點心、1碟乾炒牛肉河、1碟乾炒肉片河同埋1碟凉瓜牛肉飯，味道皆普通!食物包括:(1)乾炒牛肉河:牛肉口感唔錯，仲幾入味!河粉都幾爽口，分量足夠!顏色討好，幾有鑊氣!(2)乾炒肉片河:肉片口感遜色，唔夠入味!河粉未見爽口，分量足夠!顏色偏淡，鑊氣欠奉!:)(3)凉瓜牛肉飯:牛肉口感唔錯，仲幾入味!米飯過淋過濕，分量足夠!凉瓜甘口，醬汁惹味!(4)四寶滑鷄扎:材料配搭唔係最正宗果款，但係都算新鮮同入味!(5)豉汁蒸排骨:排骨骨多肉少，總算新鮮!伴碟芋頭入味，口感過淋!豉汁幾惹味!(6)薑蔥牛柏葉:牛柏葉夠爽口，又幾入味!薑蔥汁味道討好!(7)咖喱蒸土魷:土魷似變壞咗，味道酸酸粟粟!咖喱汁唔辣，竟然甜嘅!(8)香芋鴨腳扎:材料新鮮，鴨腳染紅色嘅!伴碟芋頭入味，口感過淋!醬汁都幾好味!(9)香煎虎皮椒:虎皮椒煎得尚算適中，味道普通!(10)鮮竹牛肉球:牛肉球味道討好!但係溝咗好多麵粉，冇乜口感!:)(11)時菜鯪魚球:鯪魚球味道討好!但係溝咗好多麵粉，冇乜口感!鯪魚冇完全攪碎，有長嘅魚骨!:)環境方面，逸豪已經營業咗好多年，地方都十分殘舊!佢嘅裝修設計唔夠高雅，亦冇乜時代感!佢都唔係幾先進，冇引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，電視機又唔算多!呢個舖都幾大，尚算通透，又唔係身處於比較舊嘅樓宇中，冇柱多、橫樑多及樓底矮等等嘅問題，整體都尚算坐得舒適嘅!:)服務方面，中規中矩啦，大部分服務員做野都有效率，係冇乜禮貌囉!如果各個服務員有多D適當嘅笑容就好啦!:)衛生方面，碗碟污糟邋遢，地方企理，洗手間未夠乾爽!:)抵食方面，星期二下午茶茶位$4，各款點心嘅價錢都大眾化，算抵食架啦!:)整體來講，各款點心價錢化算又多選擇!至於食物、環境、服務、衛生各方面質素只屬中等水平，總算值得嚟幫襯呀!:)…查看更多

近排行開灣仔及銅鑼灣一帶，如果想飲茶都會幫襯稻香皇室堡店或者稻香信和廣場店，因為稻香集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次又再行開灣仔及銅鑼灣一帶，大家又想飲茶，之前先後幫襯過富臨、稻香皇室堡店同埋稻香信和廣場店都唔錯!但係我聽聞新星銅鑼灣店近排重新裝修咗，而我又未幫襯過，所以就決定幫襯新星銅鑼灣店!我地去到唔駛等就有位啦!新星銅鑼灣店係我首次嚟幫襯，總算冇令我失望，各方面質素都唔錯，而且價錢化算呀!:)味道方面，今次2個人叫咗幾款點心、1碗叉燒拼雞米線同埋1碗燒鵝湯米線，味道皆唔錯!食物包括:(1)叉燒拼雞米線:叉燒肥瘦適中，雞幾入味!米線口感唔錯，分量足夠!湯味討好，鹹淡適中!:)(2)燒鵝湯米線:燒鵝入味，皮都幾脆!米線口感唔錯，分量足夠!湯味討好，鹹淡適中!:)(3)金牌流沙包:金黃色嘅流沙餡一湧而出，夠流質，味道香濃討好!包面夠鬆軟!(4)四寶滑雞扎:材料配搭唔係正宗果款，但係夠新鮮同入味!(5)豉汁蒸肉排:肉排夠新鮮，口感唔錯!豉汁都好惹味!(6)柱侯牛孖筋:牛孖筋蒸得夠淋身!醬汁味道討好!(7)蠔皇鮮竹卷:蝦粒同埋蔬菜等餡料都新鮮，水分充足!鮮竹皮幾嫩，醬汁味道討好!環境方面，新星銅鑼灣店近排至重新裝修過，地方都尚算新淨，佢嘅裝修設計較為高雅，但係冇乜時代感!佢都幾先進架，有引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，又設置多部電視機!呢個舖都幾大，尚算通透!可惜身處於比較舊嘅樓宇中，有柱多、橫樑多及樓底矮等等嘅問題!不過整體都坐得舒適!:)服務方面，中規中矩啦，大部分服務員做野都有效率，係埋單耐咗D!如果各個服務員有多D適當嘅笑容就好啦!:)衛生方面，碗碟尚算乾淨，地方企理，洗手間尚算乾爽!:)抵食方面，星期五下午茶茶位$6，各款點心嘅價錢都大眾化，算抵食架啦!:)整體來講，各款點心價錢化算又多選擇!至於食物、環境、服務、衛生各方面質素都唔錯，值得嚟幫襯呀!:)…查看更多