Ansonyck的個人專頁

本人今日（17/9/2025） 下晝三點鐘初次幫襯該小店，點知換來俾錢買難受的體驗。去到該鋪頭，男店員咬緊個蘋果，本人向店員提出要手撕雞飯一盒，不知道是否阻住佢食蘋果的關係，男店員冷淡地只應一句等陣，就行番去廚房方向，等了約一至兩分鐘，男店員施施然慢動作去雪櫃攞盒飯出來，在「筆」手撕雞期間，男店員問洗唔洗加小食，本人就問佢小食要加多少，佢就態度冷淡淡話十至十五蚊，懶得指小食餐牌給本人看。其後本人加了一份魚皮，男店員說了聲五十元正，本人俾了六十蚊給男店員，卻只找續五蚊。本人問男店員咩準則介定小食十至十五元，但才態度輕挑指眾多餐牌的某一處給本人看，整個購買過程體驗十分不好。另外，該小店的食物味道十分一般，雞好「鞋」，味道不入味，魚皮亦不爽脆。本人經歷完這次體驗後，一定不會再幫襯該小店。…查看更多

本人今日下晝約13:30 到過橋麵檔用餐，點了霸王雞菜飯、凍檸茶和粟米湯。正餐霸王雞菜飯等了約兩分鐘就上枱，可是本人等了十幾分鐘，亦等不到凍檸茶和粟米湯。由於本人趕時間的關係，在十幾分鐘内都吹了兩次店員幫忙跟單。 店員只係敷衍地答好快，準備來了等回覆。最令本人不滿意的是，搭枱的食客遲本人十五分鐘叫餐，同本人叫了一模一樣的東西，竟然五分鐘內上齊送，厚此薄彼的服務態度實在令人失望。除此之外，食物質素每況愈下，霸王雞多骨少肉，全是翼位，所以大家去前要三思，經歷完今次之後，本人都不會再幫襯這店。…查看更多

本人都幾喜歡食日本菜，所以就試一試依間新開張既居酒屋，一入到去，餐廳既裝潢都幾有日本風格，個布局都幾舒服同坐得好舒服，幾適合同三五知己係到吹水食野。同女朋友點左個「花之二人前」套餐，總共有六款菜式，每款菜式既賣相都好靚，好適合打卡，睇得出廚師係擺設食物方面都下左心機😌😌😌第一道菜式係黑松露魚生沙律，本人第一次食黑松露配搭魚生，依個組合都幾新鮮，味道都幾夾😋😋 除左依個沙律外，客人仲可以揀蕃茄沙律同豆腐沙律第二道菜式係燒物，有燒大蔥，雞翼同五花腩。雞翼味道掩得不錯，加些檸檬汁可以提昇味道層次；五花腩一d都唔肥膩，又唔硬，好重豬味。第三款菜式係刺身，有三文魚、甜蝦、油甘魚、帶子同赤身，都幾新鮮同鮮甜！此外，賣相不錯！第四款菜式係鍋物，待應好細心咁將每一件菜料擺入鍋中，鍋入面係壽喜燒醬油！神戶牛入口即融！此外，仲有胡麻醬同蛋汁俾你點牛肉食，真心正！除左神戶牛作為賣點之外，本人覺得個稻庭烏冬都好正，好q 好彈牙😋😋食完鍋物之後，本人同女友都好飽😂😂 但仲有第五款菜式，就係豚肉麵豉湯，味道清新，唔會過咸或濃！最後，就係甜品！甜品係紅豆燒年糕！年糕表面焦脆，入口軟棉得來又有啲彈力牙。另外，個水信玄餅都幾清新，有淡淡嘅柚子香，為呢一餐做咗個唔錯嘅收尾。總結而言，本人覺得性價比都幾高！人均消費大約300 蚊！餐廳冇時間限制，本人與女朋友食左差唔多兩個小時，期間待應都十分細心，不斷為本人添茶同清理檯面！營造一個好好嘅環境比客人去傾偈談心。服務一流值得稱讚。…查看更多