小小小丸子的個人專頁

是夜一行四人替朋友慶生，七時到達就睇menu, dinner set包前菜，主菜同甜品，由 $2**-398 depends on main course。前菜:三文魚他他，湯或溫泉旦, 我地都有試曬。三文魚OK, 湯好稀無咩味， 湯旁邊有塊好薄好薄嘅baguette 唔知點。主菜大約八樣，我地每人揀款share， 安格斯牛排16oz 無咩牛味，但唔會over cooked， slow cook salmon 就唔錯， 蜆肉墨魚意粉唔夠香，如果加啲cheese 個texture thick 啲會濃郁好多。 甜品:有雪糕麵包布甸同奶凍。雪糕係雀巢，唉，麵包布甸唔熱。奶凍無味。有朋友想早走叫佢一個甜品快啲上，點知佢竟然答，一定要一齊上。上面都多人食，可能俾打手吸引，但上完去無下次囉，咁嘅價錢但唔夠八點半係咁收啲碟放埋張單叫你俾錢，想點?食到一肚氣又唔好食，不如俾多少少走酒店慢慢歎好過。咁細地方open kitchen 扮Jamie's kitchen 但抽風又唔好食到成身油煙味。。。唔介意俾一次錢你賺嘅，但唔會有next time,亦唔會叫朋友試。又話卡機壞迫人俾cash ，四個人食千幾，唔貴但出面食唔會食得咁辛苦，真對生日朋友唔好意思。呢間野算把啦…查看更多

Book 左晚飯時間，沒有full house. 好耐之前黎過無set dinner, 依家有感覺上平左，set 嘅選擇有好多，由appetizer 到set drink.Appetizer 分別要左生帶子刺身同黑醋蝦蛋沙律。帶子新鮮爽口，蝦沙律加黑醋，酸酸的沒有難吃的理由。Main course 同樣要了lobster.半隻龍蝦加薯蓉蔬菜伴碟，只看賣相已賞心悅目 當然以五百元一set沒有要求太多。反正蝦鉗的肉頗嫩，不錯就是了。餐飲有多種茶類，要了earl grey and fruit tea. 餐加數十元就有蛋糕食物不錯，只是餐廳氣氛不太cozy，侍應反應較遲緩。…查看更多

下午茶時間，約了友人三點半，等了約二十分鐘有位了。其實門口附近有書架，放著各式各樣嘅旅行書籍，以地點分類，不難消磨時間。整間店子以旅遊為主題，食物有多種類，下午茶有三文治，迷你飯等輕食，亦有all day breakfast. 不太餓要了apple Caesar salad & fruit yogurt, 餐飲加錢要了蘋果綠茶，再要cappuccino. 意外地食物性質不錯，因為總認為有主題嘅店子常顧不了食物質素。沙律內有粒粒芝士，燒雞肉等，跟餐嘅鮮果乳酪很近鮮，連蘋果綠茶嘅蘋果都超爽脆！著是感動。小店加油，繼續用心做。香港少數良心小店，又沒有開出百元早餐嘅價錢，推推！唯waiters 較忙，但態度友善良好…查看更多

好耐之前去過印象唔錯，行過便一試了，因為時間還早唔需要等。同之前一樣所有main vourses 可以加錢轉餐，而佢另外有當晚set dinner。當天set dinner 有喜愛嘅三文魚扒，就點了一個，另加一個安格斯牛setAppetiZer 可從湯or 沙律or 頭盤揀一： 有french onion 湯，素菜沙律同蕃茄海鮮盒，我地都叫了海鮮盒蕃茄海鮮盒：有心機嘅頭盤，原以為係pastry 入面有好杰嘅忌廉，但黎到係原隻蕃茄入面有小蝦同鮮魷好清新三文魚扒好少配salsa 醬，多了西班牙風味😃意想不到嘅係扒煎到外脆内還係半熟，無諗過荃灣食到soho chef 嘅煮法，通常都亂煎到全熟嘛Angus steak： 無西冷咁重牛味，但好淋意想不到別轉眼間就多左咁多分店，一向覺得小店擴充食物質素一定下降，但從頭盤到主菜都見到小店心思同食物質素。只係員工長站在旁望實吃得有點不安可能太窄了。…查看更多

之前一日想訂位，原來兩人無得訂。幸好六點半未太多人，不用等位。一坐低就叫燒鯽魚，平時食開燒鯽魚要等成半個鐘嘛。另外，多叫了咸魚炒芥蘭、生蝦刺身、泰式炒粉絲。生蝦($68)當然先到，蝦頭沒有炸過，上面沒有平時食開一片片的蒜片，只有蒜蓉、魚露同辣碎。但生蝦倒是新鮮同乾淨，沒有烏漕o既冰塊墊底燒鯽魚竟然15分鐘到，心感不妙。打開一試，果然無味，入面做得形似，有香茅、蒜等插在魚身，但魚肉無香料味之餘仲一好碎。可取之處真係平，$65 大大條。咸魚炒芥蘭($40): 無咸魚味，個菜係濕底，本身唔太鐘意有汁o既野，所以好失望。平時食開都唔會成碟水汪汪:(泰式炒粉絲 ($4x): 係一個好普通o既炒粉絲，比較似中式。因為唔酸唔辣之外，無應有o既花生碎等配料，騙不了我這泰菜愛好人!!總括來說，呢度係條魚平，其他價位跟外面正宗泰菜差無幾。可讚o既係，小店kitchen 乾淨(去washroom 時assess過)，店員友善。如果經開當食中菜/普通一餐飯未為不可。小店乃泰人基督徒開設，少有的吧。…查看更多

o係東京同大阪都有食過一蘭，每次食完都念念不忘。其實幾間出名o既拉麵店都各有自己特點同賣處，只在乎邊間較合你口味。所以朋友問我係咪全港"最"好食，我我只能講"最"合我口味。等係預計之內, 早上到了等大約一小時就入座，裝潢大致同日本差唔多。order 紙要了 最硬的 (因為我食得慢，湯會慢慢浸淋),味要最濃，無油膩，多蔥，加了8倍辣 味道真的跟日本沒多差@@@!!!辣粉係靈魂，湯底厚而不膩，超讚機票、搭飛機時間也慳了!!!!ICIHBAN!…查看更多

睇戲前醫肚，只有wildfire 同caffe habitu 唔洗等位，二人由waitress 帶位，呢度無 '非table 系" o既salmon bagel ,有其他pasta, egg benedict, pizza 等。。之前睇egg benedict 無好似flying pan o既流心效果，所以order all day breakfast + beef burger 各一，另叫ice mocha + black coffee 。all day breakfast: 最期待佢o既rose strawberry 醬同麥多士，真係好好味。雖然，食材無特別，但只要吃到令自己開心同幸福的，甚麼都唔應該計較罷 蛋頗滑。煙三文魚就吝嗇了點，少少、乾巴巴的我見尤憐...beef burger:用上 focaccia 代替burger bread，漢堡扒熟度ok, 一間普通cafe，不能對牛有太高要求吧..mocha: 糖。水black coffee: 無咖啡豆味，一間普通coffee shop 連呢d 基本條件都無，有點過分吧..waiters & waitresses 好忙好忙，好似螞蟻般，但attitude 是幾好的埋單$3xx ，coffee shop 連coffee 都做不好，令的食果個變了elements 價錢，但是西方常餐。。早知預多d 時間去旺角食華x /民華仲好了…查看更多

book 左位慶祝朋友birthday, 位置不太難找，而附近亦有停車場十分方便。七點準時去到，危門外o既walk-in 客被turn down 了，店員告知walk-in 的話要8:30pm 先有位...先講menu, 喜歡佢每個main course 只加$30 就轉set (包湯; salad & drink)，咁唔需要受dinner set 限制。三人叫了3個main course -> set, soup of today : 雜菜/ 南瓜忌廉，我o既雜菜湯非一般菜+水煲成，而係滿滿的蕃茄+菜+ 牛腩，濃而不膩。試了朋友o既南瓜忌廉，反而沒有太多預期中o既南瓜。沙律: 雞肉caesar salad, 味道正常，菜合格。main course: i) 鵝肝risotto 先到: 看來分量少少的，但因為係risotto，所以greasy 程度足以飽肚。risotto o既硬度剛好，飯汁無過多而浸淋飯粒，芝士濃度亦夠。而飯上o既鵝肝肉汁香濃，厚薄亦足，圓圓一塊夠了ii) Angus steak: 5成, 沒有over cook, 但牛味不夠iii) 大蝦linguine: 等左好耐，linguine 雖然太淋，但吸了很多大蝦o既味好鮮，有蕃茄o既東西一定令胃口大開 :) 喜歡linguine 沒有下cream 煮，唔油膩。dessert: (另外叫)i) 心太軟: 一刀切，古古力溶岩般湧出，外皮有點roasted 味 (??同焗肉同一個oven?) 好味便行了~~hahaii) 流心芒果芝士蛋糕: 質地似mouse cake, 芒果味太搶，蓋過了芝士 環境、服務不錯，屯門價錢食中區quality!! 小小的店子沒有因為地區而令生意差，外面人龍一條，連book了枱想加位o既都難。店內氣氛似去了泰國resort, 好relaxing!!! 讚的店~~ 下次要試fillet…查看更多

知道食飯時間book 左1點正，點健知黎到都係要等。。。可讚的係，waitresses 雖然真係超級忙，但仍不斷加茶、態度都十分好(just for record : waitresses 不是日本籍而是香港的)上次試過刺身定食，今次試下佢o既熱葷。其實對於選擇困難症o既人黎講，呢度o既lunch set 會令佢抓狂，因為total 有兩邊共四頁見到隔離o既照燒雞扒定食咁靚仔，一於叫個一樣的。等了大半小時才到，友人o既刺身定食早已來很久。照燒汁過甜了，雞扒邊燒得脆脆的。最失望的事來了!!! 白飯竟然不是日本米!!!!!! 未知是否因為午市才沒提供日本米呢???好失望!!!蒸碗蛋好滑好好食~~小插曲，旁邊一對OL 情侶等了親子丼大約45 分鐘，雖然不是waitresses 的錯，但趕返工的難免發火，不斷催侍應嬸嬸，可是waitresses 們仍保持面上的笑容，令情侶們的火下了一半。咁o既服務態度，無咩o係香港見過...…查看更多

每次經過必有長長的人龍，等了約15-20 分鐘就有得入座。一個人食lunch 都幾容易叫了名物 "蕃茄蟹肉湯檬"同燒大蝦柚子沙律。雖然每次寫食評都會叫前人讚好的，但每個人的o既覺不同，所以每個食評也有自己o既生命。蕃茄蟹肉湯檬 先到，其實幾乎每枱都有一碗，濃濃的蕃茄同蟹肉蓋滿湯面。先呷一口湯，入面還有豬肉碎、濃而不咸。檬入面有芽菜、芫茜、札肉、魚片、蝦/蟹肉丸?、手撕蟹肉等，很豐富，令人賞心悅目!!大蝦柚子沙律: 老實說，沒有難吃的理由，$72 o既價值在於燒大蝦最後，連湯全飲淨，幾小時都無口渴o既感覺，味精應該唔太濃。Waitress係好忙，但不停加水，亦好有禮貌。地方有點淺窄，唔o岩浪漫節日。價錢合理。總括黎講，下次要訂位…查看更多

二人一早去到晚飯唔想等位，入坐後因為天氣熱唔想食熱o野，揀左每人一個刺身飯SET + 蕃茄。蕃茄先到，沒有難吃的理由。只是蕃茄切片+洋蔥碎如期望中的。。。特盛海鮮丼: 見到咁彩色胃口大開，日本丼的米好重要。呢度飯粒大小適中但太淋身了，overcooked。其他刺身還可以的。三文魚蝦丼: 蝦完全是霉霉淋淋的，三文魚反而夠肥美。當然不期望好像某吞拿魚飯專門店般有幾個日本電飯煲control 米粒火候，但也不是如一般白米。題外話，食完飯七點多八點都未見人龍，看來新店熱潮過後，連鎖店也要維持quality 去留客人。我相信默默地做好吃的，便有賞花人。…查看更多

本來想食o既小店大排長龍，一轉彎被佢o既外國風情吸引住。落地玻璃+數個外國人o係入面飲啤酒，等我地入去參與下扮家家酒扮下relaxing~~ lunch $70 include salad/soup + pasta/pizzapizza 同pasta 各有3 種，望下隔離o既pizza 係italian traditional thin pie，小號的。好像唔夠我飽，所以不作考慮，pasta of the day 有3種，linguine bolognese, tagliatelle with mussels with chowder sauce, tortelli with tomato sauce (類似啦~)soup 同salad 之間選了chicken & pineapple salad, main dish 要了linguine bologneseSalad 沒有難吃的理由，菜新鮮ok~~linguine 肉醬很夠，但linguine 可以再al dente 多點,有點overcooked要了即磨咖啡，咖啡豆很濃~笑面係俾菲籍waitress! 小店越來越多人，佢一個好忙，但仍保持笑面一路sorry sorry~~ 反而水bar 果個唔係好理個場，可能有分department 啦=.=今時今日應有態度~~ like!…查看更多

原意到對面的西餐廳但還在CNY 休假中…走著走著，從同一條街中揀左呢間，雖然不是專門只做泰國菜怕不正宗，但又可以滿足貪心o既人。入座有7 成滿，座位唔太迫有足夠privacy 唔洗人貼人打開menu, 有齊東南亞菜，e.g. 有印尼巴東牛肉，新加坡肉骨茶，印度tandoori chicken，喇沙，越南檬等等心繫泰菜，從中揀左1) 咸魚炒芥蘭，2) 鹽燒鱸魚，3) 泰式酸辣海鮮湯，4) 越南蟹肉粉絲咸魚炒芥蘭: 味道正常，幸好不像一些餐廳的碟底過油泰式酸辣海鮮湯: 加辣後夠酸亦夠味，不會死咸，飲完無咩口渴。湯是足料的，$68 不能要求太高吧~~越南蟹肉粉絲: 這個夠不夠越南嘛…就不得而知了。但蟹肉很夠，不是假蟹柳 同樣，愛佢夠乾身唔油~~ 鹽燒鱸魚: 這個很正宗，味道跟o係泰國食o既差唔多，香矛味很夠而無搶走魚味，魚肉鮮甜，分量好夠。整體而言，餐廳服務唔錯，係地點偏一點，好難會特別過黎食。但食品種類夠多，而不會因為多而水準唔夠。餐廳幾衛生，唯一不足係餐廳外設有一張俾吸煙人士用o既枱。每次自動門一開，d 煙味全攻入黎:( 令入面o既人無路可走。…查看更多

book 好位食brunch，到了都等了大約8-10 分鐘先有得入。一坐二話不說二人就了平日lunch set無的egg in the hole :) brunch menu 入面的salmon+ cream cheese bago 之前食過覺得bago 過硬。brunch menu set 包兩杯飲品，餐前一杯橙汁/蘋果汁 ，餐後一杯其他飲品。對餐前飲品沒大興趣，都是果x 先生出品而已。主打來了，一如之前，來到的時候的確令人很開心，麵包中間被可愛的掘出洞來放在頂上，入面是流心蛋。喜歡佢少了egg benedict o既油膩 (因為無左hollandaise sauce)。可是其中一隻over-cook 了，蛋是全熟的。腸仔同火腿扒用了honey pan-fried，甜甜的很易入口。無錯，用料是簡單，但weekend 來享受一個brunch的確令人減壓。waitress 們忙碌的走來走去，要求的茄汁、mustard 等都會記得，也沒有態度不好的情況。很快樂。…查看更多

一早訂好如時一點午餐, lunch hour o既尖沙咀當然人山人海，一行三人坐底就打開lunch menu, lunch menu o既選擇極多，由壽司set、刺身飯，熟食定食set (如生薑炒牛肉飯、泡菜豬肉飯定食等)，小碗飯+烏冬set等。友人A&B 分別要了泡菜豬肉飯定食同刺身飯，我要了MENU 第一個最大條船o既刺身定食set。前菜有:茶碗蒸，青瓜+蕃茄，麵豉湯，酸蘿蔔。茶碗蒸超級滑，其他就是一般。主菜船來了，好精緻!!! 海膽同吞拿魚入口即溶，其他都好新鮮，飯係偏酸o既。waitresses 服務主動積極，相比之下，常光顧o既元氣x 杯對香港客太差劣了。只會話一定再來:):)…查看更多