夢特嬌的個人專頁

一句講晒唔抵食！係銅鑼灣本來四五十蚊食個飯係唔算貴，但呢度份量細，食完都唔飽⋯我地2個人叫左古法魯肉飯（大），麻醬麵，凍珍珠奶茶。首先menu上無寫珍珠奶茶幾$🤔 而且冰都成4/3杯😨珍珠又少，又啖口，勁唔抵飲‼️無下次！成碗冰！…查看更多

見網上講呢間嘢大件夾抵食，weekdays下午茶去諗住人少少實食到，點知😒一樣要排，排成粒鐘不但只又話無海膽又無鵝肝🙄終於排到我地落單位兄台態度都幾差一下極唔耐煩咁款，覆單又覆錯😑 最後係無海膽嘅情況下又有足半板嘅海膽手卷賣，完全搞唔明白⋯⋯是但啦排咁耐有就梗係買件試吓，又話餡多，老實講唔太覺。家姐叫咗油甘魚手卷得個一片油甘魚，食元氣可能仲抵食啲同好味啲， 皆因個手卷完全無魚味，三文魚無三文魚味，油甘魚又無味，海膽亦唔好味:(總之手卷都難食⋯⋯極伏唯一讚嘅係佢知我係take away佢紫菜係分開返到屋企唔會林晒～ 我地仲叫咗15隻$12皇家蠔，超細隻味道一般般啦，原來$12/@蠔要佢開的話要另收20%/@開蠔費，完全唔知，俾完錢自己計先發現總金額唔對一問之下先知⋯⋯😑😑😑 總之唔會再去～ …查看更多

盲中中漫無目的走咗入去，一入去嗰店員就問玩唔玩小丸子？原來玩小丸子的話就坐下面，唔玩的話就坐高凳高檯，老公見到幾得意玩呢就話玩啦！佢比嘅份量係剛剛好足夠整到18粒一底小丸子，一開始個店員會教你整，佢會幫你落油，啲油嘅份量係鐵盤嘅五分之一多到呢～ 嚇到我唔敢整黎食，老公話整住一粒先其他嗰啲等啲油揮發下先再整，但原來呢個方法系唔可行架！因為啲油過熱嘅時候會係咁彈上嚟～ 最後局住係好多油嘅情況下一次過整18粒。自己整味道都ok 其實都幾得意～另外再叫左個冷麵～ 不過有啲失望因為佢係用日本素麵而唔係式冷麵嘅麵質～ 而且唔知係唔係附近有個爐嘅關係，所以個冷面不太冷～ 不過整體經驗麵幾得意而且價錢都好經濟呀…查看更多

因為奧海城嘅金滿庭長期都好多人，所以我哋去咗靠得住食晏。阿爸食咗豬手撈麵因為我冇食所以唔知好唔好食，另外，我同老公叫咗混醬腸粉，砵酒蠔，蠔仔肉碎泡飯share。混醬腸粉勁多醬，腸粉質地有啲厚，不過加埋醬食都ok~ 不過食完會好口渴～蠔仔肉碎泡飯ok 啦，不過湯匙好難食用⋯砵酒蠔堅失望！千其唔好食，隻蠔其實好細隻，啲粉仲大個隻蠔，而且俾佢砵一砵啲蠔一餅嘢林bibi ，個汁又唔得，一啲都唔好食囉⋯⋯ 如果附近一帶好多人無位食飯嘅話，靠得住都係一個可以嘅選擇。…查看更多

因為帶住妹豬（poodle）所以行去Fashion Walk 個頭食晚餐，呢頭好多新餐廳，於是家姐揀咗間西班牙餐廳試食。帶住妹豬要坐外面，睇到隔離間餐廳坐外面有風扇兼涼風吹出嚟俾坐外面嘅客，坐坐下都覺得好鬼死熱，而且着短褲同拖鞋勁多蚊咬，過如果涼啲的話坐出邊其實都幾唔錯。我哋叫咗一個西班牙炒飯，一客沙律，四個小食，仲有一Jar White Sangria，老老實實咁多樣嘢食裏面冇乜變樣嗰陣都幾好食，而且啲portion細到你唔信⋯⋯⋯Pork skewer HKD$40上碟嗰陣家姐都忍唔住問「乜就係咁？」得壹條都唔知你食好定我食好⋯⋯ 咩都普普通通啦～Deep fried calamari HKD$55其實呢個好難唔好食，不過佢個醬竟然係一個無味嘅沙律醬⋯Mediterranean chopped salad HKD$70完全冇味，個沙律醬亦冇味，屋企自己整仲好食過佢⋯⋯ 成碟沙律比較好食嘅係佢個伴這半熟蛋聽講話係煮左50分鐘，亦都係最有heart嘅～Los Ibericos HKD$240一上枱我哋三個呆__左，未見過咁薄嘅個西班牙炒飯，真係搏到你唔信。我老公話冇乜餸冇乜餸嘅西班牙炒飯⋯飯上面得幾嚿豬肉，豬肉味道都唔錯嘅（相對地），另外仲有幾片香腸，但係超鹹，個飯都好特別，特別在冇味道⋯⋯Spring roll HKD$55因為啲Portion太細，我哋諗住叫多兩個小食，我地今次醒叫之前都有問佢究竟有幾多條春卷，佢話有三條再切一半即係總共六嚿，最後都我哋再決定要叫嗰陣佢更正話得兩條切一半即係四嚿。咁多味最好食係一個，上檯時熱辣辣裏面有溶溶地嘅芝士有蟹肉味道唔錯～Nachos HKD$75啲Nachos好散好碎，如果冇嗰啲肉粒本身一啲都唔好食，個醬只係無味嘅沙律醬⋯⋯連妹豬都檸埋一面無眼睇⋯White Sangria HKD$180味道ok啦，不過個份量好似少咗啲囉⋯如果呢啲嘢好好味咁嘅價錢我覺得值，但係唔係囉， 我唔會再嚟食亦都建議大家唔好去食:(…查看更多

次前食過佢嘅咖哩飯，上檯時好熱辣辣好正，味道ok 佢嘅炒蛋同炸豬扒好juicy 幾出色～不過咖哩味普通所以一直無再嚟食～見網民大讚佢嘅白虎剛好想食烏冬於是同老公重來食晏，好彩仲有白虎供應（每日限定）。白虎 HKD$119：讚歧烏冬伴碎切牛肉，內有溫泉蛋咖哩汁，頭有白滑馬令薯泡沫，要攪渾先食，一攪會運溫泉蛋都攪散～ 不過啲白泡好白薯仔味幾特別如果啲牛肉無咁碎會開心啲⋯…查看更多

星期六下午同老公嚟，上樓鋪環境裝修都好有心思，再插埋音樂，氣氛唔錯～想試炸海鮮Pizza 不過2個人食唔晒，最後叫咗明太子忌廉天使麵$92味道唔錯～ 值得食賭城小食拼盤（half）$92有2隻雞翼：睇落好正，夠脆不過不太入味，而且其中一隻雞翼勁多毛～洋蔥圈：4-5個ok la薯角：大路嘢洋腸2條：肉質略為太實，建議改用其他洋腸芝士菇1個：ok 幾有菇味Half size小食拼盤嚟講種類算多，味道正路一般飲品：Secret Garden 即水果茶，有新鮮水果而且大大杯夠2人飲另外每張檯仲有糖果杯任食建議大伙人去可試更多嘢，氣氛都適合大伙人用餐…查看更多

想試好耐難得星期五放假所以同家姐去食，怕人多所以家姐12點幾就去攞位，不過人唔多一去就有位～我地叫左帶子青蘋果焦糖合桃蜜糖芥末醬沙津，個名好長味道正常ok ar 粟米餅帶少少印度風味因為本人不好印度味不過份量好少所以都ok~炸魷魚圈其實還可以，因為佢亦帶有少許印度味比粟米餅多所以我少食～主菜墨汁意粉，我家姐話好咸，咸到食唔到第二啖所以叫人換，服務員態度好好亦馬上換一碟俾我地，而且仲追問味道o ng ok ~ 我無食過第一碟所以不能評價，但第二碟味道可以～飲品chocolate banana toffee milkshake 好味不過 Avocado yogurt smoothie 就無avocado 味:(甜品綠茶心太軟同檸檬忌廉班㦸味道唔錯～整體ok，適合一班人去食～…查看更多

Weekend 特登嚟食，叫咗2個brunch set一個mushroom pasta另一個係crepe, 個crepe 好好味，算係我食過當中較好味嘅😋😋😋 不過pasta 就差啲啲，差啲好味～ 建議嚟一定要食crepe～另外跟set 加$30 就可以有個極邪惡嘅Nutella Waffle，我跟！ Waffle 上有好多Nutella， waffle 心比較林同不實所以唔會太飽同流～總括而言，會再去！😋…查看更多

登龍街就嚟要改名叫拉麵街，成條街愈來愈多拉麵店，但好食嘅真係無幾間⋯⋯無返咁上下其實好難係登龍街生存。早幾日見佢仲裝修緊，今日已經開張～ 我本來就無乜興趣不過老公愛拉麵所以就去試試反正唔太多人。入到去經理態度好友善，好快我地就落單，但最快到嘅竟然係煎餃子，老公個拉麵等咗都算耐一吓，辛口餃子ok ，不過個拉麵就⋯⋯ 自家製麵麵質都算ok，不過個麵好似無fing水咁，啲麵痴成一餅嘢，而且「間」水味重，啲湯好濃但就係無乜味，加上湯落肥膏好肥林林再加埋啲「間」水，連食乜都覺得好味嘅老公都話豚王呀，魂呀都好食過佢！不過拉麵店menu 上有幾款串燒都算多小食選擇，可惜太飽無食而且應該唔會再食:(…查看更多

最初識Yawn 因為佢個鐵板brownie，不過見網評麻麻所以打燒咗去試嘅念頭～ 今晚去附近睇戲，search到佢係附近，家姐話去呢間咁就去試試啦～我地好趕好彩佢啲嘢食上得快，不過老實講menu款式好少⋯ 我地3個人叫咗2樣嘢share⋯1）Mixed Mushroom Risotto 我家姐唔食truffle所以叫佢on side, 賣相好正，口感都好好不過梗係無乜味⋯ 而且mushroom 好少⋯⋯ 總之就係差啲好味。最worst 係食食吓有0舊膠，同佢講佢都算係咁話幫我地換過碟不過都係個句時間關係所以我地話唔洗，而佢竟然話但可能仲有膠⋯⋯⋯⋯ 😓2）Hot Fried Potato Skillet wif Beef Con Carne唔知係唔係Beef Con Corne 嘅味定點⋯ 好有印度feel⋯ 我本人一流唔鍾意食印度味所以就更加一般，佢2飯旦好正，但食落去真係麻麻⋯⋯😕由於時間關係所以無叫甜品，不過我諗唔會再去試lu～…查看更多

老爺話好正，成日想一家人去食，今晚難得人齊加老爺好興致，5點幾先訂位兼訂「有米豬」都無難度。7大2細 所以另外再叫咗5餸，個個餸都過百之餘份量又唔多，老實講真唔抵食⋯⋯ 而且味道麻麻～砵酒蠔又細隻味道差，就連蕃茄炒蛋啲「芡汁」仲多過蛋，味道unlike～ 講返隻「有米豬」 真係唔知邊忽好味，隻豬又細又肥仲有淚印，好慘⋯⋯ 啲飯又硬，老爺食食吓仲發現啲飯裡面有斤「釘」，好險⋯⋯ 埋單個陣同佢waiter 講返米米豬有「釘」 單嘢，老爺再三噪佢之下佢就話送糖水，送紅棗冰糖雪耳糖水，我剩係食到冰糖味，一句講晒季季紅唔好食～ ！:(…查看更多

本來聽個名好似有d料，以為值得一試，點知.....lunch 去食，無乜人唔洗等。11點59分，3個人諗住叫個 Hokkaido Set，點知個女waitress話未到12點唔叫得，焗食Breakfast Set，其實只係差2片火腿 真係O咀....本人一向鍾意食腸仔通，所以要求將火腿通轉腸仔通，正當我講緊個陣..... 個女waitress好差態度咁問：”等陣~先!!!你要乜o野蛋!!! 有煎蛋，反蛋，炒蛋...”我講緊通粉你咁無禮貌咁stop 我問我要乜蛋，真係火火地!!!之後飲品上o左通粉都食完，等o左成半個鍾，份太陽蛋同多士都仲未到，一問之下個女waitress話，依家買緊蛋，真係O晒咀!!!再等多15分鐘買蛋o既人兄終於返，不過依然無蛋你食。正當另一個女waitress 上碟o既時候，落單個女waitress "喝"住佢話呢碟唔可以俾我地，因為多o左2片火腿 (其實拎起個2片火腿o米得lor~! ) 之後又等o左10分鐘，最後落單個女waitress話：”我地依家無太陽蛋，得反蛋同炒蛋，你要邊樣??”食到呢度真係唔想食，最後上o左個凍o既反蛋同凍多士:( 不過真係諗極都諗唔明點解可以有反蛋同炒蛋，但係唔可以有太陽蛋???)請我都唔會再去lor~食到咁受氣…查看更多

大學professor請食din，主動提議去老富昌。dinner 都okay唔太貴，有3個course or 4個course o既set，百幾2百左右，價錢ok啦。不過份量就真係少o左d，而且味道一般。dessert 如果叫心太軟要另加$25心太軟真係超正，個心的確好軟，我夠膽講真係好食！！！不過雪糕就mama。必食推介：心太軟!!!!…查看更多

2人晚膳，又貴又唔好食，最重要O既係服務態度差，餐牌上有O既O野又話晚市無得食，咁就唔好俾我睇啦!!!完全唔掂當!!!咁O既價錢可以食間好10倍O既日本料理lor ╮（︶︿︶）╭…查看更多