CelinaSequeira的個人專頁

今晚去預祝飛雲嫲嫲生日喔🎂！筷子基果間我地就成日都去，呢間都只係第二次～ 上次黎都無叫魚生盤，今日終於有機會試啦✌🏻️！叫了佢最貴那盤（其實咁大盤都只係$1880😂😂）成盤每樣都好新鮮🐟！沙甸魚刺身超好味👍🏻！土池魚燒左個面少少好味到暈🙈！不過生蠔同海膽份量太少，我留左比馬家2位大少食所以就唔知到點啦～ 不過睇個樣都應該唔錯😎 芝士海老卷又是正！芝士溶溶地味道非常濃！而辣吞拿魚腩卷飛雲爸話正，我就覺得有D辣啦😅！不過喜歡辣的話應該會鍾意❤️！北海道玉米婆婆話超甜（話說婆婆去完旅行皮膚敏感，嚴🈲️海產類🚫，所以食左成碟玉米😂🌽🌽）！其實好多都無影相，食左先記得！有個燒牛舌都好好味架，但忘了拍！而我同爸爸share了個海膽吞拿魚腩飯都好味！我一見到個飯已經急不及待要倒入個胃裡面使用完全忘了拍😂😂😂 最後附送的巨峰提子飛雲自己一個食晒！而我有幸分享到一粒因為丟左落檯面邋遢左！哈哈哈！巨峰好難唔好食，所以呢位少爺食晒當然發神經唔夠喉😂 身為千笹多年來的粉絲，當然有VIP卡88折！哈哈哈哈！總括來說，折後價錢一D都唔貴，叫左咁多野而且質素唔差先三千幾埋單！真係抵佢長期都咁爆👍🏻👍🏻👍🏻…查看更多

今日星期日天氣都OK，飛雲爸就話帶我地試新野（其實佢早2日先去完😂）。🇰🇷韓國Fusion，全落底玻璃好舒服！裡面地方好寬堂，樓高三層，D檯隔好遠先一張所以勁多媽媽爸爸推住部BB車入去食野（包括我地👻）。我今日樓下每張檯泊住一部BB車，放完幾部車飛雲仲有大把地方走來走去！環境對有小朋友既客人來講真係一流👍🏻👍🏻！爸爸話三樓地方好大，包黎開party都得！今日飛雲媽例牌都係叫凍朱古力奶！呢杯都OK但始終喜愛Kaffa那杯多D🙈！食物共試了兩樣，分別係芝士泡菜蛋飯及咖喱油意粉。由於我自從大肚後就愛上了Kimchi，所以我覺得個泡菜飯好好味😍！對我來講有少少辣但可以接受！我自己覺得芝士同飯都唔夠多，似係雞蛋撈泡菜但個味唔錯架👍🏻！而個咖哩油意粉飛雲爸就唔太欣賞，不過我又覺得OK喎😅 味道極似好出名果隻日本咖哩杯麵！平日係超市見到太貴唔捨得買加大裝果隻😁！哈哈😂！！由於我好鍾意食果個杯麵，所以我覺得個味太似曾相識啦！我鍾意❤️👍🏻呢間一定有下次！因為環境太舒服，帶住飛雲最怕去D又迫又窄既地方！而且我又有興趣試埋佢其他食物，所以有時間的話一定會再去👯…查看更多

叫了餐牌上的HOT DOG熱狗。來了個豬仔包夾住1.5條香腸(超市一包十幾條那種😑😑）價錢$35😑😑😑 然後叫杯ICE Chocolate (凍朱古力奶），來到是暖暖的😖 所以叫店員加冰（給了我三小粒），後加的冰都好快消失了，最後還是一杯暖朱古力奶😭…查看更多

放假當然懶懶閒，飛雲媽尋晚工作到早上八點先由得訓，今日爬得起身黎都2點，出得門口黎都4點半🙈🙈 好肚餓呀💥！！經過高士德既喜喜就即刻入去醫肚先👻！飛雲媽都有留意網上對呢間餐廳既評語！好似係由於那個紙袋定唔知Logo設計比賽引來超多負評！我自己都覺得好過份😠！不過其實呢件事發生前我已經去過一次，還記得當時試業中無咩選擇，點了個檸檬汁意粉勁有驚喜😱！我記得真係好好味架👍🏻👍🏻！所以今次入去其實係想介紹飛雲爸食呢個意粉😅～今日下午餐廳好多人！餐牌清楚說明要額外加收15%附加費（五一勞動節嘛😊）。一打開Menu發現原來換了餐牌，無左檸檬汁意粉😭😭 所以最後叫了Carbonara. 唔知關唔關我太肚餓事，依然非常好味😋！！另一驚喜就喜竟然有飛雲媽既最愛之一Nacho x Salsa! 我的天啊🌟！見到餐牌上有就立即點啦！！ 黎到賣相相當吸引😍～ 不過一睇就知道佢既玉米片唔係墨西哥餐廳正宗即做薄薄脆脆的，佢呢隻似我以前係美國超市買$1.99一大包果隻！Salsa味道還可以，但份量真的太少了😖！我同飛雲爸講，我今晚就上網係美國訂一大堆返黎食！美國極級便宜！不過太熱氣被阻止了😭💔整體來說店員禮貌好好！碟都收了幾轉～ 而且食物上得好快！呢2樣野加多杯熱咖啡再加15%賣單大約$240。撇除老闆網上回應評論態度極惡劣及想免費有人幫忙設計店內產品非常不尊重設計師，其實我覺得只看食物及員工表現真係非常OK架😅😅…查看更多

☁️飛雲媽近期發現新濠天地二樓的💥SOHO區既餐廳真係好抵食！之前試了幾間都唔錯👍🏻！夜媽媽落大雨帶住飛雲最好就係去D泊車後可以由停車場直接到達既地方食飯。Soho而家真係我同飛雲爸既首選🌟（而且又近屋企嘛👻）！今日去到行來行去飛雲爸心大心細，最後選了一間意大利餐廳-- Shelter。由於帶住飛雲怕佢嘈到其他人，餐廳裡面無咩人，我們就坐裡面（其實坐外面氣氛比較好所以好多人，又有Live music 🎤 ）雖然星期六，但依然有set dinner😁😁!! 每個set都包埋一個湯及一杯飲料！我自己就覺得好抵食！而且選擇非常多！湯我們點了Clam Chowder～ 味道偏淡而且比較稀但份量OK😂 主菜飛雲媽點了海鮮pizza! 好脆好脆焗得好香👍🏻👍🏻 而且都幾大個下架！店員其實推薦佢地個傳統番茄芝士Pizza🍕，不過同樣係$168，海鮮感覺上比較抵嘛！哈哈哈😂😂😂 下次試埋個店員推薦👍🏻飛雲爸點了Chicago beef 漢堡🍔！呢個真係無敵！我食左佢半個😂😂😂 超級多熱熔芝士🧀！救命！好味好暈低左！！跟個薯條仲要配埋芝士醬！今次肥死都抵啦！🙈🙈 飲料方面，佢餐牌只係寫coffee or tea, 但飛雲爸問有無其他可以轉？店員話汽水及鮮搾果汁都可以包埋架！哇哇！當然果汁2杯啦餵！真係鮮搾架！感覺更抵！平日係酒店飲杯🍹果汁都要幾十蚊嘛😅呢餐食物及價錢都唔錯！加一後約四百蚊！唔洗淋雨又有免費泊車！真係值得推介喔👍🏻…查看更多

《特大A5和牛@ Wildfire Pizzabar & grill》之前去睇完ONE OK ROCK 演唱會極度興奮兼肚餓🙈，拿拿臨搵野食！朋友個靚堂妹帶左我地黎呢間餐廳食！堅係正👍🏻！其實搭車成日經過，今次終於可以去試下啦😌😌！餐廳裡面好多特色飲品，個樣好靚架！但掛住影食物已經忘了飲品😂😂餐廳有一個餐牌係每日限量供應的！本來想試龍蝦，點知已經買晒。所以叫了藍青口配薯條！個汁好味，我地用黎點薯條超正👍🏻～ 黑松露Pizza味道可以再濃一點，覺得比較淡。 🧀水牛芝士🍅番茄salad好好味！非常新鮮！而且個汁又係好襯！食落真係好 fresh🌿！ 炸雞又係正野！仲配埋個好好味既泰式汁！ 到個和牛出場超級驚喜🙀！連埋骨好大好大份😻！ 我地只係5個人，基本上對我地來講真係太多👻！不過肉質超Good👍🏻！燒得好靚👍🏻👍🏻！朋友話食個邊濃濃地加埋少少肥真係無得彈👍🏻👍🏻👍🏻！ 我見佢真係食左好多😂！一來好好味，二來真係唔好浪費！佢配個汁又真係一流！我用黎點薯條真係頂瓜瓜❤️！由於朋友請，我真係唔知幾錢，不過聽聞剩係個和牛好似都要成千三蚊。都幾貴呢🙈🙈附上卡片及幾間分店既地址！有機會真係值得一試架！飛雲媽係去左銅鑼灣店👻 …查看更多

《第一次的摩洛哥菜- Sahara🍽》飛雲爸爸上網搵定好野帶我同朋友去試！原本係去一間🌟米芝蓮既餐廳，去到full晒老闆就帶我地佢分店（即係呢間👻）。佢話餐牌同食物係完全一樣，只係個名唔同🤔。我地無去求證，反正都黎左！地點位於中環Soho區💃🏻！ 去到門口有一堆人食緊水煙，成間餐廳都好暗，感覺好神秘咁👻。一入去覺得已經好似去左摩納哥，連陣味都好非洲🙈。我地坐低就送上調好味既橄欖！平日我係好唔鍾意橄欖，少少我都會挑走，但呢碗我差不多自己一個食晒✌🏻️！好好味呀大佬😍😍！鹹鹹辣辣咁，仲要無核，我應該食多碗都仲得😁！！ 飲品方面好多cocktail 同 mocktail 可以選擇！老公個蘋果姜好似好好味咁！而我杯fruit punch 都好味道🎉！ 野食就望住個餐牌都唔識叫😅，所以頭盤叫了個拼盤！ 咩都有D，可以試晒（又有橄欖✌🏻️！哈哈哈）！拼盤全部野都好好味！我最喜歡個芝士同肉醬！仲有沙丁魚，蝦，雞都好味！飛雲爸爸就好鍾意個腸仔，因為係勁似羊肉串果陣味而我係最憎😑！我始終覺得好似臭狐味😑😑！ 拼盤仲有跟幾塊薄餅！熱辣辣裡面軟淋淋好好味😋！呢個一定要趁熱食，因為有半塊我等耐左先食已經好硬唔好味了😞！ 之後叫了個羊肉，好味！蘿蔔吸埋D汁仲正呀👍🏻👍🏻！！ 老公再叫左個「飯」撈汁，我就覺得係好碎好碎既麵包。係幾得意，不過都係鍾意我地食開既飯多D😅。 再來一個海鮮飯！超級多海鮮但飯就無乜！哈哈！我地好想食飯但每人只分到一啖飯😂！不過D海鮮同個汁都好好味👍🏻！！如果有一碗飯我都應該可以搞掂佢！ 總括來說，第一次食摩摩洛哥菜感覺唔錯！有機會可以再去！我好掛住D橄欖呀！！🙈🙈🙈😂…查看更多

《MYOC☕️咖啡店》亦是位於銅鑼灣既呢間咖啡店朋友極力推薦🎉！就係之前介紹的綠茶雪糕店對面👻！朋友都是特地來呢度飲咖啡☕️～ 由於我唔飲得咖啡（會心跳得好快🙈），所以我只點了我最愛的熱巧克力！這裡熱巧克力都不錯喔！賣點是上面的Cream是店舖自己handmade的😍！味道都算濃而不太甜～ 飛雲爸爸點了有🍊橙味的咖啡。佢話好味好特別，朋友說像一隻食過的巧克力，但忘了係咩牌子😅。 另一杯係草莓口味的冰咖啡，我沒有試但朋友都話好好味！好似話係比較像草莓味的巧克力奶多於咖啡。 而另一杯我真的忘了🙈！飛雲媽：「牙醫，如果你見到呢個post就介紹下你杯☕️咖啡啦！我唔記得你飲左D咩呀😂😂😂」 之後我們再叫了一個番薯pancake! 我覺得小店好有心思，Pancake切開都是紫色的😍（有番薯味喔）Cream亦是handmade的番薯味道👍🏻！配上🍌香蕉及🍯蜜糖好好味！唔會太甜！如果喜歡紫心番薯一定要試喔🎉🎉！ 見到餐牌上有好多不同種類的咖啡！圖案仲要係自己畫的💫！ 黑板上亦寫有不同國家的咖啡豆種類！ 我自己完全唔識咖啡因為我對咖啡真係極度敏感，不過跟我們一起去的朋友都很愛喝咖啡（聽說每天都要喝☺️），所以呢間小小的咖啡店應該真的不錯👍🏻👍🏻！…查看更多

《🍵綠茶日式甜品店 - Via Tokyo Japanese Dessert Cafe》位於銅鑼灣既呢間甜品店我朋友極力推薦喔💫！ 落大雨我地都照要去試試看🌂！由於同一日要去幾間不同既地方試食，我地一行4人全部食物同飲品都係share既！落大雨都滿座，不過等左一陣好快就有位✌🏻️！ 綠茶卷同烙茶Latte都係期間限定，所以就試左！ 綠茶卷好味而且都好飽肚下！ 杯焙茶Latte真係超驚喜🙀！個味我地4個都從未飲過👍🏻！好特別而且好好味😻！飛雲爸爸自己已經飲左一大半😒 主菜係個綠茶雪糕🍦！打開餐牌原來全部都係綠茶雪糕，只係配料唔同！個綠茶雪糕真係好味到癲💃🏻！超級濃味👍🏻！超級滑👍🏻！而且個質感密度好高👍🏻！我地食左好耐都唔怕溶（但佢係軟雪糕黎架wor大佬！）呢個我一定一定會再去食！喜歡綠茶既妳絕對要試👍🏻👍🏻❤️！ …查看更多

《💫雲集世界各地的pancake店 - Paddington House of Pancakes》其實呢間pancake店已經係第四次幫襯了！不過之前飛雲仲未出世啦😂！頭三次都係下午茶時段，比我嘅印象都係一樣，好多不同國家的pancakes選擇，價錢唔平，好慢，但好好味😍！哈哈哈！早兩日中午有野做出開去，橫掂係嗰頭搵緊嘢食又見入面無人又唔趕時間就入去 (中午12點，學生同返工人士都未放lunch），但入到去係真係人影都無隻，係連員工都無個😰！坐左5分鐘終於有員工出現比餐牌🤗 Set Lunch 價錢比起其他時段真係抵食好多😌！我點了一個$74的🌯尼斯薄餅 (Nice Crepe), 超多料：🍗雞排，煙肉，蘑菇，鮮蝦，芝士！原本仲有菠蘿🍍，但飛雲媽超憎菠蘿所以唔要）呢個set lunch 跟一杯$34或以下飲品🍹。 飲品好多選擇，因為餐牌入面嘅嘢飲大部份都係＄34或以下☕️。另外再點了一個三文魚waffle set lunch, 好似都係咁上下價錢。 結論係食物依然好好味，非常足料👍🏻！但速度依然非常慢🐢，趕時間就千萬唔好搏！但唔趕又想同朋友hea下都係一個唔錯既選擇。地點係白馬行雅明商場對面條巷（🎈Roxy旁轉入去）。…查看更多

海鮮義大利飯味道唔錯👍🏻！隻蝦好有驚喜因為非常新鮮👍🏻👍🏻！！一食落去就知唔係冰鮮蝦！但八爪魚就苦苦地😖。白汁個味唔錯！份量一個人食剛剛好！$98。 加了$38變套餐。沙拉份量極少，應該3啖可以搞掂佢！但個麻醬味唔錯架！ 個忌廉玉米湯🌽真係極失望！完全無味兼極稀！我加左好多鹽後先有返D味但依然好古怪因為太稀😖。。。好後悔加了$38，下次我都係留返D錢買野飲好過🍹！加埋一埋單$150（明明係$149.60, 但張單出$150😑). …查看更多

《🎅🏻聖誕Blue Fin 私房菜🎄》一行十人去左試位於海擎天既Blue Fin🐟. 之前有朋友去過食晚飯單點話OK，所以今次試下個私房菜。每位$500，但埋單可能加埋幾支大礦泉水，所以變了每位$570。首先去到等左好耐無啦啦黎左三碗湯，我地一頭霧水問唔係有頭盤嗎😅？職員話整錯左個湯先，所以又收返果三碗湯。之後等左陣就出個頭盤。頭盤係一粒半生熟帆立貝，卡夫沙拉醬撈水果（本人超級唔鍾意卡夫沙拉醬😖），同埋幾片無汁既菜🌿。我就唔係咁鍾意，菜好乾，我想點帆立貝個汁又太少點唔到，最後乾食左幾片菜。帆立貝可能因為係頭盤，所以是凍的。個水果沙拉我可能自己有偏見，我真係覺得好難食呀D卡夫沙拉醬😩。 個湯唔係好熱可能係因為之前整錯左先所以黎到只係暖暖地。不過我覺得幾好味，但偏酸，有2粒細細地既龍蝦肉。不過因為勁肚餓，等左好耐先有野食出所以好快清晒個湯😂！ 再來個辣辣海鮮煲，一煲十個人share。其實我以為私房菜每位收費所以份量都係人頭計，但原來呢度除了湯同頭盤之外，全部都係要share。個海鮮煲D野唔夠每個人分，有D分到隻蝦，我就有隻帶子，同埋好鬼辣。哈哈😅 🦀個蟹真係堅正👍🏻！但因為一隻蟹十個人分，我只係食左一隻蟹腳😂。不過真係超入味！勁香！有機會少D人都會想再食多次隻蟹🦀！ 再來就係個羊架～ 一來到聞到酥到發癲！好似臭狐味😅！點知食落一D都唔酥架👍🏻！好好味👍🏻👍🏻！不過我地十個人黎得9件。理論後就補返一件比我地喇。 下一樣就係條魚🐟。我食左少少都OK，但聽D朋友講咁整晒左條魚（佢地煮野食好叻架💪🏻）！同埋個魚入面既薯仔全部都係生既😑！吉都吉唔入！廚師應該唔記得煮熟D薯仔先攞去焗，所以全部都生既無可能食到😒。我地食完條魚就叫佢攞D薯仔去整返熟先比我地食。 再來隻燒雞！呢個我地一致認為廚師係唔記得左「業」左先焗，因為隻雞係完全無味既😨！真係「完全無味」架！我忍唔住問有唔汁可以點，無味既雞食落好怪好想搵汁點😂。哈哈！ 個芝士焗西蘭花，又係無味既。我本人係超級超級鍾意食芝士🧀，我極度懷疑佢上面果D係忌廉而並非芝士！我完全食唔到有芝士味而D所為既芝士係水流流的，唔似平日的焗芝士質地所以我懷疑究竟是否芝士。西蘭花好明顯煮得未夠，又少少生怪怪地咁🌳。 再來個焗蟹飯🦀！呢個係用返之前隻蟹蓋焗的，勁正👍🏻👍🏻👍🏻！呢個同隻蟹一樣都係好好味！！不過份量唔多，只分到一小碗，哈哈！想再食就要等下次了😅！ 個甜品係心太軟+雪糕。十個人黎得8份，我地問仲有2個無得食？職員話我地本來得5個，2個人share一個（但個心太軟好細個架都要share？）。我心諗有無咁孤寒呀？甜品都要2個人share一件，佢話比8個我地係因為賣唔晒送多3個比我地。我地話一係我地加錢你比返我地每人一個啦，佢話賣晒啦！其實我係極度懷疑佢賣左我地本來有個2個所有死撐話送多3個，因為唔係我地問佢都唔講。之後就送返2個雪芭比我地每人都有點品食😂。差D唔記得講, 個心太軟裡面一D都唔流心，D巧克力好傑應該焗耐左少少太熟😥。下次如果食私房菜我就唔會再考慮呢間喇。除了個蟹同羊架好味外，其他都唔係好得。成晚D野食唔夠分又生薯仔又無味雞。哈哈！不過D姐姐服務唔錯架，好有禮貌又不停同我地吹水😊😊 仲有不停加水，所以成晚應該開左好多支礦泉水。哈哈哈😂😂😂！…查看更多

《棉花雪糕🎄Christmas Tree @ Honey Creme 》之前係香港銅鑼灣見到張相好靚～係薄荷巧克力雪糕😍，仲要係聖誕特別版🎁！當然要試試！！哈哈哈！！點知個製成品同張圖真係差天同地呢😂😂 唔緊要既，試下味先。。。😑😑😑 哈哈哈！我一向都超愛食薄荷巧克力雪糕🍨，但呢個我就真係唔識欣賞喇😂😂 飛雲爸爸一路食一路咳😖個棉花糖甜到痴住個喉嚨，根本同平日食既棉花糖一樣味但甜幾倍。棉花糖上加的糖醬根本另個棉花糖係更甜兼難食左，會食到成口成手糖！綠色只係個顏色，無特別味道。而個雪糕只係普通雲呢拿雪糕（都幾滑）加左D薄荷醬同巧克力醬～ 唔好expect好似平日食開D字薄荷巧克力雪糕咁，因為正常係個雪糕係薄荷味加有真既巧克力碎碎！但呢個只係加左D個味好怪既薄荷醬😖😖。仲要成五十蚊一杯，真係一次夠了😅…查看更多

《🍽抵到喊 $194 JW Hotel- Urban Kitchen 自助餐》想試好耐但又無時間，終於有機會啦🎉！中銀卡仲要有75折！中午折後每位只係$194😉！！ 入到去第一個感覺係：😱嘩！好多野食！仲要飲品任飲！有個Bar枱可以隨便去叫飲品🍷🍸🍹🍺🍶🍵☕️！平日去開個啲自助餐都只係包一杯野飲！所以我都幾驚訝架！！而我唔係每樣野都有試但可以分享我有食過的😁 海鮮類唔錯！雖然無我最愛既生蠔，但長腳蟹同海螺好好味！特別係個海螺，勁鮮同唔怕咬到牙都崩👍🏻！🍣壽司及魚生可以唔食，🍙壽司飯簡直難食到爆！又鬼死咁大舊飯！魚生就。。總之唔洗試啦。芝士都算多種類，我只係試左我平日最愛的藍芝士🧀，不過呢隻我同朋友一致認為個味好怪兼唔夠臭！哈哈😅！ 沙拉Bar超級豐富！我係一個超鍾意食salad既人，見到都興奮😁！但最正係個Parma Ham任食，都唔錯，我食左好多呢😂！哈哈哈！！另外有個特色燒味檔，我只食左叉燒，好瘦但過得去啦！其他燒味就無試喇！ 我仲見到有一籠籠點心，無試但賣相唔錯喔！不過最驚喜都係個片皮鴨👍🏻👍🏻👍🏻！有個師傅會企係度幫你切，超好味呀呢個！必食的！！！👍🏻👍🏻👍🏻 主菜我唔係試左好多，但個牛尾好好味！美國牛排🈶️個師傅幫你切，個師傅好好笑架超欣賞自己件牛排，一路切一路同我講有幾好味！超Juicy呢！！極力推薦我食多D話件排真係好靚😂 佢仲有個韓國區🇰🇷，我無試但朋友話泡菜好臭（哈哈哈😂）同埋D野好辣！平日呢個朋友都算食得辣同鍾意食韓國菜，不過佢就話麻麻地！🍭甜品區簡直見到都興奮！好多好多選擇！！真係咩都有咁滯🍰🎂🍮🍡🍬🍿🍫🍨！我試左雪糕Pancake（但明顯個師傅唔試整塊pancake，反黎反佢都雞手鴨腳，最後又反唔到摺埋晒一舊😑 🍦軟雪糕機好好玩仲有好多未揀架🍦🍦🍦！ 總括來說真係好多嘢食同埋價錢真係抵到爛！不過我見唔係星期六日都幾多人去，最好就訂定位先啦🤗！…查看更多

《說好的八折呢？😭 小保之家》早幾日起身後行去皇朝搵食，因為已經下午三點所以沒有目標想隨便選間有下午茶優惠的餐廳。原本一間🇯🇵日本拉麵店🍜吸引了我想入去試試，點知隔離呢間小保之家有個姨姨走出門口話三點後全單8折喔😳！我見到門口都有寫住，咁啱又係三點所以我改變主意入去呢間小保喇😂！入到去姨姨比左張外賣單我同埋話話仲可以set lunch, 咁我就叫了鰻魚飯定食🍱。可能下午茶時段關係，沒有其他客人，只有2個男職員坐係度玩電話📱。姨姨落單後亦消失了😅。個鰻魚飯其實都OK，味道唔差架，好多汁，而且個蛋仲好好味👍🏻！因為我最怕食鰻魚飯無汁好乾果D，所以炭燒鰻魚唔啱我。呢個多汁鰻魚飯幾啱我口味！不過唔知係唔係因為下午茶時段既關係，店內部📺電視開到超級大聲，仲大聲過我平日係屋企睇既聲量。其實對我黎講都幾煩，因為我平日唔鐘意睇電視劇而家仲要開到鬼咁大聲😖😫。食完埋單走人，餐牌上中午的鰻魚套餐$56，我亦都係要比$56😑。說好的三點後全單8折呢？原來職員話套餐無8折，我感覺好似俾人P了一樣😑，因為個全單8折係印在中午套餐張紙上面，超級誤導人。而且如果散叫鰻魚飯+湯再8折係仲平過我呢個套餐，即係我被迫比貴左😭😫😩…查看更多