b_b2004的個人專頁

地方好闊落，環境明淨！用QR code落單，見到岀左個全新嘅Cuisine Rewards 會員計劃，免費登記之餘仲有超過$400迎新優惠，包括$25優惠券同埋免費特色咸蛋雞翼優惠券，抵！👉🏻文華海南雞飯啖啖肉，無骨，配雞油飯，又有碗湯，風味清新！👉🏻香炒河粉燴牛肉勁大碟，芡汁濃郁，牛肉軟嫩，河粉吸滿醬汁又Q彈！👉🏻特色咸蛋雞翼綿密咸蛋黃醬汁不得了，雞翼炸至金黃酥脆，風味層次豐富！👉🏻蠔油小棠菜新鮮小棠菜，保留翠綠脆嫩配蠔油，爽脆唔軟爛！👉🏻椰子冰茶呢個係期間限定，清涼紅茶配濃郁椰漿，茶香同椰子奶香好夾，入口涼爽持久！👉🏻熱有機蘋果茶溫潤果香，風味溫暖，層次細膩唔單調！…查看更多

地方夠大，有吧枱亦可以坐窗邊位睇到開揚景觀！極品海膽和牛龍蝦（十品），呢個組合絕對係大愛！👉🏻前菜漬物三品 分別有生蠔軟骨、三文魚牛油果蓉同日本三色蔥！生蠔軟骨脆嫩，連埋昆布一齊食；三文魚牛油果蓉入口絲滑；日本三色蔥好爽脆！👉🏻魚子醬煙燻三文魚有機沙律萊卷煙燻三文魚包住清爽有機沙律萊中， 有龍珠果，配意大利黑醋，非常清新開胃！👉🏻墨西哥海膽玉子豆腐海膽濃郁鮮甜配玉子豆腐好細膩柔滑，兩者交融有種輕盈溫潤口感！👉🏻白松露海膽蘭王溫泉蛋白松露香氣配上海膽，再加埋蘭王溫泉蛋嘅滑嫩蛋黃，夠哂絲滑！👉🏻塔斯曼尼亞海膽配法國生蠔皇海鹽泡泡係面，包住生蠔，可加入檸檬汁一齊食，好飽滿肥美，加埋海膽好creamy！👉🏻北海道海膽燒半熟帶子＋紫海膽燒慢煮溏心鮑魚海膽連埋半熟帶子同溏心鮑魚原來係咁夾，味道好和諧！帶子好有鮮味，鮑魚勁彈牙！配有蝶豆花泡泡，點任何海鮮一齊食都可！👉🏻秘製海膽醬燒澳洲龍蝦海膽加上龍蝦，再配龍蝦醬汁，完美襯托彈嫩肉質，好香好鮮美！👉🏻澳洲海膽炒極品松本A5和牛調味perfect，和牛包住海膽，細嫩肉質，入口即化，層次豐富！👉🏻加拿大海膽和牛脂炒飯超級豐富，有三文魚子、蟹籽、海蝦、海膽、甘筍炒飯，粒粒分明！👉🏻鯛魚麵豉花膠燉湯入口溫潤順滑，花膠軟糯，吸收哂湯汁精華，仲有魚肉一齊食，唔會好咸！👉🏻柚子海膽雪葩好清新脫俗，柚子酸甜清香，入口冰涼細膩，仲有紅豆爆珠，上面嘅蝴蝶唔單只係裝飾，係用可可粉整嘅，好精緻！成餐飯唔少得要飲清酒，而家做緊優惠，好抵食！…查看更多

一入餐廳就有個打卡位，室內牆身又有好多壁畫，天花有乾花點綴，環境舒適！Set dinner有齊頭盤、餐湯、主菜、甜品同飲品！另外有個happy hour小食自選都幾正，9款小食任選一款、兩款或三款都得，自由度高！👉🏻牛油果鮮蝦沙律口感清新，牛油果幾creamy，鮮蝦彈牙，沙律醬汁酸甜適中，夠哂開胃！👉🏻周打海鮮湯好濃郁鮮美，湯料豐富，口感層次分明！👉🏻溫泉蛋玫瑰醬煙腩卷卷粉 卷卷粉好得意，好長唔會好靭，好掛汁入味！另外加左溫泉蛋更加滑嫩，煙腩嘅鹹香加上有微辣感，好惹味！👉🏻小食三款自選揀左日本清酒煮大蜆、海苔魷魚同埋鹹蛋黃雞翼！大蜆共四隻，蜆肉飽滿多汁！海苔魷魚香脆可口，好煙韌！鹹蛋黃雞翼係單骨嘅，外酥內嫩，炸得金黃！👉🏻伯爵茶味焦糖燉蛋質地絲滑，帶有伯爵茶清香，焦糖面好薄脆，甜而不膩！…查看更多

地方闊落，設有梳化位，空間感足！好奇問店員餐廳名嘅意思，原來係老闆以前屋企嘅門牌號碼，想營造家嘅感覺，好warm！👉🏻虎蝦帶子意粉兩大隻虎蝦同兩大件帶子，配彈牙意粉，虎蝦好彈牙入味，帶子鮮嫩，意粉掛汁，醬汁唔膩口好均匀！👉🏻日本手打和牛漢堡和牛風味濃郁油潤，麵包好有牛油香，配新鮮生菜、芝士同太陽蛋等餡料，咬一啖，汁水四溢，滿足感爆棚！仲配有香脆嘅金黃薯條！👉🏻粒粒芒果椰子忌廉梳乎厘必食之選！份量巨大，梳乎厘脹卜卜，非常fluffy，好有蛋香！而且滿瀉嘅忌廉同粒粒芒果，綿密又唔會黏牙，食落甜度適中，大愛！👉🏻海鹽Kiri芝士奶蓋桂花烏龍茶淡淡花香，頂層奶蓋creamy，奶香濃郁，茶底芬芳！👉🏻玫瑰鮮奶咖啡咖啡香濃，玫瑰花瓣帶有淡雅香氣，風味溫潤！…查看更多

地理位置方便，好近鰂魚涌B出口！簡約木系裝潢，文青風cafe！👉🏻烤安格斯封門牛柳配黑松露野菌汁伴薯菜烤得恰到好處，粉嫩多汁，肉質細膩，黑松露野菌汁芳香，配菜有翠玉瓜同蘿蔔，好入味！晚市套餐附送是日餐湯及熱玄米茶，指定餐飲減$20，追加小食及甜品$35起！👉🏻三文魚味噌湯溫潤順口，有好多三文魚肉，湯底濃而不膩！👉🏻特盛全日早餐超級豐富，楓糖窩夫鬆軟香甜；照燒雞扒帶有日式甜鹹風味；黑松露醬炒蛋好嫩滑；慕尼黑香腸帶輕微煙燻味；薯餅外脆內軟；聖女茄野菜沙律清新解膩！整體份量十足！👉🏻橙啡只係加$6就可升級每月特選單品豆，今次係黎自盧旺達嘅【Curve】，散發果醬般嘅甜酸同香料李子嘅獨特風味，帶有奶油糖果嘅柔和甜感，有豐富嘅層次感！👉🏻小山園抹茶拿鐵抹茶香氣濃郁純正，微甘，牛奶香滑，層次分明！👉🏻開心果芝士蛋糕仲有自家製甜品，好大件，好厚實，質感細膩，甜度適中唔膩口，個cream好滑 ！…查看更多

柔和悠閒氛圍，令人放鬆，四處都有貓貓嘅裝飾！👉🏻特式咖喱蛋蓋飯揀左要牛肉眼扒，唔係辛辣味嘅咖喱，而係溫和甜味，牛肉眼扒粉嫩色，質感軟嫩，配菜仲有西蘭花苗同粟米，好入味！👉🏻牛肉漢堡扒辣蕃茄汁意粉醬汁濃郁，好惹味又唔搶喉，漢堡扒肉汁充沛，意粉掛汁彈牙！👉🏻黑芝麻意式奶凍奶凍質地柔軟，黑芝麻味重，甜度適中！👉🏻雲呢拿牛奶咖啡咖啡苦澀配雲呢拿嘅甜香，絲滑口感！👉🏻芒果乳酪奶昔果香配乳酪，奶昔綿密！…查看更多

橘色做主題，開放式簡約設計，不時都會有新菜式同埋唔同嘅優惠，好似9月逢星期一至四就推岀飲品優惠，呢排天氣咁炎熱，只要當日氣溫35°C或以上，全場飲品65折；32-34°C就有67折；31°C或以下就有68折，即係氣溫越高，飲品越抵飲！👉🏻玫瑰醬八爪魚豬五花意粉創意十足，豐富嘅微辣醬汁，獨特唔搶味，八爪魚好彈牙，豬五花肥瘦適中，高品質嘅意粉掛汁，濃郁不膩！👉🏻拉出一絲絲芝士排骨鍋整齊排列上枱，店員會幫忙將芝士撈匀每件排骨，芝士拉絲效果一流，芝士控必食！另外肉質軟嫩，仲有四件紫菜飯波波，口感豐富！👉🏻半半炸雞 可自選兩款口味，揀左「帶點正宗水原式牛肋骨醬」+同埋「廚房默默流淚白洋蔥醬」牛肋骨醬帶有濃郁燒烤香氣；白洋蔥醬清新，雞肉外皮酥脆，內裡多汁，份量十足，仲有薯條食！👉🏻比初戀還要甜的蜜瓜窩夫打卡靚！窩夫有奶油香，配蜜瓜果肉，果香清新！👉🏻濟州柑橘乳酸梳打好清香，氣泡細膩，入口酸甜交融，乳酸增添絲滑口感！👉🏻初夏青柑柚子梳打清新怡人，氣泡輕盈，解膩清爽又開胃！…查看更多

望住個海濱，設有露天位置，pet-friendly，室內環境都幾寬敝，有種渡假feel! 👉🏻冬蔭功湯揀左海鮮，餡料多，有蝦、魷魚、青口、帶子等，勁足料，酸辣交織，風味濃郁！👉🏻越式軟殼蟹米紙卷共四件，外皮薄透，內餡鮮美，軟殼蟹炸得酥脆，配有生菜同牛油果等，清新爽口，層次豐富！👉🏻炭烤香茅西冷牛肉西冷牛肉好嫩，肉味濃，而且鎖住肉汁，仲可以連埋粉絲同生菜一齊食！👉🏻泰式蝦河粉鮮美彈牙，風味十足！河粉滑嫩入味，一開始食甜甜地，慢慢辣味突岀，非常惹味！👉🏻蟹肉奄列好大份，啖啖蟹肉，蛋香蟹香濃郁！👉🏻咸魚炒芥蘭咸魚嘅鹹香配芥蘭嘅清脆，香氣濃烈，滋味獨特！👉🏻Asian Cruise呢款cocktail充滿熱帶風情，層次豐富！有果香，同時酒體厚度重！👉🏻Fruit Float呢款mocktail 清新甜美，入口清爽！…查看更多

新裝修之後都未黎過，一上到去感覺比以前更寬敞，環境明淨！今次食仲發現多左好多新野食，最正係任食波士頓龍蝦同埋鮑魚刺身！👉🏻波士頓龍蝦大大隻，肉質結實鮮甜，入口彈牙，無限encore抵哂！👉🏻XO醬蒜蓉粉絲蒸蟶子皇好肥美多汁，XO醬濃郁辣香，粉絲吸滿鮮味，微辣惹味！👉🏻油鹽焗大頭蝦係用新鮮嘅羅氏蝦，蝦頭好多膏好正，鮮嫩彈牙，油鹽調味簡單但突顯到蝦嘅原味！👉🏻避風塘炒蟹用新鮮蟹炒，蒜酥同辣椒爆香，蟹肉鮮甜，好入味！👉🏻鱘魚籽醬入口爆破，微鹹鮮味，質感細膩！👉🏻海膽拖羅鱈魚乾手卷以前要排隊拎，而家都係QR code落單就得，海膽係用日本海膽，鮮甜creamy！拖羅脂香融合鱈魚乾，口感豐富！👉🏻清酒煮鮮蜆隻隻都好肥大飽滿，湯汁清澈溫和！仲有多款創意料理，甜品，飲品，埋單時仲送午市9折coupon，好驚喜！…查看更多

由門口到室內，充滿住日式懷舊風情，牆身掛滿海報、玩具擺設，復古氛圍！👉🏻海膽魷魚卷海膽鮮甜又唔腥，魷魚好彈牙，口感豐富！👉🏻吞拿魚鱈魚餅吞拿魚蓉係面頭，配酥脆薄片鱈魚餅，入口細膩又帶有脆卜卜層次感！👉🏻兵庫真蠔已配好調味，咩都唔使落就食得，蠔肉質creamy滑嫩！👉🏻燒三文魚鵝肝卷共六件，火灸三文魚更香口，包住鵝肝嘅濃郁，醬汁甜鹹適中，增添風味！👉🏻炸北海道魷魚絲微辣彈牙，好惹味，魷魚炸得金黃酥脆，不油不膩！👉🏻酒盜炒山藥估唔到幾清甜爽脆，口感獨特！👉🏻炸海鰻魚骨第一次食，勁香脆，唔會好吉口！👉🏻蕃茄三杯酢酸甜蕃茄，酸中帶甜，入口清新，好開胃！👉🏻燒雪花牛柳肉質細嫩，肉味濃，有蘿蔔蓉係面減膩！👉🏻雞軟骨輕微咬勁，有口感！…查看更多

藍色為主調，有水晶燈，牆身有流線型裝飾，好有格調！叫左兩個dinner set，而家做緊88折優惠，好開心！👉🏻自家製生牛肉他他入口細膩，加入蛋黃更柔滑，淡淡嘅肉香，開胃前菜一流！👉🏻三文魚沙律配蜜糖芥茉醬三文魚整成花嘅形狀，切片厚薄適中，蜜糖芥茉醬甜中帶微辣，沙律菜葉脆嫩！👉🏻牛肝菌野菌忌廉湯濃郁香醇，濃厚菌香貫穿整個味蕾，配忌廉有滑順口感！👉🏻龍蝦濃湯色澤濃郁，仲有蝦肉，好彈牙！👉🏻自家製牛骨髓牛油包好特別，牛骨髓牛油，好絲滑，麵包好鬆軟輕盈！👉🏻黑松露鵝肝威靈頓牛柳酥皮金黃香脆無得輸，包住鵝肝同五成嘅牛柳，好juicy，充滿層次！👉🏻西班牙栗飼黑毛豬鞍配蘋果莎莎好厚身，不過口感軟腍，蘋果莎莎酸甜平衡豬肉嘅油脂！👉🏻士多啤梨梳打唔會死甜，帶有淡淡果香，冰涼口感！👉🏻特濃開心果麻糬杯甜而不膩，好creamy，配有麻糬嘅Q彈又有脆脆顆粒，大愛！…查看更多

新搬左黎家樂坊，空間感比之前大，每張枱嘅距離都好足，唔驚同其他人痴到好埋！👉🏻和牛棒配松露一口飯和牛棒好入味，油脂香濃，配松露菌香，仲有生蛋黃撈埋一齊，口感豐富！👉🏻蒜香牛油酒煮蜆大大隻肥美蜆肉，蒜香牛油同酒香交織，配有兩件蒜蓉包！👉🏻焦糖鰻魚芝士玉子燒脆口焦糖係面，軟嫩玉子再包住鰻魚，甜鹹交融！👉🏻胡麻醬稻庭冷烏冬稻庭烏冬彈牙爽滑，胡麻醬好香醇，冰涼口感！👉🏻焦糖青蘋果鵝肝多士鵝肝好creamy，焦糖青蘋果嘅酸甜中和油膩，多士好酥脆！👉🏻欖角粉絲蒜蓉燒蟶子勁鮮甜，微辣，粉絲吸汁入味，讚！👉🏻雞皮墨魚滑雞皮好脆，包住墨魚滑，鮮味十足！👉🏻鹽燒原塊雞皮脆到不得了，簡單嘅鹽調味已經好足夠！👉🏻鹽燒白鱔鹽燒後外皮酥脆，肉質彈牙！👉🏻鹽燒豚肉荔枝卷豚肉包住荔枝，捲成一口，甜酸清新解膩！👉🏻汁燒赤雞心醬汁甜鹹適中，帶輕微炭燒香氣，口感彈牙！👉🏻鹽燒和牛牛小排油花均勻，肉汁濃郁！👉🏻厚切鹽燒牛舌拖羅口感彈韌，咀嚼間滿滿肉香！👉🏻燒芝士年糕口感黏糯，最正係個醬汁，一定要撈埋一齊食！👉🏻即打芒果乳酸芒果香甜，乳酸綿密，果香同乳香交織！…查看更多

位置唔算多，有吧枱亦有兩張4人枱。食鐵板燒除左enjoy野食，仲可以欣賞師傅精湛手藝！師傅介紹有個二人餐係menu上未有嘅，共有九道菜，果然無介紹錯！👉🏻沙律煙三文魚包住沙律菜，有蕃茄仔同龍珠果，清甜酸爽，又有魚子醬同黑醋，好開胃！👉🏻前菜海膽豆腐，好細嫩柔滑，有種入口即化嘅感覺，好夾！👉🏻刺身今日係鯛魚刺身同法國生蠔！鯛魚肉質彈嫩，配魚子醬同wasabi！法國生蠔新鮮肥美，配檸檬嘅清新酸香，提升風味！👉🏻鐵板海鮮兩品龍蝦肉質非常彈牙，帶子好鮮，搭濃香嘅海膽醬！配菜有黑松露白蘑菇！👉🏻美國安格斯牛肉薄燒卷入口多汁，油脂香氣濃郁，仲有蒜片同蔥香，蘆筍增添爽脆口感，好中意佢個鵪鶉蛋蘑菇！👉🏻三文魚子蟹籽海膽溫泉蛋炒飯炒飯粒粒分明，三文魚子同蟹籽有鹹鮮爆珠感，而海膽同温泉蛋就好滑嫩，多重口感好正！👉🏻藥膳花膠湯湯底清徹，藥材香氣溫潤，花膠好大件！👉🏻海膽檸檬柚子雪葩清新怡人，檸檬同柚子嘅酸甜果香，令人滿足！而家做緊$1有Sake飲，超抵！…查看更多

呢度打造成一個木系嘅文青空間，地方好寬敞，淨係open area大廳位置就已經有1000尺！👉🏻Hand Drip Coffee 揀左要Columbia-芒果，凍飲唔係落冰，咁就可以原汁原味！帶有濃厚甜度酸度嘅咖啡滑進喉嚨，同時咖啡香氣由口腔溜進喉頭，再揮發到鼻腔，香氣在口腔和鼻腔中循環不息，直到餘韻逐漸消散！真係非常岀色嘅手沖咖啡！👉🏻澳洲和牛蜜糖芥末醬芝士漢堡配黑松露醬薯條和牛肉質軟嫩juicy，油脂香氣濃郁，醬汁好夾！薯條金黃酥脆，而且份量多！👉🏻啖啖蜆肉辣味明太子意粉唔係好食得岀個辣，不過蜆肉真係超多，每啖都有，意粉亦煮得恰到好處！👉🏻開心果巴斯克蛋糕 (期間限定)蛋糕綿密厚實濕潤，最正係開心果嘅堅果香氣同顆粒感，層次豐富！👉🏻三花養顏花茶分別有金盞花、玫瑰花同金邊玫瑰，散發花香，入口溫潤柔和！仲有枸杞同紅棗，達到養顏又放鬆嘅效果！…查看更多

食完Lunch逛下中環街市，見到手搖又被吸引左！招牌用鮮艷嘅紫色LED燈發光，有幾個屏幕展示飲品，色彩鮮亮，環境整潔有序！👉🏻紫香芋泥特調 $45(700ml)紫色永遠係大愛！綿密芋泥，濃郁芋香，唔會過甜，有奶香嘅溫感！芋頭嘅細膩香氣令人回味！👉🏻手打鮮檸鳳梨茉莉綠茶 $38(700ml)清新嘅茉莉綠茶，茶香淡雅，配粒粒鳳梨果肉，酸甜平衡，口感層次豐富，清涼解渴，清爽又唔單調，果香同茶韻完美融合！…查看更多