點左高級廚師發辦套餐，共十一品！
👉🏻前菜
分別有三文魚頭軟骨、三文魚牛油果他他同三色蔥！三文魚頭軟骨配昆布，軟腍中帶脆，清新滋味！三文魚牛油果他他入口細膩，濃滑！三色蔥爽脆開胃！
👉🏻招牌沙律
煙三文魚包住雜菜沙律，配有香濃黑醋，最特別係食用花汁嘅蓮藕，好睇又爽口，仲有粒龍珠果好有果香！
👉🏻鯛魚刺身
共三片，質地軟嫩彈牙！
👉🏻魚子生蠔
法國生蠔，鮮甜多汁又creamy，配輕盈海鹽泡泡！
👉🏻鐵板海鮮
慢煮鮑魚入味彈牙；日本元貝鮮甜多汁，加埋意大利小黃瓜一齊食；白鰻肥美，塊皮勁香脆；虎蝦鮮味，配自家製龍蝦汁，濃郁鮮美！
👉🏻澳洲牛柳粒
有牛味，可以點wasabi或竹炭鹽，更添層次感！
👉🏻美國安格斯牛肉薄燒卷
餡料好夾，仲有清爽嘅櫻桃蘿蔔，脆嫩又解膩！
👉🏻黑松露海鮮炒飯
香氣十足，米粒分明，調味適中！
👉🏻菊花豆腐白麵豉湯
有花膠！豆腐一絲一絲，湯底唔會過膩！
👉🏻魚子醬溫泉蘭王蛋
蛋黃濃郁絲滑，適合細細品味！
👉🏻柚子雪葩
有畫碟服務，畫得好可愛！甜品係柚子雪葩，清新酸甜，面頭鋪有黑糖燕窩，溫潤甜香！
👉🏻Whiskey Highball
醇厚，精濃度適中！
