玲玲姐的個人專頁

星期五晚當然要食好D，加上各大店舖都做緊清貨大減價，真係要食得好之餘，都要揀緊時間去血拼先得，所以今晚我就揀咗去尖沙咀食飯，同老公講完後，佢就訂咗呢間餐廳這間餐廳我地之前都食過，一家人都覺得唔錯，環境氣氛一流外，更係好乾淨，最適合有點點潔癖既阿囡同我，今晚到來，發覺餐牌轉咗，細看下主要都係主菜唔同晒，前菜都是跟之前差不多，但都是很合我口味！呢個2人份的海鮮拼盤仍舊好OK！大大隻龍蝦、長腳蟹、青口同海蝦全都好新鮮，食落又鮮甜彈牙，作為前菜黎講真係100分，食完個胃開晒~作為肉食主義的老公大人就當然揀咗佢最愛既牛扒！呢件扒份量十足又厚身！肉質濃香，牛香十足，加上大廚煎得很好，完全去將當中既肉汁封鎖在內，食落質感仍是很嫩滑，而配菜的炸薯條更是新鮮即炸熱辣辣，很是脆口，沾上酸度剛好的茄汁食，更是好味到不得了！我就較喜歡海鮮，所以食完海鮮盤都仍未夠喉！哈哈~這個鱸魚柳拼蟶子皇伴車厘茄黑水欖羅勒魚湯就係我心水，所以一睇餐牌揀主菜時已經揀好，蟶子皇真係幾大隻，又好鮮味，另鱸魚柳亦煎得剛好，上枱一會兒仍保留到外脆內嫩，而且咬落仲好有魚本身的鮮甜味道，真係煮得唔錯食吓影吓又食吓後，好快又過咗2個鐘，食得滿意又開心，之後就當然又係今夜重頭戲之血拼尖沙咀喇~~…查看更多

今日阿囡又飛左公幹，又係時候大條道理唔煮飯~~老公話佢公司樓下開左間新餐廳，於是我就做一日好人揸車去接佢收工，順個便俾個機會佢請我食飯咁囉去到餐廳門外剛好有位泊到間車真係超正！入到去覺得好舒服好乾淨，加上可能係新餐廳關係未算太多人知道呱，所以人都唔太多，無吸晒我d冷氣初步感覺幾良好！之後當然又係食食食同食既時間老公就揀左佢至愛既牛！呢件係有成10安士既安格斯肉眼扒，好大又厚肉，煮得剛好7成熟，唔老之餘又好嫩口，肉質Q彈牛味十足，每食一啖都覺得好正！而配菜薯條仲係新鮮即炸，好熱又香脆，根本唔使點茄汁都已爆好食！我就揀左香烤德式豬手，份量都唔少，配菜方面就有炸薯角！隻豬手炸得金黃香脆，熱辣辣既同時亦保持到外脆內嫩，咬落咸香得宜，係幾好味道！而薯角都係新鮮即炸，好熱又脆卜卜，真係煮得幾好食得飯就梗要飲吓野係我既習慣我最愛朱古力，所以梗要叫返杯熱既朱古力黎飲，呢度既熱朱古力好滑又有拉花又有忌廉，單係視覺方面分數都幾高，飲埋落去就更滑喉香甜，很滿足~~而老公就order左百花園水果茶，黎到嘩左一聲超大杯，味道清新舒服很有鮮果香，份量又大2個人飲都夠晒，正好又俾d我飲~哈~~總括呢間新餐廳都幾好！食物及飲品都係高質既，食得我地都幾HAPPY…查看更多

天氣真係熱到人都癲，咁熱就梗係唔可以留係廚房煮飯食喇！加上阿囡又去左美國做野，得返我同傻佬當然係出街食食咩好都諗左好一陣，本身我都係好鍾意食泰國菜，於是又走左去九龍城食飯行吓睇吓最後都係去返小曼谷，一來覺得坐得都舒服，二來價錢都幾公道，最重要就係之前食過係幾好食有信心！可能我地都早，入到去都無咩人，仲好！無人分薄左D冷氣食得咖哩多轉吓食其他，今次傻佬揀左鹽燒虎蝦，大大隻超彈牙，鹽香味濃又唔會好咸，反而係好鮮味，蝦頭更是爆香，點埋店家既特製甜酸醬汁更令味道再次提鮮，單食又好食，用黎送白飯或啤酒都係超級正呀！我就揀左極上燒安格斯西冷牛小排，塊牛都幾厚身，而且無咩肥膏，仲燒得好香口，入晒味又無焦，好好味道~食左肉類後又係時間食返個靚菜中和返，去得食泰國菜，我地通常都會選擇食泰式飛天通菜，因為係屋企係點煮都無佢煮得咁好食，今晚既通菜好嫩，食入口都唔使咬好多啖就已經吞到，而且又好夠味！十個正！！尾聲再飲返個冰凍椰青，真係涼透入心，好消暑呀~~~~…查看更多

臨近新年又要開始準備辦年貨，成出格價就一定要，今日仲同埋家姐入左元朗買乾貨買得高高興興，一不心就6點，當然係食埋先返歸行左一陣見到有間面口幾熟既餐廳，行近一睇原來係阿囡最愛之一的傷心酸辣粉，一場來到就走左入去坐底後睇吓又主望吓，款式選擇都幾多，就連雞煲都有，天寒地冬梗要食熱野暖暖身，因此我地就點左雞煲同其他食物另外服務態度更是滿分，全部服務員都超有禮貌，同好勤力，又無漏單，未食已覺得好滿意好快熱辣辣的麻辣雞煲就已經送到我地2條友叫左半隻雞，份量足夠，夠晒味亦唔會過咸，麻香撲鼻，唔會過麻，雞件仲好嫩滑，好好食食得雞煲就當然要加埋其他配料入煲再煮煮來食，我地揀左花枝丸、腐皮、蓮藕片、薯粉，都係吸醬汁食物花枝丸幾彈牙，蓮藕片好爽口，切得又厚薄適中，腐皮亦好有豆香，真係唔錯！本身屬大食既我地，淨食雞煲係唔會夠的，所以就多叫左幾個小食酸辣土豆絲都係我地最愛，爽口又微酸，甚是開胃鹵水拼盤則份量十足，又雞翼又鹵蛋又鴨腎豬耳，夠入味，唔會得過死咸做得出色，無論單食還是用來送白飯食都是超讚！香酥軟骨就炸得好香口，唔會油，一口一粒，好好味而紅油蒜蓉小黃瓜就爆爽口，少少辣味道調得很好，很有川味食到咁上下，我地其實都好飽，但就係口癢，於是又叫埋碟紅油海蜇，口感煙韌又爽口，都係得少少辣，係香港人接愛到既味道來，份量適中食左咁多野，當然要大口大口飲吓可樂雪碧喇！我仲飲左2罐今日買左好多靚海味，又食到飽飽，開心呀~~~…查看更多

今日好凍係凍到癲左，真係完全唔想郁，更唔想煮飯，所以就捉左阿囡出去打邊爐乾手淨腳而阿囡今日就係銅鑼灣收工，為左可以早點食完返歸，當然係去接佢放工跟手係附近食個靚飯行行吓就諗起阿妹之前食過間樓上火鍋幾高質，於是就去左個間火鍋店一上到去感覺好乾淨，唔太嘈，人亦未算爆多，可能因為時間較早關係，所以就唔使等位，同時都唔會好大油煙同大味，真係太好！叫到成枱都係就最開心，我地當然都係不停係咁叫喇湯底先上我地成家人都鍾意食辣，但菜以辣湯泡熟味道是會有點怪怪，咁就梗係叫返個重慶麻辣拼養生野山菌湯，又可辣又可唔辣咁呀！麻辣湯底的辣度剛好，唔會太咸，仲有少少麻香，很是美味！養生野山菌湯則很清甜，更帶有陣陣香菇味道之後更拎了4碟前菜過來，分別係大豆芽、青瓜、黑木耳同海帶，全屬冷盤，味道微酸，超開胃阿囡超愛食牛，因此都叫左碟較貴既本地手切肥牛頸脊俾佢牛既雪花紋分佈好靚，唔會肥，加上切得厚薄適中，輕輕一燙，肉香撲鼻，係好正另外今晚仲點左個出面未見過既鴨血一嚐，口感似啫喱，好爽口，仲有絲絲鴨香在當中，感覺好Q彈，加埋辣汁一齊食就更是好味老豆子就叫左個豬爽喉，起初我都有少少抗拒，但食左一件又覺得係幾好食，質感好爽口，又有點嚼感，本身無咩味，但一加埋個重慶辣汁又真係一百分！口感即時變得又爽又辣，好惹味食得有味既湯底，我地一家人都一定會叫凍豆腐！可以盡吸湯底精華！呢度既凍豆腐既豆皮更好夠豆香，夠晒口感平時食丸食得多，食來食去得幾樣，你唔悶我都悶，今次就大膽咁叫左芫茜豬肉丸，一睇個樣無花無假係新鮮打的，唔會好多肥肉，更有條條芫茜係丸中，食落茜香適中，還有濃郁豬肉甜香，好味之餘都幾特別！食到咁上下就要食返埋時令西洋菜先得！呢度既西洋菜洗得好乾淨，又揀過晒，無黃又無老，無都係嫩口，放入菌湯輕煮即食得，爽甜又好味，我自己都係咁食，一陣就已被我食左半碟同埋我地仲叫左揸竹蔗茅根份量足夠，個樽仲幾靚，飲落唔會過甜又潤喉清涼，飲完喉嚨好舒適食完成身暖晒又飽晒，好滿足…查看更多

又到年尾大減價，當然要四出血拼先得！今日就同左阿囡去尖咀買衫過年，順個便食埋飯先返歸，係一輪買過你死我活後，滿載而歸就梗，肚亦當然開始餓起黎！於是就在附近搵食一個轉身就見到呢間餐廳，阿囡話佢朋友之前食過都OK，因此係唔想再搵之下就入左去細看餐牌選擇都好多，又薄餅又甜品咁，我地一家就叫左好幾樣食物第一樣送來既係自選小食，我地揀左3款，分別係香草煙三文魚、蔥汁炸魷魚、水牛城雞翼，份量都唔算好少三文魚好鮮味，魷魚彈牙又脆口，雞翼又夠晒入味，係幾好食！跟著就到左爸爸叫既海鮮燴飯，單係個樣就吸引，尤其面層既蛋超正，個邊煎得微焦，蛋黃就半生熟，真係無得輸！而飯底又好入味，海鮮數量都唔少款，加上又有沙律菜，食在口中一點都不膩，讚呀再來就有阿囡揀既巴馬火腿薄餅，餅底為薄底，烤得香脆無比，面層的火腿煙燻得十分香口，加上沙律菜及醬汁下，很是香口，亦未算十分乾身，不俗及後就有我揀既原味班戟，樣子吸引唔在講，更是十分鬆軟，加埋配送的忌廉一齊食就係爽滑，甜度適中，大愛呀呢間餐廳環境乾淨又舒服，裝潢設計又富文青感，阿囡很喜歡，我就最愛甜品，整體而言係Good既…查看更多

近排阿囡愈來愈鍾意食辣野，係屋企我就梗唔識煮，所以今晚出街食飯就順佢意去食吓川菜由於今日要去銅鑼灣宜家入貨關係，就係附近搵食，行行吓就去左去金百利，睇睇吓見到呢間餐廳既招牌，於是就決定上去望吓得唔得！眼看環境幾好，唔太多人(因為已經8點半，人是較少呱)，無油煙味，價錢都合理，於是就坐低左未點菜已有紅莓乾及甜蠶豆小食，仲有紙巾添，小食都幾好食，好快已被我同阿囡KO左點菜後無耐，仲送多左個椒鹽豬手小食俾我地，味道唔太咸，口感好煙韌，好多膠原，好QQ，豬手又夠入味，都算多肉，真係好好味道~無耐就到左我地點既菜登場！就係我同阿囡都好想食既香辣蝦干鍋！而且仲叫左肥牛、萵筍、茄子、魷魚、寬粉加埋入去一齊煮！未食已期待，一食不得了！個蝦超級入味，唔會得個死辣，蝦肉夠晒彈牙，很是好味另肥牛也切得厚薄適中，入味非常，而茄子則完全吸收晒辣得適中既醬汁，用來餸白飯食真是very good萵筍及魷魚都很爽甜，同時也切得厚薄適中， 口感很滿足食吓食吓我地終於叫左個1個白飯伴住一齊食，再食食吓就終到主角中既主角寬粉出場了！口感煙韌彈牙，又完全吸收晒整道菜的精華在內，美味得我同阿囡都係咁食，更有一刻想再order多個寬粉來食食畢埋單後正打算走人去食雪糕之際，侍應仲拎左西瓜同紅糖冰花水果冰粉送俾我地食真係好透心涼又潤喉，好滿足，呢刻雪糕都唔使食了…查看更多

朋友前個幾日生日，於是就順下佢意，同佢去咗佢想食既尖咀新川菜館度食飯，本身對川菜無咩特別嘅感覺，但係食完之後就發現自己深深愛左餐廳的招牌三黃雞燜鍋係其中一個最多人叫嘅，咁我就唔執輸都叫咗個啦~佢個雞嘅肉質非常鮮嫩，又多肉汁，仲好入味，唔會得個死咸咁，係鮮甜個種黎，加埋配菜下個顏色橙橙地黃黃地咁，非常鮮艷吸引其實成個鍋都係唔使自己郁手煮，係會有個店員專責幫你煮，放低個鍋後，侍應哥哥便會不停地翻動攪拌店方的特製醬汁，之後就倒入鍋中，再等大約十五至二十分鐘度就有得食，可以話係十分之方便，又唔會有油煙咁，真好！淨食雞係唔可能滿足到我朋友的，加上係佢大日子，就咪咁寒酸叫左我同佢都好鍾意既帶子同廣島蠔，放入鍋中一會兒便食得，味道鮮甜又爽脆，海蝦既肉質結實，熟咗之後仲保留到個鮮味，加上仲吸埋鍋中既湯汁下，更覺鮮味無窮一向請人請得一定要有體面既我仲叫左安格斯牛同埋蔬菜野菌拼盤，前者雪花分佈平均，而且切得比坊間其他店嘅厚身，好有肉香又有口感，另後者就好大盤吓！有生菜、金菇同粟米等等嘅菜，好健康又爽甜，朋友都食得得開心，我都好滿足呀！…查看更多

阿囡知我一向喜歡食日本拉麵，尤其係沾麵就更是最愛！所以一有新日本麵餐廳佢就會帶我去食今晚阿囡又帶我去食好野，就係去左觀塘apm既呢間新開日本拉麵店，電動扶手梯一上到去嘩左一聲，因我地兩母女都好早去到，但都已有好多人等緊位，好彩我地又唔算好肚餓，等左一陣就有位，開心~~店內環境都好有日本風味，但座位數量就未算太多，應該就係咁所以攪到要大排長龍，不過為求食好野等少少時間都係OK既，等左一陣就位都算我兩母女好彩~安座後看看餐牌都有好多種選擇，拉麵當然就是有，此外還有沾麵及小食，我就當然係叫左個沾麵喇這個神山沾汁麵就是店家的招牌，份量適中，麵質煙靭有口感，豚肉好juice又夠味，肥瘦比例剛好，每咬一口都感到滿滿的骨膠原，好滿足！而沾汁味道亦濃淡宜人，掛湯狀況上佳，加上還有溫泉蛋，使整碗麵都更豐富，係好食既！阿囡就叫左碗番茄叉燒拉麵，都頗大碗之餘，湯底更是十分清甜，淨飲湯底都很是好味道！麵質屬平常較幼身的拉麵，咬落軟硬剛好，而叉燒更是入味非常，而且亦唔會諧口，仲好有肉香，另溫泉蛋也是很滑嫩另外貪食既我地當然係唔會食碗麵咁小兒科！我地仲叫左幾款小食~燒鱈魚棒係外面唔係成日都食到，呢度有就當然立即叫來品嚐吓！味道濃香，數量尚多，有口感之餘，亦覺得好似在食緊薯片一樣，伴著啤酒來食就更是一流神山湯餃子個樣好得好靚仔！餃子仲係先煎香過，底部微焦正是我的最愛！當中的餡料入味非常，肉的比例都是OK，個湯就清清地咁，一齊食既口感就更是好，都係做得唔錯阿囡一向係好喜歡食我煎既多春魚關係，所以就叫左碟唐揚豆池魚來食食，魚仔炸得甘香，可整條食，炸得連骨都可食埋，外脆內軟，又夠熱，無魚腥味，點埋個醬汁一齊食係更更更好食，係不知不覺下就被阿囡食左大半碟添~比較大食的我還點了個店長極力推介的沖繩風味豚足，隻豬腳是來自日本，加上店方特製的醬汁餚製十多個小時而煮成，入味就唔在講，更重要係又軟又林又多膠原，每啖都覺得好好味外，仲覺得好補好有美容效果！食左咁多野就梗要飲返杯開心開心~是夜揀了杯雜果特飲，夠凍之餘未算過份甜，係好飲的！今餐好滿足！但阿囡帶我去食就當然係重點之中的重點，真係好安慰好開心呀！…查看更多

國慶時節有咩做? 當然係打吓牌同食大餐！阿囡今日就同左我去尖咀既呢間餐廳食野，環境好漂亮，好幽雅咁坐低後睇吓餐牌原來係半自助餐黎，真係太好！因為重點是我真心唔算食得好多既人，與其要食好多先化算，我係情願俾多點錢食得精緻點食得好食點既人，所以半自助餐對我來說是較喜歡的！細看下主菜款式都有好幾款，都是較名貴的食材，就連外面較少食得到的法式燒乳豬都有！真當阿囡點菜之際，靚仔經理就同我地講，係成個10月份只要身穿粉藍色或粉綠色或帶住呢2隻顏色的飾物，便可4位送1位，我同老公加埋阿囡同佢男朋友仔就剛好4個人，更好彩係阿囡著左件粉藍色衫，係完全中晒呀！因此我地就有1位係免費！好好好好開心雖然係半自助餐，但係佢地個自助區域都幾多嘢食可以揀，望落去個賣相亦都唔差仲有好幾款海鮮可以攞，淨係食松葉蟹腳都抵番哂啦！每款海鮮都唔會太鹹，翡翠螺食落彈牙，海蝦肉質厚而實，我個人就最喜歡松葉蟹腳佢地嘅數量都幾多，咁就唔怕想攞多啲個陣會無啦，可以盡情食，行多幾轉甜品區域就係女性既天堂，顏色鮮艷而且吸引，賣相唔錯，款式又多，淨係食甜品都飽啦~種類真的多，有熱情果朱古力慕絲、綠荼芒果蛋糕、意式咖啡餅等，每件細細又精緻，而且仲款款都係好食，真係好難得！其中最估唔到既就係綠茶同芒果原來係幾夾眼睛+相機+嘴巴食完任食區域後，便乖乖座低食返個以人頭計的龍蝦頭盤，單看size都好大隻，入面好多膏，肉質夠厚，彈牙，而且好鮮甜阿囡叫左係外面較少見有得食既法式燒燒乳配法國血橙汁主菜，燒乳豬嘅肉汁鎖咗响入面，質地嫩滑，再加埋血橙汁酸酸地既味道，令豬肉本身嘅香味更突出酷愛食魚的我就order左香煎深海比目魚柳配原隻南非鮑魚，比目魚柳一啲雪藏味都無，而且隔離個隻南非鮑魚同青口都很鮮甜，口感仲好彈牙食過主菜後，見仲可食到少少，於是又走左出自助區拎左個忌廉蘑菇湯同薯仔沙律來食，個湯好滑身，而且仲有切得細碎的蘑菇粒在內，每口的口感都好有層次好香濃，而薯仔沙律係原先無諗過拎來食，但阿囡食過話超好食，所以我先拎來食吓，估唔到真係好好食，係我有生以來都未食咁好食既，這應都全歸公於個廚師調個醬汁調得出色所致，因單睇個樣都係好普通，不過一食入口就會感受到原來咁簡單既菜式都係可以整得咁好食，個廚師既功力確係有一手！所以阿囡都話遲少少同埋阿婆再來食過味道︰環境︰氣氛︰地點︰服務︰…查看更多

香港人好鍾意去泰國，而我當然亦都唔例外啦，不過無理由個個月去一次㗎~ 所以一有家庭聚會個陣，好多時我都會想食泰菜，今夜都不倒外，又是吃貨人生時間~~餐廳白色嘅燈光令成間店好突出，嚟遠都會見到，門面設計雖然好簡單乾淨，但仍然貫徹到泰國風格㗎多人食有咩好！就係可以咩都食，食多幾款~鐵板蠔仔蛋既蛋同蠔份量都幾多，下面有啲菜墊底，上面放咗少少芫荽，食落好野味~軟殼蟹嘅殼炸得好香脆，加上上面有勁多蒜粒，所以碟餸好香。啲蟹都唔會難咬到成個口損哂，讚~睇落係普通嘅家常便飯，但係水準都唔差㗎~蝦同西蘭花都好爽口，食得出用料新鮮。呢個椰青焗海鮮飯真係不得了！充滿泰國風味~椰青淡淡的奶味令海鮮飯嘅香味更加突出，食落口感亦都更加豐富~~~~…查看更多

一直想試呢間餐廳好耐，睇網上面都有好多人對佢有讚無彈，咁樣都唔試嘅話真係對唔住自己，加上佢嘅地點好方便，去嚟放lunch或者放工食都好就腳唔計前菜，佢有好多火鍋類同小菜比大家試下，每碟餸個樣都好吸引，搞到我想樣樣都叫嚟試下，但係今次得我同另一位同事，所以要自製啲唔好叫咁多。前菜有好多碟又酸又辣嘅菜式，份量啱啱又唔會飽得制，好開胃炒年糕好煙韌，而且仲沾咗啲湯汁响上面。入面仲有少少海鮮，好似魷魚同蜆，好鮮味呀~碟泡菜炒五花肉嘅顏色好鮮艷，幾吸引，辣辣地好開胃，五花肉薄薄地，好容易食，上面有少少芝麻，令碟餸更香生牛肉相信無咪人夠膽食但係我今次就好大膽咁叫咗個啲食，估唔又幾好食喎，口感豐富，蛋黃令碗飯嘅顏色更靚，更吸引，雖然有好多樣餸响入面，但係大家都好夾係米芝蓮推介㗎，一出嚟就會見到，絕對無呃人，食得好滿足！！…查看更多

之前成日食韓國菜同泰國菜，最近好似食少左越南菜，於是放工之後就去左食越南野行行吓見到這新開越南菜館就入去俾個機會佢填飽我個肚，入面裝修走簡約路線，勝在夠乾淨，光線充足，食嘢都食得特別舒服見到個餐牌有法式芝心蝦多士，係我愛食的，當然定要叫喇！出面個層係煎堆皮，入面夾住咗好多蝦肉响入面，再加上有流心嘅芝士，大家都好夾㗎手撕雞檬紙卷好脆，雞肉好滑，加上檬紙嘅香味令碟菜嘅吸引力大增海膽甜得嚟鮮美，用塊生菜包住佢同下面舊春卷一齊食唔會覺得太油膩，仲有口感。食左咁多小食，又係主食既時候，我叫左碗越式火車頭河粉，牛肉熟得啱啱好，河粉索哂啲湯汁，但係又唔會淋哂，好惹味~老公點既手撕雞湯河都好有水準，好香口，而且佢係清雞湯，所以唔會太搶風頭，成碗麵食落好和諧雖然天氣好熱，但老公有少少感親，我就叫左杯香茅薑蜜過佢，原來係將香茅放入去杯薑蜜度飲，係好特別嘅味道，但係比想像中好飲，味道清新…查看更多

又係Family gathering 嘅時間但係淨係每次諗食咩都已經諗爆頭， 好彩今次有人建議去食椰子雞煲，唔使我諗呢店入面光線充足，地方乾淨整齊，以圓形枱為主，方便一家人食雞煲。間店有好多種類嘅餸比你揀，可以比人揀自己鍾意嘅菜嚟食，咁一家人就唔使煩食咩，每人揀一樣就最好不過椰子雞鍋係呢度既招牌菜，識食一定要食！店員話椰子雞鍋淨係需要煲三分鐘，開頭好驚隻雞會未熟得哂，點知原來啱啱好，仲要好嫩滑，加上個湯底係椰子水，令隻雞更加香超愛之牛的我就點了一碟安格斯牛肩肉，雪花分佈平均，仲會吸哂啲椰子湯底，令佢嘅肉更加甜，一份嘅份量都幾多，但係就好食到想叫多碟囉~~~老公最愛的烏冬係日本稻庭烏冬黎！就算煮耐咗都仍然咁彈牙，而且又索哂啲湯底，好重椰子香阿囡就叫左碟椒鹽九肚魚，好惹味，魚肉夠滑，外面就好脆好香口，加上佢辣辣地，幾開胃㗎這薑蔥魚頭煲都係好夠火喉！薑蔥味好香，而且入而個魚頭嘅肉好嫩滑，係我覺得除咗雞煲之後第二個好食嘅煲…查看更多

平時同阿女2個人去街食飯都較少食中菜，今日連老公都出埋黎，所以就順吓佢意食返餐中菜，阿女就揀左間新開既福建菜館，我同死佬都好期待去到原來係米芝蓮星級既莆田新分店黎！裝潢設計沿用一貫風格，仍舊走簡約舒適路線，乾淨就不在話下，重點係店面好寬闊，坐得好舒服阿女叫既頭盤冷盤就係店舖招牌特色菜----蝦苗拌頭水紫菜，味道清新又略帶微酸，小蝦苗鮮味之餘，仲令口感更添層次，很是味美又開胃用料好足，蛋同蟶子一樣咁多，仲有少少蘿蔔响入面，令個蛋抱蟶子嘅口感更加豐富。蟶子肥美鮮甜又多汁，花雕嘅酒味唔會太搶，淡淡地，令蟶子更加鮮。咁大碟，一睇就知入面有好多料啦，想食得健康啲就有啲菜，蝦同蜆都好大粒。米粉唔會索哂啲油，又唔會太粉。簡簡單單一碟薑蔥炒蟶子已經好好食，食到蟶子最原始嘅味道，薑蔥都令蟶子更加鮮甜。…查看更多