Elsa72的個人專頁

旺角中心依家好似改走葵廣風格，多了好多食肆，同葵廣一樣，一間間小小店舖，冇位坐，相對我覺得空間比葵廣更小。這個綿綿冰係泰國來的，上面一個好厚的椰漿好似一頂帽，下面黃色冰裡面混合芒果果粒，加小小芒果汁，跟住最底有糯米飯墊底。層次分明，可以融合一起食也可以分開。芒果粒唔係好多，但唔會酸。下面糯米飯唔會一粒粒分開，好糯。美中不足，放冰的容器有點重心不穩，食到最後要小心扶住。and食冰冇位坐，都好奇怪呀。…查看更多

平日中午2點，不用排隊，直接入場。朋友之前有來過，已經同我講份量超大，可惜我完全沒有理會，菜上來先發現真係超大份量。沙律，忘記名字，但服務員話係尼間餐廳比較清淡的沙律，沙律裡面有西蘭花，牛油果，nuts，火箭菜等一些沙律菜，個人認為sauce就有點油，但都可以接受，酸酸甜甜幾好味。杏仁雞肉三文治，有三文治兩個，好大一份沙律，另一大碗湯，今日餐湯蘑菇忌廉湯，其實印完湯已經好飽了，但唔可以浪費，所以慢慢食三文治，三文治麵包用牛油煎過，都係同沙律同一個問題，有點油膩，但係接受範圍。配菜沙律相對就冇單點的沙律咁油。但相對來講味道唔錯。最後唔可以放過蛋糕，點了紅絲絨芝士蛋糕，哇⋯超大份，我覺得要三個人share比較好，我一個人食，完全冇可能食完。我覺得紅絲絨部份好味，➕芝士一起，好滿足。…查看更多

朋友推薦，話尼間海鮮好味，所以來一試。來之前一天已致電老闆預定需要的海鮮。店舖非常不起眼，好難搵。周圍冇泊車，只能泊路邊。除了已經預訂的海鮮還叫了川味雞煲，雞算滑，辣度最辣，我覺得一般般正常，冇掩蓋雞的鮮味，我會更推薦九龍城有口福的雞煲。水煮牛肉，無推薦，冇咩特別，配料一般，牛肉一般。椒鹽鮮魷，唔錯，上來熱辣辣，椒鹽唔會搶走魷魚鮮味，炸粉裡面加有吉士粉，推薦。椒鹽瀨尿蝦，蝦係好大，但我覺得冇咁肥，上次鯉魚門既會更肥。味道調的唔錯，唔會好鹹。黃金蝦，外面包了鹹蛋黃，但鹹蛋黃唔多，或者來貨唔靚炸的火候正好，但總體味道一般。蟶子王，同瀨尿蝦有同一個問題，好瘦⋯元貝就好大，但可惜蒸過頭，有d老。但粉絲味道唔錯。最後係避風塘炒蟹，我覺得蟹都偏瘦了，味道倒是不錯。買單一人700幾，就一般小店來講，味道唔錯，價錢都唔會好貴，唯一可惜的係海鮮太瘦，味精落太多，希望可以改善。…查看更多

八號風球，係屋企無聊了一日，夜晚出來食飯。Goobne chicken之前去過佢銅鑼灣分店，蜜糖咖喱烤雞好好味。今次來將軍澳店，決定試一試其他烤雞，最終選擇三重芝士烤雞，唔知係唔係因為打風，人手不夠，等了20分鐘先有烤雞食，烤雞皮脆脆，唔會覺得油，芝士好多，都收貨，但我更鍾意蜜糖咖喱。粉絲蛋卷，好味，都有可能係因為等好耐，肚餓了的關係，我覺得好味過另一款蛋卷。甜辣雞年糕，叫這個係因為烤芝士雞肉串and另一款都冇貨，所以選擇尼個，我覺得一般般，冇咩特別。想要一個雪花冰做ending，點知將軍澳店竟然冇甜品…查看更多

經過德福，睇到新開了很多食肆，有臺灣菜，越南粉，泰國菜等，最終我選擇標榜自己係正宗越南Pho的錦麗。中午11:30，客人唔多，暫時不需要排隊，冇午餐套餐，要飲品只可以散叫。因為一個人的關係，我只叫了一個綜合粉，份量剛剛好，如果男士來食應該會覺得唔夠。湯底有好濃牛肉味，食完唔會好口渴。生牛肉一般般，我更鍾意切薄點的生牛肉。但牛丸and牛腩好味，份量都好足，唔會似有的餐廳只有兩塊牛腩。綜合粉一碗62港幣，冇加一。…查看更多

中秋假期比自己放一個假，食一個甜品。之前就好想試一試尼間韓國來的芒果冰沙，今日就特別過來一試。要了一個大杯芒果冰沙，98蚊，真係幾大杯。最上面係芒果同好多cream，cream唔甜，芒果有點酸，要同cream一起食先可以中和酸味。下層冰沙好人工，食唔到天然芒果味，都好算，寧願搵一間甜品店食雪花冰仲好過啦。再下面又係芒果果粒同少少cream，之後係1/4杯的冰沙，兩個人都KO唔到。尼個價錢來講，唔會再試了。…查看更多

今次唔係第一次來，記得第一次來果陣餐廳都未有酒牌。因為上次食咗覺得麵包蟹好正，所以今次帶朋友一起來，點知退步咁多！黑松露薯條雖然中規中矩，但比起其他都算好味，所以推薦。小龍蝦dip配玉米片，好一般，冇咩驚喜，唔推薦。2包海鮮包，分別叫了medium辣的source同一個唔辣的檸檬source。有麵包蟹，珍寶蟹，琵琶蝦，小龍蝦，墨魚仔，蜆。首先麵包蟹同我第一次來比差好多，記得第一次來單食蟹膏都可以食飽，但今日真係兩啖食完，好失望。珍寶蟹都不如店家所講肉多鮮甜。倒是琵琶蝦有驚喜，啖啖肉。其他海鮮都是一般水平。另外海鮮包裡面的配料腸仔明顯少咗，而薯仔就多了。平均500蚊一位，尼個價錢，我不如出去鯉魚門食海鮮仲好啦。…查看更多

朋友提前兩個星期由openrice訂位，打來confirm位時都冇話限時2個鐘，去到攞位先講有限時，6點開始，8點交檯，7:30last order。8個人為了節省時間，叫了一個大花膠雞煲，好大煲，有一隻雞係裡面，店員會係湯滾之後幫你剪開。雞湯幾好飲，但偏鹹小小。花膠普通。最推薦芝心牛丸，好多芝士。皮蛋貢丸好少見，但裡面皮蛋加了好多姜，我接受唔到。炸響鈴就係一般貨色，唔似自家製。最誇張係皇帝菜，7點食完皇帝菜想encore，竟然話已經賣完！我覺得係要留貨比下一round多點。價錢就唔係好貴，但除了雞煲冇咩特別，仲有限時，應該唔會再來。…查看更多

因為晚上係附近其他餐廳已經食的好飽，所以決定只係坐下飲酒傾一傾。首先環境來講就係一般細酒吧，冇咩特別。洗手間要出門行去後邊巷仔，非常唔方便。mojito，同行friend全部都叫尼個，超甜，冇咩酒味，同服務員講咗以後就話係迎合香港人口味，咩？原來香港人食咁甜⋯後來服務員就拎了一針筒rum過來，叫大家自己落。dry martini，好普通，冇咩特別。最誇張係小食nuts，175蚊，一次都冇refill過，係，我係好少蒲，但係麻煩都要提前話客人知啊。…查看更多

海港城餐廳好多但因為小朋友要食burger，所以無奈撿了BLT，之前係樓下試過BLT Steak的brunch，都算可以，burger就係第一次。wagyu burger套餐 208港幣，配粗薯條。單點一個wagyu burger，158港幣。burger 要了medium rare，小朋友唔到5分鐘就KO咗，睇來應該好味。粗薯條就一般般。田園沙律好好唔推薦，唔好味。就連burger的伴菜沙律都唔好食。有驚喜的係炸物，洋蔥圈好酥脆，唔油，洋蔥有少少甜味，好味。芝士條可以拉絲，唔油。…查看更多

最近很紅的霸嗎拉麵，特別選中午時段來，星期五中午十二時半到，竟然不需要排隊，lucky！原本想試雞叉燒，但係裡面冇筍同糖心蛋，所以就選了豬肉，麵裡面有少量筍同一隻溏心蛋，溏心蛋我覺得煮的一般，雖然一隻蛋好豪，但裡面糖心一般，冇自己煮的好味。選擇軟面and中辛，但都冇覺得軟身，好似一蘭略勝一籌。辣度就好一般，食的辣可以選擇大辣。湯底都算濃味，好味。另外叫了一份餃子，我就覺得餃子好一般，裡面應該係有韭菜。…查看更多

老板請吃飯，因為要食海鮮所以撿鯉魚門，西貢相對遊客更多，南大門係鯉魚門最裡面，落車要行差不多1個字多點。二樓露台海景好靚，適合影相。但二樓洗手間唔乾淨，每次去洗手間要落樓下，唔方便。外面海鮮檔買了龍蝦，象拔蚌做刺身，龍蝦肉質鮮甜，彈牙，好新鮮，龍蝦頭另外煲粥。推薦象拔蚌刺身一般，有點腥，唔推薦。但海鮮檔老板都算態度好，送咗一人一隻醬油大蝦補數。蟶子王都好味，但唔驚艷。賴尿蝦超多膏，但唔係每隻都有膏，炸的剛剛好。推薦鮑魚西蘭花，鮑魚汁調的好，唔會死鹹，加了鮑魚汁的西蘭花尤其好味。推薦阿拉斯加蟹都好新鮮。辣酒花螺我會更推薦西貢六福，汁水調的更好。最後送的水果and甜品南瓜露好味呀。平均每人1100，未計酒水，都算抵食…查看更多

朋友一起聚餐，大家都想試一試辣野，所以搵尼間成都火鍋。1. 鴛鴦窩，麻雀造型的牛油好得意，加湯融化後就係牛油火鍋，都係改良過的牛油窩，唔辣，唔麻。2. 328一碟手切牛，量細過其他地方3分1，可能係因為銅鑼灣租金貴，所以有變相加價。菜品選擇好少，餐前小食只得4款，服務員唔停推薦貴價海鮮，菜量唔單係肉，其他都好少，同其他同類餐廳冇得比，好彩新開張有85折，and未有酒牌所以唔收開瓶費。總體來講口味一般，平時唔食辣的朋友都可以食到，菜量好細。洗手間好似街邊茶餐廳咁，地面好滑，大家小心。唔推薦。…查看更多

中午同朋友食華嫂，預咗要排隊所以12:30就到達，點知前面竟然有20個號碼，門口企咗好多人，咁大太陽，真係衫都濕咗，唯有去隔壁皇廷廣場嘆一嘆冷氣。20個號碼一共等了40分鐘左右，都算可以接受。凍檸茶，好一般，普通茶餐廳貨色。招牌芝士鹹牛肉蛋豬仔包，超好味啊！隻包上來熱辣辣，應該有擦黃油，牛肉芝士同蛋，perfect match，特別係芝士半融，好正。番茄湯底米線加招牌雞翼，雞翼好入味，少少甜。番茄湯底好濃郁，好似放咗好多茄膏，但係我鍾意，下次可以試試冬陰功，睇來都好好味咁。…查看更多

工作日路過K11，突然想起百味堂係中庭有限時攤位，決定如果人唔多就排隊試一試百味堂出名的軟雪糕。百味堂係中庭的攤位好大，大到不像是臨時攤位，工作日排隊人唔多，差不多10分鐘就到我。雪糕有原味and豆漿味，仲有好多其他例如蜜瓜雪糕杯等，考慮係第一次所以選擇原味雪糕筒試一試。48港幣一個雪糕筒，雪糕筒上雪糕造型真係好似⋯，味道的話奶味都好重，食到裡面的冰粒，相對來說我個人更鍾意幼滑的雪糕，所以應該只係一試，唔會再encore。…查看更多