prettycindy的個人專頁

為朋友慶祝生日,非常失望其實係二次光顧主菜牛扒係 鞋又凍飲品淡味最大問題係background music, 西餐廳黎講, 大聲到去左紅館咁, 播mirror 唔係問題, 但係攪到party room火焰雪山苦過dd三個人食$1500咁既價位我勸你去第二道…查看更多

本人不是素食人, 不過食咗一次,完全癲覆對素食既觀念,間鋪既菜式非常新穎, menu 有d 同酒家相似, 真係肉類既名照寫上去,叉燒, 牛仔骨, 好鬼馬, 叫左咕嚕肉,雞c 粉皮, 嘩,大佬,好好味, 雞絲似到我懷疑係真雞肉,我仲損乾淨個麻醬黎睇, 無論口感定外型, 可以話AA+貨最勁係個咕嚕肉, 好L 好味, 又係懷疑系列, 炸同炒中間做得洽到好處, 中間有舊好似合成火腿既物體再溝埋個蒟蒻扮肥膏, 汁係完全似樣,酸甜適中,有火喉又佢又凍上, 即刻唔熱氣, 有d 藍莓,份子蜜桃味粒中和下, 個味生色不少一句到尾，好味…查看更多

男朋友生日諗住大家尖沙咀返工,就揀間近近地庆祝一下,因為我地都好中意食中菜, 但一直都未試過海景嘉福既中菜首先,佢位置在地牢樓層,加上舊, 氣氛會差d, 而且樓底好矮,酒店黎講,感覺焗促唔試由只可,一試失望到低谷試中菜,我地二個都研法左一套,就係一定要試叉燒就講個叉燒, 乾爭爭又瘦, 所謂黑毛豬, 坦白講, 太興都有質感過佢再叫左個紅菜頭素材盤, 擺碟好靚, 砌左幅畫出黎. 但,靚囉, 菜就係菜味, 唔夾味講到咁....其實都準備轉場,冇謂再講, 唔會推介也唔會再去, 也會叫人唔好去........…查看更多

宜家周街都係米線，開到成行成市，不過見到佢有好多朋友都係佢到打卡，地點又喺旺角，非常就腳，都係帶住求其食餐飯既心態，膽粗粗試一試，反正家下啲米線衰極有個譜。2個人食，叫左2碗麵，2個小食、分別係湖南招牌螺師粉，胡椒雞湯麵，蛋餃，麻辣手撕雞個胡椒雞湯麵 非常有驚喜，上枱時有個小火加熱住食，湯係稠身，好滑溜，好濃，雞好滑又入味，雖然有雞連皮但係湯底一啲都唔油，絕對好似佢menu 所講，連埋湯飲是常識吧招牌螺師粉有好大陣筍味，如果唔喜歡，真係不能放入口，不過酸辣度好適中，反而識欣賞覺得好有風味，而且米線質地好滑，彈牙唔會淋到冇咬口。蛋餃好開胃，細細隻，一口就食到，點下醬食好惹味手撕雞味道也中規中矩，當開胃菜咁食，唔錯。不過不得不提佢個秘製辣椒油，因為真係辣到飛起，如果食得辣一定要試。但唔得就掂都唔好掂。真係點好少都會令你冇左味覺，只有辣味。佢辣籽唔多，顏色好似老干媽咁，千祈唔好睇少佢。…查看更多

香港周街都係什麼台式,大陸式野飲, 計我話識飲一定飲港式奶茶, 先好叫食家飲家.見佢有大師傅坐陣, 地點又就腳, 就慕名而去.唔試唔知,一試難忘個奶茶👍👍👍👍好味到飛街茶香,奶滑, 個after taste 有種齒甲留香既感覺值得一試,再試佢仲有個茶王,大那那要$88 杯真係等生日賀祝先捨得飲吖😝…查看更多

大家有心理準備， 你諗住圓方餐廳點都算見得下人，有啲交代， 呢間一定會好似宜家政府咁令你非常失望。母親節諗住食餐有體面啲既飯，估唔到衰過食金鳳1，服務一般，餐廳以外籍人士為主，冇歧視成份，不過非常懶散，比得咁既價錢，食完想干干淨淨傾下計，執枱執碟都要稻香咁叫佢埋黎2，食物可以用難食形容，牛扒，五成熟，不過係乾身，一啲都唔juicy, 簡單講，衰過金鳳，而且一大條粗筋，唔知以為叫左牛筋腩但西式食法3，媽媽食煎魚，冇問佢意見，不過比左碟上既配菜比我（二條菜）但係苦澀味極濃4，蜆肉意粉，意粉質地算唔錯，不過我諗佢除左鹽同白酒就冇其他調味5，意大利飯，淡淡的，不願致評最後一句，各人口味不一樣，你中意食清淡，佢係唔錯既選擇，但係如果你收酒店價錢，咁既服務同質數，真係攞零分，眼見仲有好多遊客幫襯， 希望唔好影響香港美食天堂既口碑。…查看更多

你個舖位執咗好多間鋪之前都係做茶餐廳開咗間裝修咁靚即刻要去試雖然唔講得上超級有驚喜但係喺上水食西餐都冇幾個選擇無論賣相同味道都好好而且老闆話而家有酒牌如果晚餐你可以試吓佢啲手工啤…查看更多

一班朋友仔濟濟一堂去澳門來個澳門一天遊, 未出發前, 上網做定功課睇下邊個餐廳好好地食一餐慶祝其中一位朋友既正日生日. 上網見到頭1,2,3位都有新葡京酒店啲餐廳份, 又印象中食過以前新葡京間自助山(真心正)見到啲食評有相有圖, D牛扒望落都唔錯就即管試試.入到餐廳, 真係好有食在歐洲既感覺, 餐廳裝修得好有型格.好靚. 門口隻金牛都有為佢拍照留念, 職員都好NICE幫我地渣機影相.室內環境好GRAND, 唔係黑媽媽果種, 餐枱冇咩佈置, 但用既餐具都好靚MENU我地都係新葡京既網站過目過. 知道咩價錢. 又不太天價, 中高價位, 講得係扒房, 扒類就不能少. 和牛,肉眼之類都係大路嘢. 和牛再分澳洲幾級同日本,都算好齊.  叫左4個主菜,人頭份量湯,分別係西班牙火腿芝士PIZZA, 一個西冷, 一個澳洲七級和牛, 一條鱸魚叫既時候WAITRESS都有好心提醒洋葱湯味道偏咸, 其實味道比一般係咸啲, 不過接受到, 但味道冇驚喜PIZZA 都幾正宗, 味道一般, 唔覺得特別.牛扒就直頭失望, 扒房+格局諗住=出色. 但食落去一致認為好唔JUICY. 冇咩牛味. 好UN. 去唔到5星質數.魚都OK, 魚肉都好滑, 汁配牛油0檬幾香. 不過原條上, 唔係歐式果款一件頭上.甜品冇試到, 因為太飽了. 但整體食到每位千幾蚊, 講句公道說話就真係唔值.…查看更多

我覺得自己既題目好貼切形容呢間餐廳，形容私房菜一般都係諗到喺收收埋埋，一間鋪頂盡3、4張枱，食物好精緻，你有幾多個人，佢就煮幾多人份量比你、啱晒！形容呢餐廳既環境，除左佢唔洗上樓。首先服務員都係阿姐級人馬，睇落串串貢但實際好nice，上菜時仲主動話幫我撈下啲汁2個人叫左3個餸極力推介：黃酒煮雞，蝦醬蒸豬肉第一個餸係黃酒煮雞-職員放低後，提議我地先飲湯再食雞，不過一大啖飲落去，黃酒味好重，酒味太濃、簡單嚟講啲係「芹」不過雞肉好嫩，巧巧味，雞味酸酸甜甜，好開胃。另外再黎就一品海鮮魚面魚面好彈牙，不過冇味精，清清地做主食填肚啱晒另一推介就係蝦醬蒸豬肉故名思義係撈飯一流既餸、好香豬油味，豬肉大塊、嫩口。餐廳仲有好多選擇，招牌係客家魚村菜，不過好啱港人口味。價錢好公道。值得一試再試…查看更多

呢個迷你商場開左都有幾個月時間，一心諗住終於為上水添啲食肆新血，造福街坊。係呢間鋪隔離都係連鎖餐店，嗰日下午茶時間見門口個職員咁落力sell就即管入去試試。職員安排坐窗口卡位，環境都算唔錯，幾有high tea feel.望過餐牌下午茶餐, 印象選擇唔多個五款. 記得2個人去食, 本身諗住一人叫一樣,share食,最後都揀左同一款就知幾少選擇. 我揀既係瑞士汁牛肉河. 個名幾好聽, 不過簡單d, 啫係干炒牛河. 碟野食一上枱, 好疑惑自己明明冇叫waiter碎上, d河粉唔知點解炒到一粒粒. 好似阿媽蒸肉餅前剁碎左咁散晒. 牛肉ok既, 一塊塊完整既(但數量唔多), 味道就一般了, 好多茶餐廳做得好過佢. 始終口感好差.埋單都要$50-$60整體黎講, 食物質量好差, 餐廳環境ok, 唔會搵錢黎嘥的話就唔會再去食囉.…查看更多

:(本人住在上水又在上水區上班，唔出街的話，基本上早午晚都係上水解決。a100以前同一間叫紅人係同一老闆經營，由於上水開葯房好過開餐廳，紅人茶記較早前都關門大吉，😿 本來紅人啲野食都唔錯，諗住佢姐妹公司，一雞死一雞鳴，都唔會差得好邊啫。我叫左個下午茶餐-雞翼檬粉，邊知咁都出事，首先，湯係冇味，講盡啲係水黎既，雞翼瘦弱，配料唔多，不過湯難食就比鮑魚做餸都冇用。發誓以後都唔去！…查看更多

我返工同住都係上水，問心嗰句，上水食肆其實選擇唔多，講起永發，由於有一人同事亂沖亂撞話試間未食過嘅餐廳做午餐，永發門口好唔顯眼，以前望入去真係唔知佢賣咩，一道手趟木門，遮左一大間鋪，加上隔離左右食肆林立，都普普通通。不過入面食物水準真心高，推介有佢椒盬豬扒飯，乾蒜香口再加葱油紅椒，浄係調味已經冇得輸，豬扒唔會炸到好乾好熱氣咁，飯大大碟，包飽。其次雞湯飯，晚上餐廳會做夜市，全場只吃雞煲，午市都會用晚上既好味鮮雞黎做，第一，雞湯唔係泡飯，係另上，咁就有飯、有湯、有肉，仲有個豉油就夜市打邊爐果隻，小辣但帶甜，好開胃，雞身好滑，就算食雞胸都唔會覺得鞋。仲有，魚香茄子飯，魚香有咸魚香，我本身唔食茄子，但佢煮得好冇茄子既青味。餐廳睇得出係家庭式經營。好有人情味。午餐食完，晚餐再食都認得我。上水雖然成日話比大陸人淪陷左,間間鋪都開葯房，但呢啲香港地係食肆真係要多多支持…查看更多

今日同個舊同事來個twenty ten既第一次聚舊飯局;順便慶祝一下大家都轉到份新工;話說我同呢個舊同事以前係銅鑼灣相識; 以前收工兩個單身人士當然相約一齊; 跟住openrice個銅鑼灣專頁搵嘢食; 自從大家年幾前轉咗工; 見面少左; 大家又離開左銅鑼灣區工作; 都冇咗以前枝歌仔唱lu!難得抽到時間食飯; 當然要做下功課; 重燃昔日情懷不過今次玩嘢; 見到大牌檔係openrice頭幾個食評都彈到佢不得了; 但係又睇到d食家影到d咁得意既相; 胆粗粗; 決定去闖一闖!當日我地兩個成十點先入場裝修係真的好有心思; 好fusion; 好lifestyle其實地下嗰層因為冇人坐; 伙計要我地二個坐樓上上到樓; 唔少旅客正在用餐中一坐低二條友即刻點菜分別係; 蝦仁炒旦, 欖菜肉松四季豆; 焗豬扒飯; 二杯奶茶可能肚餓加上睇過好多食家食評都話佢麻麻地;我都不敢期望太高; 話晒十點入座; 唔知係唔係廚房有大部分人收工; 上菜係慢架d伙計係真係唔醒水架; 餸到齊又唔上個白飯; no good no good不過好老實! 當我地二個各選第一口餸; 居然異口同聲咁叫咗一聲好味出黎首先講個蝦仁炒旦; 旦唔係好滑; 不過賣相唔錯; 炒得好靚; 唔太濕又唔會好干; 味道適中; 蝦既份量都好多; 唔會申笨到焗豬扒飯唔! 開胃好味; 材料份量;味道調教得啱啱好;(個人覺得同大家樂既一哥焗豬排飯一樣好味!)而欖菜四季豆呢味餸多油就走唔甩;不過佢又唔係咁過份;令人見到就唔想食..而且味道唔算差;香口;送飯一流奶茶改得自己個名咁有代表性; 呢杯奶茶真係唔好輸俾人睇;好在夠滑夠濃夠香.茶味不澀;奶味不淡; 都幾有水準至於埋單都係$90左右一位;係咁既地區;咁既裝修環境;坐得舒服;乾淨企理; 都唔算過份既總括而言;唔錯!~會再一次到訪!加油!…查看更多

三四年前喺上海工幹; 老大早就聽過Saizeriya呢間餐廳既大名仲經歷埋佢轉型一刻(由本身走貴價路線轉平民路線)終於等到佢殺入香港......唔知味道如何難得今年生日大個女唔搵朋友陪;冇晒d daytime活動; 就等阿爸阿媽收工;約佢地去荃灣食佢男朋友做司機; 約埋一齊出發; 勝在中染佢有泊車優惠(消費$100送1hr,$200送2hr)晚上20:00到逹; 門口排晒等食既客人; 話晒都開飯時間嘛! 一向唔會排隊等食既我都打破常規! 不過又好好彩; 我地等既四人枱唔洗好多張! 話咁快打個白鴿轉就入得場; 非常快手打開個menu; 哈哈~~~~係我以前係上海工作時最愛宵夜食物(懷舊中)不過可能香港新開! 食物選擇唔夠多; 不過招牌菜就冇唔記得帶落黎我地點咗8樣食物蒜蓉田螺; 辣雞亦; 一個pizza; 辣味腸; 漢堡扒; 海鮮意粉; 意大利飯....................超豐富^_^食到咁多花樣; 全因為佢碟頭份量啱啱好; 尤其我地四人份量; 一人一件; 其中二個可以食多一件; 唔會太多; 又唔會唔夠喉; 加上價錢經濟; 一個pizza$30多幾蚊; 舖到成張枱係食物都唔怕埋單個價錢嚇死; 生日嘛; 緊係想豐衣足食d ........好味道^_^要講到佢做到正宗既意大利菜味道就唔好有咁既要求; 未又係pizzahut既快餐形式囉! 不過快餐得黎首先係真係快; 坐滿成個場都係客; 上菜速度有效率; 味道都唔錯~尤其係雞亦;十個正煙肉pizza好味過pizzzahut...細個得黎有睇頭;又唔會太膩太滯; 起碼個肚有位試其他嘢!漢堡扒又係另一個好介紹; 用刀切佢唔會散開; 放入口先散開; 好似入口即溶咁; 好juicy;仲好有香牛油煎肉既味道不過白汁意粉同海鮮意大利飯就差啲啲白汁太強奶粉味; 咩主菜味都俾佢搶晒海鮮意大利飯咸得滯; 就多海鮮都食唔到多幾啖!幾得意又幾麻煩^_^佢有個自助吧裝飲品; 奶茶; 0茶; 咖啡; 全部閣下自理; 我自己整個杯檸檬蘋果茶.....十個正!!!不過行出行入; ......真係好唔啱我呢d懶鬼(我坐最入既卡位>_<)飲品收費幾公道; 十三元正一位; 但係唔係要你成張枱個個都俾喎;總之你誠實地話佢知;你加幾多位就得整體阿爸阿媽同男友都一致好評; 下次會再encore~~~~~因為都幾抵食又幾好食! …查看更多

喺元朗返咗工一段好短既時間; 未入去之前; 住喺元朗既舊一堆舊同學就早預告我知; 元朗大把禾桿冚珍珠既好嘢食! 又平又抵!又真係唔講唔知; 咁堅~就呢間食口福茶餐廳; 我冇認真親身拜會過; 次次都係打個電話叫外賣;做外賣;要求簡單: 快; 準; 好味由於我都係元朗廣場返工;路程近~ 送到嚟; 熱辣辣;香噴噴~~~~~~~不在話下不過只要你一肚餓; 一個電話打去; 唔到十五分鐘內必定送到; 絕對餓唔死; 等唔死人接電話既阿姐話頭醒尾冇話聽漏落錯單(每次叫都要走芫茜又多荵少芽菜), 有效率; 做到嘢送外賣既哥哥仔都好有禮貌; 我鋪頭細細; 見到我做緊生意; 都先係門口等一等; 等到我得閒理佢;佢先入黎收錢走人! 就算次次送外賣既都唔同人; 但個個都有咁既教養; 証明訓練有數.上面都係題外話,加分位個酸辣米線冇得 彈!!!味香~湯濃~酸辣適中! 辣得刺激;又不會留係口辣太久;湯底味道酸度啱啱好; 搶唔到材枓味道; 配菜料足; 我試過肥牛; 牛丸; 炸雞亦; 手撕雞; 樣樣都好味; 唯一唔好既係主菜份量好少! 好似牛丸得二粒; 開二俾你; 好似有4口; 不過牛丸大粒極有限啦!不過值得嘉許 係佢如果係炸既餸; 會另外分開上俾你; 咁就唔怕佢冧晒又發漲晒最主要; 一般打工仔; 日日咁食個lunch; 價錢非留意不可包埋杯飲品(提一提: 熱奶茶都沖得好好飲)***計埋外賣加一都係$21.呢d未叫做抵食夾大件囉!大家不防去試試!就算我宜家冇再係元朗返工; 有時放假都專程入元朗探訪下佢! (當然唔係坐係公園叫外賣啦)食咗一次; 就會有掛念佢既感覺~証明佢幾好食!!!!!!!! …查看更多