Edith.Chan852的個人專頁

今日約左朋友係大角咀食飯 就搵到呢間西餐廳～🍴香煎海盧魚配薯蓉海盧魚煎得恰到好處，外焦內嫩，肉質鮮甜，搭配軟滑既薯蓉，令人回味無窮🤤🍴慢煮雞胸配燒南瓜牛油果沙律 (柚子醋) $98雞胸肉慢煮得非常嫩滑，配上燒南瓜和新鮮牛油果，口感層次豐富。柚子醋的清新味道更令整體清爽可口，夏天食岩岩好🍴鹹蛋黃炸雞翼 $88炸雞翼外脆內嫩，鹹蛋黃的濃郁味道渗透每一啖，絕對值得一試。🍴法式朱古力心太軟 $68心太軟外脆內軟，一切開朱古力醬就流出嚟😍配埋玫瑰花瓣 食落有淡淡玫瑰香氣…查看更多

今次同朋友喺新蒲崗約食飯🍚見到呢間新開Cafe幾吸引就入去試下🍴紐西蘭肉眼牛扒 $263肉眼扒嗌咗五成熟 外面焦香 裏面熟得岩岩好份量幾多 可以share食👍外層煎到焦香脆 內裡鮮嫩多汁 肉香濃郁而唔膩配搭埋鹹香既煙肉焗薯同清新沙律 好滿足😍🍴明太子虎蝦意大利粉 $187明太子既鹹香完美融入意大利粉 濃郁但唔會好膩 虎蝦彈牙 肉質豐滿 整體搭配層次分明 每一啖都充滿海鮮既鮮味與濃郁的明太子香氣～每個set都會跟餐湯或者沙律 當日既餐湯係南瓜湯 飲落好creamy仲帶南瓜香味嗌特飲仲有半價 (芒果沙冰同matcha latte 都好飲!☺️我地仲追加左帶子沙律 bbq雞翼 cheese cake 同 朱古力心太軟加左咁多野埋單都唔洗500都幾抵食～…查看更多

自從知道銅鑼灣分店係任食 我就好鐘意過海黎嗌左期間限定既紅酒和牛 唔知幾時完 幾好食🫢🫢🫢個餐全部國產牛同澳洲牛都包埋😽😽😽覺得紅酒牛排第一 M9和牛第二紅酒牛肉味整體濃郁啲 我地應該嗌左十幾碟鰻魚都夠肥美 好少見任食邊爐有 仲有要瘋狂嗌既日本菜!!!!!如果佢再多啲日本菜就好了 不過應該真係會比我食到傻😂😂😂My favourite日本菜😂😂😂平時其他分店我要就住咁嗌依度可以食到癲 仲要堆埋拼盤出餐😂😂😂個菇大推…查看更多

今日同母親去旺角行街就去左申子到食lunch先 依家午市套餐做緊買一送一優惠好抵啊🤩星期六午市時段餐廳入面都幾多人食緊～🥢美國肉眼扒定食 $298熟度岩岩好 肉質嫩滑🤤配埋粗鹽 檸檬同wasabi 不過本來肉眼扒都好夠味就無咩點 配菜係爽脆多汁既烤蘆筍中和肉既油膩感覺🥢和風牛舌丼牛舌經過醃製同燒烤 外表焦香 口感滑嫩 搭配左生蛋黃令口感更順滑🤗蔥花 味道層次更加豐富 平衡了牛舌的油膩感🥢蓬鬆玉子燒 $98係申子既名物之一 就想試試佢～玉子燒質地非常柔軟 香甜又唔會好膩 切開見到一層層蛋 內裹仲有d流心😍口感層次分明🥢舞茸菇 $48烤舞茸菇香氣四溢 外脆內嫩仲多汁 搭配蒜香和鹽味 口感豐富😊…查看更多

🥢河內特色綜合河粉 $95 見到有好多配料就揀左～ 河粉都好大碗份量足 大食既都食得飽 有生牛肉 雞絲 扎肉 牛腩片 香葉卷 第一次食香葉卷 雖然睇落黑色 香葉包住豬肉食落甜甜地有啲清新檸檬味 🥢極品牛三寶湯河粉 $73牛三寶河就有生牛肉 牛𦟌 牛丸 湯底好清甜 牛味濃郁 河粉好滑無煮到腍曬👍🥢越式炸春卷（2件） $24嗌主食可以加配份量較細既小食 咁就可以食到唔同野～ 炸春卷外皮酥脆 餡料好豐富同埋包到好實唔會好易散開 點埋泰式甜辣醬好食～😋🥢越式炸蝦餅（細） $33炸蝦餅外皮炸到金黃色 裹面既蝦肉多汁食落唔會好乾身 手打蝦肉口感彈牙 🥤牛油果沙冰 $36用咗牛油果同椰漿打成 飲落好creamy 味道唔會太濃 飲到牛油果味仲有淡淡嘅椰香☕️杞子龍眼茶 (主食加配$8）天氣咁凍就嗌杯熱飲暖暖胃 味道清香仲帶點甜 對女仔身體好好～…查看更多

🥢釀焗鮮蟹蓋 $250食蟹最開心就係唔洗自己拆蟹🤩 蟹蓋包住左層炸皮酥脆可口 入面裝左滿滿嘅蟹肉🦀同埋炒香嘅洋蔥絲 令味道更鮮甜 🥢當紅炸子雞(半隻) $320雞皮炸得香脆 而雞肉好嫩滑唔鞋口 😋好多時食既炸子雞都係得雞皮有味 肉醃得唔夠入味 但呢到既炸子雞雞肉都食到鹹香味 ～🥢蝦籽竹笙扒豆腐 $290豆腐外皮炸到金黃色 內裏仲好嫩滑 竹笙咬落爽口 仲吸咗滿滿嘅芡汁 加左蝦籽增添左成道菜嘅鮮味☺️🥢西湖牛肉羹 $380係杭州傳統著名菜式之一 未食過就試試佢主要材料有牛肉碎 冬菇粒 同蛋花 口感順滑 味道唔會太濃仲好暖胃 好岩依家咁凍既天氣飲🥰 🥢燒bb鴿 $120每次食中菜都必點嘅燒乳鴿 外皮燒到脆卜卜🤤 肉質仲keep到嫩滑多汁 食落唔會好乾身 🥢蟹肉瑤柱蛋白炒飯 $340蟹肉同瑤柱份量好多 增添左炒飯嘅鮮味 炒飯同蛋白粒粒分明 調味岩岩好 仲好有穫氣🔥呢到環境闊落坐得舒服 好岩父母親節帶兩老黎食…查看更多

🍴PDS 鮮魚湯 $80法式魚湯 主要材料用咗蕃茄 紅衫魚 薯仔再blend埋一齊 飲到魚嘅鮮味同蔬菜嘅甜味 仲一啲都唔腥🤤🍴輕煎帶子 蒿荀片 魚汁 $128帶子表面輕輕煎到焦香 內面仲保持嫩滑😋 魚汁味道新鮮 一齊食好夾 萵荀片食落好fresh 🍴烤牛骨髓 肉醬 西班牙手工麵包 $130見到d人都推薦呢個所以我地都嗌左~ 牛骨髓烤到表面香脆 將牛骨髓連同肉醬抹係麵包上面一齊食 牛脂好香連埋肉醬嘅茄香令牛骨髓食落無咁膩👍🏻🍴蟹粉卡邦尼烏冬 蛋黃 $168蟹粉卡邦尼係好少見嘅組合 蟹粉好有鮮味同白汁同半熟蛋味道好夾 鳥冬好嫩滑仲好掛汁 ❤️🍴芝士焗麻香雙槽粉配牛筋牛脷溫泉蛋 $160雙槽粉係外型好似長通粉嘅一種意粉但無咁厚身 口感會比較好 麻香意粉就好似中西fusion菜 特別得黎又幾ok 牛筋牛脷食落好柔軟🍴雞油菌菠菜意大利幼麵 $140整體意粉嘅味道唔會好濃味 清得黎唔會好淡 令到雞油菌嘅味道好突出 🍴開心果雪糕 牛角包雞蛋仔 $68開心果雪糕 唔會過甜 開心果味香濃 牛角包整成嘅雞蛋仔食落外層更加香脆仲好香牛油味…查看更多

天氣開始涼涼地🌀就約左朋友係旺角食個shabu shabu🍲🥢黑毛和牛 (拼嚴選美國牛肉 日本豚肉 海鮮套餐) $598🥢嚴選美國牛肉 (拼日本豚肉 海鮮套餐) $298呢個價錢會包定量嘅黑毛和牛同美國牛肉 份量都好多🫨 黑毛和牛油花分佈平均 入口即溶🤤而美國牛肉 牛味好香濃肉質較結實 海鮮 同其他牛豚肉同雞 蔬菜同粉麵就可以任食 仲有日式小食可以嗌 推薦炸雞軟骨～ 湯底方面我地就揀左壽喜燒 湯底味道濃郁 同牛肉好夾另外+$98仲有啤酒清酒放題 不過我地就無加到～座位好闊落舒服 仲要無限時! 好岩同朋友夜晚慢慢打邊爐傾下計🗣️…查看更多

🍽️Maryland Crab Cake呢道前菜係餐廳既signature~用左美國馬里蘭藍蟹既蟹肉整成既蟹餅🦀 外脆內軟 裏面有滿滿嘅蟹肉絲 食到蟹肉既鮮甜 仲配埋加左柚子既他他醬 酸甜爽口 同蟹餅好夾😍🍽️20-days Dry-aged Coffee Grounds Rib Eye, USDA Prime 340grib eye外皮烤至焦脆 配以烤帶枝番茄 烤蒜 熟成處理過既牛扒 肉質更嫩滑 😋煎完仲keep到大量肉汁 而係熟成既過程仲加入左咖啡渣 令牛扒味道更豐富 充滿咖啡燻香☕🍽️Fried Onion Ringsmain 既 side dish我就揀左炸洋蔥圈 平時我都好少嗌因為通常個炸皮好腍會唔好食 但係呢到既洋蔥圈顛覆左我既想像🫨 口感好脆 入面仲食到洋蔥淡淡既甜味 擺耐左都無腍到!🍽️Pear － goat cheese cake, caramelised pear, vanilla ice-cream羊奶cheese cake 奶味香濃 食完唔會覺得膩 焦糖浸透成個梨 每啖都食到焦糖同梨既甜味 同埋vanilla雪糕一齊食好滿足😋…查看更多

去得九龍城通常都係食泰菜 今次就嚟到食一間朋友介紹嘅意大利🇮🇹餐廳一開始先上餐包醫醫肚 係蒜蓉包同表面有好多芝麻既餐包 外脆內軟 配埋橄欖油黑醋同牛油食 增添香氣🤗🍽️新鮮紅菜頭湯 $68一般餐廳得紅湯或者白湯揀 西式既紅菜頭湯真係未飲過😲 紅菜頭味道清甜 完全飲唔到平時會有既泥味 忌廉令到個湯更creamy🍽️白酒煮新鮮紐西蘭青口 $208青口大大粒肉質嫩滑 新鮮無腥味 加左白酒令味道更鮮甜帶酒香 👍🍽️法國黄油雞胸 $268雞皮烤到脆卜卜 唔理肥唔肥全部食曬落肚🤰 表面仲有好靚嘅烤肉坑紋 內面嘅肉質好嫩滑多汁 食落口感完全唔似食緊雞胸肉 薯蓉口感順滑充滿牛油香😍🍽️北海道帶子墨魚汁意大利飯 $288帶子大大粒味道好鮮甜 墨汁食落無腥味仲帶少少甜味 意大利飯好creamy食完唔會太膩環境好舒服 法國黄油雞胸必食 下次會再encore😋…查看更多

今次嚟到申子食好西😆 我地去嗰日都好full 鋪頭嘅地下係吧台位 而樓上先係座位 環境比較暗幾有氣氛 🥢火炙大蝦讚岐手打烏冬 $168湯頭有海鮮嘅鮮甜 味道濃郁 飲落有d似栗米濃湯🤣 仲有大量櫻花蝦同本菇係湯到 烏冬好彈牙仲好掛湯 🥢海膽炒飯 $238一上到枱就聞到陣香味 好多海膽同蝦籽鋪係金黃色嘅炒飯上面 炒飯粒粒分明 入面仲有好多配料 唔掛得之有咁多人嗌 呢個必食!🤤🥢大蔥雞肉燒 $48大蔥同雞肉燒完都仲好多汁 雞肉無特別調味 配埋柚子鹽食令到味道更加清新🥢極上鹽燒牛舌芯 $128 食落好多汁唔好太軔 好彈牙 就咁用鹽調味可以同時食到牛肉嘅香味🥢三文魚 $68(四切)想嗌幾件刺身過下口癮 舊舊三文魚油花分明同肉質好肥美🤤🥢舞茸豚肉卷 $68舞茸爽口多汁 加埋燒到金黃色嘅豚肉真係好正♥️嗌嘅野食都好滿意對得住呢個價錢👍 下次會再encore…查看更多

好開心係土瓜灣搵到間咁有風味嘅地中海餐廳🥰 cosy既佈置同埋音樂會令到你覺得自己去左中東旅行咁 平日夜晚都差唔多Full House～🍴Adas Lentil $55小扁豆湯攪拌過後飲用 豆蓉口感豐富 加入脆餅同醃洋蔥絲提升味道🍴Trio Dips Platter - Spicy Lover $170因為我哋兩個都食得辣 所以就揀咗spicy lover🤩跟住店員推薦嘅順序食 用暖烘烘既比得包沾滿大量沾醬微辣既鷹嘴豆泥食落去啖啖豆香 口感綿密濃郁另外兩款果仁醬就比較crunchy 三款點醬依次序食帶來豐富嘅層次感💕🍴Dry Aged Lamb Rack Reash $460我地竟然喺度搵到香港好少見嘅dry aged羊😍經過十多日dry aged既羊肉 第一啖咬落去肉質變得柔軟細膩 味道都因為水份蒸發而更加濃郁👍🏻再加上燒烤令羊架既風味又再提升左 好好食😋薄荷青瓜醬中和返羊架豐富嘅羊脂火箭菜同紅洋蔥沙律酸酸甜甜解膩一流🥰🍴Aglio E Olio $108有時候越簡單嘅材料愈考大廚功架蒜片同橄欖油乳化而成既醬汁香氣逼人 一上菜都忍唔住話好香😋🍴Kanafeh $105將Filo pastry千層酥皮切碎後再加入甜芝士同埋玫瑰syrup經過烤焗之後外脆內軟 開心果碎garnishing添加層次一定要趁熱食 切開仲會拉絲☺️…查看更多

🥢香酥排骨滷肉拌麵 $72排骨大大舊仲大過隻手掌🖐️ 表面炸到金黃色好酥脆 好入味食落唔會乾噌噌 滷肉醬汁香濃 撈麵食好正 呢個必點! 🥢安平蝦卷滷肉拌麵 $72安平蝦卷係台南安平嘅名物 外皮炸到金黃色好酥脆 蝦肉餡裹面仲有啲粟米粒🥢蚵仔煎 $58粉漿煎到外脆內軟 味道同台灣夜市食嘅好似! 蚵仔食落幾新鮮～🥢台式滷味－蘿蔔 $10 甜不辣 $12本來以為10蚊得好少原來份量好多! 蘿蔔滷得好入味 甜不辣口感彈牙🤤人多就可以嗌好多款試曬佢🧋山茶花烏龍奶蓋 跟餐+$5呢個配搭比較少見🙈一飲就充滿山茶花香氣 之後就飲到烏龍茶回甘嘅茶味 可以一試~🥃鳳梨冬瓜茶 跟餐+$5冬瓜茶再加埋淡淡的菠蘿香味🍍 飲落唔會太甜 天氣咁熱就啱晒消暑 每樣野食嘅擺盤都好有心機❤️ 嘢食好大份對得住價錢 個甜品愛玉睇落幾吸引但太飽冇食到🤣下次要嚟試下～…查看更多

今日嚟咗食呢間係米芝蓮新加坡菜😋有室外同室內位可以坐 室內裝修到好似新加坡既熟食中心～環境寬敞 餐具亦十分精緻🥢天天海南雞(大份) $189當然要食呢間鋪最出名嘅天天海南雞 雞肉嫩滑 皮薄都無肥膏 配埋黑醬油 薑蓉同辣醬 本身亦都有秘製醬油 同雞肉味道好夾❤️🥢雞油飯 $39食海南雞當然要配雞油飯～有兩個size 細嘅已經夠2-3個人食 食落好香雞油味 但唔會油淋淋 飯粒保持住乾身 忍唔住係咁食 😋必點！🥢古法肉骨茶 $159新加坡常見嘅肉骨茶用大蒜同胡椒提味 湯煮出嚟嘅顏色較淺 味道較平時嘅肉骨茶濃郁 無加中藥材煮 經過長時間熬煮 排骨肉質軟嫩 一咬成舊肉就甩出嚟 🤩入面仲有豬肚 豆卜同腐竹 吸滿湯汁🍨原味豆花 ＆ 🍨原味豆花加美䘵順便試埋新加坡嘅豆腐花 食落同香港食開嘅口感唔同 口感有d似布甸 食落好有豆香 第一次食豆腐花加美䘵 好似食緊美䘵布甸 😝幾好食!…查看更多

616開左好多分店 食過都知佢地嘅賣點係可以食到好多唔同產地嘅刁鑽牛部位🐮 今日就同朋友去咗土瓜灣呢間分店打邊爐🍲 環境都幾闊落 有醬料自助區同埋係用電磁爐嘅 夜晚6-8:30 入座都有9折～湯底我地就揀左牛骨清湯 $62 湯底入面有好多牛骨 白蘿蔔 芹菜 同埋牛肉粒 份量都幾多仲要煲左好耐都唔韌 味道清甜仲食到牛嘅鮮味😋配料方面我地主攻牛肉 嗌左個期間限定嘅信州和牛肩胛 $78 試下 日本長野縣用蘋果飼養嘅牛 所以比較肥美鮮甜 油花細緻而肉質嫩滑 必試! ☺️牛駝峰 $48 係牛頸背後嘅肉 牛味香濃 另外都嗌左熟成加拿大牛肩脊 $58 同牛朴肉 $48 手打蝦滑 $50食落好彈牙!我地亦都嗌左啲配菜 油菜＄28 娃娃菜$28 白蘿蔔 $28 手打烏冬 $18好彈牙呢個一定要嗌🤗…查看更多