jenniferlukk的個人專頁

呢間平時冇咩人買，之前佢哋牛奶味雪糕有買一送一優惠，所以買咗嚟試，但係覺得麻麻地，冇乜奶香味，口感唔綿，而且佢哋啲雪糕都唔平，唔值個價錢。今次見到有蛋球仔，即叫即制，諗咗好耐最後叫咗葡撻味，而葡撻味係最貴，要40蚊，原味就28蚊，價錢上都差好多。落單時店員一個字都冇講，表現唔耐煩，感覺唔太友好。總共有2個爐，店員即做，前面已經有人落單蛋球仔，都等咗20分鐘左右。葡撻味蛋球仔：外脆內軟，但餡味道冇咩特別，只係吉士醬味，冇葡撻嗰種好香嘅焦糖味，個人覺得呢隻口味應該叫吉士味比較啱，另外40蚊對我嚟講真係比較貴…查看更多

啱啱開新達分店嗰陣好多人排隊，當時冇特別試。最近經過見冇乜人，但堂食裡面啲位都幾迫，就諗住試下外賣睇下係點。叫咗最基本嘅水門雞飯，出餐速度還可以嘅，但講真有啲失望。雞肉嘅質地唔差，唔會鞋，但冇乜雞味，好似食緊普通白切雞咁，主要靠加醬料，唔夠香、唔夠滑。飯都係一般般，冇咩油香味。最大問題係份量真係偏少，呢個價錢唔抵，男仔食唔夠飽，要加配菜或者小食先夠。叫外賣時感覺店員唔係太友善，如果唔係因為冇人排隊，可能都唔會諗住試。呢次外賣體驗唔算太差，但都唔吸引我再叫。希望佢哋之後可以改善下份量。…查看更多

鯉魚門其實冇乜餐廳選擇，今次行過見到有間新開嘅日式燒牛丼店，出面已經聞到陣陣炭火燒肉香味，好吸引，忍唔住就入去試下。叫咗個炭火燒牛小排丼，$48咋，真心唔貴。即叫即燒，睇住佢用炭火燒牛，已經流口水🤤 成碗牛肉份量都幾多，唔係得幾片薄薄地咁，仲要啖啖都食到牛味，燒得岩岩好，外面少少焦香，入面仲好juicy，油香味十足，好滿足！第一次入去食，已經見到有唔少人，環境乾淨又唔迫，好快就有位坐，成個用餐體驗都幾舒服。想快快地醫個肚，呢間真係一個好選擇。以呢個價錢食到咁嘅質素，真係性價比高，快、靚、正！之後應該會成為我行過鯉魚門嘅指定食點👍…查看更多