山牛

鯉魚門其實冇乜餐廳選擇，今次行過見到有間新開嘅日式燒牛丼店，出面已經聞到陣陣炭火燒肉香味，好吸引，忍唔住就入去試下。

叫咗個炭火燒牛小排丼，$48咋，真心唔貴。即叫即燒，睇住佢用炭火燒牛，已經流口水🤤 成碗牛肉份量都幾多，唔係得幾片薄薄地咁，仲要啖啖都食到牛味，燒得岩岩好，外面少少焦香，入面仲好juicy，油香味十足，好滿足！


第一次入去食，已經見到有唔少人，環境乾淨又唔迫，好快就有位坐，成個用餐體驗都幾舒服。想快快地醫個肚，呢間真係一個好選擇。

以呢個價錢食到咁嘅質素，真係性價比高，快、靚、正！之後應該會成為我行過鯉魚門嘅指定食點👍

#香港美食 #山牛

$48