Queendom的個人專頁

前陣子見到一位朋友Post一張帶女朋友黎這間法國餐廳慶祝生日既相, 眼見餐廳環境好似好有氣氛同D食物都幾吸引, 我就約左一位朋友去試, 竟然有意想不到既驚喜!這晚我地試左個set dinner, 係廚師特別推介!一個set dinner有3個course, 每樣有兩個選擇.上starter前亦有另外提供幾樣開胃小食, 細細件一口就可品嚐, 岩晒女士們呢個小食帶有咖哩味, 幾特別!呢度既包都係新鮮出爐, 但為左留肚食main course, 我通常都係食少少呢發覺呢間餐廳唯一既好處係夠靜, 燈光暗暗地其實幾浪漫, 好適合情侶黎上菜尚算快, Starter我揀左Lobster consommé, 呢個龍蝦湯同出面既好唔同, 味道帶少少甘, 有中西合壁既感覺, 廚師話係龍蝦精華, 味道好不同, 可以一試!飲完湯, 好快上main course, 今次我試左Pike perch fillet, 本人比較喜歡食魚呢個course 我覺得好值得食, 因為一般法國菜既portion 都好細,但食完呢個我已經好飽, 而且魚肉好鮮甜最驚喜既係伴菜當中有一樣我未食過既, 亦係穀類既一種, 叫quinoa, 好有咬口好香, 忍唔住食晒了…查看更多

好耐都無去食放題啦! 呢晚個frd話約我去食佢同事話好好食個間放題, 呢間入座安排得幾好, 唔洗排一輪先有得坐同埋呢間d waiter好nice, 即使好忙都有用心serve客, 我地叫既野食都無漏單上菜速度好快, 值得一讚食親放題最開心既係有好多唔同既選擇, 岩曬我同個frd兩個人既口味呢到都有好多野食簡, 刺身都有好多款, 結果我地每種魚都叫左d首推甜蝦刺身, 真係幾甜幾鮮味火炙三文魚壽司好食到暈! D魚既油香經過火炙後出曬黎,鰻魚壽司都好好食, 呢到D壽司都幾大件夾抵食好得意既迷你大阪燒, 味道唔錯!幾有住家菜feel既牛油炒雜菇, 好香口, 食落比到驚喜我下次要叫多碟!放題必叫既芝士年糕呢到都整得好好味, d芝士流心係重點, 上到黎又夠熱, 正!最後要講下個肥牛鍋, 真係幾鮮味肥牛同配菜既比例啱啱好! …查看更多

旺角既pancake colour係café界都好出名, 今次終於可以一試!裡面裝飾比較特別, 有少少哥德式感覺, 不過係旺角既哥德式又真係唔好要求咁多啦!哈哈個人覺得最緊係要做得舒服, 個梳化坐唔錯, 可以好好坐番一兩鐘都唔會patpat痛普遍既café都會光線比較暗, 我覺得呢到光度唔錯, 唔會暗到睇唔到餐牌!哈哈第一樣試左美國黑安格斯肉眼扒配牛肝菌汁, 8成熟個8成熟控制得唔錯, 肉質唔老, 有肉汁肉眼扒外有一層脂肪圍住, 唔會太油膩, 令個味道加香肉眼扒下面係薯蓉, 個人覺得如果係多d牛油味既薯蓉會吸引d黑松露海鮮意式燴飯, 個外貌普通, 但食落有驚喜個飯夠creamy, 意式燴飯最怕煮得唔夠耐, 裡面硬呢度煮得唔錯, 綿得黎有咬口, 值得一讚蜜糖芥醬雞軟骨, 好香口好脆口, 唔會太乾身, 有少少肉汁蜜糖芥醬甜甜地, 有少少攻鼻既芥醬, 唔會太辣, 可以一試…查看更多

行完銅鑼灣去食個聰嫂是常識吧芒果雙皮奶我鐘意個雙皮奶好滑好香奶味芒果就有少少酸, 但係都可以接受既椰汁黑糯米本身我就唔係好鐘意食椰汁既野, 但係我個frd係到狂推介唯有試下啦, 試左啖個椰汁清甜, 黑糯米煮得夠淋, 又真係唔錯!比起椰汁黑糯米, 我就想推介芒果雙皮奶多d…查看更多

好想推介呢間餐廳好耐!!! 係中學個時成日黎成lunch。呢個係食米線同湯飯, 有好多"送"可以揀。基本豬牛羊魚都有, 冬菇竹笙, 咸蛋皮蛋...最鐘意呢到叫菜做一個送, 可以食到時令既菜, 而且分量好多。今次叫左牛肉西洋菜米線:米線呢度多數會煮得偏淋, 牛肉係醃過有薑絲係面, 有d胡椒味, 表面係偏紅色, 食落少少辣口, 好香牛肉味!西洋菜就係用蒜頭煮過, 食落好爽口。米線湯底係清湯無咩味, 但加埋西洋菜同牛肉既醃料味, 湯底就會多左肉既鮮味, 味道豐富左好多。雖然只係做街坊生意, 但製作絕不馬虎, 推介!…查看更多

男友話要帶我見識一下, 去左雜誌介紹既高級法國餐廳食個lunch。去到真係嚇親, 有私家落地玻璃既lift上餐廳, 入到去既環境同外面既尖沙咀係完全唔同既世界!溫和燈光, 水晶吊燈, 古典木門, 鮮花點綴, 果然係高級法國餐廳。餐牌上面全部都係英文, 好彩有侍應細心既介紹…如果唔係, 真係會唔知自己點左咩野食…點完餐就已經送上麵包籃, 有好多款可以揀, 每一款都有特色。純麥同原味都唔錯, 食落鬆軟, 最推介左上角既小圓麵包, 像糯米糍既口感, 配上牛油, 滿口麵包的小麥香!洋蔥湯French onion soup with comte cheese crust浸淋個芝士脆脆入個湯到好好食! 洋蔥湯既洋蔥味唔重, 有微微洋蔥甜味, 加上芝士脆脆既咸香, 絕配!鴨胸肉Duck breast marinated in five spice with turmeric turnip鴨胸上是微甜的汁, 剛剛好中和強烈的鴨胸味, 中間釀左由鴨和雞肉的肉蓉, 食落好似薯蓉既質感。白色個小圓粒係白蘿蔔, 可以點黃色既甘荀南瓜汁, 甜甜地好易入口。甜品 Thyme Financier biscuit covered by red fruit and fresh pistachio ice cream開心果雪糕甜度適中好香nuts味, 聽講係自家製, 雪糕好滑加上裡面既開心果碎, 口感好豐富。個蛋糕一食有種辣口既錯感, 配番上面既raspberry食就岩岩好中和番, 仲可以點埋側邊既汁, 食完成個甜品好滿足。 …查看更多

黃埔真係好多野食, 但係星期六晚一家人食飯, 間間都要排隊, 見呢間咁大唔洗排就試下你!鐵板扒餐既餐湯同餐包, 忌廉湯好creamy, 相就睇唔到, 不過個底都有幾多粟米粒。有d估唔到茶餐廳會咁細心, 個包係暖笠笠咁上枱!中式牛柳唔錯, 肉質嫩滑, 一吹就斷開, 配個汁有微微黑椒味, 少少辣口, 送飯一流!蝦仁炒蛋比較乾身, 如果蛋可以滑d就好, 不過整體唔差, 勝在多料, 蝦仁大大粒!主角鴛鴦牛柳扒餐, 當然茶餐廳緊係唔會問你要幾成熟啦, 黎到真係有驚喜, 有水準既7成熟!鴛鴦牛柳有兩塊完全唔同味既扒, 左面有d血色個塊, 肉質比較淋, 食落比較juicy, 右面個塊就牛味重d, 食落比較好咬口, 同埋黑椒汁濃度適中, 唔會搶左塊扒既牛味, 唔錯!後面個個係跟扒餐既沙律, 不過不失, 青瓜薯仔紅蘿蔔大大粒。最後係XO醬西蘭花炒帶子, 西蘭花爽d會好d, XO醬炒既都唔會差得去邊。扒餐跟野飲, 叫左杯咸檸7, 唔錯!總括黎講唔錯, 呢到小炒好多款揀, 推介食扒餐, 有水準!…查看更多

星期六起身起得晏, 就緊係食個breaklunch 啦!行銅鑼灣之前去大坑食個all day breakfast真係一個唔錯選擇!呢間餐廳有落地玻璃, 可以睇到個足球場, 有木做枱櫈, 有sofa, 感覺好舒服, 可以慢慢放鬆食個breaklunch。睇下個menu先傳統全日早餐:窩夫好香蛋味, 咬落好髮軟!估唔到多士會係麥包好健康! 而且果醬係自家整的, 少少甜 (其實我分唔出係咩野水果既醬…), 配上麥味, 和微酸既提子乾, 清清甜甜, 好開胃。一朝早唔想食咁油, 就揀左個烚蛋, 煮得唔錯, 又彈又滑!其他火腿, 粟米, 茄汁豆, 意式腸, 我個人覺得少少油, 不過係可以接受, 味道都唔錯。最後以杯latte既完結, 見到隻可愛熊仔, 飲落都好味d既。…查看更多

重慶大廈活方地庫入面都有幾間裝修特別既餐廳, 不過最吸引眼球都係呢間! 成條走廊都變成昭和時代的感覺。可以揀坐tatami定正常枱, tatami個環境就係咁啦, 少D腳力就唔好揀啦!個meun好似本雜誌咁, 雖然有圖, 但係我同朋友睇完都唔明6成食物係咩黎既…唯有叫D有圖睇既甜品啦!日和百匯, 裡面有兩球雪糕, 係紅豆味同抺茶味。紅豆雪糕味道偏淡, 要慢慢細嚐才有紅豆和牛奶味。抺茶味是苦味偏淡比較甜, 可能一般都是覺得抺茶要夠苦先好味, 所以有點失望。底下有抺茶凍, 非常爽口, 味道適中唔錯. 整體口感豐富, 有脆片, 有幼滑雪糕, 有爽口抺茶凍, 有軟綿綿紅豆!抺茶蕨餅糕唔錯, 一黎到已經聞到好香抺茶味。口感非常彈牙, 食到苦而微甜既抺茶味, 可以沾黑糖醬食, 但黑糖醬過甜, 會蓋過蕨餅糕本身的味道, 所以我推介不沾淨食!最後叫左個藍莓乳酪飲品, 黎到會望到一層層沉澱物, 要好好搖勻先飲. 只可以說是大失所望, 成枝野好”希”, 沒有藍莓味又沒有乳酪味, 有點藥水味。希望只是藍莓味的錯, 其他味會正常D?…查看更多

之前睇到OpenRice開飯情報見到新開拉麵店, 好似幾好食咁試下先!同一般拉麵店一樣都係係門口等位個時就有張落單紙俾你填。問左店員話一開始可以試下個定番, 濃厚豚骨拉麵或者清新豚骨拉麵, 睇想食濃口味定清淡d。最後要左清新豚骨拉麵加左糖心蛋同博多炸雞塊!黎到個湯底奶白色, 聞到淡淡既豬骨湯香味, 但試了一口湯覺得有點清淡!原來係要自己落拉麵醬油, 店員好熱情介紹日本空運過黎, 加左之後又真係釣番個味出黎, 比之前多左種鮮味, 味覺豐富左!我仲加左蒜蓉, 個湯底會惹味左, 不過小心加得太多會遮左豬骨味!枱上面有一般調味料, 加之前可以睇下牆上面既簡介, 如果落得重手左, 可以向店員免費要番個淡湯底, 都幾細心!個糖心蛋做得唔錯, 中間個蛋黃醬一咬就流出黎, 配上煮得嫩滑既蛋白, 一流!最後個博多炸雞塊, 外皮炸得非常香脆, 肉嫩滑, 裡面夾住一層薄薄既脂肪, 食落有少少雞油香, 但唔會太油膩, 推介!…查看更多

今次黎到屯門真係好遠... 好彩都有間唔錯既餐廳食個lunch!就叫個蟹肉沙律, 都唔錯。蟹肉係原條上, 個沙律醬好惹味, 加上荔枝粒, 甜甜酸酸,好開胃! 呢間睇openrice食評話好似出名食德國腸就試下啦!一碟可以試到幾款唔同既腸, 腸好juicy, 一咬肉汁出哂黎, 好香肉味(即係唔係好似一般食開個隻午餐肉味)!如果食重口味可以加埋佢個芝士醬一齊食!薯條雖然係配菜, 但都炸得好香脆, 唔錯!最後叫左個黑松露意粉, 個汁好濃奶香味, 加埋黑松露引出咸味, 味道岩岩好!呢到既份量都算大份, 3樣都已經夠哂我地2個人食, 都幾飽!…查看更多

去茶餐廳, 一食常餐就知係龍定係蟲!北角電氣道呢間外表好殘舊, 俾個餐牌大家睇下先30幾蚊係港島價錢都差唔多, 今次叫個火腿奄列, 腸仔, 沙嗲牛肉公仔麵試下先!麵有條正經既菜, 好過其他俾條蔥你就算個d茶餐廳, 牛肉同個湯唔算太味精味, 牛肉煮得幾淋剛剛好唔錯!不過沙嗲汁就真係俾得少左d!火腿奄列足料, 個蛋煮得黎重有少少蛋汁, 唔錯!方飽就如其他茶餐廳既通病一樣, 牛油少得可憐…熱奶荼就茶味重, 無咩奶味, 同出名既茶餐廳就一定無得比, 不過可以算係一般水準總括都一係一般茶餐廳水準, 不過不失, 特別既係叫外賣個時, 就要門口落單俾錢之後, 要自己攞張單入去裡面水吧俾師傅, 再行番出去門口等, 但係個收錢就坐係到好得閒咁睇住你行黎行去……查看更多

聽朋友講話大圍有間原創窩夫好得意, 氣氛又唔錯, 叫我去試下。今日終於得閒入去大圍試!個條街成條都係餐廳, 邊間係? 見到顯眼大木門就係!去到都有幾多人排緊隊, 等左都一陣先入到去。裡面個環境好舒服, 樓底高, 木做既枱椅, 坐得幾舒服, 牆上面有好多小擺設, 有畫, 有盆栽, 有CD 好有心思。牆上面畫左條公式, 笑+屋+飯=屋子咖啡, 簡單線條既標誌都幾特別!餐牌印得好精緻, 有好多小圖畫, 左邊個張屋形卡就係屋子咖啡既卡片, 好得意!呢到主要多甜品揀, 以窩夫同梳夫厘為主。主食就有定食, 冷麵冷烏冬同迷你丼。見迷你貓丼好出名就試下先！細細碗的熱飯上面舖了滿滿的木魚花, 加上醬油, 海苔芝麻碎既點綴, 一食就停唔到口!主食我就叫左野菜冷烏冬, 初時都會覺得沙律醬加埋冷烏冬既醬油好似好奇怪? 點知食落去又唔錯! 烏冬夠彈牙, 味道酸酸甜甜好開胃, 加埋新鮮去皮蕃茄和生菜, 好快就成個成哂。呢個都幾推介俾食素既人士!朋友就叫左個炸雞定食, 佢極力推介左手邊既豆腐乾, 炸雞都唔錯。到甜品啦!其實食完d主食都已經好飽, 所以揀個酸既柳橙窩夫就最好!中間個個係柚子雪芭, 外面係橙肉, 加埋鬆軟窩夫食上去滿口柚子香, 一d都唔濟!朋友就揀左栗子窩夫, 好香栗子味, 但就真係飽得濟!個環境真係唔錯, 好令人放鬆, 下次黎淨食甜品, 吹下水都唔錯!…查看更多

食完飯想即刻食糖水坐底同朋友傾計, 懶得搵同試新糖水舖, 去滿記啦就。原來出左新野, 草莓盛宴!好似有5款可以揀咁, 其實就得3款長有, 另外兩款就要限定聖誕同情人節先有,我就撞唔中個兩個期間限定啦, 無得試草莓蛋糕同草莓拿破崙! 睇相其實個兩個吸引d!朋友叫左草莓豆腐花, 草莓酸酸地唔甜, 朋友話加豆腐花有d奇怪。我就叫左草莓西米露, 賣相都唔錯, 有好香草莓味, 不過食個時都係草莓好酸!個雪糕同西米露都係有水準既, 雪糕不太甜, 個味都唔會係出面好假個隻藥水味, 西米粒粒分明, 個汁甜甜地, 整體唔錯!食到落底, 原來個底係碎冰, 係一片片冰, 如果可以做到係草莓味沙冰咁就好好多! 係冬天食實在有點太凍!…查看更多

係沙田新城市行街, 食飯就一定係多餐廳選擇, 要咩國家咩菜式都有。會揀入呢間就係被佢個玻璃櫃吸引到!見到都已經流哂口水!有飯定食, 又有火鍋, 又有魚生飯!價錢都寫哂出黎, 見唔係好貴, 就試下啦!環境佈置得好日式, 枱都算闊, 不過就無咩位放袋。Menu有哂圖, 唔驚係玻璃櫃睇完叫唔番黎食!呢間真係好多定食種類, 有冷烏, 炸物, 魚生飯, 咩都有!咁多款真係好難揀!最後我揀冷烏冬加七彩魚生飯!配菜係白蘿蔔, 淡淡地味, 感覺清新。冷烏冬個汁係自己加蔥, 薑粒, 芝麻,烏冬做得唔錯, 非常彈牙, 而且溫度剛好, 係冬天食都唔覺太凍!魚生飯個飯唔係一般白飯, 係有漬物加冬菇片, 加埋新鮮魚生, 爽口青瓜粒, 口應豐富, 鮮而不膩, 唔錯!朋友叫左蛋撈烏冬加壽司定食, 朋友話魚生好新鮮, 值得推介!一人大約要90幾蚊到, 以呢個唔錯既質素, 叫抵食!如果大家行開沙田, 值得去試一試!…查看更多