新富盈四川麻辣米線

好想推介呢間餐廳好耐!!! 係中學個時成日黎成lunch。
呢個係食米線同湯飯, 有好多"送"可以揀。
基本豬牛羊魚都有, 冬菇竹笙, 咸蛋皮蛋...
最鐘意呢到叫菜做一個送, 可以食到時令既菜, 而且分量好多。

今次叫左牛肉西洋菜米線:
米線呢度多數會煮得偏淋, 牛肉係醃過有薑絲係面, 有d胡椒味, 表面係偏紅色, 食落少少辣口, 好香牛肉味!
西洋菜就係用蒜頭煮過, 食落好爽口。
米線湯底係清湯無咩味, 但加埋西洋菜同牛肉既醃料味, 湯底就會多左肉既鮮味, 味道豐富左好多。
雖然只係做街坊生意, 但製作絕不馬虎, 推介!