NoeruChi的個人專頁

晚上差唔多8點 到大報超級城搵食，喺餐廳門口睇menu 睇中 二人餐 （二人餐有二份main course 加3 個小食）。而見唔使等位，咁入去試啦被安排一張小圓枱。 而小圓枱旁邊有正常嘅二人枱。因為擔心小圓枱太細，放唔晒二人餐嘅食物。而又見旁邊有四張正常嘅長方形二人枱（如下圖）咁就問Waitress表明想叫二人餐擔心小圓枱太細，可否安排旁邊嘅二人枱？ Waitress表示要問問，轉頭落返嚟話有一台六人客預約，所以不能安排調位其實四張二人枱佢之後group埋咗三張做六人枱，都剩返一張二人枱（到我就嗰刻二人枱都係冇客坐嘅）不過算啦，我冇再問就坐返張小圓枱，而我因為張枱太細只叫兩個main course所有單點 main course 可加$38 加配 前菜+ 飲品問waitess 前菜是什麼waitess ： 「廚房決定冇得揀」我 😧：「咁即係🧐？」waitess 用耳機問，答：「沙律」由於我唔食沙律醬同千島醬，一般都會問沙律dressing是什麼，是否日式沙律醋、芝麻醬定沙律醬？waitess：「廚師調配嘅醬」我😧（心諗即係咩？）waitess 都好好， 主動話幫我去問廚房轉頭Waitress出嚟答：「白色嘅汁」好一個白色嘅汁😅，我估普通沙律醬啦。 咁我放棄轉餐同行有轉餐，發現白色嘅汁其實就係溝稀咗嘅沙律醬食物就不過不失啦但用餐體驗就真係麻麻，可能我對佢有比較高嘅期待啦，見佢裝修同侍應衣着，我以為係一間有幾好服務質素嘅和式洋食店。 但實際上我覺得似一間茶餐廳，但收我百幾蚊一個意粉同埋收埋加一。因為到埋單嗰陣，佢話Wi-Fi 收得唔好， 唔可以喺我張枱埋單，直接俾張單我，叫我出去門口度埋單。…查看更多

疫情關係放工去咗呢一間泰國小店買晚飯，一去到門口嘅時候，我見有3組人在等待外賣。我點了菠蘿炒飯、泰式碎肉煎蛋飯、及2串串燒... 之後在店外等候。 店裡只要一個廚師，一個樓面。 其間都有人到店叫外賣. 當我前面的2 組客人已拎到外賣。 這時，有一位應該跟樓面熟悉的顧客，一去到跟樓面一邊談天一邊等後食物，可能佢之前打咗電話落order啦，很快他的外賣都ready 可以拎走。當時我已經等咗半個鐘。 所以我有禮貌地問樓面：「姐姐，我叫左菠蘿炒飯、泰式肉碎煎蛋飯、及2串串燒唔知幾時有呢？」 這時樓面好晦氣咁話「整緊啦，你前面嗰個仲等緊啦」，而嗰位貌似相熟的食客一邊拎走外賣一邊搭嘴講「佢整緊㗎啦」最後我除咗等我前面果組客人拎咗外賣外，我後面哪組都拎到外賣，先輪到我張外賣ready....講番食物，炒飯及泰式肉碎都好夠鑊氣，同好泰國風味。 不過串燒，因為之前已燒好，之後返燒返熱，肉偏老，味道一般。so far，食物係OK嘅。不過，如果你見到呢一間舖頭好多人等食物的話，你要有心理準備可能要等頗長嘅時間，同埋你千祈唔好去問姐姐個status。…查看更多

飲過幾次丸作，一直都未試到黑芝麻珍珠。 今晚又去碰運氣, 結果都係賣哂😑😑咁就試下黑糖珍珠啦（之後一直都係叫白玉珍珠）， 今次order 了 黑糖珍珠黑糖奶茶（微糖）。雖然叫了微糖，但都有黑糖味，但茶咪就一段不過最驚喜嘅係黑糖珍珠，珍珠真好味，有黑糖味，又好煙韌。 雖然試唔到黑芝麻珍珠，但試到黑糖珍珠都唔錯。 最後建議如果店員可以攪拌一下個飲料，令杯嘅溫度一致才serve給客會更好，因為我點的是凍飲，一接手時 見到杯最上面有冰，但揸住個杯嘅時候個杯下半部份係熱嘅。…查看更多

疫情關係屋企人唔想落街食飯，咁我就充當一個外賣仔嘅角色同屋企人買嘢食。喺OpenRice見到，上海婆婆做緊外賣自取半價，即管就係OpenRice個Apps度落單啦。Apps裏邊講話要7:05先ready， 7pm未到去到店舖見到個open rice 袋。 膽粗粗入去店舖度問我嘅order ready未，原來已經ready左放咗喺OpenRice袋度。order了一個上海粗炒，雖然係半價同外賣份量都非常足。我返屋企仲暖嘅， 味道保持水準不過不失， 店舖都好貼心準備了一包桂林辣椒醬By the way，個Apps一直都係顯示店舖準備中，直到九點幾先至更新為ready可以拎。如果店舖當食物完成，update番status 會更好. 如果唔係apps 內的 status 變得無意義。另外，屋企人好鍾意OpenRice袋，仲話下次嗌外賣都會帶埋去用循環再用😂😂…查看更多

午市過後，去到蝦麵店搵食。當日下午茶時間，人不算太多，店內嘅裝修清潔、簡單，好似係一般嘅街坊餐廳好舒服。點了一人套餐。 辣蝦麵.配肉片蝦肉摻摻- 蝦味香濃，不算很不算很辣，非常惹味。五香脆炸豆腐豆卜- 跟餐小食。 豆腐豆卜炸到非常鬆脆，再配上五香粉，一啲都唔hea。 非常好味. 炸豆腐豆卜點湯 都非常match ， 美味. 但是， portion 太大，一個人吃到一半已很飽。 整體來說，食物美味，店員也非常Nice，這一餐也很滿意。 之後也有幫襯這店位於hysan foodcourt 之分店。 但感覺還是灣仔比較好吃。…查看更多

喺厚福街搵食過後，想飲杯茶，黑金堂是不二的選擇。這間店由茶底、奶、珍珠、奶蓋口味也可以由客人自由選擇。當中店員也會給你一些見意。我選的是芝士奶蓋四季春（去冰）， 男友選的是焦糖奶蓋鮮奶紅烏龍（少冰），兩杯都好好味吖濃濃的芝士味 再加上清新四季春，味道好match，芝士跟茶味也可以飲到，而又不會很膩。 男友選的焦糖奶蓋也很有驚喜，和紅烏龍也很配，好味😋。店家很貼心，杯蓋有設計過，方便人客直接飲用因為我們點的也是有奶蓋，個人建議點餐時選去冰，然後不要用飲管，直接飲可以飲到幾個層次（先是奶蓋味，之後是茶，再之後是奶蓋+茶嘅味道）。店舖外有很多人在等候飲品，但我都覺得佢係一間值得等嘅台式飲品店。…查看更多

食茶記搵專為香港人而設嘅茶餐廳是常識吧！平日少去九龍灣工廠區，本來以為要搵一段時間。 誰知過了德福條橋，一落地下就見到唯一一間要排隊嘅食肆就係佢啦！（ps：晚上8點的工廠區，因為疫情甚少人，好多店舖都收咗，食肆要排隊嘅只有大渣哥）排隊其間 店員會為排隊人士量體溫，排咗10分鐘就可以入坐。我和男友都order 了常餐。 食物嘅質素係Good嘅，係一啲好食、高質嘅茶餐廳，比較平時茶記份量都算係大，CP值好高。唯一一樣可惜嘅係本來個餐係跟丹麥多士，但係晚上八點幾入去嗰陣時已經賣晒要轉普通多士，但個普通多士都好厚實香脆，唔係嗰啲百潔布多士。不過下次我會早點去，希望食到丹麥多士。進食其間見到渣哥巡舖，見佢都有主動同食客傾計。…查看更多

Friday night 難得見唔多人排，就幫襯下排左15分鐘 左右，有沙發位坐 yeah，因為喺一田買左嘢，如果坐bar枱d嘢都唔知點放。排隊時，侍應已俾menu，一坐低即刻落單。我點的 鮮味蛤蜊濃湯拉麵最先送到。 湯底是濃濃的豬骨湯底，蛤蜊 跟 豬骨湯配搭好match。 蛤蜊無沙。 吃到一半有點膩，加了點柚子胡椒，可減少點油膩感。朋友點了期間限定之咖哩芝士叉燒拉麵。 咖哩湯底都很濃再加上滿滿的芝士， 非常好味，拉麵是粗身拉麵，ok彈牙跟咖喱湯底很配。不過，朋友吃到一半也覺得很膩，吃不下。可能下次 點這個拉麵 再加一個清淡一點拉麵 share 食可能好一點。…查看更多

呢幾個月來，每逢去尖沙咀都會幫襯唇茶。除了是幫襯自己友外，更重要係真心like佢哋嘅港式口味。 唇茶棄用一般台式的珍珠，改為用現在港女最愛嘅桃膠， chia seeds。對於我呢d 不愛吃台式珍珠真的是不二的選擇。茶的配搭，都好啱口味。 本人最愛 月滿花香 （少甜）。茶底是 桂花、玫瑰、茉莉、烏龍調配而成，淡定花香，很清新。本人點的是少甜，對我來說，甜度剛好友人點了 「自己柚」。成份有利賓納、柚子、薄荷葉、梳打水調配而成。 我覺得這個也是香港人的口味，好清新，無得輸。如果你喝膩了台式飲品，建議你也可以呢試一下這家港茶·港味🥤。…查看更多

一直 都想去幫襯呢間良心食肆， 但次次去都大派長龍。 今次唔理咁多，派長龍都要幫襯😂😂排隊嘅全部都係香港人。舖頭外邊放了很多水、能量飲品、餅乾 給有需要人士。 雖然係自由取，但目測派排的人很少去拿這些東西，贊雖然很長龍，排了30分鐘左右已可入坐所有茶餐、晚餐 $40 ～60 內有找，喺銅鑼灣晚飯時間真係好難找到呢個價位，仲要連餐飲。蔥油雞扒炒蛋飯- 呢個配搭冇得輸，略嫌蔥油比較少，如果多一些就perfect。中間有個小趣事，侍應突然大聲在店中心講「等陣姐姐會派餐湯。邊個欠餐湯請舉手，姐姐會派給你」 店內欠餐湯的即刻舉手🙋🏻，而姐姐也很有禮貌地奉上餐湯。 成個氣氛都好和諧。喺銅鑼灣好少一間鋪頭咁全部都係香港人，仲要咁同聲同氣。 好感恩喺今時今日既香港在一間冰室感受到呢份和諧。坦白說，食品都係一啲港式茶餐廳嘅食物，但勝在多一份滿滿嘅人情味。hkger 加油💪🏻…查看更多

以前喺荔枝角想飲燉湯，必去強記，強記無左。晚上又想清清地飲燉湯及食蒸飯，專誠嚟到這間店吃飯。這店是自助形式先買票再取餐。晚上7:30去到，好多食物已經賣晒。我跟朋友選了兩個燉湯及兩個蒸飯。我點的蟲草花肉餅蒸飯，味道是OK的。但吃到肉餅中間嘅部份，我發現肉餅是未全熟的 （肉餅外圍部分係全熟，只有中間部分是粉紅色如圖）。我跟店員溝通，店員只跟我說這肉餅飯她今天賣了很多個。她收回此肉餅飯，叫我選另一個飯，但需補差價。當時蒸飯只剩下肉餅飯，我唯有叫個另外一個客飯- 紅酒燴牛腩飯， 味道平平，優點是熟的而已。蟲草花排骨蒸飯- 整體是熟的。但整個飯都充滿碎骨，連白飯內也有碎骨，每口也會吐出小碎骨。 泰國原個椰皇燉雞湯- 這個是正常發揮，滿滿的椰皇既甜味。 但無雞味冬瓜火腿燉瘦肉湯- 很清淡的一個湯。 金華火腿只有一少粒，沒有味，可惜。可能我抱太多期望，店名叫 「燉」 燉湯應是出色。 但 燉湯唔夠味，蒸飯一係未全熟，一係有好多碎骨。 下次我都係乖乖去返灣仔 強記 飲燉湯。服務方面，基本上店員是有禮貌的，但當我跟她說肉餅未熟，她跟我說賣了很多個，很奇怪的理由， 賣了很多個= 肉餅就不會未熟？…查看更多

喺中環做完運動，隨便在附近搵食。 鐵牛在往中半山自動扶梯出口旁，非常方便。今晚就食佢啦。晚上8:30去到，食客很少，可坐在窗旁卡位。招牌紅燒牛肉麵 - 一嚟到即急不及待試一口熱湯，入口先飲到藥材味，之後就係鹹味了。牛肉同埋麵都OK。 吃麵時不用配上一口湯，已很夠味。如果湯底不是這麼鹹就 perfect.紅燒牛腩配黃金地瓜飯 - 紅燒牛腩比紅燒牛肉麵無咁鹹。地瓜飯非常足料，滿滿地瓜，而且鮮甜。 本人覺得比牛肉麵還要好吃肉燥伴青菜- 整個生菜都被油浸住。 肉燥味一般。整體今次點的東西都很油，偏咸。 看來之前做的運動白廢了。 😭希望店家可以減鹽減油，就比較健康了。…查看更多

跟朋友們到旺角食飯，傾到意猶未盡。 轉場食甜品，見HeSheEat 在附近，又夜收，就到HeSheEat 啦。晚上10:30 去到，不用等位，但店內都坐滿客人。 店員帶我們到樓上坐，可能快收舖，放滿用完的餐具的膠筒放在樓梯當眼處，衛生環境一般。甜品方面，擺盤ok。 比較有驚喜是法式香橙班㦸配上雲尼拿雪糕🍦， 酸酸甜甜，不會太膩其他甜品味到一般，不過不失。未有試過HeSheEat 的 main dish，不知好不好味。 之前也有去過銅鑼灣店，感覺上環境銅鑼灣店比較好坐。 如果吃甜品，下次我會去返cwb 店。…查看更多

這間店之前lunch time 有來過幾次。已被招牌花膠湯粉皮 吸引住，這花膠雞湯底味道濃郁。 晚上在銅鑼灣搵食，決定帶友人品嚐。店鄰近維園、榮記。當我們駐足店外，店員主動上前介紹餐牌，態度友善。店內不大，但只要數枱客人，不算太擠迫。美中不足是冷氣待修，但店員也很好給我找一個有風扇吹到嘅位置。今次叫了數款食物share- 雞肉沙嗲串- 雞串燒仍保留肉汁，雞串本身已有燒汁，不用點 沙嗲醬已非常夠味- 炸碎雞花膠湯粉皮- 濃郁的花膠雞湯配上如腸粉般滑滑的粉皮，絕配非常美味。 炸雞正如店員所說好像是韓式炸雞非常爽脆- 巴東牛肉飯- 綠豆冰 - 吃完熱湯串燒，再喝一口綠豆冰. 一個字 「爽」冷氣修理好要再來一次…查看更多

平日放工 約了 一班朋友到期待已久的 社企餐廳@ 銀杏時光. 一進入餐廳已聽到駐場歌手唱出懷舊英文歌，氣氛很好👍🏻. 侍應全是長者，見到我們很熱情推介餐廳食物。餐廳有顧及素食人士，特別設有一版全素食嘅Menu。讚👍🏻晚市是semi buffet， 打算等齊朋友才點餐，待應伯伯不單沒有催促，還叫我們先到semi buffet corner 取點沙拉🥗 及 湯 吃😊。價錢公度，食物美味。長者侍應熱情招呼，令我和朋友們也渡過一個溫馨又愉快嘅晚上。有下次主菜…查看更多