cathyin的個人專頁

傳統茶餐廳，唔起眼，見到個餐牌嘩一聲！ 佢下午茶個餐牌選擇多，選擇困難既朋友真唔好去，好難搞！ 見到隔離枱啲下午茶餐好大份！份量超吸引叫個西多士，即叫即整金黃色👍🏾 切開後有花生醬好正常，但切到近中間位置發現啲花生醬愈來愈多，多到漏出黎🤤 超級正呀！ 所以員工年紀唔輕，但非常有禮！電視播既係viutv, 唔洗睇cctv😎 …查看更多

工廈成日都隱藏高手，今次都係因為啲其他人食評及報道而選擇這間餐廳。 雖然網上無得book位，但book位都唔太難，早幾日book 好彩仲有位六個女仔食.... 每人叫一個main再share, 點知第一樣黎到嚇我一跳.... 個黑松露汁意大利蟹肉雲吞，黎到得四舊！ 同朋友對望左三秒😳 不過佢味道係十分好既！ 蟹肉好多，個汁都好好味，放過佢啦！其他味道都不錯，不過overall係比較鹹最後食左七個，有啲無影相添😅😅😅 …查看更多

自從上次去日本旅行食過沾麵後，就愛上沾麵。可惜，香港無乜食沾麵既鋪，有啲食過都唔係日本食果回事報紙介紹，心郁郁又黎試下！ Menu: 有三款湯 魚介、黑蒜、紅油蕃茄湯：我地食左魚同黑蒜，味道好濃厚，正！ 湯內已附有豚肉、溏心蛋、荀麵：menu無得揀麵既粗幼、硬度.... 有少少失望。 佢啲麵略為硬.... 扣左少少分食完可以叫店完加湯，將濃湯變淡，飲埋剩下既湯，一滴都唔浪費。 湯雖然濃，但無口渴既感覺！真材實料👍🏾總結： 雖然佢仍比起上次喺日本食果間沾麵日稍瞬，但喺疫情下去唔到旅行，都可以代替下☺️☺️ …查看更多

名乎其實的海膽放題！由於預先訂座，所以一坐低就每人送一板海膽🤤 超級新鮮，啖啖肉！食物款類繁多，不過黎到海膽放題就當然叫有海膽既野啦！ 飲品方面，有個好得意既枝裝啫喱飲品，唔甜！ 出面仲有梅酒、sake 任飲添好滿足！ …查看更多

12月6日同朋友慶祝生日，早於兩星期前打去訂位，順利並成功。 點知當天上到去，發現𨋢上唔到25樓，以划火個𨋢壞左，所以上左26樓諗住落一層，去到26樓有店員話我地知間鋪關了門，「聲稱」裝修喎～～～ 如果要裝修，無理由兩星期前還接訂位啦～ 電話又無個，搞到摸門釘😤😤😤😤真掃興…查看更多

大閘蟹季節到喇！ 上網睇到呢間蟹將軍喜記做優惠，$1198/4-6人套餐（公母大閘蟹各四隻）。）我地四人吃，剛好每人2隻！ 佢可以另加大閘蟹, $70/隻。 一去到，上前菜 - 八味豆腐、鹵水豬手：豆腐一般、豬手入味但太肥及多毛前菜食到咁上下就上大閘蟹😍，一次過上晒八隻，四公四母，size似係3.8両咁上下，雖然有啲細，但兩款蟹既膏都好好味，流晒油咁🤤⋯⋯ 初初覺得佢好細心、食完前菜先上大閘蟹，點知其他食物（欖角骨、上湯菜心、薑蔥炒蟹、芝士麵包蟹伊麵）喺食大閘蟹途中上左，搞都唔知食咩好.... 又怕會凍左😭 Btw, 食完兩隻有啲攰，所以要停止摵蟹先😂 食下其他。欖角骨值得一提！好味呀～ 個肉脆但又唔乾同個汁都好好味，酸酸甜甜！ 薑蔥蟹太油，味道可濃啲，蔥未入味～ 麵包蟹都可以最後仲有個蕃薯糖水添！ 有泊車（2小時）…查看更多

比個「湯」字吸引個左， 睇完個午餐牌，又唔係太貴（$39-46），所以入左去試。 好天真咁以為有湯送埋， 點知係另叫，只係減$5。 湯貴過個飯咁囉（$59）！ 但飲第一啖湯就知應該要貴過個飯，真材實料我叫左個南瓜豆豉蒸排骨飯，好有住家feel，平時食得淡味既我，覺得排骨輕輕咸左少少，但overall 係ok既！ 唔計湯，淨講個飯，$39喺灣仔食，絕對係物超所值！ 環境已經贏晒茶餐廳幾條街！ 湯方面，叫左個椰子燉烏雞，真係成個🥥上呀哈哈！ 湯好甜，好濃！ 如果份量可以多啲就好喇！ （而家得大屋企個碗少少既分量，無添飲既感覺，有啲失落，要慳住飲）Set lunch可以encore, 湯就免了（有啲肉赤）…查看更多

元氣壽司高速線，其實已推出一排，手機落單都不是新鮮事。 雖然佢有提供wifi，但係信號唔穩定，記得睇清楚order 有冇落到。呢間高速線既列車🚄同其他高速線有啲唔同，佢係有sensor 㗎！ 拎完壽司唔使禁制佢就自動走，咁好玩梗係叫多幾碟啦！ 講返野食方面，轉左高速線係多咗新嘅嘢食，例如軍艦方面，有蟹膏甜蝦，為本人現時至愛之一！ 亦加入很多熟食/熱食但可惜地，同時又少左某啲野食，我以前至愛既炙燒左口魚壽司、筋子壽司等都無左😕 Btw, 炸物真係不建議喺度食，味道一般。…查看更多

隔離商場太多人，所以過黎一條馬路之隔既舊商場，原來都幾多野食啊！ 呢間鋪keep住都有人， 但又唔會full house， 其實都幾好，即係唔洗等位😆睇餐牌就唔太吸引喇！ 唯一吸引既係海膽壽司、三文魚子壽司既價錢囉！ $24有兩件喇！ 即管試試啦！ 一黎到，我雙眼發左光，好多海膽，好比貨呀！ 三文魚子都係，但本人比較鍾意食海膽，所以focus左去果度😆😆 。 不過壽司飯就一般，有啲硬同淡我地二人仲叫左個鰻魚炒飯 （不過不失）、炸軟殼蟹（$35唔貴）、蟹子沙律、同埋散叫少少壽司啦全日免加一，算係咁啦！ …查看更多

上次食完午餐，不錯，所以今次要食埋晚餐，晚餐更好！ 不論午餐/晚餐時段，佢都係做熟客多，啲人到黎好似個個都識咁。 今次晚飯仲有人搞生日會添！ (應該都係啲大人鍾意呢度先以先叫小朋友喺度開啦🤣）Anyways~ 講返食物方面，無論午市晚市，一坐低就會有個前菜比你～日日不同壽司配料新鮮！炒飯好味！ 牛舌係我至愛，要求十分高既我，比十分佢！ 不得不提，呢度既店員好細心，牛舌一到叫我襯熱食！襯熱食真係好味啲嫁👍🏾👍🏾…查看更多

新都城開左好多新食市，Lunch time梗係要續間試，今日輪到呢間！ 午市唔洗排又有幾張空枱，抱住一試無妨既心態入去啦，入去諗住坐低，有個店員叫我地襟飛，黑人問號！心諗：襟咩飛呀，有位啦都！ 唔緊要，襟囉，襟完佢又即刻叫我地入去，真吹漲，咁就浪費左張紙🤷🏾‍♀️Anyways....Menu 係多選擇既！ 啲相都好吸引🤤 唯一唔 好就野飲要加錢囉，加加下就唔太抵喇！食物質素，同個menu有少少不成正比。 價錢高吉xx，味道就一般咁囉。 但佢始終選擇多啲既。 …查看更多

新都城一期開的cafe，位置較偏僻，唔洗等位；落地玻璃，環境清幽，最啱三個女人一個墟！ 話明一個墟，梗係叫左三個餐啦！ 1）「手造PICI配秋葵茄子翠肉瓜」（個名無咩創意🤷🏾‍♀️），anyway，PICI 係手搓意大利粉，有彈性，但唔知係咪太粗中間有啲唔熟既感覺。個汁係青色，重芝士味，有啲濟。 2）「手造薯仔粉配黑松露藍芝士忌廉汁帶子」（繼續都係無創意），黑松露同藍芝士本身都濃味，撞埋一齊黑松露輸左，浪費左黑松露，心都痛！ 手造薯仔粉叫GNOCCHI，似日式年糕，但薯仔味既😅😅😅，又係好濟。 3）好普通既肉醬意粉，不過不失。 Pasta免費配Earl Grey; 其他逐樣無限加，前菜（沙律/湯/小食）平均$20-30，飲品（咖啡/朱古力/特飲等）$25不等。加下加下一個lunch變左$160😲 有啲奢侈，食一次夠了！ …查看更多

必食早餐A，推介羅宋湯通粉、蛋治。 呢間茶餐廳既早餐A, 幫襯左有7年！ 介紹左無數咁多個同事食，無一個話難食，（其他唔敢包，因為我無食過，我永遠都係獨孤一味，食到呀姐都認得我），今日終於的起心肝比粒星佢！ 呢間羅宋湯通粉，可以稱得上通粉湯底既全港第一位☝🏾，個湯真材實料，夠味又有湯渣（有薯仔、菜、牛腩碎、仲有檸檬皮！）再配個蛋治（全份，不是半份！）大滿足！ 咁多年都保持到質素重點食夠平！ $30有找喺邊搵？…查看更多

食外賣壽司離不開都係「爭x」「元x」, 呢間係正中日本人開既壽司店（日本人老細係識講廣東話嫁！），都係做外賣為主，入面只有企位（大概5人左右），鋪位唔大，唔顯眼，行過真係會錯過！但食完呢次我一定唔會再錯過，因為真係瘋狂好味！ 價錢唔貴，但CP值真係爆晒燈！呢度壽司有兩款食法，即叫即整、整定比你揀快靚正。 不論即叫即整或是整定，都係咁新鮮好味（我試過，真係試過！），分別只係多左個包裝膠。講返壽司，佢啲飯好好味，好似去左日本食壽司咁好味，淨係飯都好滿足！飯係唔會散既！上面啲料，足到一個點，蟹子軍艦啲蟹子既高度，同個飯差唔多，落足料！ 總之所有野都係新鮮（包括飯，軟熟的！即使晚上去食，都仍係軟熟既飯）。炙燒壽司更係即叫即燒，oh my god! 啲芝士即到淋左但又未變形，呢個口感真係不得之了，同三文魚或蟹柳襯到一個點！仲有！佢個薑好好味，唔太辣但薑味仲保留住，平時唔食既我食左好多。佢仲有自助式既關東煮（sorry, 興奮得濟無影相），最少有8款食物，好味又特別，有款腸仔入面有條雞骨添架😂 Wasabi, 唔太辣又好特別，有咬口既！ 總之係唔同啲啦！ 鋪頭內仲有刺身、汽水、酒（sake為主）賣。 食完覺得妳幸福🤗 好似去左日本食野咁！ 唯一唔好既就係有啲唔環保，即使係堂食，佢通常都會比膠盒。但環保人士可自備餐具及餐盒比佢放壽司。 …查看更多

由於本人返工食食時間超彈性，有時可以食下午茶。 下午茶通常都細細份，佢呢個下午茶餐可多可少，多果個份量多到正直壯年既男仔都會食得飽，女仔食完唔洗食晚飯添😂😂😂佢有A B C 三個column, A係肉類，可選瑞士雞脾/雞翼/吉豬/吉魚；B係飽類，三文治/西多果啲；C係粉麵類。可A+B/A+C/A+B+C, 所以份量係可控制的！ 我因為晚上要練波既關係所以通常都會ABC叫晒瑞士雞脾大隻又入味，無得輸西多即叫即整，入面仲有花生醬🤤；有次食奶醬朱，諗住係半邊包，點知係全個😨粉麵就正正常常咁啦！ 總之就抵食！下午茶連晚餐，40零蚊有找P.S. 佢有份量再少啲既手下午茶餐…查看更多