csin1026的個人專頁

環境舒適，地方光猛，枱距也很闊落，空間感不錯。食物味道也不錯，但份量少了一點。甜品可自由選擇是否加配。唯獨男女共用一個洗手間出入口，即使每個間格也上頂，也令女仕感覺不太舒服。…查看更多

咖央多，冇椰香，只有甜，成份多士只用一塊包，收$30，乜而家D方包咁貴咩。拉茶，唔夠茶味，奶亦唔香，冇馬拉風味，亦唔似茶餐廳。喇沙都算經典，煆殻痴肉，中間開邊，又唔挑腸。其實不如唔好開邊，一邊食，一邊挑腸，真係食到有D嬲。…查看更多

Lunch經過，見咁多人排就入去試吓。點左半隻原味炸雞。咁啱鄰枱點左一隻原味炸雞。一隻$149，半隻$79，所以半隻應該係足半隻。大家差唔多時間上菜，隔離一隻用大碟上，堆到成坐山咁高，我點半隻，得六小塊。當中有兩塊係一隻雞翼斬開兩件，另外四塊係將KFC size雞胸一件斬開四件。我問個侍應，半隻雞是否一隻翼一隻脾，佢答係，但我果隻點解冇脾，待應答會幫我反映。我即時話：其他唔同你計，你係要補返俾我。等左大半個鐘，等到食完所有野，期間廚房不斷出炸雞，而我追過兩次，都冇補到。最後我忍唔住追第三次，佢哋求其執兩舊碎雞，加埋等半舊KFC雞胸size既雞俾我。之後同我講，如果補返隻脾俾我，其他會少左。o晒咀。以後大家去食，一定要睇清楚。…查看更多

這是睇完Facebook 推介，立即來試的。雖然未至於驚為天人，但$70-80有燉湯套餐，絕對合格有餘同值得encore.首先個湯好足料，所以加少少菜蒲再配個蕃薯飯，絕對係又健康又美味既組合。至於個湯，係好香椰子味，同好甜。但就少左D肉味。可能因為個椰子size限制左，放得雞就放唔到肉，而且D湯太少，如果同樣用椰子煲，但改用燉盅上，咁既可以放少少肉，又可以多D湯，同會食得再方便D。整體來說，一定再有下次，尤其係冬天，一定要來補一補。…查看更多

偶爾行過，見到個招牌，有埋解說，雖然唔餓，但都入去試一試。仲記得第一次食皺皮腸粉，係二十幾年前在深圳，腸粉熱辣辣上而且每一層都好薄，仲有好多豉油同葱花，令人一試難忘。而近年，呢種皺皮腸粉在香港，亦開始流行，所以唔駛北上都食到。除賣相外，皺皮腸粉同傳統腸粉，最大分別係個配料會切得好碎，而且好薄身，每一口都可以食到配料，個皮亦能充分吸收豉油的香，而呢到亦都做得到👍🏻👍🏻至於個咸骨粥，同媽媽在家煲的一樣，又軟又綿，配料又足，總之就是同媽媽在家煲的一樣味道。我仲即刻有衝動帶阿媽來試，等佢知屋企附近有間咁正既店仔，以後唔駛晨咁早起伸煲俾我地食。…查看更多

讀書年代時（二十年前😜），久不久lunch都會去食下粥，仲記得果陣D粥煲得又軟又綿，配料又足，油器又炸得脆卜卜，腸粉熱辣辣...但今時今日，往事只能回味。首先，個粥一D都唔香，花生又諗曬，不過因為都煲得綿，還可算是普普通通，但我估只係將粥同料倒入碗內，冇用小煲煲下，所以個粥食唔到配料果種香味。油器唔脆又厚身，食得出好足麵粉，但亦因為咁，所以唔脆，再加上涷上，所以真係冇下次。腸粉，厚但唔夠滑，同唔夠熱。全餐飯，除左可以充飢，就真係冇其他詞語可以形容。另外，粥店賣飯，都可以理解，但本業都顧不好，仲賣埋米線、西餐、火鍋...不如賣番好個粥，攪好個招牌才再發展吧。…查看更多

香港人越來越咀勺，吃飯已不再單單好味道就夠。所以每次搵地方吃飯，除左睇正評，仲要參考賣相 , 睇下有無特色。千挑萬選下，終於揀左位置銅鑼灣的福岡. 烏龍魚男。首先，用飲食app訂枱，指定時段是半價。因此，我們挑了最貴的Omakase set 😉用的魚是當日新鮮到店，所以餐牌上的圖片只供參考而已。圖中是六日份，每款魚生各兩片，而蝦就一隻。不得不提，每款魚生都十分新鮮，一點魚睲也沒有，尤其是拖羅，是入口即融，食完口中仍有油香。至於主食方面，可選魚湯烏冬或魚生飯。魚湯烏冬以水煲上，食用時，可先把魚湯倒出，而烏冬則留在水煲內，這樣便可將湯和烏冬分隔。用埋app 半價埋單，每位大約$280, 實在可以再encore …查看更多

齋睇餐牌，已經覺得很吸引，木盤上菜，有齊前菜、主食、飲品及甜品，仲要價錢係非常合理，set lunch大概$70-$90，難怪每次經過，都見到門外人山人海。豬扒撈檬，上菜時有少少俾佢嚇親，大碟到，應該要兩個人分！其實個豬扒幾入味，但如果可以厚身少少會更加好。牛肉湯河，係可以一次過滿足曬你楝牛丸、牛內、牛腩既願望，因為一碗入面，乜都有齊，而且個湯底也很甜，下次可以再encore.最後，提提大家，其實可以用app 攞菲等位，可以慳返唔少時間。…查看更多

觀磄工廈內藏不少食店，一日去一間，我估食半年都可以唔駛重覆。1988是一間泰式餐廳，入面是全男班服務員。午餐大概由$70 - $90不等，仲可另配小食和甜品。十個有八個入去都係食海南雞，第一次去當然跟食海南雞啦。 首先，雞夠滑，而且冇雪味，而且雞肉一D都唔肥，醬料另外以小碟盛上，辣度和黑豉油可以按自己口味調整👍🏻👍🏻飯default左係油飯，如果怕太油可改白飯的。飲品方面，泰式奶茶，味道比港式的甜，而特飲方面，西柚梳打，賣相一流，但除左梳打水外，其實係冇柚子味的。…查看更多

朝早陪完老公早餐，中午就輪到陪仔lunch,所以話呢，女人唔易做。吉豚屋有個好處，就係他們的便當有大（松）、中（竹）和小（梅）分量俾你揀。當你唔太肚餓，但又要陪食時，呢到係一個幾好的選擇。而我當然是order滑蛋豬扒（梅）便當。真品和圖片有八成上似，雖然滑蛋鋪在炸豬扒，但炸豬扒的外層仍保持鬆脆，而且肉質入口十分腍，配埋調了味的滑蛋，食食下竟然在唔肚餓的情況下，食矖成碗飯😱😱OMG另一邊，見個仔食到一粒飯都冇剩，最尾癡左少少鰻魚吃，D魚肉都算實，而且配埋甜甜地既汁，都幾好味，唔怪得少爺食到見碗底😂…查看更多

沙田一，以燒味聞名，再加上位於沙田區，當然要試咸雞粥。粥品套餐是全日供應的，單點一碗粥約$32-$40元，所以我們二人來吃早餐，就點套餐好了。咸雞粥的粥底已經調好了味，煮的時候個粥底加了薑絲、蔥段，而且雞本身已經是咸的，所以不用加鹽，已經好夠味。至於炸兩，上碟時腸粉皮和油條仍是暖身的。豉油和醬油另上，在食前可自行加的，所以入口油條仍保持脆身。最後，套餐加$5-7可配豆漿或茶，兩個人share,就啱啱好😉…查看更多

Mega box的炑木燒烤是其第22間分店，上星期午飯時間經過，門口排了兩條人龍，一問之下，原來一條是訂了枱的隊，另一條是walk in隊。本想打電話訂座，但原來訂座至少要10人。雖然唔夠人訂位，但抱著人多一定有其過人之處的心態，最後也走了去排隊等位。餐廳地方十行寬敞，在前面有二十人等位的情況下，我們只等了二十分鐘，便入座了。點餐後，侍應會送上當日的三款泡菜，而且食完可以免費再加，當中我們追加了兩次大白菜和海帶😋😋午市套餐方面，價錢在$58-$128不等，已包海帶湯，另加$8,可配特色飲料。我點的是$78的蟹膏蟹肉石頭飯，上餐時會另配一小碗醬油。蟹膏有一個雪糕球盤大，而下面鋪滿蟹柳絲和真蟹肉。用餐前，先加一點醬油，然後用鐵匙把蟹膏、蟹肉和飯拌在一起。因為石窩很熱的關係，keep 住攪拌五分鐘，就會拌出一粒粒好似炒飯的質感。味道方面，蟹膏很香，配埋甜甜的蟹肉一起吃，好味到不驚不覺，竟然成窩飯食曬🙈。最後，加$8入埋個凍柚子蜜，食飽又返公司繼續努力💪🏻。最後，提提大家，午市是免加一的😉。…查看更多

家人約晚飯，結果大家星期五放工，山長水又遠，入左馬灣的挪亞方舟，過左晚久違了的family day.因為晚飯係即慶的，而且周圍食肆都係收九至十點，所以沒有太多選擇，邊間舖頭有位，我地就入座。食物方面，燒魷魚，燒得夠香，而且魷魚夠厚身，所以很好味。而蒜蓉包也烤得很香，好食到完一盤，要再encore😂至於其他食物方面，炸蝦餅和雞翼也很不錯，真的是做到香脆可口。鹽焗烏頭，魚烤得夠乾身，配酸辣汁，很開胃呢。食完飯，再行下沙灘，城市人的relax,大概是這樣吧。…查看更多

係銅鑼灣食粥都要$50一碗嘅情況下，真係估唔到竟然可以$80都唔使食到一餐西式意粉。呢間餐廳，主打西餐，除咗意粉之外，仲有pizza. 但見openrice個個都推介意粉，第一次來當然也是試意粉啦。香草雞肉雞菇羅勒忌廉意粉，個汁勁creamy,而且充滿香草味同羅勒味，而意粉亦煮得剛剛好，好爽口，除左時間要控制得好，呢種爽身係應該過過冷河才做到。今時今日，真係冇諗過唔駛$100，可以係銅鑼灣中心地段，舒舒服服咁食到個優質西餐呢。…查看更多

九龍城呢間越南菜館，唔好以為只有越南食品，其實仲有小炒供應，而且佢地D小炒也很不錯的。首先，小食拼盤方面，用生菜包住脆扑扑的春卷，可減少食入口的油膩感。而紥肉切得很薄，用來包住蒜乾和蔥油，也十分不錯。豬扒飯，豬扒夠腍身，配埋D蔥油食，非常好味。而大蝦炒西芹西蘭花，估佢唔到炒得咁香，一D都唔似越式菜，反而充滿中式口味，有蒜香和薑味。至於冇特別介紹的雞翼撈濛、串燒和雞沙律，是因為沒什麼特別，所以就算下次再去，也不會再order law.…查看更多