haydeneats的個人專頁

這真是一間物超所值的西餐廳，味道唔錯，而且D野好大份量，好難得搵到D咁正嘅餐廳。Lunch Time時間幫襯，一坐低就有餐包同餐湯，個餐包好有誠意，竟然係烘過嘅硬身法包，有溫度，搽牛油即溶嘅感覺真係無得頂。個餐湯係羅宋湯，入面好多蔬菜，非常足料。Main Course就叫咗豬扒意粉，豬扒煎得好靚，少少脆邊，而且竟然有兩大塊，大份到嚇一跳，個餐唔係貴，印象中好似係$80左右，但係估唔到會咁大份。仲有餐飲跟埋，又抵食又好食。…查看更多

天氣又轉凍，又係時候食下雞煲，呢間雞煲店D雞估唔到咁靚，好難得，唔怪之得佢碟雞同個湯底分開上，可能就係比你睇吓佢D雞有幾靘仔。呢碟嘅份量係半隻雞，D肉睇落去就知有幾新解，而且都真係幾大隻雞幾大碟。湯底滾起先落雞，再滾5分鐘就有得食，伙計話先飲頭啖湯，然後再慢慢食雞，個湯真係香濃，非常滋味，D雞嘅肉質都幾嫩滑，天氣凍凍地食呢D最好。墨魚滑原來一份有兩條，真抵食。因為隻雞嘅份量都幾多，所以叫完墨魚滑再叫一份菜已經被KO了。順帶一提，呢度有新鮮椰青飲，清涼解熱氣好正。…查看更多

呢一間以德國啤酒作為主打，講真，德國啤又真係好飲過其他地方嘅啤酒，所以我一直鍾情於德國啤，呢一隻德國啤酒清爽得黎帶有少少甜味，係蜂蜜嗰種蜜糖，吊住少少回甘，印象之中未喺其他地方見過呢個牌子。呢個意粉係個侍應介紹我試吓嘅，用嘅肉竟然係豬嘅面頰肉，個肉質唔錯，比普通豬肉有彈性，估唔到西餐都會用豬嘅面頰肉做材料咁刁鑽。塊豬面肉都幾大塊，而且一D都唔薄，都幾正幾好食。呢間餐廳入面仲有兩個幾有特色嘅卡位，就係用一個巨型酒桶黎做嘅，打撗鋸開，可以比客人坐入去，幾過癮。…查看更多

呢間餐廳專賣德國啤酒，真係好有Taste，飲落味道又唔錯，爽口順喉。呢度有個金錢壯小食都幾過癮幾正，餸啤酒好Fit，西餐廳食金錢肚，夠搞野。呢間餐廳D main course都好好食，個西班牙乳豬性價比極高，出面好多時要三、四百蚊一份，但係只得幾件，呢度二百幾蚊就超大份，乳豬唔係好肥，乳豬皮真係脆口。佢個石燒紐西蘭牛扒又係好正，百幾蚊，都幾大塊扒，想唔到Airside呢D貴地方竟然有咁抵食嘅餐廳。…查看更多

有Friend介紹我呢個芝麻控一定要試呢間深水埗小店嘅芝麻系列，今日半Day Off於是決定去深水埗買少少野，順路可以試埋。原來佢個芝麻系列一共有3款，因為今日得我一個人，所以就揀咗個黑芝麻意式奶凍試吓，估唔到佢個黑芝麻奶凍雖然係凍甜品，都竟然可以令個芝麻香味做到咁嘅程度(因為通常熱嘅甜品先至更能發揮個甜品本身嘅香味)，佢個奶凍嘅奶味同埋甜度調教得剛好，好啱我嘅口味，襯埋杯咖啡真係無得頂。由於個奶凍好好食，所以我就叫埋個同埋黑芝麻Tiramisu外賣返屋企慢慢嘆。…查看更多

聽過呢間火鍋店好耐，不過今晚先至第一次幫襯，價錢合理，質素都OK。湯底都真係有好多選擇，不過大家最後都係揀傳統D嘅皮蛋芫茜湯底，無咁熱氣woo。牛肉拼盤D牛都算靚，睇D花紋就知道，都夠均勻，不過衣家D牛肉真係好貴，而且靚牛難求，食好牛肉真係要去呢D有江湖地位嘅火鍋店先食得到。手打丸都新鮮好食，質素唔錯，有肉味而且又夠彈牙。炸魚皮炸響鈴就Standard野啦，都OK嘅，響鈴似乎唔係即叫即炸，差咗D啦。炸鯪魚球就麻麻地，可能係粒丸太多粉，咬落去好削。…查看更多

10月初入咗去黎南丫島榕樹灣，諗住食個西餐飲杯啤酒feel吓離島嘅感覺，在大街見到呢一間餐廳有德國啤酒節，於是就行咗入去試吓，入面主理人都係外國人，有一種懶洋洋嘅感覺，好Relax，於是我地就叫咗個夏威夷Pizza慢慢嘆，個Pizza性價比都幾高，而且個Size都幾大個，簡簡單單嘅菠羅火腿加芝士，薄薄嘅Pizza餅底，都幾鬆脆，熱辣辣，都真係幾正。呢度嘅德國啤係賣Bitburger，市面上好似唔係好多地方有得飲，正。…查看更多

呢間茶餐廳主打泰國菜，三個人幫襯叫咗個二人套餐，諗住唔夠先再奇加野，點知個二人餐超大份，三個人都飽飽。小食二選一，可以揀泰式香茅雞翼或者泰式炸蝦餅，我哋就揀咗炸蝦餅，一有兩件完整嘅，再切開一半，點太識甜酸醬。另一個小食就係泰式酸辣無骨鳳爪，其實都係只有少少辣，而且個辣味主要係來自啲生洋蔥。蔬菜又係二選一，可以揀唔辣嘅泰式炒雜菜，或者佢話辣嘅馬拉盞炒通菜，我哋就揀咗唔辣嘅炒雜菜，味道正常發揮啦。主菜可以揀泰式青咖哩雞或者紅咖哩鴨胸，因為唔想食鴨胸所以揀咗青咖哩雞，啲雞已雞髀肉為主，個青咖哩汁都幾好味。跟兩碗白飯同埋兩杯特飲，$280落樓，每人一百蚊都唔使，幾抵食。…查看更多

記得舊年班friend帶我去順德威威嘅時候喺順德容桂食過一間已煎焗排骨聞名嘅小店，佢嘅味道到而家都令我回味無窮，原來香港都有類似嘅烹調料理，就係今日試咗呢間喺佐敦上海街嘅小餐廳。順德嗰間最出名係排骨，如呢一間喺佐敦嘅亦都係已排骨出名，所以雖然佢有好多款式嘅餸可以做乾蒸，不過第一次幫襯都係試咗排骨，上枱嘅時候隻碟熱到痴咗線，可能係因為呢個乾蒸嘅方式令到啲排骨黐實隻碟，攤一陣等佢凍返少少嘅時候用隻貼筋剷起佢嚟食，排骨都幾新鮮，望落去唔覺得佢落咗好多醬料，不過個味道就好惹味，送飯一流，最正就係呢度竟然係$5就可以白飯任裝，我開頭以為係宣傳口號，點知原來真係$5任食，好得人驚，我覺得佢應該加價囉。…查看更多

試了一家性價比高的潮州菜，味道不錯價錢合理，而且裝修也很好，坐得舒服。我哋一行三人叫咗個二人套餐再加多一個蠔餅，每人二百幾蚊都幾抵食。套餐包括呢一個鹵水鵝肉拼盤，入面除咗有鹵水鵝肉之外，仲有紅腸、鹵水蛋、鵝腎、豬耳仔同埋鹵水豆腐墊底，個鹵水唔算好香不過唔係一味死鹹所以我都覺得ok，鹵水鵝肉都唔係好韌。套餐嘅湯我哋揀咗鹹菜胡椒豬肚湯，呢個湯做得幾好，鹹酸菜唔會太鹹但係有唔會去到冇曬味，豬肚洗得好乾淨同埋煲得好淋，少少胡椒掉下味唔會太辣。可以揀一款餸，我哋就揀咗沙茶牛肉炒芥蘭，個沙茶醬都唔錯，有花生粒嘅，啲牛肉都幾嫩。加咗個蠔餅，正確啲應該叫蠔烙，呢個做得都算正宗，起碼入面有薯粉，啲蠔仔都幾新鮮。最後我哋仲加咗兩個糖水share，就係上面嗰碗馬蹄片綠豆爽同埋下面嗰碗清心丸甜湯，呢兩個都幾好食。最後飲埋功夫茶。…查看更多

呢度嘅set lunch menu都有幾多選擇，由價錢平嘅60幾70蚊至到價錢貴嘅120蚊左右任君選擇，今日就揀咗個魚生定食同埋一份鰻魚飯，魚生定食質素唔錯但係過鰻魚飯就強差人意。如山定食有兩件三文魚、兩件墨魚、兩件章紅魚、兩隻隻蝦仲有一隻鮑魚，都幾新鮮。加錢轉做拉麵都幾大碗。兩個餐都跟一碟小食同埋一碗麵豉湯。鰻魚飯就麻麻地，鰻魚比較薄身同埋整得唔夠乾身，飯就感覺上唔係完全嘅日本珍珠米，所以口感差少少，不過價錢嚟講都算抵食嘅。…查看更多

雞煲都真係要辣嘅先好食，今晚為咗就個friend所以嗌咗bb辣，雖然味道都唔錯，但係總覺得如果正常麻辣應該會更加正更加惹味。兩個人叫咗半隻雞嘅份量其實都非常之足夠，佢啲雞嘅肉質都唔錯，而且都真係有雞髀位雞翼位而唔係半隻雞舊舊都係雞胸雞骨咁樣，配料炒得好鬼香，紅洋蔥、蒜頭、薑加埋蔥，好惹味，入面仲有上海年糕片，吸晒個雞煲嘅精華。雞煲食到咁上下梗係要放湯打邊爐，其實因為已經有啲飽，所以只係嗌咗雲吞同埋蝦滑，兩樣都幾新鮮幾好食。…查看更多

天氣轉凍就自自然然想食蛇羹，想起食蛇羹就會嚟到觀塘呢一間，一來足料，超多蛇肉，二來食蛇羹餸蛇湯，所以真係好抵食。每一張枱都有一兜檸檬葉同埋一盒蛇羹專用薄脆，佢啲薄脆真係脆㗎，加咗又真係好食啲嘅。佢有A餐同B餐，其實都係大蛇羹或者細蛇羹再加蛇湯同埋一碗糯米飯，非常和味，不過今日因為約咗人食晚飯未夠鐘，天寒地凍先至走嚟淨係食蛇羹，冇食到糯米飯。另外佢依家仲有雞翼，印象中以前係冇嘅，下次有機會都要試下。…查看更多

堅正的粵式小菜，book咗七點半都要等一陣先入得，全場爆滿，真係唔book位都唔港洗指意walk in食得到。我哋叫咗4個餸，買四個都好多好食。黃金豆腐粒外層又薄又脆，裡面又軟又滑。脆皮炸大腸脂肪比較少，外層炸得好脆，而且d豬大腸都幾乾身，點甜酸醬，邪惡但好味。川椒豬手嘅豬手唔係炆到淋晒嗰種，而係保留豬手嘅彈性兼一d都唔韌，雖然叫川椒但係只係少少辣，整得好入味。咕嚕肉差唔多枱枱都有叫，真係好食，佢個質感做得好好，炸得黎又食到豬肉嘅軟熟，唔係一味硬或者一味軟。…查看更多

知道呢一間素食店喺灣仔已經開咗好多好多年不過都係今日先至第一次試到佢嘅手勢，評價係價錢比較高份量比較少味道只屬一般。叫咗幾樣嘢最好食就係呢個琵琶豆腐，豆腐入面好多材料，而且都幾新鮮，唔係一種整定晒喺度有人叫先至炸出嚟。第二好食嘅就係呢一鍋竹笙素生翅，一小鍋都有8碗仔左右，入面d竹笙、木耳絲等都好新鮮。排第三日就係五柳仙斑(即係芋頭魚)同埋香脆蜜瓜奶，呢兩款嘅未到都只做一般，芋頭魚比想像中細條，炸蜜瓜奶原本以為係一條，點知已經切咗一半得一粒。佛門齋滷味就最令人失望，$72一碟細size真係性價比極低，真係可以skip唔食都無損失。…查看更多