潮觀城酒樓

試了一家性價比高的潮州菜，味道不錯價錢合理，而且裝修也很好，坐得舒服。我哋一行三人叫咗個二人套餐再加多一個蠔餅，每人二百幾蚊都幾抵食。

1

套餐包括呢一個鹵水鵝肉拼盤，入面除咗有鹵水鵝肉之外，仲有紅腸、鹵水蛋、鵝腎、豬耳仔同埋鹵水豆腐墊底，個鹵水唔算好香不過唔係一味死鹹所以我都覺得ok，鹵水鵝肉都唔係好韌。

套餐嘅湯我哋揀咗鹹菜胡椒豬肚湯，呢個湯做得幾好，鹹酸菜唔會太鹹但係有唔會去到冇曬味，豬肚洗得好乾淨同埋煲得好淋，少少胡椒掉下味唔會太辣。

1

可以揀一款餸，我哋就揀咗沙茶牛肉炒芥蘭，個沙茶醬都唔錯，有花生粒嘅，啲牛肉都幾嫩。

1

加咗個蠔餅，正確啲應該叫蠔烙，呢個做得都算正宗，起碼入面有薯粉，啲蠔仔都幾新鮮。

1

最後我哋仲加咗兩個糖水share，就係上面嗰碗馬蹄片綠豆爽同埋下面嗰碗清心丸甜湯，呢兩個都幾好食。

最後飲埋功夫茶。