JxKYasai的個人專頁

好多人都話深水埗多好野食，朋友們專登喺新界出黎搵好野食。今次就試左LEE間，仲有2011-2013米芝蓮推介，所以去試下有幾咁勁。一坐低發現價錢不便宜，有點兒不乎合深水埗食物經濟又實惠既口碑，最重要既係佢要收加一，何解呢？因為米芝蓮推介嗎？咸柑桔蜜＋泰式三色冰冬瓜例湯，一飲就飲到好重既味精，加上胡椒味太嗆，飲左2啖就冇再飲啦！泰潮海南雞飯餐（無骨）- 雞肉轉左雞脾肉加$5，雞肉本身好鮮嫩，亦非常之滑，油飯唔會太油膩，每粒飯都係充滿油既雞香味，本人唔太好食飯，但都將LEE碟油飯食晒。不過，佢點雞肉既醬汁略為差Ｄ，冇咩特別，唔點仲好食。泰潮滷水豬脾米粉餐 - 米粉湯湯底幾清甜，份量都幾足，除了滷水豬脾外，仲有滷大腸、滷蛋同埋泰式咸菜，滷水汁將食材滷得不太入味，滷大腸有少少苦味，滷蛋更加冇味，豬脾有Ｄ肥，食多舊都覺好肥膩。泰潮滷水鴨飯餐 - 滷水鴨唔入味，鴨冇鴨味，鴨肉仲有Ｄ柴。…查看更多

這間麻辣米線絕對是我心目中首選米線，多年前第一次食完之後，即刻介紹比周圍朋友去食，每一個食完都讚不絕口，仲會同我一樣，食上隱架！！！金菇肥牛麻辣米線（小辣）　材料足，湯底絕對是賣點之一，湯頭不是只有麻同辣，佢有一種甜甜地既感覺，跟出面既米線店不一地方。雞肉雜菌麻辣米線（小辣）　雞肉亦是必食item，雞肉肉質非常嫩滑，絕不柴。而米線口感煮得軟硬適中，辣既程度視乎大家既喜好啦，我個人就不太食得辣，但又愛食辣，多種辣程度都試過，最後都覺得小辣最適合，唔會太辣時，又會食得出材料既味道，亦唔會麻到冇晒感覺！見到張相D湯好似好油咁，但其實食落肚又唔會覺好油，仲可以接受到。:)…查看更多

想食好耐既酸辣粉，今日終於有機會食到啦！！！四川擔擔麵 –陽春麵上放上小量肉碎、花生碎仲有蔥花，一定要襯熱先可將麵同醬汁撈暈，記住，凍左就好難撈開啦！以往食開既擔擔麵都好重花生醬味，佢lee間眼見只有花生碎冇花生醬，食落花生味都唔太出，反而覺得比較清新食多多都唔覺膩，加上麻辣既醬汁愈食愈出，愈食就愈開胃，仲要一邊食一邊抺汗，不過又唔會麻辣到食唔到其他野。四川燃燒麵 -第一次食燃燒麵，其實係等於擔擔麵加左大量指天椒碎，如果將所有指天椒碎撈暈，LEE個堅係辣，辣到噴火個隻TIM，但整體係好味既。四川牛肉麵 – 湯底牛肉味濃郁，有小小藥材味，碗麵雖然細，但材料好足，牛肉有好多舊，牛肉味好重，每舊牛肉都有筋同肉，所以好有嚼口，咬多幾下仲感受到牛肉既本身鮮甜肉味。 陽春麵煮得岩岩好，唔會太腍又唔會太硬，配上牛肉味湯底，簡直好食到不得了，不過如果可以再辣D就更加好啦！四川豬肚絲酸菜麵 – 眼見一遍紅海，友人食到標晒汗之外，仲狂落醋先食得落去。一開始食第一口冇咩感覺，但當食左落左肚5秒之後，你就會感覺到D辣既香味湧番出黎，在你喉嚨附近徘迴，辣就的確很辣，但就是要追求這種辣得黎帶麻既感覺，爽！豬肚絲幾爽口，薯粉質感煙煙韌韌，不過當碗麵咁辣既時候，你都唔會點咬D薯粉架啦，哈哈！口水雞例牌 – 雞肉係雞脾肉，所以特別嫩滑, 但味道就差D，唔夠辣兼冇乜雞味。蒜泥白肉 –　清甜爽口既青瓜夾住唔肥膩既白肉，加上佢既特製醬汁，有小小麵豉醬味加辣醬，又甜又辣，令整碟蒜泥白肉加分不少。青瓜豆漿 – 第一次飲，覺得非常清新既飲品，夏天好岩飲，特別食辣野時可以解辣。友人形容佢既味道有D似青草味，的確本人就覺得青瓜味係蓋過豆味既，反而覺得幾清甜，飲完都唔覺有負擔，健康飲品。…查看更多

夜晚食完飯睇完戲十一點去到等位，人又多又落大雨，不過都冇減我地要食榴槤既慾望。榴槤水晶珠 - 每次黎親都必食Item，當想食榴槤但知道又冇人會同你Share整個榴槤既時候，就必定會黎聽嫂食佢既榴槤水晶珠，啖啖榴槤肉加上小小沙冰，又唔會太甜，好似食緊榴槤本身發出既甜味一樣，加上彈牙既水晶珠，簡直就係絕配。榴槤黑糯米 - 黑糯米煙煙韌韌，好有嚼口，甜度剛剛好。龍眼椰果冰 - 大大粒椰果好吸引，龍眼冰非常清甜，每一啖都好似食緊龍眼肉，加上沙冰中和左龍眼本身既清甜，食幾多都冇甜膩感覺。…查看更多

收工時間尚早，不用等位，但坐正門口左手邊第一張枱，比較用力開門既客人，一開門就會撞到我地張枱‘澎’一聲成張枱都震晒，真係比佢嚇親幾獲。一坐低，店員就放左一杯裝滿生菜既杯加一把剪刀，最後我地都冇食到，唔知係咪會留番比下一枱客人呢?! 為左響應Green Monday，決定食素。招牌火車頭河轉素食　－　大大碗２個女仔share都夠食，材料又多又新鮮包括有冬菇、芥藺、豆卜、素丸、素蝦餅、素牛肉，不得不提既係素丸同埋素蝦餅都激似真既肉，由於我同朋友都唔食常食素，所以真係好驚喜，根本分唔出２者分別。湯浸菜腐皮煲　－　清清地既一道菜，不會加太多調味料，反而食得出菜本身既甜味，證明菜夠新鮮。…查看更多

店舖不太，座位不足20人，每次去到都座無虛席，只好叫外賣吧！開初叫外賣都會擔心個餃皮唔即刻熱食就會變得硬。但回到家食完之後發現，原來我擔心都是多餘。水餃每次都係即叫即煮，水餃皮做得非常出色，皮薄而且煙韌, 每一粒都大大粒，size幾乎做到一樣咁大，餡料飽滿又新鮮。蕃茄鮮肉餃　－　打開粒餃見到一粒粒蕃茄粒好新鮮而且裹面豬肉非常juice。茴香鮮肉鮫 – 茴香不是常常有貨，要食既就打電話去問左先，茴香味很濃郁，但如果怕食香料味既朋友就要考慮下啦！ 麻醬拌麵（熱食）　－　花生味很重，麻醬平均掛在每條麵上，加上伴有清爽青瓜絲，又熱又凍，幾特別。 麻辣口水雞　－　麻辣味聞落就好強，食落唔會太辣，而且麻既口感剛剛好，唔會麻到食唔到其他野，雞肉本身好滑好嫩，絕不柴。 …查看更多

開枱+宵夜=芝麻湯圓 每次到友人家作客，必食既糖水就係芝麻湯圓。 芝麻湯圓本身夠大粒，外皮煙韌又不會太厚粉，湯圓非常飽滿，咬一口內在芝麻餡料不斷湧出來，料多夠實在，而且芝麻先炒過後再磨，芝麻變得更加香，加上芝麻沒有磨得太碎，還可以食得到沙沙的芝麻。 除芝麻湯圓出色之外，請都不要忽視其他產品，合桃露和芝麻糊都煮得非常之杰身，味道極濃郁，又香又滑，而且甜度又剛剛好，連本身不愛食芝麻糊既友人都已經愛上了。紫糯米加左小小淡奶提升整個紫糯米既香味，食完都唔會覺太膩。另外，喳咋絕對值得一試，雜豆煮得唔會太淋，口感仍保持得好好。…查看更多

約左一大班友人試土耳其菜，環境不錯，充滿異國風情，熱情既老闆同我地傾左幾句，伙記們都好Nice，笑容滿面。點完菜後，老闆送上自家制既「土耳其軟糖」，這是免費送我地既。你知道成班女仔見到五顏六色既軟糖都會好興奮已經即刻要試食，味道不錯，不會太甜，應該有調教過適合香港人口味。頭盤1: 「土耳其式羊芝士沙律」羊芝士口感比一般芝士硬小小，味道冇預期既羊騷味，冇乜奶香味。此外，佢既沙律醬汁極度酸，應該落左大量檸檬吧，所以食左好開胃。頭盤2:「茄子乳酪配阿拉伯式薄麵包」基本上你食唔到任何茄子味，乳酪味就好重，再加上阿拉伯式薄麵包，薄麵包鬆軟到不得了，微微烤過既薄麵包，麵粉味好香，加埋茄子乳酪一齊食，簡直不可不試。主菜1: 「土耳其蕃茄羊肉薄批」 由於本人唔食羊，以下羊既食評來自朋友口中，蕃茄味同羊肉好夾，而且個批又薄又脆，好味。主菜2: 「雅達娜烤辣羊肉卷配薯條」 羊肉卷唔算好辣，唔食得辣既朋友都接受到，羊肉好厚，好多汁，1D都唔乾柴。包住羊肉塊卷都好薄好有麵包香，薯條切得厚厚的，熱辣辣好好味。主菜3:「伊茲密爾烤羊粒配飯及雜菜」反而這碟羊肉粒比較老，食落冇乜汁又乾又硬，應該煮得過熟關係。主菜4: 忘記了是什麼....應該都係牛肉....冇乜印象主菜5:「土耳其雞粒配飯及雜菜」雞肉好乾好硬又冇雞味主菜6:「土耳其特色雞肉意粉」食完上一碟雞粒飯都估到唔Lee碟既雞都唔會好得去邊....:( 先黎一杯熱既「土耳其蘋果茶」，蘋果味幾清新，不過就有d甜，我要加半杯熱水沖淡先飲得到。終於到左食甜品時間，期待已久既「土耳其特色米飯布甸」 果然冇令我失望，老闆仲送多一客比我地，米粒好有口感，粒粒都佔滿奶味同飯香味，再加埋食你唔死但會肥死你既Cream同埋焦糖汁，成晚最好食既一樣野！:) 「土耳其果仁派」果仁派比較土耳其特色，特別甜，甜到漏，但果仁味好濃，舊雪糕都好好味。「土耳其朱古力」老闆好好人，埋完單仲送左2杯朱古力比我地。樓上CAFE黎講，佢既食物算不錯，不過還有進步既空間。…查看更多

辛口芝士叉燒通粉 - 芝士味好濃，都算幾辣，通粉唔會煮得過熟，岩岩好，有口感夠彈牙。叉燒唔好食，但唔難食。火腿炒蛋 - 真係好一般，普遍茶餐廳炒蛋都會好食過佢。蛋炒得太熟，又唔夠熱，冇乜蛋香味。牛油多士 - 簡直係難食，又硬又乾，都冇牛油香味，放得太耐。磨菇叉燒炒蛋飯 - 普遍，蛋汁再多一Ｄ同黎撈飯更正。…查看更多

店舖有D似某大型快餐店感覺，先去櫃枱付錢，再搵位坐低，店員就會在出餐位置大叫收據單上的號碼，你再舉手或大叫回應店員，之後店員就會拎碗麵比你。講真，我寧願自己去出餐位拎餐，好過在餐廳內不斷聽到有人在叫喚單號，這行為是極度騷擾客人用餐。一個$37套餐C: 麵底+自由任選8款食品(中辣) + 可樂$8麵底: 「四川薯粉」 浸水浸得太耐，麵身太腍，薯粉應有既煙韌口感一Ｄ都冇，筷子一夾就散開，唔使講，大家已經知道唔會好食得去邊。8款食品: 「油麥菜、鮮魚菇、鮮腐竹、午餐肉、響鈴卷(未浸落湯已經係腍，請問舊響鈴放左幾耐？)、羅卜(煮唔熟勁硬又冇味，連羅卜應有的羅卜甜味都冇….)、美國肥牛(除左雪櫃味，你係唔會食得出有牛味或是肉味….」湯底: 除左表面上小量辣椒粉既麻辣味之外，其餘什麼味都冇，真係連咸味都冇，淡而無味。總括來說，打邊爐除左食物新鮮，湯底都係好重要，用清水白烚完Ｄ食物，就好似用番個Ｄ水做湯底….你叫人點食呀，我唔係要黎食減肥餐囉！   …查看更多

好耐冇食辣，突然想刺激下味雷，3條友仔最後清晒7碟餸，勁！$280一位，我地3人個，可以選擇涼菜2款，熱菜4樣 + 蒜香炒油麥菜(碟菜係送㗎)「酸辣青瓜」 不會太辣，而且青瓜清脆爽甜，非常開胃，如果再麻辣番小小就更好味。「重慶口水雞」 買相雖然冇其他店舖擺得咁靚，但有時有Ｄ野，真係唔可以睇表面，佢雞肉肉質非常嫩滑，佢層雞油加辣油非常香，食落都唔覺得油，食完唔會太麻辣，仲可以食其他餸菜。「川式椒鹽蝦」　自稱懶人蝦，愛蝦人士必食Item，蝦size唔會太大，成隻可以放入口，炸得非常香脆，椒鹽唔會過重蓋過蝦鮮味，而蝦肉好彈牙絕對係新鮮蝦。「泡椒鱔片」　西芹炒得好腍，鱔片爽滑又冇骨，不過就咸左d，餸飯就岩岩好。「肉末土豆絲」　不過不失，味道不錯，但土豆可以再爽口ｄ就更加好。「水煮魚」　又一必食Item，切得大大件又厚身既魚肉嫩滑無骨，魚肉新鮮無比，撈一撈鍋底，通透煙韌既紅薯粉及大量芽菜都是必食配菜。:)「蒜香炒油麥菜」　食到差唔多時，四姐拎左碟菜送比我地，雖然已經好飽，但最後都清晒。泡椒鱔片  …查看更多

三五知己傾計吹水，當然要搵一間既安靜又坐得舒適，而且食物也不錯的既Coffe Shop啦！Menu上食物款式唔算多，由於朋友唔食牛既關係，可以簡既食物就更小啦。玫瑰奶茶（左上）失望，一個字淡，冇乜奶茶味，總之就不是我朋友杯茶。熱朱古力（右上）拉花拉得好靚，令人唔捨得飲，不過朱古力味不算太濃，可能被奶味蓋過左，可以的話朱古力味再濃小小就更加好。玫瑰鮮奶咖啡（左下）這杯咖啡係鎮店之寶，招牌飲品其中之一，奶泡打得很綿密很滑，飲落很順口，清新既玖瑰花香加奶香，令人一口接一口飲下去。另外隨咖啡附送一舊三角形朱古力合桃蛋糕，口感比較實，朱古力味不出，不過一口蛋糕一口咖啡甜度剛好，不會過甜。但係相比之下另一間名牌袋既咖啡店內玖瑰鮮奶咖啡，這間既玖瑰味就冇咁突出，還有進步空間。「厚切薯條」切得厚厚的薯條非常吸引，熱辣辣的，聞到濃濃的薯仔味， 配埋自制醬汁，蛋黃醬加入某種香草，簡直就食唔停口，更是吹水必點食物之一，如果有杯啤酒仲正！「香烤雞翼」表皮烤得好香脆而且仲有小小焦黑感覺，肉汁完全被鎖實，非常Juicy，但重點雞翼醃得唔夠入味，除左多肉汁，味道欠奉。「香烤白菌素菇薄餅」 薄餅皮烤得有小小脆，餡料除左唔同既菇還有好濃既芝士，另外有三種各有風味既醬，包括綠色的牛油果醬既清新又有夏日感，白色是沙律醬，同埋本人最喜歡既紅色蕃茄醬帶微辣。「香焗素菜千層麵」 素菜芝士配蕃茄醬，新鮮既蕃茄蓉配濃郁芝士，酸酸的相當美味。表面灑上香草點綴成碟菜，麵條Size不會太大，做得非常薄，份量剛剛好，唔會太膩。「松子南瓜意大利飯」 由於即叫即煮既關係，所以這道菜等左接近30分鐘，基本上大家都已經食得好飽。一上枱，就被濃濃的南瓜香味吸引住，南瓜條好新鮮，炸得好鮮甜唔會太乾，外脆內腍。Risotto方面，飯加上南瓜粒去一齊煮，飯唔煮得過熟，好有口感。另外松子有些微炒過，令松子味更加香。…查看更多

由山頂一直黎到這裡，行到腳都震呀～不過這裡簡直就係我地既天堂。門口有隻好乖好肥既貓貓，任人摸唔嬲。店舖不大，裝修幾靚，感覺好舒服，而且員工又好親切好有禮貌。「Ice green tea latte」（左）即使加左冰，綠茶味仍然好濃好奶。「Yakult Lemon 益力多加檸檬」（右）酸酸甜甜，勁開胃，又解暑，可以自己試下整。「脆辣雞三文治」 厚厚既蜜糖麵包咬落好鬆軟，蜜糖味超重，麵包夾住件熱辣辣既雞肉好嫩滑，炸得好香口，肉汁超多，並不乾柴，放耐左食都仲係爽脆多汁。最特別介紹係佢既芥末醬汁，味道調教得好夾，中間再夾有沙律菜同埋蕃茄，酸酸甜甜好岩夏天食。另外，有沙律菜作伴碟，生菜切絲咬落清爽鮮甜加埋伴汁一齊食，酸酸甜甜，成碟菜都好開胃。「French Toast」用1塊蜜糖麵包去炸，好濃蛋漿味，佢特別唔係加糖漿食，而係加Cream，Cream底下有一D生果粒（水蜜桃同梨），食得多都唔覺好膩，麵包炸左仍然好鬆化，好味。「Banana Chocolate」香蕉好新鮮，加埋麵包一齊食，仲有朱古力醬簡值係完美配搭。「Honey ice cream」見到個樣都知佢吸引啦!!!麵包好食就一定啦，蜜糖雪糕都好好味，超級濃蜜糖味，唔會太甜，完全透心涼。佢既麵包真係全港最好食，下次要買一條番屋企慢慢嘆。…查看更多

假期一早起身，先食個開心早餐，食飽飽先有力氣去行山。 環境不錯，好有去左外國感覺，仲重要原來間餐廳24小時營業，下次想幾時食All day Breakfast都得。The Full English - 包左一杯唔係鮮榨的果汁，杯果汁好難飲，怪怪地味。除此之外，2塊煙肉應該放左好耐，因為好乾同好硬。另外，炒蛋炒得過熟，冇乜蛋味，又唔夠滑。值得一讚就係2條腸仔，好好味，牛角包好鬆軟，其他都還不錯。…查看更多

「石頭鍋飯」撈前，全晚算係可以勉強食得落口既一樣野。「辣醬炒年糕」- 點解可以咁難食，年糕冇年糕口感，一Ｄ都唔煙韌，又唔辣又勁咸。「泡菜煎餅」- 睇個樣都知咩料，食落冇泡菜味就算，佢仲要軟PATPAT，只可以話水同粉既分量有問題，先會讓成這失敗之作。「韓式炒粉絲」- 粉絲浸太耐過軟，冇口感，就好似食公仔麵時煮太耐既無奈感覺。唯一可讚既係，佢Ｄ料足夠，可惜食左一啖，冇再挾第二下。「泡菜炒豬肉」-　味精過重，LEE碟野咸到每人可以食2碗白飯都未食得完LEE碟野。完全食唔出辣味，食唔出豬肉味，食完真係驚有腎病。…查看更多