幾滋味的個人專頁

老死DORA仔生日，咪同佢去慶生law，上open rice及及有乜好介紹，不過又要唸價錢又要唸住班食肉獸怪，煩到……最後又係決定食放題見到蒲鍋有d食評真係幾驚嚇，有d想縮 不過我之前試過食物同價錢都ok既，壽星女又未去過，見8個人又有自製生日蛋糕送，咪再去多次玩下好彩我地無遇到有d人客既驚嚇遭遇，d食物仲樣樣都好新鮮，剩係d蝦衰過以前，無咁多膏！！！我至鍾意食蝦嫁嗎！想點先？DORA仔就好開心，她從未食過咁樣形式的放題 食物完全無醃過，至緊要唔使落油，自家調味，我地一班人狂玩，倒晒d食物落爐燒，d野食好好味，簡簡單單任叫任食，真係幾爽 DORA好鍾意食多春魚，不過d春熟後四圍彈，DORA中左頭獎，大叫，笑死我地……朋友一致通過d牛肉好得，任食真係抵，其他食物不算貴價，不過選擇都算多同新鮮，KO快到無倫尾聲個bdcake上，靚到，因我去過幾次佢地認得我，特登同我個cake整靚仔d，好感動呀！！！DORA開心到見牙唔見眼，乜都抵番lu8個人，有刺身海膽壽司送，再加免費生日蛋糕，7款汽水任飲，asahi啤酒任飲，每人148加一，個個食到捧住個肚走，真係好抵，讚！lee間店幾老實，一定再去:)…查看更多

人客讚我個team人good job，大家過關，開心之餘咪同幾個同事出來慶祝一下上一次我們去盛x，好味是好味了，不過太貴lu，一碟肉最平都成$70 $80左右，每人分一件到，好喇利，無法盡興 最後都係去番蒲鍋食放題把啦…我以前去食過，D肉素幾得，好新鮮！大班人食都係食放題好，唔駛計住計住….今次我地人多有一個免費，又有刺身海膽送，仲多左一盤壽司拼盤，感覺真的很著數！以價論貨，真係好得！尤其安格斯牛粒非常好味，侍應教我厚的放中間燒，燒出來效果好好，我只加了少少，超掂！霜降牛肉他們說即是貴價酒店buffet的和牛，效果亦好，隔離食火鍋，不停聽到他們說d火鍋野食很正，我下次都試下火鍋先得，不過最好笑他們成日望過來，仲話下一次要試燒肉放題喎個三色醬料不要也吧，鬼咁難食難為我個fd仲同佢成碗日式燒汁，得個甜字，我介左甜野，覺得salt或black pepper已ok，d日本燒鳥都係咁ka wo雞柳: 好味，鱔片新鮮，D蝦最正，是海蝦，好新鮮，最衰無晒魷魚鬚，too bad….茄子: 燒極都攪佢唔掂，濃晒牛舌: 厚薄剛好，夠牛味 金沙骨: 燒極唔熟，最後掉埋豬腩片：非常好，我不喜歡趣口，略燒吃加少少excellent整體都好，好在任食任飲汽水，食物素又ok高，唔駛就住就住叫，一定有下次！…查看更多

近來愛上了寫食評，看到自已文筆很差的食評，居然好像食家寫的一樣被登，感激之餘真的很高興！昨天行過黃埔，去了鍾記食車仔麵，不算人山人海，點了麵餐，凍飲，加碟油菜，$52，價錢在這位置我認為合理，但亦不算便宜。豬皮不夠味，口感OK豬腸，油菜好吃:)湯底太淡了，不過味精很少，加了辣汁好味多了:)個人認為旺角的「極之好」車仔麵款式較多，亦更入味。鍾記的不過不失吧。…查看更多

我已N次去EXP食晚飯，星期日倒是第一次。一如所料：人山人海，但實牙實齒排隊排左成個鐘，真係下回免了。幸運地安排近溜冰場的位置，真的很舒暢，那種空間開洋感，好聖誕feel:)我們點了忌廉汁蝦意粉，一如以往：好味雜菌炒豆腐麵，無味西柚鮮蝦蕎麥麵，清甜:)多多海鮮蛋白炒飯:)海鮮檬粉紙米卷，我最喜歡的組合，也便宜其他沙爹，差，炸雞翼太乾蝦餅OK最後Order Homemade cheese cake及三色焦糖布丁，夠凍，很好味EXP碟頭大，價錢平，食品水準維持到，景靚，真的是我心水選擇。埋單約$480，非常合理…查看更多

看廣告選定這間蒲鍋燒肉店慶祝生日，一行8人，浩浩蕩蕩入場，黑黑的。我們2天前預定了一個生日蛋糕，免費的，想像一定是一般貨色吧！誰不知真的很驚喜，是Blueberry Cheese Cake，大大個！非常好味，酒店級的貨色，竟然免費？真的很開心，覺得這間店用心用誠意，很感動！:):)他們不限數量點食，汽水任飲，(我們飲了2打半，佢地仲有禮的問我們要不要，未遇過咁好的服務)試過去其他燒肉店，限你點幾樣食物，每只得2罐汽水，不清不可再Order食物，這間蒲鍋就明顯大方得多，這才是我心目中的任食放題店吧不過上食物全部無醃過，有些怪，(因其他的燒肉店多數有汁醃製)，他們的經理Tony說這種食物的素才好，也是對的，我去韓國或日本旅行時，的確貴的肉是不醃。第一round：牛肉，安格斯牛粒，澳洲羊架，豚五花腩(燒後肥肥的，超野味)及其他腸類，中蝦及帆立貝，秋刀魚:)一共吃了4 round，飽到極限！侍應服務佳，動作很快，經理Tony招呼好得根本不似吃任食放題！鴨舌很好口感，南瓜清甜。鱔片我個人4 round都點，燒後鮮鮮的，加小小Salt及黑椒，居然是最好味的，不醃反而很正，看來我的食味要改改。霜降牛肉，頂級安格斯牛粒任食，我是極力推介，素非常高，比美高級燒肉店的貨色！芝士腸，獅子狗不太好吃，白果都有幾多苦的魷魚鬚，雞柳無雪味，燒後我點燒汁，甜甜的，很可口最後吃我們的Cheese Cake，Perfect !!:)總括來說，食物質素整體真的不錯，任食燒肉放題來說個人認為超班！相信我們聖誕一定要再去，到時或許點他們的磯煮鮑試下。$158一位加一，我們8個人，有一位免費 (好似6送一優惠，唔知聖誕仲有無此優惠?)服務，食物，這價錢非常超值！…查看更多

成半年無去鹿鳴春，今個中秋一家人再去呢間菜館，不過可能人多，水準好像下降了。我地訂個 $2880套餐，宮保蝦仁改清炒蝦仁，大拼盤不過不失賽螃蟹非常好吃雞鮑翅比以前更清更好味填鴨保持水準:)蜜汁火腿，炒蝦仁普通扒雙蔬差到死人，一pat pat，睇見唔想食鐵板鰣魚，D汁酸酸地，凍比熱好味好多:)加個燒羊扒，OK淋，單尾拔絲蘋果加大，好掂！埋單約$3600，老店本色，衰極有限不過整體真係差過以前！我有嚴重味精敏感，食完面無痛就知味精不多:)一提：個服務員小姐非常盡責有禮，值得一讚！…查看更多