mjshmak1123的個人專頁

午市時間等4位，等左40分鐘係咁入2位，排係後面果啲都食完出返黎。我都係等4位姐，又唔係10個，店員安排曬入2位，咁我地唔洗食啦。將問題向店員反映後，佢話因為等4位係要入曬2位先，大佬，邊有食肆咁安排架！本身我都係呢間舖頭fans，以後唔洗食佢喇，靜係顧住點做最多生意，連安排坐位咁少事都處理得咁唔合理。…查看更多

明明寫12點開，過去兩次，第一次話當日轉左一點先開，好！過一排，咁第二次我點半鐘嚟，佢又話當日轉咗4:00先開！營業時間無定時，經常話改做改，唔值得再嚟OK, 咁唔想開晏晝咪唔好開囉Blacklist!…查看更多

明白雞扒預製一早煎好咗係慣常做法，但上碟前整返熱係咪好難，食物凍既味道難食，成碟飯上枱少少煙都冇，好似擺咗10分鐘先拎俾你食咁。另外舖頭位置又收唔到上網，點用QR Code點餐？…查看更多

我地一行6人晚市限時90分鐘放題$298+1 都成$330明明6個人比得一個爐，比兩個爐都唔過份丫，仲要個爐細到放4-5塊細肉就冇位，唔好咁孤寒啦好心。一入座就放低碟豬牛雞，好果方面就即刻有得燒、咩都試下，但就好似逼你食啲唔想食既野，質飽你咁。第一round都ok既，食物質素都可以，但重點黎喇！！1，第2 round再嗌多幾碟，店員就話唔得，一定要食曬之前叫果啲先，大佬呀，放題都唔比人任嗌，又唔係離晒譜一次叫十碟廿碟，都係嗌多幾碟姐，我地又6個人，唔通一餐飯叫十轉廿轉？2，按人頭比肉，即係話一人每叫一次，都係得一片肉！！你話驚我地浪費/鋪頭想控制成本，ok!算！但我連叫每人2粒棉花糖都要人頭計？靜係可以一人一粒？咁大間放題仲要開係朗豪坊，連粒棉花糖都同客人計。員工態度又唔友善，阻撓客人點餐，用餐體驗極差。3，漏單嚴重，為左唔比你係咁嗌，已經冇得用qr code落單，咁多枱客要經店員人手落單，仲要係放題！可想而知落單效率有幾差，多次漏單都算，又話食物計人頭比？6個人比得4粒棉花糖，又要等我地食曬先可以再比……食完真係飽呀，但唔係食野食飽，係成肚氣呀！最後，呢間食物唔差，唔想浪費食物原意都係好，但真係做得太肉酸！1，爐細、人多又唔會多個爐2，第一round比啲你唔想食既野質飽你先3，第二round食物按人頭計4，之後再叫要你食曬之前叫果啲先5，漏單嚴重，店員態度亦不友善做放題做到咁寒酸，已經限時又唔比人叫野食，野食再好食都冇用啦（何況只係正常水準），放題都唔比人食！總之呢間野極差，食到一肚氣，完全唔建議返轉頭食，未試過更唔好入去。…查看更多

呢間小弟早兩年係坑口分店食過，將軍澳新開時都食過，印象中喇沙係幾好味，所以價錢唔平今日都諗住再試下。分別叫左炭燒豬扒喇沙飲泰式奶茶（$78+$2）肉骨茶湯麵（$68），點知一黎個湯已經出事，死死實實既啡色，完全冇正常喇沙湯既顏色，飲落又冇椰奶喇沙味，都唔知咩湯黎，第二，果幾舊豆poke勁大陣油益味，成舊吐返出黎，最後果塊都唔係炭燒豬扒黎，係油浸豬扒！碟底全部都係油。不過個肉骨茶同泰式奶茶味道係正常嘅。簡單講，個喇沙真係退步左好多，呢家直頭係唔好食，不過都多人幫襯，可能其他菜色都正正常常。…查看更多

一行3人叫左lunch set二人餐（$328）揀左220克石燒牛肩肉連沙津薯條 （+$20）& 火腿波羅pizza，仲有兩款前菜同野飲。前菜同野飲正常野，都係湯呀，蟹子多士果啲。到主菜，本身都驚唔夠食，但個牛肩肉好大份，完全唔止220克，上菜時好生，岩曬小弟，食落好夠肉味，就算燒熟啲食亦唔會好韌👍🏻，薯條有薯皮好有薯味，沙津就正常。靜係食完果個都飽飽地，好彩冇眼闊肚窄叫多個意粉，有機會再試。而pizza亦好味，味道正常。總恬而言，全餐有前菜，有兩樣主食，仲有野飲都係$38x，好抵食，起碼石燒牛肩肉好食過將軍澳中心間石燒牛先啦，有肉味得多又唔會韌。Sorry冇影到相，因為冇諗過咁高質。…查看更多

小弟叫左燒西冷don 以及200克肉眼，先講肉眼，成份牛有三分一都係肥膏/根，因為根據重量計算價錢本身已經幾貴，仲要有三分一唔食得，好唔抵食。之後西冷don既西冷，味道唔知點解整到好似日式拉麵入面既叉燒，雖然我都中意食叉燒，但同期望有落差。最後定價真心進取，雖然明白通脹百物騰貴，但呢間加價加幅幾大。對比早一兩個月同一個餐既價錢200克肉眼$112 ->$143套餐 $27 ->$30燒西冷don $75 ->$80睇落加幾蚊，其實都成10幾%雖然價錢唔岩可以唔幫襯，但價錢進取加埋舊大舊肥膏，其性價比低呢間唔會係首選，唔值得返轉頭幫襯。…查看更多

收銀果個黑髮呀姨態度差到冇人有，黑面又串，諗住上黎寫佢，廢事其他人中伏，點知原來已經好多人都受過佢氣！串到好似唔憂做咁，野又唔係好食，比錢你仲要受你氣，建議大家食第間好過。事源有日買外賣，同佢講油雞飯，佢已經西面叫我講多次，ok我戴口罩講唔清楚，再大聲啲同佢講多次，又話咩雞話，第三次已經指埋比佢睇係油雞呀，佢又係唔理我，最後大大聲講左第四次，佢話「咩雞呀，油雞同白切雞唔好架！」佢副嘴臉差到呢⋯⋯講真，燒味飯周街都有，你又唔係出名又唔係平，諗唔到任何理由食佢。…查看更多

食物已經款式不多，點餐時更經常有6-7款菜式沒有供應。食物質素亦沒有驚喜。另外用QR code落單，但偏偏鋪點位置角路，有機會load得好慢，亦沒有wifi提供，更有次錯單。…查看更多